Morgunblaðið - 06.05.2006, Blaðsíða 67

MORGUNBLAÐIÐ LAUGARDAGUR 6. MAÍ 2006 67
MENNING
LISTALÍFIÐ verður fjölskrúðugt
um helgina. M.a. má nefna sýningu
þriggja alþýðulistamanna í Gerðu-
bergi sem verður opnuð í dag kl.
15:00. Listamennirnir þrír eru Guð-
jón Stefán Kristinsson, Jón Ólafsson
og Ketill Larsen.
Sýning Guðjóns ber heitið Sagnir
og seiðmenn. Hann vinnur skúlptúra
í rekavið og hefur m.a gert högg-
myndir af andlitum og öndvegissúlur.
Jón sýnir portrett sem máluð eru
með akrýllitum, hann kallar sýn-
inguna Kvunndagsfólk og segir hana
samanstanda af einstæðingslegum
persónumyndum. Á sýningu Ketils,
Andblær frá öðrum heimi, má sjá
málverk, en árstíðabundnar lita-
samsetningar, sterkar og djúpar í
óræðu landslagi, einkenna verk Ket-
ils. Fyrir þá sem ná ekki að kíkja á
karlana um helgina standa sýning-
arnar til 10. september.
Flösin, leirlist og gjörningur
Í Gerðarsafni og Náttúru-
fræðistofu Kópavogs verður í dag kl.
15:00 opnuð yfirlitssýning á verkum
Guðmundar frá Miðdal. Á sýningunni
er að finna úrval olíumynda, vatns-
litamynda og skúlptúra eftir Guð-
mund. Auk þess eru sýndar all-
margar og afar sjaldséðar
grafíkmyndir ásamt fjölmörgum leir-
munum. Sýningin ber heitið Mað-
urinn í náttúrunni, náttúran í mann-
inum og stendur til 2. júlí. Málþing
um Guðmund og list hans verður síð-
an haldið í Salnum í Kópavogi á
morgun milli kl. 13:00 og 15:00.
Guðrún Halldórsdóttir leirlist-
armaður opnar vinnustofu og sýning-
arsal í Ármúla 1 í Reykjavík kl. 16:00
í dag. Guðrún sýnir þarna á milli 20
og 30 af nýrri verkum sínum auk þess
sem myndir af fyrri verkum hennar
munu skreyta veggina.
Í kjallara bakhúss á Grundarstíg
21 í Þingholtunum er Gallerí Dverg-
ur. Þar opnar í kvöld myndlistarmað-
urinn Magnús Árnason sýningu sína
MUCUS. Við opnunina flytur Magn-
ús gjörning ásamt Stefáni Halli Stef-
ánssyni leikara. Magnús stundaði
myndlistarnám í Vínarborg og verk
hans spanna tilfinningaskalann frá
forvitni til hræðslu, frá galdri til mar-
traða. MUCUS verður opin 6., 12.,
13., 17., 19. og 20. maí kl. 20:00 til
21:30.
Reykjanesbúar og nágrannar ættu
að skella sér í Flösina, Byggðasafnið í
Garði, um helgina. Þar sýnir Jófríður
J. Jónsdóttir myndlistarmaður verk
sín. Viðfangsefni Jófríðar á þessari
sýningu er Reykjanesið, þ.e. vitinn og
næsta nágrenni, en þar liggja æsku-
slóðir hennar. Sýningin er opin alla
daga til 14. maí frá kl. 13:00 til 24:00.
Fjórir viðburðir í Hafnarborg
Í Hafnarborg, menningar- og lista-
stofnun Hafnarfjarðar, er nóg um að
vera. Í dag opnar Örn Þorsteinsson
myndhöggvari sýninguna, Kvika úr
búri – Höggmyndir, í öllum sölum
Hafnarborgar. Örn sýnir bæði ný og
nokkur eldri verk steypt í ál, brons
og járn. Einnig verða á sýningunni
nokkur eldri málverk og teikningar
sem forvitnilegt er að skoða með hlið-
sjón af nýrri verkum listamannsins.
Sýningunni lýkur 29. maí.
Í kaffistofu Hafnarborgar stendur
nú yfir ljósmyndasýning sem er liður
í hátíðinni List án landamæra. Það
eru nemendur í Fjölmennt – fullorð-
insfræðslu fatlaðra sem sýna ljós-
myndir sínar sem eru afrakstur ljós-
myndanámskeiðs. Sýnendur eru:
Ástrós Ingvadóttir, Arnbjörg Magn-
ea Jónsdóttir, Jón Gunnarsson, Hall-
dóra Jónsdóttir, Sigurgeir Atli Sig-
mundsson, Rut Ottósdóttir, Steinunn
Ása Þorvaldsdóttir, Birgir Þórisson,
Hlynur Jónsson, Sigrún Lóa Ár-
mannsdóttir og Valur Alexand-
ersson.
Anddyri Hafnarborgar stendur
ekki autt því þar sýnir Rósa Sigrún
Jónsdóttir verk sín en hún er mynd-
höggvari mánaðarins í Hafnarborg.
Verkin ganga undir heitinu Svart-
hvítir dagar.
Tvær sýningar á Akureyri
Akureyringar láta ekki deigan síga
í listalífinu og er Listasafn Akureyrar
þar í fararbroddi. Homesick/
Heimþrá – fjölþjóðleg farandsýning í
fjórum þáttum nefnist sýning sem
verður opnuð þar í dag og stendur til
25. júní. Sýningin er unnin í sam-
vinnu við Kynningarmiðstöð ís-
lenskrar myndlistar og fer héðan til
Tyrklands, Ísraels og Sviss, landa
sem eiga það sameiginlegt með Ís-
landi að vera á jaðri Evrópusam-
bandsins.
Listamennirnir sem sýna eru: Ne-
vin Aladag (Tyrklandi), Guy Ben-Ner
(Ísrael), Chantal Michel (Sviss),
Libia Pérez de Siles de Castro
(Spáni) og Íslendingarnir Haraldur
Jónsson, Katrín Sigurðardóttir og
Ólafur Árni Ólafsson.
Í tengslum við sýninguna verður
haldin pallborðsumræðan Homesick-
ness – nostalgía eða nauðsyn í Deigl-
unni á Akureyri í dag kl. 13:00.
Gallerí Box er til húsa í Kaup-
vangstræti 10 í höfuðstað Norður-
lands. Þar opnar í dag kl. 16:00 Sól-
veig Einarsdóttir sýninguna Dagur
og Prins. Sólveig sýnir skúlptúra og
ljósmyndir þar sem nýju ljósi er
varpað á fyrrverandi gæludýr lista-
mannsins. Þetta er þriðja einkasýn-
ing Sólveigar og mun hún standa til
25. maí, opið er á fimmtudögum og
laugardögum frá kl. 14:00 til 17:00.
Nú er um að gera að pússa spari-
skóna og spóka sig með spekingssvip
á listasöfnum landsins yfir helgina.
Myndlist | Óvenju margar myndlistaropnanir um helgina
Morgunblaðið/ÁsdísHvunndagsfólk Jóns Ólafssonar. Höggmynd eftir Örn Þorsteinsson sem sýnir í Hafnarborg.
Fjölskrúðugt listalíf í landinu
Eftir Ingveldi Geirsdóttur
ingveldur@mbl.is
Úr innsetningu Magnúsar Árnasonar í galleríinu Dvergi.
TINNA Gunnlaugsdóttir Þjóðleik-
hússtjóri og Jón Karl Ólafsson for-
stjóri Icelandair undirrituðu sam-
starfssamning í Þjóðleikhúsinu í
gær. Markmið samningsins er að
auðvelda Þjóðleikhúsinu að fara til
útlanda með íslenska leiklist, en
ráðgerðar eru nokkrar ferðir á
vegum leikhússins til annarra
Norðurlanda á næstunni. Samning-
urinn gildir í eitt ár, með mögu-
leika á endurnýjun.
Leikför með Eldhús eftir máli –
Hversdagslegar hryllingssögur til
Konunglega leikhússins í Kaup-
mannahöfn verður sú fyrsta, en
ráðgerðar eru tvær sýningar dag-
ana 30. og 31. maí. Verður þetta
fyrsta sýningin sem Þjóðleikhúsið
sýnir í þessu fornfræga leikhúsi, en
verkið verður sett upp í Stærekas-
sen. Eldhús eftir máli eða Et
skræddersyet køkken – Gysere fra
hverdagen verður flutt á íslensku
en danskri þýðingu verður varpað
upp á skjá. Það er Erik Skyum Niel-
sen sem þýðir verkið en hann hefur
meðal annars þýtt átján smásögur
eftir Svövu Jakobsdóttur á dönsku
sem gefnar voru út undir samheit-
inu „Kvinde med spejl“. Vigdís
Finnbogadóttir, fyrrum forseti Ís-
lands, mun slást í för með Þjóðleik-
húsinu og flytja aðfaraorð um
Svövu og skáldskap hennar á
dönsku áður en sýningarnar hefj-
ast.
Fjárstuðningur til ferðarinnar
kemur að mestu leyti frá Dan-
mörku, frá PFA Pension Fund, en
samstarfssamningurinn við Ice-
landair auðveldar Þjóðleikhúsinu
ennfremur að þiggja boð Kon-
unglega leikhússins.
Einnig stendur fyrir dyrum að
Þjóðleikhúsið fari leikferð til Fær-
eyja með Græna landið eftir Ólaf
Hauk Símonarson, og á Ibsenhátíð-
ina í Noregi með Pétur Gaut eftir
Henrik Ibsen.
Morgunblaðið/Kristinn
Tinna Gunnlaugsdóttir og Jón Karl
Ólafsson undirrita samninginn.
Eldhús eftir máli í fyrstu ferð
Mike Attack
„Mér er til efs að
Íslendingar hafi
nokkurn tíma áður
átt skemmtikraft
sem jafnast á við Kristján“.
Þorgeir Tryggvason/MBL
„Það er full ástæða til að hvetja
alla sem vettlingi geta valdið til
að sjá Kristján flytja sinn
leiklistargjörning sem er kraft-
mikill, heillandi og bráðfyndinn“.
Valgerir Skagfjörð/Fréttablaðið
Sunnudagana 7. maí og
14. maí klukkan 14.00.
Aðeins þessar sýningar.
Nú bjóðum við frábært tilboð á síðustu
sætunum til Alicante 18. maí. Þú kaupir
2 flugsæti en greiðir aðeins fyrir 1.
Gríptu tækifærið og skelltu þér til
Alicante/Benidorm á einstökum kjörum.
Skógarhlíð 18 • sími 595 1000 • www.heimsferdir.is
2 fyrir 1 til
Alicante
18. maí
frá kr. 19.990
Síðustu sætin
Verð kr. 39.990
Flugsæti báðar leiðir með sköttum, m.v.
2 fyrir 1 tilboð 18. maí. Netverð á mann.
Munið Mastercard
ferðaávísunina