Morgunblaðið - 17.03.2006, Side 27

MORGUNBLAÐIÐ FÖSTUDAGUR 17. MARS 2006 27
DAGLEGT LÍF Í MARS
LEIKFANGAVERSLUNIN Einu
sinni var í Fákafeni 9, Reykjavík,
innkallar rauðan leikfangasíma
með gulum bangsa framan á,
samkvæmt ákvörðun forstjóra
International Playthings Inc. í
Bandaríkjunum sem framleiðir
leikfangið.
Leikfangasímar þessir geta
verið hættulegir mjög litlum
börnum sem geta nagað af þeim
loftnetið og það staðið í þeim.
Leikfangaverslunin Einu sinni
var biður þá, sem hafa keypt um-
rædda tegund leikfangasíma í
versluninni, vinsamlegast um að
skila þeim og fá endurgreitt eða
aðra vörutegund í staðinn.
Innköllun á
leikfangasíma
 NEYTENDUR
UNDANFARIN ár hefur nokkuð
verið rætt um það hvort eiturefni
sem safnast fyrir í feitum fiski geti
jafnvel aukið hættu á brjósta-
krabbameini. Ný evrópsk rannsókn
bendir til þess að neysla á slíkum
fiski hvorki auki né minnki líkur á
slíku krabbameini.
Um 300 þúsund evrópskar konur
voru rannsakaðar á 6–12 ára tímabili
og yfir 4.700 fengu brjósta-
krabbamein á tímabilinu. Í ljós kom
að fiskneysla hafði engin áhrif þar á,
hvort sem um feitan eða magran fisk
var að ræða. Niðurstöðurnar eru
birtar í International Journal of
Cancer.
Fyrri rannsóknir hafa sýnt fram á
allt; að fiskneysla minnki líkur á
brjóstakrabbameini, hafi engin áhrif
eða auki hættuna á krabbameini.
Þetta eru yfirleitt litlar rannsóknir
og fæstar hafa gert greinarmun á
feitum og mögrum fiski. Dýra-
tilraunir hafa enn fremur bent til
þess að eiturefni sem safnast fyrir í
feitum fiski og m.a. eldislaxi geti
leitt til krabbameins hjá neytend-
unum.
Samkvæmt forskning.no má því
draga þær ályktanir af nýju rann-
sókninni, sem er stærri en allar hin-
ar, að fiskneysla sé áfram ákjós-
anleg, auk þess sem aðrar rann-
sóknir hafa sýnt fram á jákvæð áhrif
fiskneyslu á hjartað og fyrirbyggj-
andi áhrif gegn krabbameini í melt-
ingarfærum.
Fiskneysla
og brjósta-
krabbamein
 RANNSÓKN
Að prenta út myndir hefur aldrei verið auðveldara.
Þú einfaldlega tengir Canon stafrænu myndavélina við
Canon SELPHY CP ljósmyndaprentara og prentar út
fallegar, blæðandi ljósmyndir á nokkrum sekúndum.
Með því að velja Canon stafrænar myndavélar og
prentara ertu að velja gæði.
Frekari upplýsingar á www.canon.nyherji.is
Söluaðilar um land allt.
Frábær myndavél.
Frábærar myndir.
Hvað með útprentanir?
Í TILEFNI af alþjóðadegi neyt-
endaréttar 15. mars sl. veittu Neyt-
endasamtökin og Bylgjan Neyt-
endaverðlaunin 2006. Val á fyrirtæki
fór fram með netkosningu, þar sem
neytendur tilgreindu hvaða fyrir-
tæki þeir teldu vera best að þessum
verðlaunum komin. Þau 15 fyrirtæki
sem hlutu flestar tilnefningar frá
neytendum komust áfram í úrslit.
Samtals greiddu um 7000 neytendur
atkvæði í síðari atkvæðagreiðslunni.
Það fyrirtæki sem hlaut flest at-
kvæði og fékk því Neytendaverð-
launin 2006 er verslunin Bónus. Þau
tvö fyrirtæki sem urðu í öðru og
þriðja sæti hlutu hvatningar-
verðlaun, en þau eru Atlantsolía og
Iceland Express.
Röð fyrirtækjanna var eftirfar-
andi: 1. Bónus, 2. Atlantsolía, 3. Ice-
land Express, 4. Fjarðarkaup, 5.
Krónan, 6. Toyota-umboðið, 7. Og-
Vodafone, 8. Síminn, 9. Íslands-
banki, 10. Landsbankinn, 11. KB
banki, 12. Byko, 13. Hagkaup, 14.
Húsasmiðjan og 15. Elko.
Morgunblaðið/Sverrir
Jóhannes Jónsson í Bónus, fyrir miðri mynd, við verðlaunaafhendinguna.
Bónus hlaut
Neytenda-
verðlaunin
 VIÐURKENNINGAR