Réttur - 01.01.1989, Blaðsíða 41

Engels og Lenins til minningar um son
sinn Ólaf R. Einarsson sagnfræöing en
hann var einmitt áhugasamur um viðgang
safnsins og átti drjúgan þátt í undirbún-
ingi og uppsetningu tveggja fyrstu sögu-
sýninganna sem safnið hélt. Eitt af fyrstu
verkefnum MFA var einmitt útgáfa bókar
Ólafs Upphaf íslenskrar verkalýðshreyf-
ingar sem gefin var út í samvinnu við
Sögufélagið.
Sögusafn verkalýðshreyfingarinnar býr
því miður við þröngan fjárhag. MFA og
ASÍ standa straum af kostnaði við safnið
að svo miklu leyti sem opinbert framlag
ekki dugir. Framlag þess opinbera jókst
þó að mun á þessu ári, frá því sem áður
var, eða úr 200 þús. krónum í 750
þúsund. Um tíma hafði safnið fastan
starfsmann, Kristjönu Kristinsdóttur
sagnfræðing. Hún lagði grunn að skipu-
lagi safnsins og hefur flokkað og skráð
stóran hluta þess. Stefnt er að því að ráða
á ný fastan mann við safnið og halda
áfram flokkun og skráningu jafnhliða
öðrum verkefnum og aðstoð við gesti.
Stærsta verkefnið sem framundan er og
unnið er í nafni safnsins er ritun sögu
ASI. Stefán F. Hjartarson sagnfræðingur
hefur verið ráðinn til að ritstýra verkinu
sem mun koma út í tveimur bindum. Hið
fyrra á 75 ára afmæli ASÍ 1991. Ritnefnd
hefur verið skipuð af ASÍ og MFA. For-
maður ritnefndarinnar er Helgi Skúli
Kjartansson sagnfræðingur.
Rétt er að vekja athygli á því að Sögu-
safnið tekur við gögnum frá einstakling-
um og félögum sem varða sögu verkalýðs-
hreyfingarinnar eða endurspegla lífskjör
alþýöu á liðnum árum. Á heimilum fólks
geta verið slík gögn sem það hefur ekki
gagn af en vill gjarnan koma á öruggan
stað. í einstaka tilviki vill fólk ekki að
frjáls aðgangur sé að gögnunum, t.d. um
Tryggvi Þór Aóalsteinsson.
ákveðin ár. Pá setur það skilyrði fyrir af-
hendingunni og ábyrgist safnið að því sé
hlýtt. Safnið tekur við gögnum til eignar
eða varðveislu eftir því sem sá ákveður
sem gögnin afhendir. Þetta á meðal ann-
ars við um fundargerðarbækur, fjárhags-
gögn, bréf og handrit.
41