Morgunblaðið - 09.07.2006, Síða 21

hlerununum, enda hafi hún ekki þá
tækniþekkingu sem nauðsynleg sé.
Nokkrum stundum áður en Kor-
onias forstjóri hringdi í skrifstofu for-
sætisráðherrans hinn 9. mars í fyrra
fann móðir Costas Tsalikidis son sinn
látinn í íbúð hans í norð-vesturhluta
Aþenu.
Fjölskylda Tsalikidis, sem hafði
unun af ferðalögum og safnaði göml-
um rokkhljómplötum, segir að hann
hafi verið glaðlyndur maður með
áhuga á stærðfræði og hafi ætlað að
kvænast unnustu sinni til margra ára
eftir nokkra mánuði. Fjölskyldunni
finnst meðal annars dularfullt að ekk-
ert sjálfsvígsbréf fannst og hversu
fagmannlega hvíta reipið sem hann
hékk í var bundið.
Tsalikidis, sem starfaði við hönnun
á háhraðafarsímaneti Vodafone,
hafði unnið við að kanna vanda við
sendingu sms-skeyta, skömmu áður
en hlerunarhugbúnaðurinn fannst, að
því er fram kom í vinnudagbókum
hans, að sögn lögmanns fjölskyldunn-
ar, Themis Sofos. Af dagbókunum er
hins vegar ekki hægt að ráða hvort sú
vinna tengdist sömu vandræðunum
við sms-skeyti og Vodafone bað Er-
icsson að kanna.
Saksóknarinn Ioannis Diotis, sem
er kunnur fyrir störf sín gegn hryðju-
verkum, hefur rannsakað dauða Tsa-
likidis. Að sögn manns sem þekkir til
rannsóknarinnar er hann að kanna
hugsanleg tengsl milli dauða Tsalik-
idis og hlerunarmálsins, sem lið í
sakamálarannsókn sem lýtur að því
að kanna hvort landslög um fjarskipti
og vernd einkalífs hafi verið brotin.
Diotis hefur lokið skýrslu sinni um
dauða Tsalikidis og að sögn heimild-
armannsins kemur þar fram að atvik-
in tvö séu tengd. Hins vegar er óljóst
hvort hann hefur fundið nægar sann-
anir til að komast að þeirri niðurstöðu
að um morð hafi verið að ræða. [Eftir
að grein þessi birtist í Wall Street Jo-
urnal var skýrt frá því í breska
blaðinu Guardian hinn 26. júní sl. að
saksóknari í Grikklandi teldi nú ljóst
að þótt tengsl væru á milli dauða
kerfisstjórans og hlerunarmálsins þá
hefði hann ekki verið myrtur. Dag-
blaðið hefur eftir saksóknaranum að
líklega hafi kerfisstjórinn uppgötvað
hlerarnirnar fyrir tilviljun og í kjöl-
farið hafi honum verið hótað. Þær
hótanir hafi rekið hann til sjálfsvígs.
Innsk. Mbl.]
Rannsókn í tæpt
ár skilaði engu
Ríkisstjórnin skýrði ekki frá
hneykslinu fyrr en nærri ári eftir að
hleranirnar uppgötvuðust. Í febrúar
sl., eftir að ríkisstjórnin lauk eigin
frumrannsókn á málinu, héldu nokkr-
ir ráðherrar hennar blaðamannafund
og skýrðu frá því. Þeir sögðu að hler-
anirnar hefðu m.a. beinst að grískum
ráðherrum, yfirmönnum hersins og
borgarstjóranum í Aþenu, auk for-
sætisráðherrans. Ríkisstjórnin svar-
aði ekki ítrekuðum tilmælum um
frekari upplýsingar, en af hennar
hálfu hefur því verið lýst yfir að það,
hversu mikil hátækni sé á ferðinni og
sú staðreynd að vinna varð rannsókn-
ina í kyrrþey, hafi tafið tilraunir til að
finna sökudólginn.
Uppljóstrunin olli miklum almenn-
um mótmælum og hratt af stað öðr-
um rannsóknum, þar á meðal rann-
sókn gríska fjarskiptaeftirlitsins,
sem er ríkisrekið. Þótt enn sé óljóst
hvenær hlerunarhugbúnaðinum var
komið fyrir segir fjarskiptaeftirlitið
að það hafi örugglega verið til staðar í
janúar 2005, þegar þeir sem hleruðu
gerðu óskilgreindar breytingar á
hugbúnaðinum. Þær breytingar voru
gerðar innan veggja einnar miðstöðv-
ar Vodafone, en það eru stórar bygg-
ingar þar sem mikils öryggis er gætt,
enda hýsa þær hugbúnaðinn sem
tengir símtöl.
Þessar breytingar eru lykilatriði í
frumskýrslu fjarskiptaeftirlitsins. Í
skýrslunni er komist að þeirri niður-
stöðu að þær hafi verið unnar af ein-
hverjum sem hafi haft aðgang að far-
símakerfi Vodafone. Breytingarnar
voru gerðar „annað hvort í gegnum
innra net Vodafone eða af einhverj-
um sem var á staðnum“ í miðstöðinni,
segir í skýrslunni, sem hefur vakið
upp grun um að starfsmenn Voda-
fone hafi átt hlut að máli.
Þingmaðurinn Miltiades Evert,
sem situr í rannsóknarnefnd þingsins
er fjallar um málið, segir að miðað við
skýrslu fjarskiptaeftirlitsins sé „eng-
inn vafi að starfsmenn Vodafone
tengist málinu. Enginn veit hversu
margir þeir voru og hvaða stöðum
þeir gegndu.“
Ef gríska fjarskiptaeftirlitið kemst
að þeirri niðurstöðu að Vodafone hafi
brotið gegn skilyrðum starfsleyfis
síns, þar á meðal að tryggja öryggi
fjarskipta, er hugsanlegt að fyrirtæk-
ið verði sektað um margar milljónir
evra og jafnvel að það verði svipt
starfsleyfi. Fjarskiptaeftirlitið, sem
neitaði að tjá sig um málið á meðan á
rannsókn stendur, skilar líklega loka-
skýrslu sinni á næstu vikum.
Tæknilegir sérfræðingar fjar-
skiptaeftirlitsins benda einnig á að
hlerunarhugbúnaðurinn hafi verið
svo háþróaður að hann hljóti að hafa
verið prófaður í miðstöð með tækni-
búnaði frá Ericsson. Slíkan búnað er
auðvelt að kaupa, en flókið að setja
upp. „Ericsson hlýtur að vita hverjir
hafa getuna til þess,“ sagði forstjóri
fjarskiptaeftirlitsins, Andreas Lam-
brinopoulos, fyrir rannsóknarnefnd
þingsins í maí. „Þetta er aðeins á færi
fárra manna í heiminum.“
Ericsson bendir á að fjölmargir
fyrrverandi og núverandi sérfræð-
ingar fyrirtækisins búi yfir mikilli
tækniþekkingu, sem og reyndir ráð-
gjafar og fjöldi tæknimenntaðra
starfsmanna þeirra fyrirtækja, sem
skipta við Ericsson.
Tenging við Þjóðaröryggisstofnun
Bandaríkjanna?
Sérfræðingar fjarskiptaeftirlitsins
segja einnig að farsímarnir fjórtán
hafi hringt í og sent sms-skeyti til
ýmissa landa, t.d. til Bandaríkjanna,
þar á meðal í númer í borginni Lau-
rel í Maryland-ríki, til Svíþjóðar og
Ástralíu, að því er fram kemur í
frumskýrslu fjarskiptaeftirlitsins.
Sum þessara símtala og sms-send-
inga komu beint frá símunum fjór-
tán, eða beindust beint til þeirra, en
önnur fóru um aðra síma. Þar er rætt
um a.m.k. þrjá fyrirframgreidda far-
síma, sem tengdust farsímunum fjór-
tán.
Sérfræðingar í öryggismálum
benda á að ein af helstu njósnastofn-
unum Bandaríkjanna, Þjóðarörygg-
isstofnunin eða National Security
Agency, hafi höfuðstöðvar nærri
Laurel í Maryland. Sú stofnun var
nýlega í sviðsljósinu í kjölfar gagn-
rýni bandarískra þingmanna á þá
ráðstöfun stjórnar George W. Bush
forseta að heimila stofnuninni að
njósna um símtöl Bandaríkjamanna
og ætlaðra hryðjuverkamanna í öðr-
um löndum án þess að fyrir lægju lög-
formlegar heimildir dómstóla. Tals-
maður Þjóðaröryggisstofnunarinnar,
Don Weber, sagði: „Þjóðaröryggis-
stofnunin tekur lagalegar skyldur
sínar alvarlega og starfar innan
ramma laganna.“ Aðspurður hvort
stofnunin eða aðrar bandarískar
stjórnvaldsstofnanir hefðu tengst
hlerunum í Grikklandi, sagði tals-
maðurinn að stofnunin tjáði sig ekki
um það enda tjáði stofnunin sig aldrei
um yfirstandandi eða ókláraðar rann-
sóknir.
Endurbirt með leyfi The Wall Street
Journal Europe, höfundarréttur (c)
2006, Dow Jones & Company, Inc.
Allur réttur áskilinn. Millifyrir-
sagnir og kynningartexti eru
Morgunblaðsins.
MORGUNBLAÐIÐ SUNNUDAGUR 9. JÚLÍ 2006 21
Tveir af reyndustu flug-stjórum Íslendinga fyrrog síðar, þeir SmáriKarlsson t.v. og MagnúsGuðmundsson eru hér á
þessari mynd. Báðir hófu störf hjá
Flugfélagi Íslands 1944 og flugu þá
meðal annars Rapide, Norseman,
Beechcraft, Grumman, Catalina og
Douglas-flugvélum félagsins. En
þegar Loftleiðir keyptu Skymaster-
flugvélina Heklu 1947 vantaði
reynda flugstjóra. Var þeim Magn-
úsi og Smára boðin flugstjórastaða
og fóru þeir báðir til félagsins og
luku sínum starfsferli hjá Loftleið-
um og síðar Flugleiðum.
Flugstjórarnir tveir sem eiga stór-
merka flugsögu að baki halda hér á
ljósmynd af málverki sem breski
listamaðurinn W. Hardy málaði fyrir
Snorra Snorrason, en þetta er DC-8-
63 þota sem þeir Magnús og Smári
flugu árum saman. Er þotan á flugi
við suðurströndina, Eyjafjalla- og
Mýrdalsjökull í baksýn. Skúli Br.
Steinþórsson flugstjóri hjá Loftleið-
um kom einnig úr röðum Flugfélags-
manna, flaug meðal annars með
Snorra á Douglas-flugvélunum fyrir
50 árum. En Skúli sem flaug DC-8
þotunum um árabil hefur tekið eft-
irfarandi saman:
Loftleiðir tóku Douglas DC-8-63
þotur í notkun í maímánuði árið 1970
og voru þær í notkun til 1989. Þær
voru útbúnar með 249 farþegasæt-
um hjá Loftleiðum en verksmiðjurn-
ar leyfðu 259 farþegasæti. Árið 1971
var tekin í notkun DC-8-55 til Norð-
urlandaflugs. Það var minna afbrigði
sem tók færri farþega (189). Árið
1985 var einnig DC-8-71 í notkun en
það var DC-8-61 sem hafði verið
útbúin með CFM-56 hreyflum sem
voru mun öflugri en í fyrri afbrigð-
um. Fyrsta DC-8 flugvélin flaug í
maí 1958, mörg afbrigði voru smíðuð,
margar flugvélar af afbrigðunum
DC-8-61/62 og 63, voru síðar útbúnar
með CFM-56 hreyflunum og fengu
þá heitið DC-8-71/72 og 73. 556 DC-8
flugvélar voru framleiddar, sú síð-
asta í maímánuði 1972. Árið 2005
voru enn margar DC-8-61-73 flug-
vélar í notkun. Allmargar af þeim
flugvélum eiga yfir 100.000 fartíma
að baki. Mjög fáar flugvélategundir
hafa náð því marki. DC-8 flugvélarn-
ar voru mjög sterkbyggðar og
traustar. DC-8-63 flugvélin þurfti
langa flugtaksbraut þegar hún var
fullhlaðin, en fullhlaðin gat hún flog-
ið um 7200 km vegalengd.
Flugstjórar Skymas-
ter-vélarinnar Heklu
Þeir Magnús Guðmundsson og Smári Karlsson voru með
reyndustu flugstjórum landsins segir Snorri Snorrason,
sem hér birtir mynd af Skymaster-flugvélinni Heklu.
Ljósmynd/Haukur Snorrason
INNKÖLLUN SKULDABRÉFA
SPARISJÓÐS MÝRASÝSLU, 1. FLOKKUR 2001
Með vísan til ákvæða 1. skuldabréfaflokks Sparisjóðs
Mýrasýslu (SPM 01 1; ISIN IS0000006203),
þá mun útgefandi skuldabréfanna, Sparisjóður
Mýrasýslu, nýta sér rétt sinn skv. skilmálum bréfanna til
að innkalla öll skuldabréf í umræddum flokki.
Innköllunin tekur gildi þann 16. október 2006.
Skuldin verður greidd í samræmi við skilmála bréfanna.
Greiðslustaður skuldabréfanna er hjá
Sparisjóði Mýrasýslu, Digranesgötu 2, 310 Borgarnesi.
Vísað er að öðru leyti til skilmála bréfanna.
BÍLARAF Auðbrekku 20S. 564 0400
• Taka loft utan frá - enginn
súrefnisskortur.
• Afgasið fer út - engin mengun.
• Fáanlegar með og án blásturs.
• Sérlega hljóðlátar.
• Með bestu nýtingu á eldsneyti.
• Truma-verksmiðjan er 50 ára.
Mikil reynsla.
• Öryggi samþykkt af þýskum
yfirvöldum og CE-merkt.
• Margar gerðir.
• Með eða án blásturs.
• Sjálfvirkar með thermostati.
Gasmiðstöðvar
Fyrir fellihýsi •hjólhýsi
húsbíla o.fl. frá
Fáið sendan bækling
Þilofnar án blásturs.
Með blæstri.
Hægt að staðsetja fyrir utan
sumarhús og taka hitann
inn með börkum.
Vatns og
blástursmiðstöð,
hitar bæði vatn
og rýmið
á sama tíma
Fyrir fellihýsi • hjólhýsi • húsbíla
báta • tjaldvagna og sumarbústaði.
as iðstöðv r
Frá