Réttur - 01.04.1975, Page 31

Fiskimenn að störfum á Tanganikuvatni. Það er einmitt á sviði fiskveiða sem íslendingar geta aðstoðað
þróunarlöndin.
Heimsvalda-
stefnan og þróunin í þriðja
heiminum
Bilið milli ríkra þjóða og snauðra breikkar frá ári til árs. Þrátt fyrir alla þróunaraðstoð
og erlenda fjárfestingu í þriðja heiminum eykst neyð alþýðunnar stöðugt. Reynt er
að skýra þetta neyðarástand á þann hátt að telja fólki trú um að náttúruhamfarir
og fólksfjölgun eigi fyrst og fremst sökina á þessu. Því beri okkur að veita þessum
þriðja heimi sem mesta þróunaraðstoð og þjóðum hans nægan tíma til að aðlaga sig
að nútíma samfélagsháttum, þá komi allt til með að blessast i þróunarlöndunum.
Að sjálfsögðu hafa þurrkarnir í Vestur-
Afríku og flóðin í Bangladesh áhrif og valda
hungursneyð hjá miljónum manna sem fyrir
þessum náttúruhamförum verða. En náttúru-
hamfarir eða offjölgun er ekki aðalorsök þess
að alþýða þriðja heimsins býr við skort og
neyð. Það eru hin efnahagslegu og pólitísku
valdahlutföll í þessum ríkjum, og milli þeirra
111