Morgunblaðið - 19.05.2006, Qupperneq 17

MORGUNBLAÐIÐ FÖSTUDAGUR 19. MAÍ 2006 17
ÚR VERINU
Sony Ericsson Z300i
11.980 kr.
• Fallegur samlokusími
• Ytri skjár
• Valmyndakerfi á íslensku
• Vekjari og dagbók
Sony Ericsson W810i
37.980 kr.
• 2.0 megapixel myndavél
• Walkman MP3 spilari
• 512 MB minni
• Íslensk valmynd
www.siminn.is/davinci
Fáðu þér
Da Vinci
síma
„SJÁVARÚTVEGSSÝNINGIN í
Brussel í ár var með þeim betri sem
Sæplast hefur tekið þátt í. Við feng-
um mikið af fyrirspurnum og pönt-
unum, auk gríðarlegs áhuga á
„Fiskikeri framtíðarinnar“, nýjung
sem við vorum að kynna á sýning-
unni,“ segir Hilmar Guðmundsson,
markaðs- og sölustjóri Sæplasts
Dalvík ehf., um þátttöku fyrirtæk-
isins í Brussel-sýningunni í síðustu
viku. Þar kynnti fyrirtækið prufu-
eintak af nýju keri sem verið hefur í
þróun og hefur gengið undir vinnu-
heitinu „Fiskiker framtíðarinnar“.
Hilmar segir að nýja kerinu hafi
verið sýndur mikill áhugi en það
hefur verið í þróunarferli um nokk-
urt skeið. Vöruþróunarverkefnið
var unnið í samstarfi við FISK Sea-
food á Sauðárkróki og starfsmenn
Rannsóknarstofnunar fiskiðnaðar-
ins, auk þess sem fulltrúar frá öðr-
um íslenskum sjávarútvegsfyrir-
tækjum sátu í rýnihópi vegna
verkefnisins.
„Fiskiker framtíðarinnar er
nokkuð frábrugðið öðrum kerum
frá okkur. Það er léttara, innan-
rúmmál er hlutfallslega meira en
áður og hönnunin er þannig að við
stöflun lokar efra ker því neðra. Í
fjögurra kera stæðu þarf þannig
ekki nema eitt lok, það er á efsta
kerið. Búið er einnig að færa göt
fyrir lyftaragaffla utar á kerið
þannig að ekki er hætta á að
óhreinindi berist með botni í neðri
ker þegar þeim er staflað. Þessi
atriði og nokkur önnur gera kerið
frábrugðið öðrum og spennandi nýj-
ung fyrir hvort heldur fiskvinnslur
eða skip,“ segir Hilmar en nú þegar
hefur verið sótt um einkaleyfi á
þessari hönnun. Hilmar segir það
mikilvægt atriði þar sem þess hafi
orðið vart að eftirlíkingar Sæplast-
keranna séu á markaðnum.
Viðskiptavinir Sæplasts voru
áhugasamir um nýjungina á sýning-
unni og unnið verður áfram úr ýms-
um ábendingum sem frá þeim
komu. Frekari þróunarvinna er
framundan áður en kerið verður
sett í fjöldaframleiðslu en pantanir
bárust þegar á Brussel-sýningunni.
Vel heppnuð sýning í ár
Hilmar segir Brussel-sýninguna
meðal mikilvægustu vörusýninga
sem Sæplast tekur þátt í á hverju
ári. Að þessu sinni tóku þátt fulltrú-
ar frá Sæplasti á Íslandi, Noregi,
Spáni og Kanada, auk Asíu. „Bruss-
el-sýningin er mikilvæg fyrir okkur
og snertiflötur við viðskiptavini víða
að. Ég tel sýninguna í ár meðal
þeirra bestu, áhugi viðskiptavina
var mikill og umtalsverðar vöru-
pantanir. Sýningar sem þessar skila
okkur bæði árangri hvað vöruþróun
varðar, beinni sölu og nýjum við-
skiptavinum. Allt þetta gerðist á
sýningunni í ár þannig að við erum
hæstánægðir með þátttökuna,“ seg-
ir Hilmar Guðmundsson.
Mikill áhugi á „Fiski-
keri framtíðarinnar“
Sýningar Vörur Sæplasts vöktu at-
hygli á Evrópsku sjávarafurðasýn-
ingunni í Brussel.
Sæplast tók þátt
í sjávarútvegssýn-
ingunni í Brussel
FJARÐANET
hefur tekið í sölu
vinnubáta sem
kallast Nordic
Seahunter og eru
hverfisteyptar
plast-tvíbytnur
með mikla notk-
unarmöguleika,
en hægt er t.d. að nota þá sem flutn-
ingapramma, stöðugan vinnuflotpall,
bát eða flotbryggju. Nordic Seahun-
ter er byggður til að þola mikið álag
og hnjask og getur borið allt að 2000
kg.
Bátarnir eru hannaður sem stöðug
tvíbytna og hallast lítið, jafnvel þótt
mikið álag sé á þá til hliðanna. Hægt
er að fá með þeim ýmsan aukaúnað,
svo sem þóftur, áldekk, kafarastiga,
handrið, stýriseiningu, samlæsing-
arkróka eða mótorfestingu, en hægt
er að setja á þá utanborðsmótor.
„Notkunarmöguleikarnir eru nán-
ast óendanlegir. Hægt er að nota þá
Fjarðanet selur báta
til flutninga á
ýmsum vörum
bæði á sjó og
vötnum og
vegna lítillar
eiginþyngdar er
auðvelt að flytja
bátana á milli.
Eigin þyngd í
lofti (með þóftum og áldekki) er að-
eins 390 kg. Vegna stöðugleika síns
hentar hann vel til ýmiskonar vinnu
við bryggjur og hafnir. Hægt er að fá
með bátunum króka sem læsa þeim
saman og hægt er þá að raða þeim
saman í smærri einingum í stærri
palla eftir þörfum. Fjarðanet getur
afhent bátana með utanborðsmótor
og kerru. Þyngd utanborðsvélar má
vera allt að 90 kg, en velja ber vél
með tilliti til notkunar. Fjarðanet er
með báta til sýnis á fjórum stöðum á
landinu, Ísafirði, Akureyri, Nes-
kaupstað og Reykjavík,“ segir í frétt
frá Fjarðaneti.
NAFNI Þorbjarnar Fiska-
ness í Grindavík hefur verið
breytt og heitir fyrirtækið
nú Þorbjörn hf.
Fyrirtækið var á sínum
tíma sett saman úr þremur
fjölskyldufyrirtækjum, Þor-
birni og Fiskanesi í Grinda-
vík og Valdimar í Vogunum
og fékk hið sameinaða fyr-
irtæki þá nafnið Þorbjörn
Fiskanes.
Ákvörðun um nafnbreytinguna
var tekin á aðalfundi félagsins nú í
vikunni og segir Eiríkur Tómasson,
framkvæmdastjóri þess, að það
þyki þjálla að einfalda
nafnið og því eðlilegt að
taka upp hið gamla nafn
Þorbjörn hf.
Eiríkur segir að rekst-
urinn á síðasta ári hafi
gengið vel, þrátt fyrir að
lítið hafi fengizt fyrir
gjaldeyrinn.Það hafi nú
breytzt til batnaðar.
Hagnaður eftir skatta
var um 600 milljónir króna, að
stórum hluta gengishagnaður,
vegna skulda.
Velta var um fjórir milljarðar
króna, sem er svipað og árið áður.
Þorbjörn Fiskanes hf.
verður Þorbjörn hf.
Eiríkur Tómasson