Morgunblaðið - 06.05.2006, Blaðsíða 45

MORGUNBLAÐIÐ LAUGARDAGUR 6. MAÍ 2006 45
UMRÆÐAN
AÐ GEFNU tilefni vil ég gera stutta grein fyrir afstöðu V-listans í sam-
einuðu sveitarfélagi í Þingeyjarsýslum, til hugmynda um álver við Húsa-
vík.
Ekki þarf að fara í grafgötur um það að félag VG í hinu nýja sveitarfé-
lagi, sem ásamt öðru félagshyggju- og umhverfisvernd-
arfólki stendur að framboðinu, er sammála stefnu Vinstri-
hreyfingarinnar – græns framboðs og telur að frekari
uppbygging stóriðju hér á landi komi ekki til greina.
Varðandi þau áform sem nú eru til skoðunar um bygg-
ingu álvers í nágrenni Húsavíkur hefur V-listinn varað
mjög við því að sveitarfélagið setji allt sitt traust á þá
framkvæmd. Framboðið einfaldlega hafnar því að menn
sitji með hendur í skauti og bíði eftir álveri, og greinir sig
þannig frá öðrum framboðum hvað þetta snertir. Allt tal í þá veru að
menn þurfi „eitthvað stórt“ og ekki þýði að tala bara um „eitthvað ann-
að“ er varhugavert. Með því er allt of lítið gert úr mörgu sem hér hefur
verið áorkað og sömuleiðis úr þeim fjölbreyttu möguleikum sem fólgnir
eru í mannauði, náttúru og auðlindum svæðisins.
Það er eindregin skoðun okkar að næstu misseri verði að nota vel til
að kanna alla þætti sem lúta að hugsanlegri byggingu álvers eins og þeir
snúa að heimamönnum, samfélagi okkar og umhverfi. Ekki ber að gefa
sér þá niðurstöðu fyrirfram slík risaframkvæmd verði byggðarlaginu ein-
ungis til heilla eða sé réttlætanleg vegna áhrifanna á náttúru, umhverfi
og ímynd svæðisins, annað atvinnulíf og hið mannlega samfélag.
V-listinn mun ekki leggjast gegn skoðun á hugsanlegum álvers-
framkvæmdum vegna þess að við teljum afar brýnt að fari fram ítarleg
umræða um þetta mál þar sem allar upplýsingar séu uppi á borðinu, jafn-
óðum og þær liggja fyrir. Í þeirri vinnu ætlum við að veita það aðhald
sem nauðsynlegt er, til að hagsmunir samfélagsins, umhverfis og náttúru
verði ekki fyrir borð bornir þegar taka þarf ákvarðanir um framhald
málsins.
Það er ekkert launungarmál að innan raða þeirra sem að framboðinu
standa er margt fólk sem er andvígt fyrirhuguðum framkvæmdum vegna
þeirra neikvæðu áhrifa sem þær geta haft á náttúru, mannlíf og atvinnu-
líf, ekki síst mikilvægar greinar á landsbyggðinni eins og sjávarútveg og
ferðaþjónustu.
V-listinn vill jafnframt leggja þunga áherslu á það grundvallarsjón-
armið framboðsins að ekki verði farið í frekari virkjanir á fallvötnunum í
Þingeyjarsýslum vegna hugsanlegrar orkuöflunar fyrir stóriðju, þ.m.t.
Skjálfandafljóti, Svartá, Suðurá, Laxá eða Jökulsá á Fjöllum.
V-listinn telur mikilvægast að beita sér fyrir fjölbreytni í atvinnu-
málum og að hið nýja sveitarfélag marki sér frá byrjun metnaðarfulla
velferðarstefnu. Markmiðið verði fjölskylduvænt og öruggt samfélag sem
nýti kosti búsetu á landsbyggðinni svo sem nálægð og persónulega þjón-
ustu, möguleika til útivistar og samneytis við umhverfið, fjölbreytt mann-
líf og menningu. Það eru hreinar línur.
Við viljum ekki
sitja og bíða
Eftir Ásbjörn Björgvinsson
Höfundur er forstöðumaður Hvalasafnsins á Húsavík
og skipar 1. sæti á V-listanum í Þingeyjarsýslum.
HVAÐA mál vegur þyngst í komandi borgarstjórnarkosningum? Algeng-
asta svarið, sem undirritaður hefur fengið að undanförnu, er staðsetning flug-
vallarins. Flestir leggja áherslu á að flugvöllurinn verði áfram í Vatnsmýr-
inni. Um einkamál Reykvíkinga geti ekki verið að ræða, þar
eð Reykjavík sé höfuðborg Íslands og öllum landsmönnum
mikil nauðsyn að eiga sem greiðasta leið að og frá borginni.
Björn Ingi & Co. í ex(it)bé framboðinu reyna í fáti að telja
kjósendum trú um, með mjög kostnaðarsömum sjónvarps-
áróðri, þar sem „staðreyndum“ er hagrætt að vild, að töfra-
lausnin felist í að eyðileggja nýjuppgerðan flugvöllinn, ásamt
því að rífa og brjóta niður öll mannvirki og byggingar honum
tengdar. Byggja þess í stað gríðarstóra eyju í mynni Skerjafjarðar, ásamt
með öllum þeim þjónustumannvirkjum sem aðalinnanlandsflugvelli landsins
tilheyra og koma með stórkostlegum hagnaði út úr öllu bröltinu! Oft hefur
maður heyrt um ævintýraleg „kosningaloforð“, en vafalaust slær þetta öll
fyrri met. Fræg er sagan um frambjóðandann sem sagði við aðstoðarmann
sinn, þegar honum fannst mikið liggja við að ganga í augun á væntanlegum
kjósendum: „Skrifaðu eitt stykki flugvöll!“ Í þetta er gjarnan vitnað, sem
dæmi um hversu langt menn hafa á stundum seilst í loddaraskap og hams-
lausri viðleitni til atkvæðaveiða. Þeir ex(it)bé menn sjást greinilega ekki fyrir
og gera sér í óðagotinu ekki grein fyrir að endanlegar ákvarðanir um stað-
setningu flugvallar eru á valdi samgönguyfirvalda, auk yfirvalda þeirra sveit-
arfélaga sem hlut eiga að máli. Bæjarstjórar nágrannasveitarfélaganna segja
umrætt svæði utan lögsögu Reykjavíkur og finna að auki ýmsa augljósa
meinbugi á málinu. Þetta brölt Björns Inga & Co. í ex(it)bé er hinsvegar í
fullu samræmi við þá yfirlýsingu hans að nóg sé komið af „samræðustjórn-
málum“. Nú sé þörf fyrir „athafnastjórnmálamenn“ og þeim flokki vilji hann
tilheyra! Væntanlega telur hann því hreina tímasóun að eyða tíma í samræður
við þá aðila, sem hlut eiga að máli! Taka kjósendur slíkan frambjóðanda al-
varlega?
Lönguskerjaframboð
í vanda
Eftir Svein Aðalsteinsson
Höfundur skipar 7. sæti á F-listanum fyrir borgarstjórnarkosningar í vor.
Fréttir í tölvupósti