Réttur - 01.04.1988, Blaðsíða 17

hljóta að hefjast líka innan skamms.
6. Skammt er í land að samningar tak-
ist um að banna efnavopn.
7. Andstaða er við það að fjalla um af-
vopnun og vígbúnaðareftirlit í
höfunum en grcinilegt er af umræð-
um á allsherjarþinginu að þær við-
ræður munu einnig hefjast innan
ekki langs tíma.
8. Loks er augijóst að eigi að takast að
semja um víðtæka afvopnun mun
hlutverk Sameinuðu þjóðanna
styrkjast frá því sem nú er því eftir-
lit verður að vera á vegum þess aðila
sem flestir treysta eða eigum við
kannski að segja á vegum þess aðila
sem fæstir vantreysta.
Þingið gerði enga formlega samþykkt
en af þessari upptalningu má vera Ijóst að
það er þungur straumurinn með afvopn-
un og friði, þyngri en nokkru sinni fyrr á
eftirstríðs árunmn.
Horfír þannig við íslendingum
Þessi heimsmynd horfir nú þannig við
Islendingum:
1. ísland getur orðið hluti af kjarn-
orkuvopnalausu svæði á Norður-
lönduin. Þar með höfuin við aðgang
að norrænni eftirlitsstofnun sem á
að fylgjast með afvopnun og á einnig
að hafa forsendur til þcss að tryggja
að ekki verði um endurvígvæðingu
að ræða.
2. Bandaríski herinn mun fara héðan,
ef ekki fyrir okkar tilverknað þá fyr-
ir ákvarðanir Bandaríkjastjórnar.
Dukakis sem gæti orðið næsti forseti
Bandaríkjanna hefur lýst því yfir að
draga verði úr kostnaði við her-
stöðvar Bandaríkjanna erlendis.
Utanríkisráðherra Bandaríkjanna
hefur hótað lokun tveggja stærstu
herstöðva Bandaríkjanna erlendis
— af kostnaðarástæðum. Það bend-
ir því allt til þess að bandarískir
skattgreiðendur gangi í lið með okk-
ur herstöðvaandstæðingum á Is-
landi.
3. Hernaðarbandalögin í núverandi
mynd verða lögð niður. í staðinn
tekur við víðtækt alþjóðlegt öryggis-
kerfi sem íslendingar verða aðilar
að.
Niðurstaðan verður því sú að heims-
mynd Morgunblaðsins hrynur en upp rís
nýr heimur afvopnunnar og friðar.
Getur eitthvað breytt þessu?
Vissulega. Ef endurbótaviðleitni Gor-
batsjofs mistekst, ef vígbúnaðaröflin ná
undirtökum í Bandaríkjunum á ný og ef
íhaldsflokkarnir halda áfram valdataum-
unum í Vestur-Evrópu er þessi heims-
mynd sem ég hef hér dregið upp vissulega
í hættu. En þó slíkt gerðist tímabundið er
enn von fyrir stafni. Það gerir fólkið sem
af mörgum ástæðum neitar að taka þátt í
því að mála heimsmynd dauðans og tor-
tímingarinnar upp fyrir börnum sínum og
barnabörnum.
(Að mestu samhljóða erindi á stjórn-
arfundi Æskulýðsfylkingarinnar 10. jú 1 í
sl.).
65