Réttur - 01.01.1989, Blaðsíða 3

STEFNAN í MENNTA- OG MENNINGAR-
MÁLUM:
Breyting
í grundvallaratriðum
Ráðuneyti mennta- og menningarmála.
Gerður G. Óskarsdóttir, Guðrún Ágústsdóttir
og Svavar Gestsson tóku saman.
Ríkisstjórn Steingríms Hermannssonar var myndud í lok september. Þá tók
Svavar Gestsson við starfi menntamálaráðherra. Hann réð sem nánustu sam-
verkamenn sína þær Guðrúnu Ágústsdóttur sem aðstoðarmann ráðherra og
Gerði G. Óskarsdóttur sem ráðunaut í uppeldis og skólamálum. Frá vori 1983 og
þar til í september síðastliðinn hafði Sjálfstæðisflokkurinn ráðið ríkjum í mennta-
málaráðuneytinu. Með ráðherraskiptunum varð grundvallarbreyting á stefnu
ráðuneytisins til mennta- og menningarmála. Kemur það að nokkru leyti fram í
þeim þáttum úr starfi ráðuneytisins sem hér eru raktir. Hér er ekki fjallað um
þau mál sem helst hafa verið deiluefni á tímabilinu heldur er hér farið yfir mál-
efnin. Þó þetta sé allítarleg skrá er hér ekki allt tínt til heldur flest það mikilvæg-
asta.
Ljóst er að næsta vetur reynir mest á þennan málaflokk þar sem þá kemur
fram hvernig alþingi tekur þeim málum sem þá verða lögð fyrir þingið. Má þar
nefna frumvarp til grunnskólalaga, frumvarp um listaháskóla, frumvarp um
kvikmyndastofnun íslands og frumvarp til nýrra útvarpslaga svo nokkur dæmi
séu nefnd um stóra málaflokka.
Á liðnum mánuðum hafa þau þrjú sem áður voru nefnd og haft hafa forystu
í ráðuneytinu heimsótt tugi staða — reyndar nokkuð yfir 100 skóla og menning-
arstofnanir — til þess að setja sig þannig inn í aðstæður viðkomandi stofnana.
Þegar fjárlagafrumvarpið var lagt fram var gert ráð fyrir verulegri aukningu til
margvíslegra þátta skóla- og menningarmála þrátt fyrir samdrátt á öðrum
sviðum. Þrátt fyrir þetta varð menntamálaráðuneytið að taka þátt í hinu al-
menna sparnaðarátaki ríkisins á þessu ári. Verður ekki sagt að það hafi verið
þægilegt verk þar sem alls staðar er kallað á framfarir í skólamálum.
3