Morgunblaðið - 06.05.2006, Qupperneq 59

MORGUNBLAÐIÐ LAUGARDAGUR 6. MAÍ 2006 59
Garðabær
www.gardabaer.is
Umsóknir um styrki
19. júní sjóður um kvennahlaup ÍSÍ í Garða-
bæ auglýsir til umsóknar styrki til að efla og
styrkja þátttöku kvenna í íþróttum. Sjóðurinn
er stofnaður að tilstuðlan íþrótta- og tóm-
stundaráðs Garðabæjar og framkvæmdanefnd-
ar um kvennahlaup í Garðabæ.
Veittir verða styrkir til verkefna sem miða að
því að styrkja og efla íþróttir kvenna.
Stjórn sjóðsins áskilur sér rétt til að hafna öll-
um umsóknum ef þær, að mati stjórnar, upp-
fylla ekki framangreint markmið.
Í skriflegri umsókn skal koma fram nákvæm
lýsing á verkefni og hvernig umsækjandi sér
fyrir sér að verkefnið nýtist sem hvatning til
eflingar íþróttum kvenna.
Umsóknum skal skila til íþróttafulltrúa, Íþrótta-
miðstöðinni Ásgarði, 210 Garðabæ, fyrir
19. maí nk. Hægt er að nálgast umsóknar-
eyðublöð og leiðbeiningar á heimasíðu Garða-
bæjar. Ráðgert er að úthluta úr sjóðnum
10. júní 2006.
Nánari upplýsingar gefur Gunnar Örn Erlings-
son, íþróttafulltrúi Garðabæjar, sími 565 8066,
gunnarer@gardabaer.is.
ð
Félagslíf
Lau. 13. maí kl. 9. Fuglaskoð-
unarferð í samstarfi við Fugla-
verndunarfélagið. Fararstjóri Jó-
hann Óli Hilmarsson.
14. maí kl. 11.00. Ármanns-
fell. Valgarður Egilsson farar-
stjóri. Brottför kl. 11.00 frá Þjón-
ustumiðstöðinni á Þingvöllum.
Einkabílar.
Næstu sunnudaga verða göngu-
ferðir FÍ í samstarfi við Þjóð-
garðinn. Ókeypis þátttaka, allir
velkomnir.
Morgungöngur FÍ – á fjöll við
fyrsta hanagal, fjallganga í ná-
grenni Reykjavíkur kl. 6 alla
morgna 15.–19. maí. Helgafell
fyrsta fjall mánudag 15. maí.
Ókeypis þátttaka, allir velkomn-
ir. Reykjavíkurrölt með Guð-
jóni Friðrikssyni 18. maí kl. 19
frá Austurvelli.
Hvannadalshnjúkur um hvíta-
sunnuna. Fararstjóri Haraldur
Örn Ólafsson.
Sumarleyfisferðir: Laugaveg-
urinn, Hornstrandir, sunnan-
verðir Vestfirðir, Héðinsfjörður,
Fjörður, Lónsöræfi, Vonarskarð,
Jarlhettur og Klukkuskarð og
margt fleira.
Vertu með í Ferðafélaginu –
ævintýrin gerast á fjöllum.
7.5. Selvogsgatan. Brottf. frá
BSÍ kl. 10:30. V. 2.300/2.700 kr.
25.—28.5. Öræfajökull og
Skaftafell. Brottf. kl. 8:30.
0605HF01. V. 24.100/27.600,
kr. 5.000/7.000 án gistingar. Far-
arstjóri Reynir Þór Sigurðsson.
Sjá nánar á www.utivist.is
Styrkir
Raðauglýsingar 569 1100
Raðauglýsingar
sími 569 1100
Atvinnuauglýsingar
sími 569 1100
Þorsteinn Þorsteinsson
er skákmeistari öðlinga
SKÁK
Taflfélag Reykjavíkur
15. SKÁKMÓT ÖÐLINGA
22. mars- 3. maí 2006
HELGI ÁSS GRÉTARSSON
daggi@internet.is
Þorsteinn Þorsteinsson að tafli.
ÞAÐ var árið 1992 að frumkvæði
Ólafs S. Ásgrímssonar að Taflfélag
Reykjavíkur hélt mót fyrir 40 ára og
eldri. Jóhann Örn Sigurjónsson stóð
uppi sem sigurvegari á mótinu sem þá
var kallað skákmót heldri manna.
Ýmsir gagnrýndu þessa nafngift þar
eð hún þótti vísa til þess að eingöngu
betri borgarar mættu taka þátt. Skák-
mót öðlinga þótti ákjósanlegra nafn og
3. maí sl. lauk 15. mótinu af þessu tagi.
Alls mætti 21 keppandi til leiks í ár
og sumir valinkunnir skákmeistarar
frá fyrri tíð. Elstur keppenda var Kári
Sólmundarson en hann er áttræður.
Hann er þó ekki sá elsti sem hefur
tekið þátt þar eð hinn 84 ára Bjarni
Magnússon var fjarri góðu gamni að
þessu sinni en hann tók þátt í mótinu í
fyrra. Eina konan sem hefur tekið þátt
í þessum mótum, Sigurlaug Friðjóns-
dóttir, var einnig á meðal keppenda í
ár.
Liðsstjóri íslenska landsliðsins í
skák til nokkurra ára, Kristján Guð-
mundsson, leiddi mótið framan af og
hafði fullt hús vinninga að fjórum um-
ferðum loknum. Hinn eitilharði sænsk-
menntaði skákmaður, Þorsteinn Þor-
steinsson, kom næstur með 3½
vinning. Kristján teflir byrjanir sem
Fischer hélt upp á en Þorsteinn fer
frekar í smiðju hins ofurtrausta
sænska skákjöfurs, Ulf Anderssons. Í
innbyrðis viðureign þeirra í fimmtu
umferð mátti því búast við að stálin
stinn myndu mætast.
Hvítt: Þorsteinn Þorsteinsson (2274)
Svart: Kristján Guðmundsson (2261)
1. e4!
Það er sjaldgæft að gefa upphróp-
unarmerki fyrir fyrsta leik en með því
að leika kóngspeðinu fram sýnir Þor-
steinn fram á að hann vill láta sverfa
til stáls. Hann er vanari að leika
drottningarpeðinu fram um tvo reiti í
fyrsta leik en greinilegt að hann hafði
undirbúið vandlega það afbrigði sem
kom upp í skákinni enda er það svo um
suma aðdáendur Fischers að þeir
halda sig alltaf við byrjanir hans.
1...c5 2. Rf3 d6 3. d4 cxd4 4. Dxd4
Rc6 5. Bb5 Bd7 6. Bxc6 Bxc6 7. Rc3
Rf6 8. Bg5 e6 9. O-O-O Be7 10. Hhe1
O-O 11. e5 dxe5 12. Dh4 Dc7 13. Rxe5
Upp er komin staða sem er þekkt í
fræðunum. Svartur virðist geta fengið
jafnt tafl án nokkurra erfiðleika með
að leika hinum eðlilega 13...Hfd8.
Kristján velur aðra leið sem gerir veg-
inn að jöfnu tafli aðeins flóknari.
Stöðumynd 1.
13... Hfe8 14. Hd3 Rd5 15. Rxd5
Bxd5 16. Hg3 Hac8 17. He2 f5
Svartur gat ekki unnið mann með
því að leika 17... Bxg5+ 18. Dxg5 f6
þar eð hvítur tæki einfaldlega peðið
með 19. Dxf6. Textaleikurinn skapar
varanlega veilu á e5 en á hinn bóginn
fær svartur reit á e4 eftir næsta leik
hvíts.
18. f4 Bxg5?!
Að taka ákvörðun um uppskipti get-
ur oft verið vandasamt í skák. Í þess-
ari stöðu ber að hafa í huga að svið
hvíta biskupsins takmarkast að svo
stöddu við h4-d8 skálínuna á meðan
svartreita biskupinn hefur f8-a3 skálín-
una. Eðlileg áætlun í þessari stöðu hjá
svörtum væri þess vegna að halda
svartreita biskupnum með að leika
Be7-Bf8 og styrkja þannig g7 punktinn
og fara svo að ýta peðunum á drottn-
ingarvæng áfram. Eftir textaleikinn
verður svarta staðan mun kraftminni.
19. Dxg5 Be4?!
19...b5 var skynsamlegra enda hefur
biskupinn lítið erindi á e4 og nauðsyn-
legt er fyrir svartan að skapa sér mót-
spil á drottningarvæng.
20. Hd2 De7
Betra var að viðurkenna mistök síð-
asta leiks og koma biskupnum aftur
fyrir á d5 til þess að undirbúa b7-b5.
21. Dxe7 Hxe7
Stöðumynd 2
22. Hc3! Ha8
22... Hxc3 hefði veitt hvítum vinn-
inginn á silfurfati þar eð eftir 23.
Hd8+ yrði svartur mát í næsta leik.
Sú staða sem nú er komin upp hentar
mun betur aðdáanda Anderssons en
Fischers. Þorsteinn notfærir sér í
framhaldinu óvirka stöðu svarts til
hins ýtrasta.
23. g3 Kf8 24. Hd4! Bd5 25. Kd2
Ke8 26. a3 Kd8 27. Hcd3 Kc7 28. c4
Bc6 29. Kc3 a6 30. Rxc6
Athyglisverð ákvörðun sem óvíst er
að hafi verið rétt þar eð riddarinn á e5
var stórveldi. Á hinn bóginn hefur
tangarhald hvíts á d-línunni þann kost
að kóngurinn geti hreiðrað um sig á
e5. Þess gerist þó ekki þörf þar eð áð-
ur en að því kemur leikur svartur af
sér peði.
30...bxc6 31. c5 Hb8?!
Svartur hefði fremur átt að leika
31... a5 og bíða með að setja hrókinn á
b-línuna.
32. Hd6 Hb5 33. b4 a5?
Stöðumynd 3
34. He3!
Hvítur vinnur nú óumflýjanlega peð
og við það eru örlög svarts ráðin. Lok
skákarinnar urðu eftirfarandi:
34...axb4+ 35. axb4 Hb8 36. Hexe6
Hxe6 37. Hxe6 Kd7 38. He2 Ha8 39.
Kb3 Ha1 40. Ha2 Hb1+ 41. Kc3 Hc1+
42. Kd3 Hd1+ 43. Hd2 Hh1 44. Kd4
He1 45. Kd3 Hh1 46. Kc4+ Kc7 47.
Ha2 h5 48. Ha7+ Kc8 49. Hxg7 Hxh2
50. Hg5 Hc2+ 51. Kd4 Hb2 52. Ke5
Hxb4 53. Kxf5 Hc4 54. Kg6 h4 55.
gxh4 Hxf4 56. h5 og svartur gafst upp.
Þessi úrslit þýddu að Þorsteinn tók
forystuna í mótinu og fyrir sjöundu og
lokaumferðina hafði hann 5½ vinning
en Kristján 5 vinninga. Í síðustu um-
ferð atti Þorsteinn kappi við sigurveg-
ara mótsins í fyrra, Björn Þorsteins-
son, á meðan Kristján tefldi við
Halldór Garðarsson. Þorsteinn gerði
stutt jafntefli við Björn á meðan Krist-
ján vann sína skák. Lokastaðan varð
því sú að Þorsteinn og Kristján urðu
jafnir og efstir með 6 vinninga af 7
mögulegum en Þorsteinn varð lýstur
sigurvegari eftir stigaútreikning.
Lokastaða mótsins varð annars þessi:
1.-2. Þorsteinn Þorsteinsson og Kristján Guð-
mundsson 6 v.
3.-4. Björn Þorsteinsson og Haukur Bergmann
5 v.
5. Sverrir Norðfjörð 4½ v.
6.-9. Halldór Garðarsson, Sigurður H. Jónsson,
Kristján Örn Elíasson og Sigurlaug R. Frið-
þjófsdóttir 4 v.
10.-14. Magnús Gunnarsson, Kristján Hreins-
son, Einar S. Guðmundsson, Sigurður Krist-
jánsson og Hörður Garðarsson 3½ v.
15.-18. Kári Sólmundarson, Bernard J. Scud-
der, Ulrich Schmidhauser og Þorleifur Ein-
arsson 3 v.
19. Bjarni Sæmundsson 2½ v.
20. Birgir Aðalsteinsson 2 v.
21. Pétur Jóhannesson 1 v.
Umsjónarmaður skákmóta öðlinga
frá upphafi, Ólafur Ásgrímsson, var
skákstjóri mótsins í ár. Ólafur hefur
starfað fyrir skákhreyfinguna í meira
en 30 ár. Á Skákþingi Reykjavíkur í
janúar sl. voru nákvæmlega þrír ára-
tugir liðnir síðan hann stýrði sína
fyrsta stóra skákmóti sem skákstjóri
en það var einmitt Skákþing Reykja-
víkur árið 1976. Ólafur mun halda
áfram standa vaktina á miðvikudaginn
kemur, 10. maí næstkomandi, en þá
verða verðlaun afhent fyrir skákmót
öðlinga jafnframt sem öllum 40 ára og
eldri er boðið að taka þátt í hrað-
skákmóti sem hefst kl. 19.30 í húsa-
kynnum Taflfélags Reykjavíkur í
Faxafeni 12.
Stöðumynd 1
Stöðumynd 3
Stöðumynd 2
FRÉTTIR
BLÖNDUÓSLISTINN (E), sameinað afl Blönduósinga hefur
verið lagður fram vegna komandi sveitarstjórnarkosninga í
maí. Málefnaskrá listans kemur fram á næstu dögum en
markmið hans er að vinna að bættum hag og velferð bæj-
arfélagsins, óháð flokkspólitískum línum.
Listann skipa:
1. Valgarður Hilmarsson, forseti bæjarstjórnar
2. Héðinn Sigurðsson, læknir
3. Jón Aðalsteinn Sæbjörnsson, framkvæmdastjóri
4 Jóna Fanney Friðriksdóttir, bæjarstjóri
5. Nína Margrét Pálmadóttir, sjúkraliði
6. Zophonías Ari Lárusson, verslunarstjóri
7. Helga Kristín Gestsdóttir, iðjuþjálfi
8. Þorgils Magnússon, húsasmiður
9. Brynhildur Erla Jakobsdóttir, grunnskólakennari
10. Þórhallur Barðason, tónlistarkennari
11. Erna Björg Jónmundsdóttir, deildarstjóri
12. Þórður Pálsson, ráðunautur
13. Sigurður Jóhannesson, framkvæmdastjóri
14. Sigursteinn Guðmundsson, fyrrv. yfirlæknir
Blönduóslistinn lagður fram