Morgunblaðið - 24.01.2006, Blaðsíða 33
MORGUNBLAÐIÐ ÞRIÐJUDAGUR 24. JANÚAR 2006 33
DAGBÓK
er flutt á Laugaveg 56.
Útsala og fjöldi opnunartilboða!
Verið velkomin.
Laugavegi 56
eignamidlun@eignamidlun.is • www.eignamidlun.is
Sverrir Kristinsson lögg. fasteignasali
Góð tveggja herbergja íbúð, jarðhæð/kjallari sem skiptist
í forstofu, svefnherbergi, geymslu, bað, stofu og eldhús.
Allt sér, sérinngangur, rafm. og hiti. V. 11,6 m. 5580
NJÁLSGATA
LAUS STRAX - SÉRINNGANGUR
Um hjálpsemi –
frá Reykvíkingi
HVERNIG stendur því að Reykvík-
ingar hugsa svona mikið um sjálfa
sig? Orð þessi eru vitnuð orðrétt í
Hönnu Benediktsdóttur sem var að
forvitnast um hjálp Reykvíkinga á
síðum Velvakanda sunnudaginn 22.
janúar. Ekki veit ég hvort ég geti
svarað fyrir alla borgarbúa en mér
fannst ég knúinn til að svara fyrir
mig. Ég kann nefnilega ekki við að
setja borgarbúa eða aðra nær-
sveitamenn mína undir sama hatt og
gefa í skyn að allir séu eins.
En ég get svarað fyrir mig og kem
ég sko fram við aðra eins og ég vil
láta koma fram við mig. Og ef ég sé
einhvern fastan þá reyni ég að
hjálpa honum og ekki bara þá heldur
á það alltaf við þegar ég sé fólk í
vandræðum. Ég hef aldrei svo ég
muni lent í vandræðum á Selfossi, en
það er gott að vita að hjálpin er til
staðar þar og fólkið frá Selfossi
berst um að hjálpa manni eins og
Hanna sagði frá í pistli sínum. Vona
að enginn slasi sig samt.
Varðandi það hvort Reykvíkingar
séu komnir með sama hugsunarhátt
og íbúar stórborga veit ég ekkert
um þar sem Reykjavík er eina borg-
in sem ég hef búið í og veit ekki
hvernig náungakærleikurinn er t.d. í
New York. En ég hugsa ekki bara
um sjálfa mig og þeir sem standa
mér næst búa yfir miklum náunga-
kærleik og er mitt fólk Reykvík-
ingar.
Ég hef oft lent í vandræðum í
Reykjavík og hvort ég hafi hitt á
minnihluta borgarbúa eða kannski
landsbyggðarfólk í þau skipti þá hef
ég alltaf fengið hjálp frá elskulegum
einstaklingum sem hafa ekki vílað
það fyrir sér að hjálpa mér. Og ef
svo óheppilega vildi til að enginn
hefði boðið sig fram þá hefði ég bara
beðið næsta vegfaranda um hjálp.
Og er ég viss um að það yrðu fáir
sem mundu svara því neitandi. En
ég hef kannski bara verið svona
heppinn.
Ég hef enga trú að Reykvíkingar
séu eitthvað óhjálpsamari en aðrir
landsmenn, kannski dálítið utan við
sig og þá er bara um að gera að
pikka í þá og biðja um hjálp og það
er ráð mitt til þín, Hanna.
Sigríður L. Einarsdóttir.
Donna Karan-
gleraugu týndust
DONNA Karan-gleraugu í hulstri
týndust á þorrablóti Stjörnunnar
föstudaginn 20. janúar. Skilvís finn-
andi hafi samband í síma 565 6964
eftir kl. 18.
Velvakandi
Svarað í síma 5691100 frá 10–12
og 13–15 | velvakandi@mbl.is
Reykjavíkurmótið.
Norður
♠842
♥Á432 V/Allir
♦DG52
♣G3
Vestur Austur
♠Á975 ♠KDG10
♥5 ♥96
♦10987 ♦K3
♣10872 ♣KD964
Suður
♠63
♥KDG1087
♦Á64
♣Á5
Baráttu 20 liða í Reykjavíkurmót-
inu lauk um helgina með öruggum
sigri Eyktar, en sveitin fékk 393 stig,
eða 20.68 stig að jafnaði úr leik.
Grant Thornton varð í öðru sæti með
374 stig (19.68 að jafnaði), en Esso-
sveitin þriðja með 364 stig (19.16 að
meðaltali).
Í sveit Eyktar spila Jón Bald-
ursson, Þorlákur Jónsson, Sverrir Ár-
mannsson, Aðalsteinn Jörgensen,
Bjarni H. Einarsson og Sigurbjörn
Haraldsson.
Eykt mætti Íslandsmeisturunum í
sveit Ferðaskrifstofu Vesturlands í
18. umferð á sunnudag og er spil
dagsins frá þeirri viðuregin. Jón og
Þorlákur voru í NS gegn Matthíasi
Þorvaldssyni og Magnúsi Magn-
ússyni:
Vestur Norður Austur Suður
Matthías Þorlákur Magnús Jón
Pass Pass 1 lauf 1 hjarta
Pass 2 grönd * Pass 4 hjörtu
Pass Pass Pass
* 6-9 punktar og fjórlitur í hjarta
Með svörtu spili út ætti vörnin að
fá fjóra slagi, en Matthías valdi skilj-
anlega að byrja á tígultíunni. Jón lét
lítinn tígul úr borði og drap með ás
heima. Tók svo tvisvar tromp og
dúkkaði tígul yfir á blankan kóng
austurs. Þá gat hann hent einu laufi
heima í frítígul.
Eftir sögnum að dæma á vestur
tæplega fimmlit í spaða eða laufi (þá
hefði hann sagt eitthvað við einu
hjarta), svo Jón var nokkuð viss um
að tígullinn væri 4-2.
BRIDS
Guðmundur Páll Arnarson | dagbok@mbl.is
1. e4 c5 2. Rf3 Rc6 3. d4 cxd4 4.
Rxd4 Rf6 5. Rc3 e5 6. Rdb5 d6 7.
Rd5 Rxd5 8. exd5 Re7 9. c3 Rf5 10.
a4 g6 11. Bd3 Bg7 12. 0-0 0-0 13.
Db3 He8 14. He1 Bd7 15. Bd2 a6
16. Ra3 Hb8 17. Rc2 Bf6 18. a5 Rh4
19. c4 Bg7 20. f3 Bf5 21. Bxf5 Rxf5
22. He4 Re7 23. He2 Dc7 24. Ha4
Rf5 25. Kf1 Dd8 26. g3 Dd7 27.
Hb4 Rd4 28. Rxd4 exd4 29. g4
Hxe2 30. Kxe2 h5 31. h3 De7+ 32.
Kd1 Dh4 33. Hb6 Dxh3 34. gxh5
gxh5 35. Dd3 h4 36. Hxd6 Dg3 37.
Hd7 h3 38. Df5 Dg1+ 39. Kc2
Staðan kom upp á alþjóðlegu
móti sem lauk fyrir skömmu í Reg-
gio Emilia á Ítalíu. Ítalinn Pierluigi
Piscopo (2.399) hafði svart gegn
gríska stórmeistaranum Vasilios
Kotronias (2.626). 39. ... d3+! 40.
Dxd3 hvítur hefði tapað drottning-
unni eftir 40. Kxd3 Db1+ og hann
hefði einnig staðið illa að vígi eftir
40. Kb3 Dd1+ 41. Ka3 Da1+ 42.
Kb4 Dxb2+ 43. Kc5 Hc8+ og
svartur vinnur. 40. ... h2 og hvítur
gafst upp enda er óumflýjanlegt að
svartur veki upp nýja drottningu í
næsta leik.
SKÁK
Helgi Áss Grétarsson | dagbok@mbl.is
Svartur á leik
Barnaheill – Save the Children á Íslandihalda næstkomandi fimmtudag, 26. jan-úar, ráðstefnu undir heitinu ,,Stöðvumbarnaklám á netinu – Lög og tækni“.
Ráðstefnan verður haldin í Salnum í Kópavogi frá
kl. 08:30–16:05. Áhersla verður annars vegar lögð
á lagalega hlið netsins og hins vegar á tæknilega
hlið þess. Til ráðstefnunnar verða boðaðir lög-
lærðir aðilar, lögreglumenn, netþjónustuaðilar,
tölvunar- og kerfisfræðingar, barnaverndaryf-
irvöld og aðrir sem málið varðar.
Hrönn Þormóðsdóttir hjá Barnaheillum er einn
skipuleggjanda ráðstefnunnar. „Eftir því sem net-
ið verður öflugra aukast möguleikar barnaníðinga
á því að stunda þar iðju sína óheftir og því er
nauðsynlegt að taka höndum saman og finna leið
til að sporna gegn þeim vanda sem barnaklám á
netinu er orðið,“ segir Hrönn.
„Markmiðið með ráðstefnunni er að varpa ljósi
á þau lagaákvæði sem nú þegar eru í gildi um
ólöglegt efni á Netinu og koma með hugmyndir
um hvernig færa megi löggjöfina til betri vegar.
Jafnframt er ætlunin að upplýsa um þau vanda-
mál sem upp geta komið vegna tæknilegra mögu-
leika tölvunnar og ræða hvernig brúa megi bilið
milli laga og tækni.“
Dagskrá ráðstefnunnar hefst með því að Ragn-
hildur Arnljótsdóttir, ráðuneytisstjóri félagsmála-
ráðuneytis, flytur ávarp en síðan mun Thelma Ás-
dísardóttir halda erindi en saga hennar Myndin af
pabba sem Gerður Kristný skráði vakti gríðarlega
athygli í haust.
Á ráðstefnunni verða síðan fluttir fyrirlestr-
arnir Hvernig vernda lögin börnin okkar gegn
barnaklámi á netinu? Brynhildur G. Flóvenz –
lektor lagadeild Háskóla Íslands. Youth protec-
tion on the Internet – An Introduction to the
Co-regulatory Approach in Germany, Thomas
Rickert – lögmaður, eco – Verband der deutschen
Internetwirtschaft e.V. Bonn, Þýskalandi.
Blocking Internet content, is it saving the child-
ren or censorship? Ola-Kristian Hoff–lögfræð-
ingur, Advokatredet, Osló, Noregi. Developing
and Emerging Technologies Cormac Callanan –
framkvæmdastjóri INHOPE – Internet Hotline
Providers Association, alþjóðlegra samtaka sem
berjast gegn ólöglegu efni á netinu. Síminn og ör-
yggi á Netinu, Jóhann S. Friðleifsson vörustjóri
Internets á einstaklingsmarkaði hjá Símanum hf.
Lögreglurannsóknir á tölvum, Ágúst Evald
Ólafsson – lögreglufulltrúi, upplýsinga- og eft-
irlitsdeild lögreglunnar í Reykjavík. Aðgangur að
ráðstefnunni er ókeypis.
Barnaheill – Save the Children á Íslandi hafa
starfrækt verkefnið Stöðvum barnaklám á netinu
frá árinu 2001. Kjarni verkefnisins er rekstur
ábendingalínu á vef Barnaheilla, www.barna-
heill.is, þar sem almenningur getur tilkynnt um
barnaklám á netinu og hafa samtökin svo milli-
göngu um að gripið sé til viðeigandi ráðstafana af
hálfu yfirvalda. „Samtökunum hafa borist meira
en 2.500 ábendingar frá því verkefnið fór af stað,“
segir Hrönn.
Barnaklám | Hvernig er hægt að fyrirbyggja ólöglegt efni
Stöðvum barnaklám á netinu
Hrönn Þormóðs-
dóttir er fædd í Hafn-
arfirði árið 1956. Hún
er kerfisfræðingur og
starfaði við hugbún-
aðargerð frá 1985 til
1998. Hún var fræðslu-
stjóri í tvö ár og síðan
verkefnastjóri í marg-
miðlunarfyrirtæki í 2
ár. Hún er verk-
efnastjóri hjá Barna-
heillum – Save the Children á Íslandi og stýrir
verkefninu Stöðvum barnaklám á netinu.
MÁLVERK í fullri stærð af George
Washington, fyrsta forseta Banda-
ríkjanna, eftir málarann Charles
Willson Peale seldist fyrir 21,3
milljónir dollara á uppboði Christ-
ie’s í New York um helgina. Jafn-
gildir það rúmlega 1,3 milljörðum
íslenskra króna og slær þar með
met í verði á amerísku portrett-
málverki seldu á uppboði.
Fyrra metið var 8,1 milljón doll-
ara, eða tæpar 500 milljónir króna.
Það var einnig af Washington og
var selt hjá Sotheby’s í nóvember.
Charles Willson Peale var talinn
fremsti portrettmálari samtímans á
tímum George Washingtons. Hann
málaði málverkið sem nú seldist ár-
ið 1779, en það er hluti af röð mál-
verka sem Peale gerði af Wash-
ington. Hinar myndirnar er að
finna í Metropolitan-safninu í New
York og Hvíta húsinu í Washington.
Milljarður
fyrir
Washington
Reuters
RITIÐ 2/2005 er komið út og er
þema þess Útlönd. Þar er tekist á
við samband menningarheima á
ýmsan máta, ímyndir og sjálfs-
myndir þjóða. Meðal efnis í heftinu
er grein eftir Kristínu Loftsdóttur
mannfræðing sem fjallar um ímynd
Afríku á Íslandi á 19. öld. Sverrir
Jakobsson fjallar um sjálfsmynd
miðaldamanna í greininni Við og
hinir – hvernig gerðu Íslendingar
mannamun á miðöldum? en þar
hugar Sverrir að þeim þáttum sem
ætla má að hafi skipt máli fyrir
sjálfsmynd menntaðra Íslendinga á
miðöldum. Í grein sinni Íslenska og
enska. Vísir að greiningu á mál-
vistkerfi leggur Kristján Árnason
út af nýlegri könnun á viðhorfum
Íslendinga til ensku og spyr hvort
staða íslenskunnar í menningu og
sjálfsmynd landsmanna sé að breyt-
ast. Rósa Magnúsdóttir tekur
ímyndir og áróður Kalda stríðsins
til skoðunar í grein um heimsókn ís-
lensks æskufólks á heimsmótið í
Moskvu 1957 og í grein Hólmfríðar
Garðarsdóttur er sjónum beint sér-
staklega að stöðl-
uðum kven-
ímyndum í
suður-amerískri
bókmenntahefð.
Svanur Krist-
jánsson skoðar
afskipti fjögurra
forseta Íslands af
utanríkismálum.
Þá eru í þessu hefti Ritsins birtir
bókarkaflar eftir tvo prófessora við
Harvard-háskóla, stjórnspekinginn
Seylu Benhabib og bókmennta-
fræðinginn Homi K. Bhabha.
Í myndverkinu Grautur – 12 til-
brigði vinnur Áslaug Thorlacius
myndlistarmaður með uppskriftir
að súpum og grautum úr bók Helgu
Sigurðardóttur, Matur og drykkur.
Þá eru í heftinu birtar þrjár ljóða-
þýðingar eftir Þorstein Gylfason
ásamt minningarorðum um hann
sem Vigdís Finnbogadóttir ritar.
Ritið kemur út þrisvar sinnum á
ári. Ritstjórar þess eru Gunnþór-
unn Guðmundsdóttir og Svanhildur
Óskarsdóttir.
Tímarit Hugvísinda-
stofnunar komið út