Morgunblaðið - 09.07.2006, Side 22

22 SUNNUDAGUR 9. JÚLÍ 2006 MORGUNBLAÐIÐ
Ég hef svo gaman að því aðfá þá hingað. Þeim finnstkjötið svo gott, þessvegna koma þeir viðhérna hjá mér. Ég er
ekki í kórnum en mér finnst of-
boðslega gaman að hlusta á þá þeg-
ar þeir syngja í hlöðunni hjá mér,“
segir Guðmundur Davíðsson, bóndi
í Miðdal í Kjós, sem tekur á móti
félögum úr Karlakór Kjalnesinga
þar sem þeir fara ríðandi um sveit-
ina í árlegri hestaferð sinni kring-
um Esjuna. Guðmundur sker væn-
ar flísar í gestina af fallegu
kjötlæri sem hann heldur á. Það er
heimareykt og hrátt og bráðnar í
munni með íslensku brennivíni.
Söngurinn hljómar og mönnum
hleypur kapp í kinn og þeir taka til
við að glíma á hlaðinu hjá Guð-
mundi og sá sem sigrar fær hund-
inn Úlf að launum.
Súpa undir berum himni
Það eru kátir karlar sem ríða um
Kjósina, enda stutt síðan þeir komu
úr ferðalagi til Parísar þar sem
þeir sungu fyrir Fransmenn í til-
efni af fimmtán ára afmæli kórsins.
Næst liggur leiðin að bænum
Flekkudal, þar sem ábúandinn
Guðný Ívarsdóttir tekur rausn-
arlega á móti þeim með rjúkandi
kjötsúpu sem borðuð er undir ber-
um himni. Maturinn er meðal ann-
ars þakklætisvottur Guðnýjar til
kórfélaganna sem sungu yfir manni
hennar Kristjáni Mikkaelssyni á
síðasta ári, en hann var meðlimur í
kórnum áður fyrr.
Síðasti áfangastaður á þessum
öðrum degi í fjögurra daga reiðtúr
þeirra félaga, er á Hjalla og þar
hvíldu hestarnir sig yfir nóttina.
Daginn eftir komu kapparnir aftur
saman en þá höfðu konur þeirra og
börn bæst í hópinn og var riðið nið-
ur með Laxárbökkum. Öll hers-
ingin átti heimboð á Reynivöllum
hjá séra Gunnari Kristjánssyni og
Önnu Höskuldsdóttur og að sjálf-
sögðu tóku kórmenn lagið í kirkj-
unni. Þar átti hópurinn góða sam-
verustund og Gunnar fræddi gesti
sína um Kjósina og bauð að því
loknu í kaffi utandyra. Aftur var
riðið heim að Hjalla og blásið til
grillveislu um kvöldið. Á fjórða
degi var hringnum lokað þegar
menn riðu til síns heima og fóru
ýmist Kjósarskarð eða Svínaskarð.
Hljómurinn var góður í hlöðunni í Miðdal og mikið sungið. F.v.: Hinrik Gylfason, Kristinn Sveinsson, Jón Halldórsson, Sig-
urður Kristjánsson, Jón M. Jónsson, Örn Harðarson og Björn Jónsson.
Í upphafi dags var staldrað við hjá Arnarhamri þar sem áður var keppnissvæði Hestamannafélagsins Harðar.
Leiðin að Miðdal var fjölbreytt og skemmtileg og meðal annars var riðið yfir Kiðafellsá.
Syngjandi sælir og
Hófaskellir og söngur óm-
uðu á björtu sumarkvöldi
þar sem Kristín Heiða
Kristinsdóttir og Ragnar
Axelsson fylgdu félögum úr
Karlakór Kjalnesinga á
öðrum degi í árlegri reið
þeirra kringum Esjuna.
khk@mbl.is, rax@mbl.is