Réttur - 01.01.1989, Blaðsíða 16

sem ákveðnar hafa verið á undanförnum
árum af fyrrverandi menntamálaráðherr-
um og gera tillögur um að bæta þá skerð-
ingu á námslánum, sem námsmenn hafa
orðið að sæta á undanförnum árum og
kanna, hvort rétt væri að breyta núver-
andi fyrirkomulagi tekjutillits við útreikn-
ing lána.
Hópurinn skilaði áliti í lok febrúar og
lagði til að bætt yrði sú skerðing á metn-
um framfærslukostnaði sem varð á árun-
um 1984—86. í framhaldi af því voru Ián
hækkuð um 7.5% 1. mars 1989 og munu
hækka aftur um a.m.k. 5% frá 1. sept-
ember 1989. Lagt var til að skerðing yrði
bætt að fullu frá og með 1. janúar 1990 og
að frá og með skólaárinu 1989-90 miðist
umreikningur tekna við 50% í stað 35%
eins og nú er. í framhaldi af vinnu starfs-
hópsins verða gerðar tillögur um:
- hvernig fjarmögnunarvandi sjóðsins
verður best leystur;
- hvort stofna eigi nýjan sjóð eða deild í
sjóðnum til að annast styrki einkum til
náms á síðari stigum háskólanáms;
- hvort rétt sé að styðja óvenju kostnað-
arsamt háskólanám erlendis á fyrsta
námsstigi, þegar slíkt nám er unnt að
stunda á íslandi.
Dreifbýlisstyrkur til nemenda sem
þurfa að stunda nám í framhaldsskóla
fjarri sinni heimabyggð var hækkaður um
100% úr 25 millj. kr. í 50 millj. kr. Sett
hafa verið ný lög um jöfnun námskostn-
aðar.
16