Morgunblaðið - 06.05.2006, Blaðsíða 31

MORGUNBLAÐIÐ LAUGARDAGUR 6. MAÍ 2006 31
MENNING
opið:
mán.–föstud. 11–18
laugard. 11–16
MIRALE
Grensásvegi 8
108 Reykjavík
sími: 517 1020
afmælisveisla
2 ára
Full búð af spennandi
afmælistilboðum
10–25% afsláttur
TRYGGVA Ólafsson þarf ekki að
kynna fyrir Íslendingum og e.t.v.
ekki fyrir Norðurlandabúum heldur
en nú eru t.a.m. verk eftir Tryggva í
eigu ekki færri en 16 listasafna á
Norðurlöndunum. Hann sýnir nú ríf-
lega þrjátíu olíumálverk í nýjum sýn-
ingarsal hjá Galleríi Fold. Sýningin
listamannsins er tileinkuð minningu
bróður hans, Lofts Ólafsonar sem
lést á síðasta ári.
Miðað við tilkomu nýrra sölugall-
ería á borð við Gallerí Turpentine og
Gallerí Anima auk þessarar stækk-
unar hjá Galleríi Fold virðist vera
mikill uppgangur í sölu á íslenskri
samtímalist og er það afar ánægju-
legt. Þetta má án efa m.a. þakka til-
komu vaxtalausra listaverkalána en
eins og flestir vita er list góð fjárfest-
ing. Einnig hlýtur innihaldsrík sam-
tímalist að auðga líf eigenda sinna
meira en hlutabréf gera. En inni-
haldsrík er einmitt list Tryggva.
Listamaðurinn er löngu orðinn
þekktur fyrir sinn ákveðna, persónu-
lega stíl sem mótaðist að hluta á tím-
um popplistarinnar en hefur verið í
þróun síðan. Uppbygging verka
hans, viðfangsefni og úrvinnsla
minnir allra helst á ljóð. Einstakir og
aðskildir þættir koma saman á
myndfletinum en afmarkaðar útlínur
þeirra koma í veg fyrir að þeir skar-
ist. Hér er ekki um eiginlega frásögn
að ræða heldur uppástungur, stefnu-
mót ólíkra þátta lífsins í fortíð og nú-
tíð. Saman flétta þessir þættir, hin
ýmsu form og samspil lita á mynd-
fletinum, sögu sem áhorfandinn
skrifar sjálfur, sögu án upphafs og
endis, opið flæði sem skemmtilegt er
að rýna í og lesa úr. Það er ljóðrænn
léttleiki í mörgum mynda Tryggva
sem minnir á dönsk „dægilegheit,
heita sumardaga og hlýja golu“. En
undir niðri lúrir íslenska örlagatrúin
og vetrarmyrkrið sem enginn fær
flúið. Það er ekki síst þetta samspil
sem ljær verkum Tryggva kraft og
persónulega nærveru, en þrátt fyrir
næstum því stöðluð form og hreina
og klára liti má jafnan greina hjarta
listamannsins undir niðri. Tryggvi
sýnir hér augljóslega að hann er eitt
okkar betri ljóðskálda.
Eitt verka Tryggva af umræddri sýningu í galleríi Fold.
Stefnumót ólíkra þátta
Ragna Sigurðardóttir
MYNDLIST
Gallerí Fold
Til 14. maí. Gallerí Fold er opið daglega
kl. 10–18, laugard. 11–17 og sunnud.
14–17.
Málverk, Tryggvi Ólafsson
DANINN Jørgen Svare hefur um
langt árabil verið einn fremsti
klarinettuleikari Norðurlanda þeg-
ar dixiland og sving er annars veg-
ar. Hann er Íslendingum að góðu
kunnur og þá frekar fyrir sam-
vinnu sína við Björn Thoroddsen
og Jón Rafnsson en Papa Bue, en
með því frægasta dixilandbandi
Norðurálfu lék hann í tæp þrjátíu
ár.
Þeir félagar hituðu upp með
Rósettu, klassíkinni hans Earl
Hines, og síðan blés Svare Sweet
And Lovely eftir Gus Arnheim. Því
miður var Svare ekki kominn í
form og flutningurinn slakur, sér í
lagi borinn saman við stórkostleg-
an flutning tríósins á þessum
tveimur ópusum á nýju Svare/
Thoroddsen skífunni: Sweet And
Lovely. Það var eiginlega ekki fyrr
en eftir einleikslag Björns, Over
The Rainbow eftir Harold Arlen,
að Svare tók flugið í verki Elling-
tons: It Don’t Mean A Thing If It
Ain’t Got That Swing, og sýndi
okkur hvers hann er megnugur.
Svona kallar eins og Svare þurfa
yfirleitt hálft sett til að komast í
gang, en honum tókst að töfra sal-
inn með fyrsta flokks sjói atvinnu-
mannsins. Gamla vögguvísan
Hush-A-Bye, sem var fyrst gefin
út í Bandaríkjunum 1765 og á ræt-
ur að rekja til indjána, fékk balk-
neska meðhöndlun hjá Svare og
hann ýlfraði í klarinettið eins og
búlgörsku klarinettuleikararnir
gera gjarnan. Björn lék þarna ljúf-
an og lýrískan sóló og svo kom
Sweet Georgia Brown og salurinn
klappaði taktinn. Jón Rafnsson tók
nokkra sólóa þótt meiddur væri á
hendi og var fínn í göngubassanum
og það er á hreinu að hlustendur
héldu glaðir heim á leið.
Svingað
með Svare/
Thoroddsen
Vernharður Linnet
DJASS
Jazzhátíð Garðabæjar
í Tónlistarskólanum
Jørgen Svare klarinett, Björn Thoroddsen
gítar og Jón Rafnsson bassa.
Föstudagskvöldið 21. apríl.
Svare/Thoroddsen tríóið
Fréttir á SMS