Réttur - 01.01.1989, Side 2

herjarvígbúnaðar-kapphlaups. Og vér íslendingar eigum að vita hvað til okk-
ar friðar heyrir. Vér eigum ekki að fórna þjóð vorri fyrir valda-draumóra
bandarísks hergróðalýðs.
Island var um skeið, er þjóð vor réð sér sjálf „farsældarfrón og hagsældar
hrímhvíta móðir“. Andleg reisn gegn fátækt og erlendri kúgun, gegn kreppu
og auðvalds ásælni, — reisn, er skóp hér lýðveldi og stóra landhelgi, — gaf
þjóð vorri heillrar aldar háreistan skáldskap og list, fegurstu og æðstu menn-
ingu, sem ísland hefur eignast.
En nú er hið erlenda innrásarvald, sem ekkert tignar nema peningana, að
reyna að lítillækka þjóð vora, gera land vort þrælskuldugt. Draumur innrásar-
hersins og auðdrottna hans er að gera ísland að víghreiðri sínu, þótt því fylgi
eyðing lands og niðurlæging þjóðar. Vér stöndum í þeirri baráttu í dag að
hindra þetta, baráttu upp á líf og dauða, til að forða þjóð vorri frá tortímingu
sem bandarísks fórnarlambs.
íslendingar!
Látum ekki blekkjast af hinum bandaríska fagurgala. Vér heimtum að
fá að lifa í friði sem sjálfstæð þjóð. Vér heimtum að fá frjálsir að njóta
auðlinda lands vors. Enn eigum við fisk í sjónum, hreint vatn í lindum
vorum, hverskonar fleiri gæði, sem sumar stórþjóðir þegar hafa glatað.
Vér viljum fá að varðveita okkar hreina loft, — vér neitum því að láta inn-
rásarauðvald eitra vatnið, loftið, sjóinn.
íslendingur!
Spurningin, sem lögð er fyrir þig í dag er: Ætlar þú að gera land vort
frjálst og varðveita öll þess gæði, — eða ætlar þú að kasta þessu öllu,
frelsi voru og lífi, í ruslakistu eyðingar og auðvalds í Mammons nafni.
Þjóö vor hefur ásakaö Gissur Þorvaldsson og fleiri „höföingja" fyrir aö hafa
svikið þjóöina og ofurselt hana erlendu valdi, sem drottnaði yfir henni í 600 ár
og hafði nær drepið hana.
Ef þú fetar í fótspor hans og beygir þig fyrir þeim höfðingjum, sem lúta er-
lendum drottnum, — þá þýðir það nú dauða þjóðar vorrar. Drápstækin sem
drottnar lands vors nú búa yfir drepa þjóðina, hlífa engum. Við skulum
ekki gera okkur neinar tálvonir.
Ábyrgðin á lífi þjóðar vorrar hvílir á núlifandi kynslóð.
E.O.