Morgunblaðið - 24.01.2006, Blaðsíða 11

MORGUNBLAÐIÐ ÞRIÐJUDAGUR 24. JANÚAR 2006 11
FRÉTTIR
Á fimmta milljarð króna varið til eflingar
íþróttafélaganna 16 í borginni, með
umfangsmiklum samstarfs- og
þjónustusamningi.
Gervigrasvellir lagðir á svæðum KR, Fram og
Fylkis, gengið til samninga um gervigrasvelli
á svæðum ÍR og Víkings og í ráði að leggja
slíkan völl við Egilshöll á þessu ári.
Öll hverfisíþróttafélög borgarinnar hafa fengið
íþróttafulltrúa í fullt starf.
240 milljóna króna samningur ÍTR við
íþróttafélög borgarinnar til leiðréttingar á
uppgjörum vegna eldri framkvæmda.
Stórtækar endurbætur á aðalstúku
Laugardalsvallar.
Reykjavíkurborg mun í samstarfi við ÍBR halda
alþjóðlegu Borgarleikana árið 2007, einn
stærsta alþjóðlega íþróttaviðburð ungs fólks.
Fjögurra stóla skíðalyfta er liður í áætlunum
um stórbætta aðstöðu til skíðaiðkunnar í
Bláfjöllum.
Upphitaðir og flóðlýstir battvellir hafa verið
reistir við níu grunnskóla borgarinnar og
ráðgert er að slíkir vellir rísi við alla
grunnskólana á næstu árum.
50 metra yfirbyggð fjölnota sundlaug í
Laugardal, sú fyrsta á Íslandi sem stenst kröfur
um alþjóðlegt mótahald.
Framkvæmdir hafnar við byggingu nýs
fimleikahúss í Laugardal.
Fyrsta stefnumótunin sem gerð hefur verið á
vegum Reykjavíkurborgar á sviði íþrótta- og
æskulýðsmála.
Heilladrjúgt starf
að íþrótta- og æskulýðsmálum
Á meðal fjölmargra verkefna
Önnu Kristinsdóttur fyrir
borgarbúa á undanförnum árum
er formennska í Íþrótta- og
tómstundaráði. Undir hennar
forystu hefur mörgum góðum
málum verið ýtt úr vör og önnur
leidd til lykta. Íþróttahreyfingin
í Reykjavík hefur átt öflugan
liðsmann í Önnu Kristinsdóttur
og á því verður engin breyting
fái hún brautargengi til forystu
í prófkjöri framsóknarmanna og
til áframhaldandi starfa sem
borgarfulltrúi í kosningunum
næsta vor.
Stuðningsmenn
Kosningaskrifstofa Önnu Kristinsdóttur er í
Landssímahúsinu við Austurvöll. Sími 562 2500.
YFIR eitt þúsund tonn af fatnaði
safnaðist í fatasöfnun Rauða kross Ís-
lands á síðasta ári sem verður sífellt
mikilvægari tekjulind fyrir hjálpar-
starfið, segir Örn Ragnarsson, verk-
efnisstjóri hjá RKÍ. Hann segir
megnið af fatnaðinum, eða um 90 til
95%, vera selt óflokkað úr landi til
flokkunarfyrirtækja í Þýskalandi,
Hollandi og Lettlandi. Andvirði söl-
unnar rennur svo alfarið til að kosta
hjálparverkefni erlendis.
Rauði krossinn safnar notuðum
fatnaði um land allt og er til að mynda
í góðu samstarfi við Sorpu á höfuð-
borgasvæðinu en á endurvinnslu-
stöðvum Sorpu er að finna hvítan
söfnunargám Fataflokkunar þar sem
hægt er að skila fötum.
Dregið úr fatasendingum
Í Morgunblaðinu í gær kom fram
að mikið af gjafafatnaði frá Vestur-
löndum endar í stórum hrúgum á
mörkuðum í Afríku þar sem fötin eru
seld fyrir lítið fé. Örn segir að sá fatn-
aður sem RKÍ sendir til Afríku, sem
voru á milli 20 og 25 tonn í fyrra, sé
merktur annars vegar til ráðstöfunar
fyrir Rauða krossinn í því landi sem
hann fer til og hins vegar til beinnar
úthlutunar. „Þannig að eftir því sem
við best vitum og fáum skýrslur um
hvernig fatnaðurinn er nýttur hefur
það staðist. Sumt er notað til fjáröfl-
unar og annað fer beint í úthlutun fyr-
ir bágstadda,“ segir Örn og bendir á
að heimilt sé fyrir deildir Rauða
krossins í löndunum sem fatnaðurinn
er sendur til að nýta sér hann til fjár-
öflunar. Honum finnst því ekki óeðli-
legt að hluti þess fatnaðar sem safnað
er endi á markaði.
Heldur hefur dregið úr fatasend-
ingum beint til bágstaddra á undan-
förnum árum, einkum vegna kostn-
aðar við sendingarnar. Á síðasta ári
voru þrír gámar sendir með á milli tíu
og fimmtán tonn af fatnaði hver.
Tveir þeirra fóru til Afríku, til Gamb-
íu og Malaví, og einn til Litháen í A-
Evrópu. Þar hefur fatnaðurinn verið
notaður til að aðstoða einstæðar
mæður og alnæmissjúka svo dæmi
séu tekin. Örn segir að áætlað sé að
senda tvo gáma til Afríku á árinu, til
Gambíu og Malaví, og bendir á að nú
ekki alls fyrir löngu hafi m.a.
Rúmfatalagerinn gefið 1.300 rúm-
teppi til notkunar í Malaví.
Fyrir utan þann fatnað sem sendur
er úr landi stendur RKÍ einnig fyrir
úthlutun fatnaðar til einstaklinga á
Íslandi.
Rauði krossinn rekur einnig versl-
anir með notaðan fatnað á Laugavegi
12 í Reykjavík og Strandgötu 24 í
Hafnarfirði.
Sjálfboðaliðar sjá alfarið um af-
greiðslu í búðunum en fataverkefnið
er nær eingöngu starfrækt með
vinnuframlagi þeirra. Á síðasta ári
var vinnuframlag sjálfboðaliða yfir
níu þúsund vinnustundir.
Yfir þúsund tonn af fatnaði til Rauða krossins á síðasta ári
Á milli 20 og 25 tonn
eru send til Afríku
Morgunblaðið/Sverrir
Yfir eitt þúsund tonn af fatnaði barst í söfnun Rauða kross Íslands á síðasta
ári. Fatnaðurinn er m.a. gefinn þurfandi hér á landi og erlendis.
Eftir Andra Karl
andri@mbl.is
GUÐJÓN Þorsteinsson, fyrrver-
andi bóndi í Garðakoti í Mýrdal,
andaðist á Heilbrigðisstofnun Suð-
urlands á Selfossi síðastliðinn
sunnudag, 22. janúar, á 82. aldurs-
ári.
Guðjón fæddist í Garðakoti 15.
júní 1924, sonur hjónanna Sigurlín-
ar Erlendsdóttur og Þorsteins
Bjarnasonar bónda í Garðakoti.
Guðjón var þriðji yngstur í hópi tíu
systkina og er Gróa Ragnhildur,
fædd 1917, ein á lífi.
Guðjón ólst upp í foreldrahúsum
og vann við bú foreldra sinna.
Einnig fór hann nokkrum sinnum á
vertíðir í Vestmannaeyjum, var í
símavinnu á sumrin, í byggingar-
vinnu í Reykjavík, m.a. við bygg-
ingu Þjóðleikhússins og Stýri-
mannaskólans, og var um tíma
starfsmaður í Kassagerð Reykja-
víkur.
Bræðurnir Eyjólfur Óskar og
Guðjón tóku við búi í Garðakoti eft-
ir foreldra sína um árið 1970. Þeir
voru með hefðbundinn blandaðan
búskap, kindur og kýr, fram á efri
ár.
Árið 1998 flutti Guðjón að Litlu-
Hólum í Mýrdal, þar sem hann
byggði sér íbúðarhús, og var þar
með nokkrar kindur. Guðjón var
ókvæntur og barnlaus.
Andlit Guðjóns varð þekkt víða
um heim, ekki síst fyrir tilstilli
Ragnars Axelssonar ljósmyndara.
Auk þess að prýða ljósmyndir
Ragnars og fleiri innlendra og er-
lendra ljósmyndara var Guðjón
fenginn til að leika í sjónvarps-
auglýsingum og kvikmyndum.
Andlát
GUÐJÓN
ÞORSTEINSSON
Morgunblaðið/RAX