Réttur - 01.01.1989, Blaðsíða 30

O — D
og verkamanna í Burkina Faso; ákefð
hans til að virkja þá til varnar eigin hags-
munum gegn spillingu og heimsvaldasinn-
uðu arðráni; viðleitni hans til að marka
stefnuna í frelsisbaráttu kvenna; og allt
þetta á einu minnsta og fátækasta landi
heims; ætti að blása okkur í brjóst, hvar
sem við erum og hvar sem við búum, að
líta vonglöð til framtíðarinnar.
Ég byrjaði á að lýsa þeirri umræðu sem
fer fram um allan heim um framtíðarhorf-
ur byltingarkenndra breytinga á þjóðfé-
laginu. Bókin Thomas Sankara talar —
fellur vel inn í þá umræðu. Sýn Sankara
er fjarri því að vera „stundarbilun“, aftur
á móti munu milljónir manna aðhyllast
hana vegna þess sem kapítalisminn hefur
í pokahorninu fyrir þjóðir heims á kom-
andi árum. Hrikaleg félagsleg kreppa eigi
minni en kreppan mikla á fjórða áratugn-
um mun leiða það af sér að verkamenn og
bændur um allan heim munu leita nýrra
leiða fram á við. Að undirbúa og byggja
upp forystu sem býr yfir eigindum Thom-
as Sankara er verkefni sem býður vinn-
andi fólks um allan heim.
Hin byltingarsinnaða sýn Thomas
Sankara, sem byggist fyrst og fremst á trú
á hæfileikum venjulegra karla og kvenna
til að umbreyta sjálfum sér og til að
berjast, er nokkuð sem vinnandi fólki frá
New York til Reykjavíkur, frá París til
Managua, frá Namibíu til Filippseyja,
mun finnast verulega dýrmætt. Pað er fyr-
ir þetta fólk — það er fyrir okkur — að
Pathfinder hefur gefið út þessa bók.
Margir sem hafa lesið bókina segja það
sama: „Ég hafði enga hugmynd um að
hún myndi segja svona mikið um mínar
aðstæður; ég vissi ekki hversu mikið við
áttum sameiginlegt.“
Pessi bók mun verða mikilvæg og það
skiptir ekki máli hvaða tungumál við töl-
um eða hvar við búum. Sankara heyrir
ekki sögunni til, hann tilheyrir vinnandi
fólki alls staðar sem mótar söguna í dag
og mun móta hana í framtíðinni. Og það
er í þessum anda sem við kynnum þessa
bók fyrir ykkur hér í kvöld.
Þakka ykkur fyrir.
Þorkell Ingólfsson þýddi
30