Morgunblaðið - 11.06.2006, Síða 75

VAKA-Helgafell hefur gefið út
bókina Tímastjórnun í starfi og
einkalífi eftir Ingrid Kuhlman.
Hver kannast ekki við að
hafa lítinn tíma til að sinna
sjálfum sér? Við virðumst aldr-
ei hafa nógan tíma til að gera
allt sem við
ætlum okkur
og ljúka við
það sem skipt-
ir okkur mestu
máli. Góð
tímastjórnun
er færni sem
við þurfum öll
á að halda.
Bæði í starfi
og einkalífi.
Þessi bók fjallar um tíma-
stjórnun í víðu samhengi og er
ætlað að höfða til allra þeirra
sem vilja læra að stjórna tíma
sínum betur og forgangsraða
rétt. Lesandanum er meðal
annars kennt að þekkja og tak-
ast á við innri og ytri tíma-
þjófa, móta sér leiðarljós og
setja sér markmið til að há-
marka árangur sinn í einkalífi
og í starfi.
Ingrid Kuhlman er fram-
kvæmdastjóri Þekkingarmiðl-
unar. Hún hefur skrifað ótal
greinar í erlend og íslensk
tímarit um efni tengd starfs-
mannamálum og haldið fjölda
námskeiða og fyrirlestra, með-
al annars um persónulega
hæfni, tímastjórnun, markmið-
asetningu og samhæfingu
vinnu og einkalífs.
Bókin kemur út í nýjum
bókaflokki frá Eddu útgáfu
sem er ætlað að stuðla að
aukinni þekkingu og færni
starfsfólks. Hægt er að skrá
sig á klubbar.is. Meðal bóka
sem eru væntanlegar má
nefna, Hæfni á vinnumarkaði
eftir Árnýju Elíasdóttur, Sam-
skipti á vinnustað eftir Hugo
Þórisson, Vinnugleði og vel-
gengni eftir Steinunni I. Stef-
ánsdóttur, Hvað er í veginum
eftir Kára Eyþórsson og Leystu
ágreininginn eftir Rannveigu
Einarsdóttur. Höfundar hafa all-
ir mikla reynslu af ráðgjafar- og
fyrirlestrarstörfum og sérþekk-
ingu á íslenskum aðstæðum.
Bókin er 64 bls.
Nýjar bækur
MORGUNBLAÐIÐ SUNNUDAGUR 11. JÚNÍ 2006 75
MENNING
Skógarhlíð 18 – 105 Reykjavík – sími 591 9000
Akureyri – sími 461 1099 • Hafnarfirði – sími 510 9500
www.terranova.is
Golden Sands í Búlgaríu hefur sannarlega slegið í gegn hjá Ís-
lendingum. Terra Nova býður nú síðustu sætin í júní á ótrúlegum
kjörum. Gríptu tækifærið og skelltu þér til þessa vinsæla sumar-
leyfisstaðar sem býður þín með frábæra strönd, einstakt loftslag,
ótæmandi afþreyingarmöguleika, fjölbreytta veitingastaði og fjör-
ugt næturlíf. Þú bókar sæti og 4 dögum fyrir brottför færðu að
vita hvar þú gistir.
kr. 29.994
Netverð á mann, m.v. 2 fullorðna og 1
barn í hótelherbergi/stúdíó/íbúð í viku.
Súpersól tilboð 22. og 29. júní.
Aukavika kr. 10.000 á mann.
kr. 39.990
Netverð á mann, m.v. gistingu í tvíbýli í
viku. Súpersól tilboð 22. og 29. júní.
Aukavika kr. 10.000 á mann.
Súpersól til
Búlgaríu
í júní
frá kr. 29.994
Síðustu sætin
- SPENNANDI VALKOSTUR
Lögmenn - lögfræðingar
NÝ VIÐHORF Í LÖGFRÆÐI- OG VIÐSKIPTAÞJÓNUSTU
MEÐ ÁRANGUR, LAUSNIR OG METNAÐ AÐ LEIÐARLJÓSI
Nýtt fyrirtæki á sviði lögfræðiþjónustu opnar í haust. Fyrirtækið mun sinna öflugri
alhliða lögfræðiráðgjöf með séráherslu á viðskiptaþjónustu við innlend og erlend
fyrirtæki.
Fyrirtækið verður starfrækt í nánu samstarfi við vaxandi fyrirtæki á völdum sviðum
í þeim tilgangi að bjóða viðskiptavinum vandaðar heildarlausnir á sviði viðskipta og
fjármála. Fyrirtækin starfa á eftirtöldum sviðum:
● Bókhaldsþjónusta
● Rekstrarráðgjöf
● Innheimtuþjónusta
● Fjármálaráðgjöf
Fyrirtækið býður starfandi lögmönnum og lögfræðingum rekstrar- og
verkefnasamstarf. Fyrirtækið er vel staðsett miðsvæðis í 1.200 m2 húsnæði
í Reykjavík með góðan aðgang að bílastæðum. Í boði fyrir rétta aðila er
skrifstofuaðstaða, aðgangur að 4 fundarherbergjum, móttökurými ásamt umsjón
með móttöku viðskiptavina, símavarsla, hýsing tölvugagna og hugbúnaðar og
mötuneytisaðstaða.
Fyrirtækið leggur mikla áherslu á vandaða þjónustu við viðskiptavini, metnað, góð
samskipti innanhúss, líflegan vinnuanda og kraftmikið starf.
Áhugasamir eru vinsamlega beðnir að senda tölvupóst á netfangið justus@justus.is
eða hafa samband við Björn Líndal, hdl., í síma 510 6800.
Farið verður með allar fyrirspurnir sem algjört trúnaðarmál.
ALÞJÓÐLEGRI tónlistarhátíð var
hleypt af stokkunum á Akureyri um
hvítasunnuhelgina. Þema hátíð-
arinnar var blúsinn og djammið
byrjaði á föstudagskvöldinu á Hótel
KEA þar sem Park Projekt eða
„Garðgerningur“, hljómsveit þeirra
Kristjáns Edelsteins gítarleikara og
Pálma Gunnarssonar bassaleikara,
reið á vaðið. Með þeim léku Gunn-
laugur Briem á trommur og Agnar
Már Magnússon á píanó og orgel.
Þeir hófu leikinn með „Kenndi
grunns“ leitandi, léttfjúsjónskri tón-
smíð Kristjáns í punkteruðum hryn-
gangi. Þeir tóku síðan blúskennt
lag, Lenny; Miles standarinn So
what, Mercy mercy og enduðu á
þjóðlaginu Guð gaf mér eyra. Allt
var þetta mjög smekklega reitt
fram og spunagleðinni gefinn laus
taumurinn. Sérstaklega voru kassa-
gítarsóló Kristjáns flott og píanó-
leikur Agnars áhugaverður og töff,
dálítið í anda Mcoy Tyner.
Eftir hlé kom Magnús Eiríksson í
stað Kristjáns og hljómsveitin varð
að Blúskompaníinu, sem lék nokkr-
ar af perlum Magnúsar: Enginn
veit um eldinn, Haltu mér fast, blús
í G, Jesús Kristur og ég og fleiri lög
og fór á kostum, Maggi var
skemmtilega blúsaður á gítarnum
eins og honum er lagið, Pálmi orð-
inn létt-„husky“ í söngröddinni sem
hæfir þessari músík vel og Gulli
með nett blæbrigði í trommu-
leiknum þó hann væri stundum
fullhávær á bassatrommunni. Að
síðustu gekk Hrund Ósk Árnadóttir
til liðs við bandið og tók við söng-
hlutverkinu. Hrund er sannarlega
mikill blúsbarki. Hún söng hvert
lagið öðru betur þar á meðal Tom
Waits slagarann Temptation en
rödd Hrundar er sérlega blæ-
brigðarík, túlkunin kraftmikil, og
hún blábeygir tóna af miklum næm-
leika.
Á laugardagskvöldinu steig
Lamont Cranston Blues Band frá
Minneapolis á svið í Ketilhúsinu.
Þetta er sjö manna hljómsveit og
miklir blúshundar með söngvarann,
munnhörpu-, og aðalsólógítarleik-
arann Pat Hayes í forgrunni. Cran-
stonarnir léku hvern blúsinn á fæt-
ur öðrum í banastuði. Bandið er
mjög þétt og kontrabassaplokkið
gefur sérstakan blæ í músíkina.
Söngvarinn/gítarleikarinn Pat Ha-
eys hafði mikið þann háttinn á að
svara sönghendingum strax með
sólóhendingu á gítarinn og gerði
það laglega. Hann er ekki með
breiða blúsrödd en fór vel með sínar
strófur og sýndi meistaratakta á
munnhörpuna. Hljómsveitin lék
helling af blúsum eftir ýmist aldna
eða látna þeldökka tónlistarmenn.
Þar má nefna Robert Johnson,
Buddy Guy, Muddy Waters, Eddie
„cleanhead“ Vinson og Albert King.
Eftirminnilegur var Sunrise Blues
þar sem píanóleikarinn tók mjög
þekkilegt sóló, hann notar mikið
tremóló og 5 nótna niðurgliss. Þá
var eftirtektarvert hve gítarleik-
ararnir 2 notuðu ólíkan tón, annar
skæran syngjandi,en hinn mattan
og dempaðan.
Allt gekk vel á tónleikunum en
hávaðinn í húsinu var of mikill til
þess að „núansar“ í tónlistinni nytu
sín til fulls. Þetta er lenska í þeim
geira sem tekur til rytmískrar tón-
listar en það er mikill ósiður að
senda fólk heim nánast með verk í
eyrunum.
Á lokatónleikunum á sunnudags-
kvöldinu komu allir fram sem leikið
höfðu á fyrri kvöldunum og að auki
Blúsmenn Andreu. Auk Andreu
skipa sveitina þeir Einar Rúnarsson
á orgel, Haraldur Þorsteinsson
bassaleikari, Jón Hjörleifsson á
trommur og Guðmundur Pétursson
gítarleikari. Lagaval Andreu var
sérlega skemmtilegt, þar gat að
heyra m.a. Little girl Blue, Black
coffee, Stormy Monday, Lady sings
the blues, allt lög sem gefa færi á
mjög mikilli raddtúlkun. Andrea
var í þokkalegu formi en einhvern
veginn náði söngurinn ekki nógu vel
í gegn í hljóðblönduninni. Bassinn
var of sterkur og kannski var það
ástæðan fyrir því að gítarleikur
Guðmundur náði heldur ekki að
klingja í gegn þrátt fyrir að hann
ætti góða spretti á gítarhálsinum.
Annars var fullt hús á öllum tón-
leikunum og greinilegt að músíkhá-
tíðin í heild heppnaðist meiriháttar
vel. Vonandi verður framhald á
henni komandi árum, allavega hefur
það heyrst að til standi að hún verði
þá jafnvel enn öflugri og fjöl-
breytilegri en nú.
Blúsinn knúsaður á Akureyri
TÓNLIST
Akureyri
Hótel KEA, föstudaginn 2. júní; Blús-
kompaní Magnúsar Eiríkssonar ásamt
Hrund Ósk Árnadóttur og Park Projekt.
Ketilhúsið, laugardaginn 3. júní; Lamont
Cranston Blues Band. Rocco, sunnudag-
inn 4. júní; Lamont Cranston Blues Band,
Blúskompaní Magnúsar Eiríkssonar og
Blúsmenn Andreu.
AIM-tónlistarhátíðin
Morgunblaðið/Skapti Hallgrímsson
Blúsmenn Andreu voru meðal hljómsveita sem komu fram á Akureyri.
Ívar Aðalsteinsson