Morgunblaðið - 29.05.2006, Blaðsíða 2

2 MÁNUDAGUR 29. MAÍ 2006 MORGUNBLAÐIÐ
FRÉTTIR
ÞREKVIRKI SKIPVERJA
Skipverjar á Akureyrinni unnu
stórkostlegt þrekvirki þegar þeir
slökktu eldinn sem varð tveimur sjó-
mönnum að bana á laugardagskvöld.
Eldurinn var mikill og mikill reykur
og hiti um borð í skipinu.
Vinstristjórn á Akureyri?
Töluverðar líkur eru á að Samfylk-
ing, Vinstri-grænir og Listi fólksins
myndi nýjan meirihluta á Akureyri,
en það verður í fyrsta skipti sem
meirihluti myndast í bæjarstjórn Ak-
ureyrar án þátttöku Framsóknar-
flokks eða Sjálfstæðisflokks.
F og D í viðræður í borginni
Viðræður milli Sjálfstæðisflokks
og Frjálslynda flokksins um meiri-
hlutasamstarf í borgarstjórn hófust í
gær og stóðu fram á kvöld. Segja
fulltrúar flokkanna viðræðurnar enn
óformlegar, en gangurinn sé góður.
Fulltrúar ræða nú málefni aldraðra
og flugvallarins. Ólafur F. Magn-
ússon ætlar ekki að sækjast eftir
embætti borgarstjóra.
Meirihluti áfram í Kópavogi
Oddvitar Framsóknar- og Sjálf-
stæðisflokks í Kópavogi hafa ákveðið
að halda áfram meirihlutasamstarfi
flokkanna á komandi kjörtímabili.
Gunnar I. Birgisson verður bæjar-
stjóri og Ómar Stefánsson, fulltrúi
Framsóknarflokks, verður formaður
bæjarráðs.
Um 4.600 dóu á Jövu
Ljóst er að minnst 4.600 manns
týndu lífi í jarðskjálftanum mikla á
Jövu í Indónesíu á föstudagskvöld og
tugþúsundir slösuðust. Skjálftinn var
6,3 stig á Richter og var tjónið lang-
mest í Bantul-héraði. Víða er talið að
fólk hafi lokast inni undir rústum en
mikið tjón varð á eignum og fjöldi
húsa hrundi. Hjálparstarf gengur
hægt, m.a. vegna mikilla rigninga.
Uribe endurkjörinn
Alvaro Uribe var endurkjörinn for-
seti Kólumbíu í gær með miklum
meirihluta. Þegar talin höfðu verið
um 85% atkvæða var hann með um
62% stuðning og því ljóst að ekki
myndi þurfa aðra umferð. Helsti
keppinauturinn, Carlos Gaviria, var
með um 22%.
Páfi kveður Pólverja
Nær milljón manna var við messu
Bendikts 16. páfa í Krakow í Póllandi
í gær. Heimsókn páfa til landsins
lauk í gær og heimsótti hann Ausch-
witz-fangabúðir nasista á síðasta deg-
inum en þar létu milljónir gyðinga líf-
ið.
Y f i r l i t
Í dag
Sigmund 8 Minningar 27/35
Fréttaskýring 8 Dagbók 38/41
Vesturland 11 Myndasögur 38
Viðskipti 12/13 Víkverji 38
Erlent 14/15 Staður og stund 41
Daglegt líf 16/17 Leikhús 41
Menning 18, 41/45 Bíó 42/45
Umræðan 20/26 Ljósvakar 46
Bréf 26 Veður 47
Forystugrein 24 Staksteinar 47
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann Björnsson,
fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Inga Rún Sigurðardóttir, ingarun@mbl.is
Umræðan | Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H.
Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
MIKLAR þreifingar um meirihlutasamstarf
voru á bak við tjöldin hjá oddvitum framboðanna
í Reykjavík á kosninganóttina og í gærdag.
Sjálfstæðismenn og frjálslyndir ræða nú saman
um myndun meirihluta en aðrir kostir hafa ekki
verið útilokaðir, nema hvað samstarf Sjálfstæð-
isflokksins og Samfylkingarinnar virðist ekki
vera til umræðu af hálfu forystumanna flokk-
anna.
Eðli málsins samkvæmt á Sjálfstæðisflokk-
urinn fleiri kosti en aðrir flokkar; getur myndað
meirihluta með hvaða flokki sem er. Vilhjálmur
Þ. Vilhjálmsson, oddviti Sjálfstæðisflokksins,
ræddi hins vegar eingöngu við þrjá af oddvitum
hinna flokkanna; þau Svandísi Svavarsdóttur hjá
vinstri grænum, Björn Inga Hrafnsson hjá
Framsóknarflokki og Ólaf F. Magnússon, odd-
vita frjálslyndra. Vilhjálmur ræddi ekki við Dag
B. Eggertsson, oddvita Samfylkingarinnar, og
Dagur hafði heldur ekki frumkvæði að samræð-
um við Vilhjálm.
Dagur segir í samtali við Morgunblaðið að
samstarf Sjálfstæðisflokks og Samfylkingar sé
mjög langsótt enda hafi þessir flokkar verið þeir
höfuðpólar sem tókust á í baráttunni og að sá
kostur sé ekki innan seilingar. „Ég held að það
verði búið að mynda meirihluta áður en sá kost-
ur kæmi upp á borðið,“ segir hann.
Fjögurra flokka samstarf
fyrsti kostur VG
Samkvæmt heimildum Morgunblaðsins leitaði
Vilhjálmur eftir viðræðum við VG um meiri-
hlutasamstarf við Svandísi Svavarsdóttur án
þess þó að gera neitt formlegt tilboð um slíkt.
Svandís mun ekki hafa útilokað neitt, en látið á
sér skilja að VG yrði fyrst að láta reyna á mynd-
un vinstri meirihluta. Í samtali við Morgunblaðið
sagði hún eðlilegt að flokkarnir sem hefðu stöðv-
að sókn Sjálfstæðisflokksins ræddu saman og
könnuðu hvort samstarf væri mögulegt.
Í gærmorgun fór fram fundur um möguleika á
myndun slíks fjögurra flokka meirihluta, sem
Dagur B. Eggertsson boðaði til. Heimildir blaðs-
ins innan Sjálfstæðisflokksins herma að Vil-
hjálmur hafi ekki viljað taka áhættuna á að bíða
eftir því að slíkar viðræður strönduðu, heldur
yrði hann að ná einhverjum hinna flokkanna
fjögurra í viðræður um meirihlutasamstarf.
Skiptar skoðanir um næsta leik
Skiptar skoðanir munu hafa verið um það inn-
an Sjálfstæðisflokksins hvort þá ætti að leita til
frjálslyndra eða framsóknarmanna. Það varð of-
an á að reyna viðræður við Ólaf F. Magnússon,
oddvita frjálslyndra. Svandís Svavarsdóttir segir
að Ólafur hafi horfið af vettvangi viðræðna hinna
flokkanna þriggja eftir fundinn í gærmorgun.
„Við hittumst á fínum fundi og ákváðum að
taka klukkutímahlé og koma til baka. Í millitíð-
inni hafði Ólafur hins vegar ákveðið að hitta Vil-
hjálm og sá fundur stendur í raun enn yfir með
stuttu hléi,“ sagði Svandís í gærkvöldi. Hún seg-
ir því ljóst að hugsanlegur meirihluti fjögurra
flokka sé í bið meðan á viðræðum Frjálslynda
flokksins og sjálfstæðismanna standi.
Fulltrúar Sjálfstæðisflokksins, þau Vilhjálm-
ur, Hanna Birna Kristjánsdóttir og Gísli Mar-
teinn Baldursson, gengu á fund Ólafs á heimili
hans um kl. 15 síðdegis. Annar fundur sjálfstæð-
ismanna og frjálslyndra var síðan haldinn kl. 20 í
gærkvöldi. Þannig eru þessir tveir flokkar
komnir í viðræður um möguleika á meirihluta-
samstarfi. Sjálfstæðismenn hafa hins vegar ekki
viljað útiloka viðræður við neina aðra.
Vilhjálmur Þ. Vilhjálmsson segir að viðræð-
urnar séu óformlegar á þessu stigi. Nú sé verið
að fara yfir hlutina og velta því upp hvort grund-
völlur sé fyrir meirihlutasamstarfi flokkanna en
hvort þær viðræður gangi eftir verði að koma í
ljós.
Þegar hann er inntur eftir því hvort hann hafi
sett sig í samband við fleiri framboð segist Vil-
hjálmur hafa gert það og til standi að ræða við
fleiri framboð.
Áfram samband við Framsókn
Á meðan sjálfstæðismenn og frjálslyndir ræða
saman eru samræður annarra flokka hins vegar í
biðstöðu. Björn Ingi Hrafnsson, oddviti fram-
sóknarmanna, bauð sjálfstæðismönnum í fyrri-
nótt og gær upp á viðræður um meirihluta-
samstarf, samkvæmt heimildum blaðsins. Björn
Ingi mun hins vegar hafa orðið fyrir vonbrigðum
með að sjálfstæðismenn byðu honum ekki til við-
ræðna, í stað Ólafs F. Magnússonar. Heimildir
Morgunblaðsins herma hins vegar að þeir Vil-
hjálmur og Björn Ingi hafi verið í sambandi síð-
degis í gær, eftir að viðræður sjálfstæðismanna
og frjálslyndra hófust, og að ekkert hafi verið
útilokað um frekari viðræður þeirra á milli. Inn-
an Sjálfstæðisflokksins eru ýmsir þeirrar skoð-
unar að fremur hefði átt að ræða við framsókn-
armenn en frjálslynda og vilja áfram halda þeim
möguleika opnum.
Leitaði eftir viðræðum við VG
Eftir Ólaf Þ. Stephensen, Árna Helgason
og Önnu Pálu Sverrisdóttur
Fréttaskýring | Víðtækar þreifingar um meirihlutasamstarf í borgarstjórn
SAMHLIÐA sveitarstjórnarkosn-
ingunum sem fram fóru á laugar-
dag voru gerðar skoðanakannanir
um ný nöfn í sjö sameinuðum
sveitarfélögum. Víðast voru nið-
urstöður mjög afgerandi.
Í sameinuðu sveitarfélagi Skil-
mannahrepps, Hvalfjarðarstrand-
arhrepps, Innri-Akraneshrepps og
Leirár- og Melahrepps var nafnið
Hvalfjarðarsveit vinsælast með 206
atkvæði. Næstvinsælast var Hval-
fjarðarbyggð með 43 atkvæði.
Íbúar sameinaðs sveitarfélags
Borgarbyggðar, Borgarfjarðar-
sveitar, Hvítársíðuhrepps og Kol-
beinsstaðahrepps völdu flestir nafn-
ið Borgarbyggð, sem hlaut 1.034
atkvæði en næstvinsælast var nafn-
ið Sveitarfélagið Borgarfjörður með
628 atkvæði.
Sameinað sveitarfélag Siglufjarð-
arkaupstaðar og Ólafsfjarðarbæjar
mun líkast til hljóta nafnið Fjalla-
byggð, sem hlaut 513 atkvæði, en
Tröllaskagabyggð var í öðru sæti
með 203 atkvæði.
Í sameinuðu sveitarfélagi Húsa-
víkurbæjar, Kelduneshrepps, Öxar-
fjarðarhrepps og Raufarhafnar-
hrepps leist kjósendum best á
nafnið Norðurþing sem hlaut 756
atkvæði, en Norðausturbyggð hlaut
426.
Íbúar sameinaðs sveitarfélags
Þórshafnarhrepps og Skeggja-
staðahrepps völdu nafnið Langa-
nesbyggð með 121 atkvæði og kom
Langaneshreppur þar á eftir með
89 atkvæði.
Þá völdu íbúar sameinaðs sveit-
arfélags Gaulverjabæjarhrepps,
Hraungerðishrepps og Vill-
ingaholtshrepps nafnið Flóahrepp-
ur.
Í sameinuðu sveitarfélagi
Broddaneshrepps og Hólmavík-
urhrepps varð nafnið Strandabyggð
hlutskarpast, með 95 atkvæði en
Sveitarfélagið Strandir næstvinsæl-
ast með 38 atkvæði. Athygli vakti
að auðir og ógildir seðlar voru 117,
sem bendir til óánægju með þá
kosti sem í boði voru.
Afgerandi niðurstöður um nöfn
Eftir Ásgeir Ingvarsson
asgeiri@mbl.is
ÁRLEGUR baðreiðtúr Hestamannafélagsins Sleipnis á Selfossi fór
fram í gær. Riðið var frá Selfossi að Kaðlastöðum á Stokkseyri þar
sem klárar og knapar fengu kaldan þvott. Tugir hestamanna með á
annað hundrað hross tóku þátt í reiðinni, sem er mjög vinsæl meðal
hestamanna, en ekki síður meðal áhorfenda, sem fjölmenntu á fjöru-
kambinn.
Ljósmynd/Guðmundur Karl
Sæhestar á ferð við Stokkseyri
LÖGREGLAN í Ólafsvík stöðvaði
ökumann um fimmtugt fyrir of hrað-
an akstur á sunnanverðu Snæfells-
nesi seinnipart dags í gær. Þegar
maðurinn framvísaði ökuskírteini
sínu reyndist það heldur við aldur,
hafði fallið úr gildi árið 1982.
Að sögn lögreglu brá manninum
nokkuð við þau tíðindi, en hann var
sem betur fór með farþega með öllu
nýlegra ökuskírteini upp á vasann,
svo hann gat haldið ferðinni áfram
sem farþegi. Maðurinn þarf nú að
taka ökuprófið upp á nýtt, og fá
tveggja ára bráðabirgðaskírteini að
því loknu. Taldi lögreglan meiri lík-
ur en minni á því að hann myndi eft-
ir að endurnýja það skírteini þegar
þar að kæmi.
Ók í 24 ár með út-
runnið ökuskírteini