Morgunblaðið - 11.06.2006, Blaðsíða 48

29.900.000
Falleg og vel staðsett 4ra herbergja, 118,6 fm
íbúð á 1. hæð í góðu húsi í Smáranum, á
frábærum stað í Kópavogi, miðsvæðis á
höfuðborgarsvæðinu.
Lautasmári - 201 Kóp.
48 SUNNUDAGUR 11. JÚNÍ 2006 MORGUNBLAÐIÐ
UMRÆÐAN
ÉG HEF búið við Vesturgötu í
Reykjavík í tæp 14 ár en mér hef-
ur þótt vænt um hana frá
bernsku. Pabbi var alinn upp við
Vesturgötu, amma rak þar kram-
búð og mér eru í barnsminni sög-
ur pabba af uppvextinum við
þessa merkilegu götu; húsunum,
fólkinu og umhverfinu.
Guðjón Friðriksson sagnfræð-
ingur segir í bók sinni Indæla
Reykjavík – 6 gönguleiðir um
gamla Vesturbæinn – að Vest-
urgatan hafi ávallt verið talin
möndull Vesturbæjar.
Þegar gengið er eftir Vest-
urgötu sprettur sagan fram við
hvert fótmál. Saga sem okkur ber
skylda til að virða og varðveita.
Sem dæmi má nefna að Einar
Benediktsson skáld reisti Vest-
urgötu 5, Verzlunarskóli Íslands
var stofnaður á nr. 10, og Bene-
dikt Gröndal bjó í Gröndalshúsi á
nr. 16. Á Vesturgötu 28 sat Hall-
dór Laxness við skriftir, meistari
Þórbergur leigði við Vesturgötu
og er Kjarval flutti suður bjó hann
þar fyrstu 2 árin.
Þetta eru örfá atriði um sögu
þessarar einnar elstu og merkustu
götu Reykjavíkur.
Fyrir nokkrum áratugum þoldi
Vesturgatan niðurlægingarskeið
þegar gömlum húsum var rutt
burt og þeirra tíma háhýsi reist í
staðinn. Því lauk að
hluta þegar Torfu-
samtökin komu fólki í
skilning um að fortíð-
ina bæri að varðveita.
En sagan er fljót
að gleymast og seint
læra menn af fyrri
mistökum. Borgaryf-
irvöld ákváðu að
þétta byggð. Hver
lófastór, auður blettur
skyldi nýttur, lágreist
hús rifin, háhýsi
byggð í staðinn og
ekkert tillit tekið til
þess þótt byggðin væri þegar of
þétt og þrengsli til vandræða.
Nýtt niðurlægingarskeið gekk í
garð.
Vesturgatan hefur liðið fyrir
þetta þéttingaræði og nú er svo
komið að íbúar við Vesturgötu og
Nýlendugötu hafa fengið nóg.
Þetta gamla, gróna hverfi þolir
ekki meiri þéttingu og þá umferð
sem af henni hlýst. Teikningar á
blaði segja ekkert um þann veru-
leika sem íbúarnir búa við.
Leyfður var flutningur á há-
reistu timburhúsi frá Lindargötu
á örsmáan reit við Nýlendugötu
5a. Verið var að ryðja Lindargötu
fyrir háhýsabyggingar og húsinu
troðið á þennan litla reit. Leyft
var að rífa Rúllugerðina og reisa
nýbyggingu á nr. 21. Á bak við er
svo troðið tveimur tveggja hæða
húsum við svo þröngar aðstæður
að ótrúlegt má teljast.
Í deiliskipulagi frá
árinu 2003 segir m.a.
um svæðið: „Áberandi
skortur er á útiað-
stöðu, bílastæðum og
frágangi nær allra
útisvæða og lóða.
Sum húsin á reitnum
eru nær lóðarlaus.
Óhætt er að fullyrða
að um 20% íbúa reits-
ins hafa enga útiað-
stöðu á lóðum sínum,
svalir né garðholu þar
sem sólar nýtur.“
Þrátt fyrir augljós rök gegn
frekari þéttingu á að byggja hús á
lóð nr. 24 við Vesturgötu sem
lengi hefur staðið auð. Miðað við
umhverfið er fyrirhugað hús há-
hýsi. Það lokar af húsin við Ný-
lendugötu, sviptir þau birtu, tekur
allt útsýni frá íbúum handan göt-
unnar og eykur mjög á þrengslin
sem fyrir eru. Sprengja á klöpp
fyrir djúpum kjallara milli gamalla
timburhúsa sem byggð eru á 19.
öld og standa mörg á hlöðnum
grunnum sem þola ekki hnjask.
Íbúar fóru fram á að lóðin nr. 24
yrði gerð að útivistarsvæði sem
mikill skortur er á. Því var hafn-
að.
Þéttingu byggðar sem er svo
þröng fylgir gífurlegt rask og
ónæði fyrir íbúana sem fyrir eru.
Þegar verið var að fleyga fyrir
grunnum á Nýlendugötu 5a og
Vesturgötu 21 í fyrra léku húsin í
kring á reiðiskjálfi viku eftir viku í
maí og júní. Myndir titruðu á
veggjum, hlutir duttu úr hillum og
hávaðinn var slíkur að hvergi var
vært. Ég starfa sem sjónvarps-
þýðandi og starfsstöð mín er á
heimili mínu. Enginn möguleiki
var á að vinna og varð ég af tals-
verðum tekjum. Hvorki borgaryf-
irvöld né verktaki vildu axla
ábyrgð.
Umferðin við Vesturgötu er sér-
kapítuli. Árum saman hafa íbúar
reynt að fá Vesturgötu breytt í
einstefnugötu, í það minnsta næst
miðbæ. Gatnamót Vesturgötu og
Ægisgötu verða æ fjölfarnari, þau
eru mjög blind og þar verða oft
árekstrar. Nú sjá íbúar fram á að
fá einstefnu milli Garðastrætis og
Ægisgötu, en í öfuga átt við það
sem þeir vildu og rökstuddu á
grundvelli langrar reynslu af
gatnamótunum. Að auki hyggjast
skipulagsyfirvöld gera Ægisgöt-
una að aðalbraut, skera Vest-
urgötuna og hverfið allt í sundur
og bjóða upp á aukna umferð og
meiri umferðarhraða á Ægisgötu.
Fyrir nokkru sendu íbúar við
Vesturgötu rökstuddar tillögur til
borgaryfirvalda um hvernig gera
mætti götuna öruggari, þar á með-
al téð gatnamót. Flestum var
hafnað, þrátt fyrir eindreginn vilja
íbúa og langa undirskriftarlista,
og öðrum tillögum snúið við.
Nú koma nýir aðilar til valda í
borginni. Lesa má í fundargerðum
nefnda sem fjölluðu um mál Vest-
urgötu að sjálfstæðismenn studdu
hugmyndir íbúa. Daginn fyrir
kjördag voru blöð borin í hús þar
sem D-listafólk lofaði að endur-
skoða samþykktir um fram-
kvæmdir við Vesturgötu.
Nú bíðum við efnda. Stólaskipti
fara fram 13. júní og fylgst verður
grannt með gjörðum nýrra stjórn-
enda.
Ég tala fyrir hönd fjölmargra
íbúa Vesturgötu og nágrennis þeg-
ar ég óska þess innilega að þetta
gamla, sögufræga svæði fái upp-
reisn æru, verði gert vistvænna,
skynsamlegur hemill hafður á um-
ferð og að lóðin nr. 24 verði gerð
að útivistarsvæði, öllum til ynd-
isauka.
Vesturgatan – niðurlæging eða uppreisn æru?
Lára Hanna Einarsdóttir
fjallar um Vesturgötu ’Ég tala fyrir höndfjölmargra íbúa Vest-
urgötu og nágrennis
þegar ég óska þess
innilega að þetta gamla,
sögufræga svæði fái
uppreisn æru …‘
Lára Hanna
Einarsdóttir
Höfundur er sjónvarpsþýðandi og
leiðsögumaður.
Húsakaup hefur tekið til sölu fjórar mjög vel staðsettar eignarlóðir á Álftanesinu. Lóðirnar eru í landi
Kirkjubrúar, við Tjarnarbrekku nr. 6 -12. Um er að ræða neðstu lóðirnar í byggðinni og útsýni því mikið.
Búið er að greiða gatnagerðagjöld af þeim og verða þær afhentar á púða. Liggur fyrir samkvæmt
deiliskipulagi byggingarmagn hverrar lóðar og leyfileg byggingargerð.
Allar frekari upplýsingar veitir Albert á skrifstofu Húsakaupa í síma 840-4048.
Tilboða er óskað og er tilboðsfrestur til föstudagsins 16. júní
næstkomandi. Skila skal tilboðum á skrifstofu Húsakaupa.
EIGNARLÓÐIR TIL SÖLU VIÐ
TJARNARBREKKU 6-12 Á ÁLFTANESI
Albert Björn Lúðvígsson
sölumaður, s. 840 4048
Guðrún Árnadóttir
lögg. fasteignasali
Miðleiti - Reykjavík
Eldri borgarar
Mjög björt og falleg 82 fm íbúð á 5. hæð í góðu lyftuhúsi auk stæðis í mjög
góðri bílageymslu, suðursvalir. Mikil sameign (leikfimis- og veislusalur).
Verðtilboð.