Morgunblaðið - 03.02.2006, Síða 8

8 FÖSTUDAGUR 3. FEBRÚAR 2006 MORGUNBLAÐIÐ
FRÉTTIR
hvað hefur breyst – hvað er framundan?
Ráðstefna um hlutverk og skyldur 112 við almenning
og viðbragðsaðila og þróun neyðarþjónustu.
Haldin á Hótel Loftleiðum kl. 13-17 föstudaginn 10. febrúar 2006 í tilefni af 112 deginum
og tíu ára afmæli Neyðarlínunnar.
Dagskrá
• Setningarávarp: Björn Bjarnason dómsmálaráðherra.
• Tilkynnt um val á skyndihjálparmanni Rauða krossins 2005.
• Jónína Sigurðardóttir, aðstoðaryfirlögregluþjónn hjá ríkislögreglustjóranum:
Samvinna 112 og ríkislögreglustjórans.
• Anna Björg Aradóttir, yfirhjúkrunarfræðingur hjá landlæknisembættinu:
112 og heilbrigðisþjónustan – samstarfið eflt.
• Jón Viðar Matthíasson, slökkviliðsstjóri SHS:
Var stofnun Neyðarlínunnar aðeins atrenna að stóra stökkinu?
• Sigurgeir Guðmundsson, formaður Slysavarnafélagsins Landsbjargar,
og Kristján Maack, formaður landsstjórnar björgunarsveita:
112 – viðbragð björgunarsveita.
• Jyrki Landstedt, framkvæmdastjóri 112 í Finnlandi:
112 í Finnlandi – staða og þróun.
Umræður og fyrirspurnir að hverri framsögu lokinni.
Ráðstefnustjóri: Björn Friðfinnsson.
Ráðstefnan er opin öllum án endurgjalds.
Skráning í síma 570 2000, á www.112.is
og með tölvupósti á 112@112.is
fyrir þriðjudaginn 7. febrúar.
112 í tíu ár
Fulla ferð til Færeyja, kafteinn.
Segja má að óvenjuhlýtt hafi verið íveðri á landinu und-
anfarna tíu daga og hefur
hitinn vart farið undir
frostmark, ásamt því að
fremur hægur vindur hef-
ur leikið um landann. Hafa
því margir tekið gleði sína
á ný eftir nokkurra daga
frost og snjókomu um
miðjan janúarmánuð, með
tilheyrandi ófærð á vegum
og talsverðum fjölda um-
ferðaróhappa sem rekja
má til hálku. Aðrir eru
hins vegar hundfúlir því
hlýindin bjóða ekki upp á iðkun
vetraríþrótta á borð við skíði.
Ekki var hægt að halda skíða-
svæðinu í Bláfjöllum opnu nema í
11 daga, og má segja að færri hafi
komist að en vildu, en yfir 20 þús-
und gestir sóttu svæðið á þeim
tíma. Ekki er útlit fyrir að hægt sé
að opna aftur nema duglega snjói
á nýjan leik, og er ekkert í spá-
kortum Veðurstofunnar sem
bendir til þess, enn sem komið er.
En þrátt fyrir talsverða snjó-
komu um miðjan janúar var með-
alhitinn í Reykjavík 2 gráður, sem
er 2,5 gráðum yfir meðallagi, og
hefur ekki verið hlýrra í höfuð-
borginni síðan árið 1996 – en þá
var meðalhitinn 2,2 gráður.
Mesta frost sem mældist í
Reykjavík í mánuðinum var 11,4
gráður, en mesta frost á landinu
mældist í Veiðivatnahrauni hinn
17. janúar en þá var 23,2 stiga
frost. Óvanalega mikinn kulda
gerði í Borgarfirði í mánuðinum
en þar fór frost í meira en 20 stig.
Úrkoma í Reykjavík var yfir
meðaltali og mældist 153 milli-
metrar, sem er tvöföld meðalúr-
koma og mesta úrkoma í borginni
frá janúar árið 1947 – eða í 59 ár –
en þá var úrkoma töluvert meiri.
Úrkoman hefur einnig alloft verið
lítillega minni í janúar.
Sólskinsstundir í höfuðborginni
voru þá 13 og er það 14 sólskins-
stundum undir meðallagi, en þær
hafa þó oft verið færri í janúar,
síðast fyrir sex árum.
Helmingur meðalúrkomu
mældist á Akureyri
Trausti Jónsson, veðurfræðing-
ur á Veðurstofu Íslands, segir hlý-
indaskeið, eins og nú hefur verið
yfir landinu, nánast árlegan við-
burð um vetrartímann en misjafnt
er hvenær þau ganga yfir. „Það
hafa komið svona kaflar alla síð-
ustu vetur en það hefur yfirleitt
verið í fyrr eða síðar. Janúar núna
er sá hlýjasti í Reykjavík síðan ár-
ið 1996 þannig að það hefur verið
frekar ólíklegt að hlýindakafli
komi í janúar,“ segir Trausti og
bætir við að síðastliðin ár hafi það
frekar gerst í desember, febrúar
eða mars.
Það var ekki aðeins í höfuð-
borginni þar sem hitinn var yfir
meðallagi því á Akureyri var 1,8
stiga meðalhiti í janúar, sem er
fjórum gráðum yfir meðallagi, og
hefur ekki verið hlýrra í janúar
síðan árið 1992. Þá mældist aðeins
helmingur af meðalúrkomu í bæn-
um eða 27 millimetrar en mörg
dæmi eru hins vegar um minni úr-
komu á svæðinu, síðast árið 2001.
Sjö sólskinsstundir voru á Akur-
eyri sem er í kringum meðallag en
yfirleitt er lítil sól á Akureyri í
janúar sökum fjalla.
Trausti segir spár benda til
þess að það eigi eftir að kólna lítils
háttar á næstunni en bendir hins
vegar á að ef veðurspáin fyrir
næsta hálfa mánuðinn rætist verði
meira og minna hláka á næstunni.
Hafís nokkuð nálægt landi
Síðastliðin þriðjudag fór flugvél
Landhelgisgæslunnar TF-SYN í
eftirlits- og ískönnunarflug úti
fyrir Vestfjörðum og Norður-
landi. Þykir hafís nokkuð nálægt
landi, eða meira en í meðallagi, og
segir Þór Jakobsson, veðurfræð-
ingur á Veðurstofu Íslands, það
orsakast af því að sunnan- og suð-
vestanáttir hafa verið ríkjandi að
undanförnu. Það veldur því að ís-
inn í Grænlandssundi, milli Ís-
lands og Grænlands, hrekst aust-
ur á bóginn. Næst er ísinn 52
sjómílum VNV af Rit, 38 sjómílum
NNV af Kögri, 40 sjómílur norður
af Horni og svo 53 sjómílur norður
af Skagatá.
Þór segir ísinn vera kominn vel
austur fyrir miðlínuna á milli Ís-
lands og Grænlands en hann sé þó
það langt frá landi enn að ekki er
ástæða til að óttast um áhrif íssins
á skipasiglingar umhverfis landið.
Hann segir fremur hagstæða
vindátt næsta sólarhringinn en
um helgina mun snúast í sunn-
anátt og svo vestan sem eru óhag-
stæðar og á hann því allt eins von
á að ísinn muni berast enn lengra í
austurátt.
Í fyrravor var óvenju mikill haf-
ís í kringum landið og í marsmán-
uði mældist meiri hafís úti fyrir
norðanverðum Vestfjörðum og
Norðurlandi en síðan árið 1979.
Var það vegna langvarandi vest-
anáttar í Grænlandssundi og
norðan við landið. Um miðjan
mars voru því ísdreifar á siglinga-
leiðum úti fyrir öllu Norðurlandi,
við strandir, á leiðinni fyrir Horn
og allt suður fyrir Langanes.
Spurður um hvort búast megi
við slíku í ár segir Þór það fara al-
veg eftir vindáttum, og hann
treysti sér ekki til að spá fyrir um
þær langt fram í tímann.
Fréttaskýring | Veðurfar í janúar
Hlýtt og blautt
í Reykjavík
Tvöföld meðalúrkoma í höfuðborginni í
janúar – ekki verið meiri síðan árið 1947
Margir nýttu sér hlýindin í janúar til útiveru.
Óvanalegt hlýindaskeið
miðað við síðustu ár

Hlýtt var í veðri lengst af á
landinu í janúarmánuði og úr-
komusamt um landið sunnan- og
vestanvert, en fremur þurrt á
norðausturlandinu. Trausti Jóns-
son veðurfræðingur segir hlý-
indaskeið eins og gengið hefur
yfir landið að undanförnu nokk-
uð óvanalegt fyrir janúar, slíkir
kaflar hafa frekar komið upp í
desember, febrúar eða mars und-
anfarin ár. Í Reykjavík hefur
ekki verið hlýrra í janúar í tíu ár.
Eftir Andra Karl
andri@mbl.is
Fáðu fréttirnar
sendar í símann þinn