Morgunblaðið - 11.06.2006, Qupperneq 45

MORGUNBLAÐIÐ SUNNUDAGUR 11. JÚNÍ 2006 45
MENNING
Opið mán.-fim. frá kl. 9–18, fös. frá kl. 9-17
Ægir Breiðfjörð, lögg. fasteignasali.
Netfang: borgir@borgir.is • www.borgir.is
Ármúla 1, sími 588 2030 – fax 588 2033
,,u SKEIFAN - ENDAHÚSNÆÐI
BORGIR ERU Í FÉLAGI FASTEIGNASALA
Húsnæðið er um 500 fm, þar af 305 fm á götuhæð og 200 fm á efri hæð. Staðsetning er
mjög áberandi fyrir umferð um Suðurlandsbraut. Gluggar eru á þremur hliðum. Eignin er í
leigu, leigusamningur er til 10 ára. Húseigninni fylgir ennfremur hlutdeild í umtalsverðum
viðbótarbyggingarrétti á lóð.
Einkasala. Tilboð.
Magnea Sverrirsdóttir, löggiltur fasteignasali
ÞVERÁRSEL - STÓR LÓÐ
Erum með í einkasölu einbýlishús á frábærri lóð innst í botnlanga.
Húsið þarfnast lagfæringa og býður upp á mikla möguleika.
6 herbergi, tvær stofur, baðherbergi, snyrting, eldhús og góður
bílskúr fylgir eigninni.
ÓSKAÐ ER EFTIR TILBOÐI Í EIGNINA
5880
Í AUSTURBOGA Öskju, náttúruhúss Háskóla
Íslands, hanga um þessar mundir tuttugu og
sex ljósmyndir af uppstoppuðum ísbjörnum.
Það eru listamennirnir Bryndís Snæbjörns-
dóttir og Mark Wilson sem standa fyrir þessari
sýningu sem ber yfirskriftina Nanoq: flat out
and bluesome en ljósmyndirnar eru afrakstur
fimm ára vinnu sem fól í sér að hafa uppi á
þrjátíu og fjórum uppstoppuðum ísbjörnum
víðs vegar um Bretlandseyjar og Írland.
„Við unnum þetta eins samviskusamlega og
vísindalega og við gátum,“ segir Bryndís Snæ-
björnsdóttir en upphaflega markmiðið var að
hafa uppi á öllum uppstoppuðum ísbjörnum á
Bretlandi. Þau unnu heildarskrá sem innihélt
allar fáanlegar upplýsingar um viðfangsefnið
og því næst sóttu þau um leyfi til að ljósmynda
ísbirnina hvort sem þá var að finna í safni,
geymslu, einkaheimili og jafnvel á ruslahaugi.
Áður en myndirnar voru hengdar upp í Öskju
höfðu þær verið sýndar Oxford Museum of
Natural History og Bristol Museum & Art
Galleries. Myndirnar eru hluti af stærra verk-
efni sem fól meðal annars í sér innsetningu á
tíu uppstoppuðum ísbjörnum í Spike Island í
Bristol þar sem listamennirnir tveir stóðu fyrir
ýmiss konar umræðufundum um táknrænt
gildi ísbjörnsins og hvað ímynd hans táknar í
nútíma þjóðfélagi eins og Bretlandi. Ljós-
myndirnar ásamt þeim upplýsingum sem rit-
aðar eru í myndirnar eða á koparskjöld á
rammanum tengir ísbirnina eigin sögu og gef-
ur áhorfandanum möguleika að hugleiða þær
fjölmörgu ástæður sem lágu að baki veiðum á
þeim og lífláti svo og innflutningi þeirra til
Bretlands.
Frá því að samstarf þeirra Bryndísar og
Marks hófst fyrir um fimm árum síðan hefur
listsköpun þeirra einkum verið tengd við lífið á
nyrsta hluta plánetunnar, oft í sambandi við
sögu, menningu og einnig hafa þau mikið verið
að skoða áhrif umhverfis á einstaklinginn. Ný-
verið hafa þau einkum beint sjónum að sam-
bandi manna og ákveðinna dýrategunda og
skoða sérstaklega mörkin á milli heimilis- og
borgarlífs annars vegar og villtrar náttúru hins
vegar. Á nýafstaðinni Listahátíð voru þau með
verk á þessum nótum sem heitir Flug(an) þar
sem gæludýr og önnur dýr innan borgarmúra
Reykjavíkur eru í brennidepli.
„Við erum að skoða hvers konar hugmyndir
við í borginni höfum um náttúruna og það ger-
um við með því skoða ýmiss konar tengsl borg-
arbúa við dýr,“ segir Bryndís. Hugmyndin um
ísbjörninn er reyndar upphaflega sprottin út
frá föðurnafni Bryndísar Snæbjörnsdóttur.
„Ég var að vinna að sýningu í Glasgow með
ýmsum skoskum listamönnum þar sem ákveðið
var að hver og einn skyldi vinna út frá ákveðnu
sérkenni. Þá var ég búinn að búa í Glasgow í
ein fjórtán ár og það sem mér þótti mest ein-
kennandi við mig þarna var þetta nafn „Snæ-
björnsdóttir“. Ég hafði haft mikið fyrir að því
að nota nafnið og var sífellt að leiðrétta fólk í að
bera það fram.“
Í tengslum við það ákvað Bryndís að taka
ljósmyndir af tveimur uppstoppuðum ísbjörn-
um sem hún taldi að væri að finna í ákveðnu
safni í Glasgow. Á endanum kom í ljós að ís-
birnirnir tveir væru komnir í geymslu en henni
var engu að síður veitt leyfi til að ljósmynda þá
þar. Geymsla er hlutskipti margra uppstopp-
aðra dýra er áður prýddu sali safna. Þeim
fylgir ákveðin skömm og margir safnstjórar
náttúrufræðisafna vita ekki hvað á að gera við
þá. Þarna í geymslunni í Glasgow meðal þeirra
fjölmörgu dýra sem þar hafði verið komið fyrir
kviknaði neistinn að verkefni sem gaf mögu-
leika á að skoða hlutskipti þessara safngripa í
sögulegu samhengi og velta fyrir sér hvað
þessir “sýningargripir eru og hvaða þýðingu
þeir hafa í nútíma samfélagi. Sýningin stendur
yfir í allt sumar.
Myndlist | Bryndís Snæbjörnsdóttir og Mark Wilson standa fyrir ljósmyndasýningu í Öskju
Ísbjarnarblús
Morgunblaðið/RAX
Uppstoppaðir ísbirnir víðs vegar um Bretland og Írland.
Eftir Þormóð Dagsson
thorri@mbl.is
BJARTIR tónar hljóma í Hafnarborginni í
kvöld, þegar Margrét Árnadóttir sópr-
ansöngkona syngur við undirleik Iwonu Aspar
Jagla, píanóleikara. Tónleikarnir hefjast kl. 18.
Á efnisskránni eru 6 ljóð op. 13 eftir Clöru
Schumann, 8 ljóð op. 10 eftir Richard Strauss, 4
lög úr ítölsku ljóðabókinni eftir Hugo Wolf og 3
lög eftir William Walton við ljóð Dame Edith
Sitwell. Einnig mun Margrét flytja tvö lög sem
Ívar Helgason eiginmaður hennar samdi við
gamansöm heilræðakvæði Wilhelms Busch.
„Þetta eru verk sem ég er búin að vinna í í
náminu erlendis, og mig langaði að koma því frá
mér,“ segir Margrét um efnisvalið. Hún var í
námi við ljóða- og óratoríudeild tónlistarháskól-
ans í Vínarborg ásamt því að vera í óperudeild
sama skóla. Hún hefur lokið prófum í báðum
deildum. Áður hafði hún numið söng við tónlist-
arskólana í Mosfellsbæ og á Akureyri, og lauk
burtfararprófi vorið 2001 frá Söngskólanum í
Reykjavík.
Þetta eru fyrstu eiginlegu einsöngstónleikar
Margrétar á Íslandi, en hún hefur áður haldið
tónleika hér á landi með öðrum söngvurum í
gegnum tíðina. Hún segir þetta vera mjög
spennandi, hún sé með fiðrildi í maganum þótt
hún hafi oft komið fram. „Það er líka annað að
syngja hér heima, heldur en erlendis, þar sem
maður þekkir engan.“
Undirleikarinn, Iwona Ösp Jagla píanóleikari,
fæddist í Póllandi og útskrifaðist með mast-
ersgráðu og einleikarapróf frá Tónlistar-
akademíunni í Gdansk árið 1983. Hún flutti til
Íslands árið 1990 og hefur starfað sem æf-
ingastjóri við Íslensku óperuna og sem píanó-
leikari við Söngskólann í Reykjavík.
Tónlist | Margrét Árnadóttir og Iwona Ösp Jagla með ljóðatónleika
Heilræðakvæði
Wilhelms Busch
Morgunblaðið/Eyþór
Þetta eru fyrstu eiginlegu einsöngstónleikar
Margrétar Árnadóttur hér á landi.
Í DAG, sunnudag, kl. 15 verður
opnuð sýning á verkum listamanns-
ins Kristian Von Hornsleth. Sýn-
ingin er til húsa í nýjum veit-
ingastað á Ingólfsstræti þar sem
Ari í Ögri var áður til húsa, en nýi
staðurinn hefur ekki enn fengið
nafn.
Upphaflega stóð til að sýning
Hornsleth yrði á Kaffi Sólon en
hætta varð við sýningu þar með
skömmum fyrirvara vegna ósættis
um efnistök listamannsins.
Yfirskrift sýnignarinnar er „Við
eigum meiri peninga en Guð“.
Verkin eru unnin með blandaðri
tækni og lýsir listamaðurinn verk-
um sínum sem samfélagsádeilu.
Hornsleth
færist af
Sólon yfir
götuna