Morgunblaðið - 28.01.2006, Blaðsíða 31

MORGUNBLAÐIÐ LAUGARDAGUR 28. JANÚAR 2006 31
DAGLEGT LÍF Í JANÚAR
www.gisting.dk
sími: 0045 3694 6700
Ódýr og góð gisting
í hjarta Kaupmannahafnar
Þrjár ferðir í golf til London
GB Ferðir og Icelandair verða með
þrjár hópferðir á Foxhills Club & Re-
sort í London í apríl og maí. Hótelinu
fylgja tveir 18 holu vellir. Báðir vellirnir
eru skógarvellir,. Auk þess er 9 holu
æfingavöllur og yfirbyggt æf-
ingasvæði á Foxhills. Hótelið er í að-
eins 15 mín fjarlægð frá Heathrow
flugvelli. Fyrsta ferðin verður dagazna
28.apríl - 1. maí, önnur ferðin frá 12.-17.
maí og sú þriðja 25. maí - 28. maí.
Kvennaferð til
Kaupmannahafnar
Kvennaferð verður farin til Kaup-
mannahafnar undir leiðsögn Sigrúnar
Hjálmtýsdóttur eða Diddú dagana 9.–
12. mars. Gist verður á Hotel Square
við Ráðhústorgið. Í boði er að fara á
Sinfóníutónleika þar sem rússneski
baritónsöngvarinn Sergej Leiferkus
syngur verk eftir Tschaikowski, Sjo-
stokowitz, Rachmaninoff o.fl. Einnig er
boðið upp á dekurdag með nuddi í
Vannkulturhuset sem og sameig-
inlegan kvöldverð á vinsælu veitinga-
húsi. Einnig verður skoðunarferð í nýju
Óperuna og kanalsigling.
Morgunblaðið/Ómar
Sjá nánar www.expressferdir.is
Morgunblaðið/Brynjar Gauti
SAS býður upp á sjónvarps-
dagskrána
SAS-flugfélagið mun bjóða farþegum
á viðskiptafarrými upp á að horfa á
sjónvarp í rauntíma á lengri flug-
leiðum. Á vef Berlingske Tidende kem-
ur fram að þetta verði frá og með vor-
inu, þ.e. hefjist innan þriggja mánaða. Í
fyrstu verður hægt að horfa á sjón-
varp á leiðinni frá Kaupmannahöfn til
Asíu, þ.e. Taílands, Kína, Singapore og
Japans. Skjáum verður komið fyrir á
sætisbökunum þannig að hver og einn
farþegi getur valið stöð eftir eigin
höfði. Fjórar stöðvar verða í boði, t.d.
BBC eða CNN og fleiri fréttastöðvar,
auk íþróttarásar. Ekki er endanlega
ákveðið hvaða stöðvar verða í boði en
markhópurinn er viðskiptaferðalangar.
SAS hefur nú yfir að ráða gervi-
hnattabúnaði sem gerir farþegum
kleift að tengjast netinu á flugi. Þannig
getur fólk horft á sjónvarpið í tölv-
unum sínum en SAS verður nú fyrst
flugfélaga að bjóða sjónvarpsútsend-
ingar í skjáum flugvélarinnar.
Skjánum verður komið fyrir í tengslum
við að sætum á viðskiptafarrými verð-
ur skipt út fyrir fullkomnari og þægi-
legri sæti. Með tíð og tíma mun far-
þegum á venjulegu farrými að öllum
líkindum einnig gefast kostur á að
horfa á sjónvarp í flugvélum SAS og
einnig er líklegt að sjónvarp verði í
boði á styttri flugleiðum síðar meir.
FÉLAG þýskra bifreiðaeigenda hef-
ur skorað á bílaleigur að setja vetr-
ardekk undir bíla, sem þær leigja, að
vetrarlagi. Í frétt í þýska tímaritinu
Der Spiegel kemur fram að við-
skiptavinir geri sér yfirleitt ekki
grein fyrir því að þeir þurfi sér-
staklega að fara fram á það að bíll-
inn, sem þeir hyggist leigja, verði á
vetrardekkjum. Að auki fylgir vetr-
ardekkjum viðbótarkostnaður upp á
10 til 15 evrur.
Í tímaritinu er vitnað í við-
skiptavin, sem leigði bíl í sam-
bandslandinu Hessen hjá bílaleig-
unni Budget. Ökuferðin breyttist í
sleðaferð „vegna óviðeigandi sum-
ardekkja“ og hann rann á kyrr-
stæðan bíl. Nú er viðskiptavinurinn í
þeirri stöðu að hann ber jafnvel
ábyrgð á tjóninu, en hann segir að
hann hefði aldrei tekið bílinn á leigu
hefði hann áttað sig á því að hann
væri á sumardekkjum.
Bílaleigurnar segja að eftirspurn
eftir vetrardekkjum sé ekki mikil.
Vetrardekk séu sett undir 40–50%
bílaleiguflotans, en gríðarlegur
kostnaður fylgi því að ganga lengra.
Auk þess hafa fyrirtækin bent á að
þeim beri ekki skylda til þess að
setja vetrardekk undir bíla sína.
Alltaf á vetrardekkjum
Hjá bílaleigunum Budget og Avis
á Íslandi fengust þær upplýsingar
að það væri ófrávíkjanleg regla að
afhenda aldrei bíla til leigu öðruísi
en á vetrardekkjum eða nagladekkj-
um á veturna.
Bílaleigubílar án snjódekkja
 ÞÝSKALAND
Farmiðar lækka
um 9%
Rayanair hefur ákveðið að lækka verð
á flugmiðum félagsins um 9% frá og
með 16. mars næstkomandi, þ.e.a.s.
hjá þeim farþegum, sem eingöngu
ferðast með handfarangur.
Í frétt Aftenposten, kemur fram að frá
og með sama tíma verður að greiða
sérstaklega fyrir innritaðan farangur.
Haft er eftir Karl Högstadius, for-
svarsmanni félagsins á Norður-
löndum, að boðið sé upp á fyrirfram
innritun á Netinu í sparnaðarskyni. Sé
farseðillinn pantaður á þann hátt og
eingöngu ferðast með handfarangur,
er ekki tekið aukagjald en ef miðinn er
pantaður fyrirfram og farangurinn
innritaður um leið er lagt á aukagjald,
2,5 pund, fyrir hverja tösku eða um
972 kr. ísl.
Ef innritað er á flugvellinum hækkar
aukagjaldið um helming, í 5 pund, fyrir
hverja tösku eða um rúmar 1.900 kr.
ísl.
Þessi 9% lækkun mun því aðeins eiga
við þegar ferðast er með handfar-
angur.
Reglur um hversu mikinn farangur
farþegum er heimilt að hafa verða
hertar um leið og nýju reglurnar taka
gildi en nú er heimilt að ferðast með
allt að 10 kg í handfarangri og 15 kg
þegar farangurinn er innritaður.
Félagið vonast til að með þessum að-
gerðum fækki í biðröðunum við inn-
ritun á flugvellinum en benda jafn-
framt á að eftir sem áður verði
farþegar að mæta tímanlega fyrir flug.