Réttur - 01.04.1988, Blaðsíða 48

NEISTAR
Viðvörun — forn og ný til
valdstjórnenda
„Talar Jesús um myrkra makt:
merkið það, valdstjórnendur.
Yður skal nú I eyra sagt:
umdæmið heims tæpt stendur.
Ljósið myrkrin burt leiðir frí,
með Ijóma birtu sinnar,
varast að skýla skálkinn því,
í skugga maktar þinnar.
Minnstu, að myrkra maktin þver,
þá myrkur dauðans skalt kanna,
í ystu myrkrum enginn sér
aðgreining höfðingjanna.
Myrkri léttara er maktin þín,
minnst þess fyrir þinn dauða,
þá drottins hátignar dýrðin skín
hún dæmir eins ríka og snauða.
Fyrst makt heims er við
myrkur líkt,
mín sál, halt þig i stilli,
varastu þig að reiða ríkt
á ríkismannanna hylli.“
Hallgrímur Pétursson:
Passíusálmar 8, 18-22.
Undirrót allra lasta
ágimdin kölluð er,
frórnleika frá sér kasta,
fjárplógsmenn ágjarnir,
sem freklega elska féð,
auði með akri safna
andlegri blessun hafna,
en setja sál í veö.
Hallgrimur Pétursson:
Passíusátmar
Draumsýn stóriðjuhöldanna
„Nei, það er svo stopult hvað þeim sýnist frítt.
Nú þykir þeim sælast að dreyma,
að þú værir asni, sem uppí er hnýtt
og íslenskar þrælshendur teyma.
Og þeir eru farnir að leita sér lags;
og líkast þú kröftunum eyðir
hjá hverjum sem ok er og tjara til taks
og tafarminst þrælsverðið greiðir.
Þeir halda’ ekki oss vinnist þá veglægri jörð
með vitrari mönnum og sælum;
nei, voldugir húsbændur, hundar á vörð
og hópur af mörkuöum þrælum.
En fái þeir selt þig og sett þig við kvörn,
þá sést hverju er búið að týna,
og hvar okkar misþyrmd og máttvana börn
fá molað í hlekkina sína."
Þorsteinn Erlingsson: Úr „ Við fossinn".
•
Uppreisnardraumar alþýðu
Það voru þau fjarlægu framtiðar lönd,
sem faðminn við kappanum breiddu,
er klerkarnir Helvíti hótuðu hans önd
og harðstjórans skósveinar ráku’ hann í bönd
og auman að logunum leiddu.
Þorsteinn Erlingsson: i „Brautinni".
Geta rætst
En bót er oss heitið, ef bilar ei dáð,
af beisku hið sæta má spretta,
af skaða vér nemum hin nýtustu ráð,
oss neyðin skal kenna hið rétta,
og jafnvel úr hlekkjunum sjóða má sverð
í sannleiks og frelsisins þjónustugerð.
Steingrímur Thorsteinsson: i „ Vorhvöt".
96