Morgunblaðið - 29.05.2006, Blaðsíða 48

Morgunblaðið/Einar Falur
Fimm menn urðu eftir um borð í Akureyrinni þegar þyrlan flaug í land.
Þar voru fjórir slökkviliðsmenn; Valur Marteinsson (t.v.), Sverrir Björn
Björnsson, Sigurður L. Sigurðsson og Óskar Steindórsson, auk
Thorbens J. Lund, stýrimanns frá Landhelgisgæslunni.
TVEIR skipverjar fórust þegar
eldur kviknaði um borð í Akureyr-
inni EA-110 um kl. 14 á laugardag.
Skipið kom til Hafnarfjarðar í gær-
morgun og stendur rannsókn lög-
reglu á tildrögum yfir. Að sögn for-
manns rannsóknarnefndar sjóslysa
mun eldurinn hafa átt upptök sín í
káetu þar sem ljósabekkur var
staðsettur.
„Þeir unnu stórkostlegt þrek-
virki, þessir menn um borð, að ná
að slökkva þennan eld. Þetta var
greinilega gríðarlega mikill eldur,
og mikill reykur og hiti um borð í
skipinu. Þetta eru miklar hetjur,“
segir Sverrir Björn Björnsson,
varðstjóri í Slökkviliði höfuðborg-
arsvæðisins.
Sverrir var einn af fjórum
slökkviliðsmönnum sem sigu um
borð í Akureyrina á laugardag,
ásamt lækni og stýrimanni frá
Landhelgisgæslunni, og urðu þeir
allir nema læknirinn eftir á skipinu
þegar þyrlan hvarf á braut með sex
skipverja og tókust á við björgun-
arstörf.
„Þetta er eitt það erfiðasta sem
menn geta lent í, að slökkva eld um
borð í skipum. Það eru lítil her-
bergi, þröngt og lágt til lofts, auk
þess sem skipið leiðir hitann mjög
vel og og hleypir honum ekki út.
Eldur í skipi er eitt það versta sem
hægt er að hugsa sér að eiga við
fyrir slökkviliðsmenn,“ segir Sverr-
ir.
„Miðað við þann frumstæða bún-
að sem sjómenn almennt hafa yfir
að ráða var þetta stórkostlegt þrek-
virki, því þetta var afskaplega stórt
og erfitt verkefni. Þessir menn tók-
ust á við verkefni sem hver atvinnu-
slökkviliðsmaður hefði átt fullt í
fangi með,“ segir Thorben J. Lund,
stýrimaður hjá Landhelgisgæsl-
unni, sem var sigmaður í ferðinni.
Sverrir tekur undir það og segir
að þótt allur búnaður um borð hafi
verið eins og best verður á kosið sé
það engu að síður staðreynd að sjó-
menn séu ekki með allan þann bún-
að sem þurfi í raun til að takast á
við eld af þessu tagi. Um borð voru
tvö reykköfunartæki, slöngur, dæl-
ur og einhver slökkvitæki. Sverrir
bendir á að skipverjar hafi ekki
haft neina hlífðargalla til að verjast
hitanum, enga hjálma á höfði eða
annan búnað sem slökkviliðsmenn
beita við störf sín.
Áhöfnin brást hárrétt við
Sverrir og Thorben eru sammála
um að skipverjar hafi brugðist á all-
an hátt rétt við. „Þeir gerðu allt rétt
sem hægt var að gera í stöðunni,
enda sést það að ef mönnum tekst
að takast á við svona eld og slökkva
hann, þá hljóta þeir að hafa gert
þetta rétt,“ segir Thorben.
Lítill reykur steig upp af Akur-
eyrinni þegar þyrlan nálgaðist.
„Þegar við komum að voru eldar
hættir að loga að mestu. Það var
auðvitað skelfilegt ástand um borð,
en þar voru þó allir að vinna geysi-
lega mikið og gott verk, og greini-
legt að menn kunnu vel að taka á
móti þyrlu,“ segir Thorben.
„Skipstjórinn taldi að þeir væru
búnir að slökkva eldinn og þegar
við vorum búnir að meta aðstæður
sendi ég inn tvo reykkafara til að
fara yfir vettvanginn og kanna
hvernig ástandið væri um borð. Það
komu í ljós smáglæður í eldhúsi,
sem voru slökktar,“ segir Sverrir.
Tveir sjómenn fórust þegar eldur kviknaði um borð í Akureyrinni EA-110
Skipverjarnir unnu
stórkostlegt þrekvirki
Eldur í skipi eitt það versta sem hægt er að hugsa sér segir slökkviliðsmaður
Eftir Brján Jónasson
brjann@mbl.is

Voru sofandi | 4
ÁSKRIFT-AFGREIÐSLA 569 1122 MÁNUDAGUR 29. MAÍ 2006 VERÐ Í LAUSASÖLU 220 KR. MEÐ VSK.
Opið 8-24 alladaga
í Lágmúla og Smáratorgi
KONUR juku hlut sinn um tæplega fjögur
prósentustig í sveitarstjórnarkosning-
unum á laugardag. Hlutur kvenna í
sveitarstjórnum landsins er að loknum
kosningum um 35,7% en eftir síðustu sveit-
arstjórnarkosningar var hlutur þeirra um
32%.
Alls var kosið um 529 sveitarstjórnar-
sæti í ár. Samkvæmt niðurstöðum kosning-
anna náðu 339 karlar sæti í bæjarstjórnum
og 190 konur. Hlutur kvenna er að með-
altali mestur hjá sveitarfélögunum átta á
höfuðborgarsvæðinu. Þar var kosið um
samtals 70 sveitarstjórnarsæti. Alls 41 karl
náði inn í sveitarstjórn og 29 konur. Hlutur
kvenna þar er því um 41,4%. Í Reykjavík
eru nú níu karlar og sex konur í borg-
arstjórn, svo dæmi séu tekin, en á Seltjarn-
arnesi eru þrír karlar og fjórar konur í
bæjarstjórn.
Ólafur Þ. Harðarson, prófessor í stjórn-
málafræði við Háskóla Íslands, segir að
hlutur kvenna í sveitarstjórnum á höfuð-
borgarsvæðinu sé svipaður nú og áður.
Meginbreytingin sé hjá litlu sveitarfélög-
unum, utan höfuðborgarsvæðisins. Þar sé
hlutur kvenna í sveitarstjórnum nú í kring-
um 35%. Hann var um 20% frá árinu 1994.
Katrín Anna Guðmundsdóttir, talskona
Femínistafélagsins, segir gott að hlutur
kvenna sé að vaxa á sveitarstjórnarstiginu.
„En þetta er auðvitað ekki nóg,“ segir hún.
Hlutur kvenna
jókst nokkuð

Hlutur kvenna eykst | 8
SJÁLFSTÆÐISFLOKKUR og Fram-
sóknarflokkur í Kópavogi náðu seint í
gærkvöldi samkomulagi um að halda áfram
meirihlutasamstarfi í bænum. Meirihlutinn
missti tvo menn í kosningunum á laugar-
daginn. Gunnar I. Birg-
isson verður áfram bæj-
arstjóri, en Ómar
Stefánsson, eini maður
Framsóknarflokksins í
bæjarstjórn, verður for-
maður bæjarráðs.
Í samkomulagi milli
flokkanna er getið um
skiptingu málefna-
nefnda milli þeirra, og
verður málefnasamningur lagður fyrir full-
trúaráð flokkanna næstkomandi miðviku-
dag.
Munu bretta upp ermar og bæta sig
Ómar segist vissulega
líta svo á að flokkurinn
hafi fengið gula spjaldið
frá bæjarbúum, en hann
tapaði tveimur af þrem-
ur bæjarfulltrúum í
kosningunum. Hann
segir þó báða aðila hafa
verið sammála um að
halda meirihlutasam-
starfi áfram. „Við mun-
um bara bretta upp ermar og bæta okkur,
leggja áherslu á þau verk sem við höfum
verið að vinna og ætlum okkur að vinna.“
Ómar segist gera fastlega ráð fyrir því að
bakland sitt í Framsóknarflokknum sé sátt
við áframhaldandi meirihlutasamstarf, en
eftir sé að leggja málefnasamninginn fyrir
fulltrúaráð.
Gunnar segir Sjálfstæðisflokkinn hafa
fengið ótvíræðan stuðning bæjarbúa til að
starfa áfram í meirihluta. Meirihluti þess-
ara flokka njóti stuðnings rúmlega 56%
bæjarbúa. Hann sagði lítið að marka þótt
kastast hefði í kekki milli flokkanna í kosn-
ingabaráttunni, það heyrði nú fortíðinni til,
flokkarnir hefðu unnið vel saman undanfar-
in 16 ár og hann ætti ekki von á breytingu
þar á.
Samstarf
sömu flokka
í Kópavogi
Ómar Stefánsson
Gunnar I. Birgisson
LÍKUR virðast töluverðar á því að flokkarnir
þrír sem voru í minnihluta í bæjarstjórn Ak-
ureyrar síðustu fjögur ár myndi nýjan meiri-
hluta í vikunni. Fari svo verður Hermann Jón
Tómasson, oddviti Samfylkingarinnar, að öllum
líkindum næsti bæjarstjóri. Verði niðurstaðan
þessi eru það söguleg pólitísk tíðindi, því meiri-
hluti í bæjarstjórn Akureyrar hefur aldrei verið
myndaður án þátttöku annaðhvort Framsókn-
arflokks eða Sjálfstæðisflokks.
Strax aðfaranótt sunnudagsins skrifuðu odd-
vitar flokkanna þriggja, Samfylkingarinnar,
Vinstrihreyfingarinnar – græns framboðs og
Lista fólksins, undir viljayfirlýsingu um að
hefja viðræður um myndun nýs meirihluta í
bænum og fyrsti fundurinn var haldinn síðdegis
í gær.
Fundurinn fór fram á kosningaskrifstofu VG
í göngugötunni og þar hittust Hermann Jón
Tómasson, oddviti Samfylkingarinnar, Baldvin
H. Sigurðsson, oddviti VG, og Oddur Helgi
Halldórsson, oddviti L-listans, ásamt fleiri
frambjóðendum.
Hermann Jón var boðinn fram sem bæjar-
stjóraefni Samfylkingarinnar í kosningunum og
eftir fundinn í gær sagði hann við Morgunblaðið
að það mál hefði verið rætt, Samfylkingunni
þætti það ekki ósanngjörn krafa og hinir flokk-
arnir hefðu ekki tekið því illa.
Á laugardagskvöld, eftir að tölur höfðu verið
birtar, leit fyrst út fyrir að Sjálfstæðisflokk-
urinn og Samfylkingin myndu hefja viðræður
um samstarf í bæjarstjórn Akureyrar. Raunar
má segja að þær hafi farið af stað, en strax kom
í ljós að ekki var grundvöllur fyrir þeim. Ástæð-
an var sú að sjálfstæðismenn settu það sem skil-
yrði að Kristján Þór Júlíusson yrði áfram bæj-
arstjóri en Samfylkingin féllst ekki á þá kröfu.
Framsókn og sjálfstæðismenn í fyrsta skipti samtímis í minnihluta á Akureyri?
Þriggja
flokka
meirihluti
líklegur
Morgunblaðið/Skapti Hallgrímsson
Næsti bæjarstjóri? Hermann Jón Tómasson, oddviti Samfylkingarinnar, kemur af fundi með
vinstri-grænum og L-listanum um kvöldmatarleytið í gær. Veggmyndin er af frambjóðendum
VG, enda fór fundurinn fram á kosningaskrifstofu flokksins.
Eftir Skapta Hallgrímsson
skapti@mbl.is
♦♦♦