Morgunblaðið - 31.05.2006, Blaðsíða 13

MORGUNBLAÐIÐ MIÐVIKUDAGUR 31. MAÍ 2006 13
ERLENT
KARLAR verja meiri tíma á
klósettinu en fyrir fimm árum
þar sem þeir sitja sem fastast
til þess að flýja samtöl í eld-
húsinu við eiginkonur sínar.
Munurinn frá því fyrir fimm
árum er mikill, því karlmenn
dvelja nú tveimur tímum leng-
ur á viku á kamrinum til að
hvíla á sér eyrun.
Þetta kemur fram í frétt
dagblaðsins Jyllands-Posten,
sem byggir á nýrri danskri
rannsókn. Ganga niðurstöð-
urnar þvert á hina rósrauðu
ímynd rómantískra samveru-
stunda í eldhúsinu, þar sem
málefni líðandi stundar eru
brotin til mergjar yfir rauð-
vínsglasi.
Að sögn Jyllands-Posten
vilja karlar með þessu undir-
strika að þeir þurfi athvarf þar
sem þeir geti verið í friði með
dagblað dagsins. Þá hefur
blaðið það eftir Mette Mechl-
enborg, sem er cand. mag. í
menningarfræðum, að karlar
séu einnig að flýja undan kon-
um, sem hafi smátt og smátt
hreiðrað um sig á stöðum þar
sem eitt sinn var aðeins að
finna karla, á borð við skrif-
stofuna og í garðinum.
Segir Mechlenborg að konur
séu einnig farnar að sjá um
bókhald heimilisins og þar sem
þær hafi tekið yfir fyrri yf-
irráðasvæði karla megi segja
sem svo að þeir séu orðnir
heimilislausir á eigin heimili.
Karlar
flýja samtöl
í eldhúsinu
SKÝRT var frá því í Washington í
gær að John Snow fjármálaráðherra
myndi láta af embætti og við tæki
Henry M. Paulson, sem nú er stjórn-
arformaður og framkvæmdastjóri
fjármálarisans Goldman Sachs.
„Hann hefur geysilega reynslu af við-
skiptum og er hæfur til að útskýra
efnahagsmál á einfaldan hátt, sagði
George W. Bush forseti þegar hann
sagði frá skipan Paulson í embættið.
Snow hefur verið dyggur talsmað-
ur efnahagsstefnu George W. Bush
forseta, hefur ferðast um landið til að
mæla fyrir umbótum á almanna-
tryggingakerfinu og uppstokkun í
skattamálum. En hvorugt málið hefur
hlotið brautargengi og hefur það
dregið úr áhrifum hans.
Veik staða repúblikana
Staða repúblikanaflokks Bush er
nú verri en verið hefur í mörg ár, ekki
síst vegna deilna um Íraksstríðið.
Munu margir frambjóðendur vera
hikandi við að tengja sig um of við
stjórn Bush vegna óvinsælda hennar.
Ríkisstjórnin er talin vilja fá öflugri
talsmann í fjármálunum með ráðn-
ingu Paulson nú þegar styttist í þing-
og ríkisstjórakosningar í haust. Paul-
son er ætlað að vekja sem mesta at-
hygli á því sem vel hefur tekist í fjár-
málunum, atvinnuleysi er lítið og
hagvöxtur stöðugur.
Paulson er stórefnaður, talinn eiga
um 500 milljónir dollara, um 36 millj-
arða króna. Hinn væntanlegi ráð-
herra er þekktur í fjármálahverfi
New York, Wall Street, fyrir eindreg-
inn stuðning við umhverfisvernd. Er
hann sagður hafa meiri áhuga á að
skoða fugla í Central Park en að leika
golf og er formaður náttúruverndar-
samtakanna Nature Conservancy.
Fyrr á árinu gaf hann 100 milljónir
dollara, sem svarar um 7.200 milljón-
um króna, í sjóð til umhverfisverndar
og menntunar á því sviði.
Bush skipar nýjan
ráðherra fjármála
Henry M. Paulson,
sem tekur við af
John Snow, er
auðugur umhverf-
isverndarsinni
Eftir Kristján Jónsson
kjon@mbl.is
Reuters
George W. Bush Bandaríkjaforseti hlustar á nýjan fjármálaráðherra sinn,
Henry Paulson (t.h.), í garði Hvíta hússins í gær.
ÓHÁÐ stofnun í Bretlandi hefur sett
fram tillögur um að leggja eigi niður
Heathrow-flugvöll vestan við Lund-
únir og skipuleggja þess í stað nýjan
alþjóðaflugvöll fyrir austan borgina.
Segir stofnunin að hægt væri að
reisa byggð fyrir 30 þúsund manns á
núverandi flugvallarsvæði, sem sé
skipulagslegt stórslys.
Frá þessu sagði á fréttavef breska
útvarpsins, BBC. Stofnunin sem um
ræðir, The Town and County Plann-
ing Association, segir að nýr flug-
völlur fyrir austan Lundúnir muni
draga úr hávaða í borginni vegna yf-
irflugs flugvéla. Þá segir stofnunin
að leggja eigi háhraðajárnbrautanet
frá nýja flugvallarsvæðinu til að
draga úr þörf á stuttum flugleiðum,
sem hafi skaðleg umhverfisáhrif.
Stofnunin segir ekki raunhæft að
flytja flugvöllinn á næsta áratug
heldur verði flutningurinn að taka
lengri tíma.
Í skýrslu stofnunarinnar segir að
60 ára saga Heathrow-flugvallar sé
saga fjölda smávægilegra skipu-
lagsmistaka sem samanlagt séu eitt
af verstu skipulagsslysum landsins.
Reuters
Vilja
leggja
Heathrow
niður