Morgunblaðið - 09.07.2006, Síða 45

MORGUNBLAÐIÐ SUNNUDAGUR 9. JÚLÍ 2006 45
DAGBÓK
Boðið verður upp á nýjan valkost í náms-framboði við Viðskiptaháskólann áBifröst næsta vetur. Nýja námið erBS-nám í viðskiptafræði með áherslu
á verslun og þjónustu.
Geirlaug Jóhannsdóttir er verkefnastjóri sí-
menntunar hjá Bifröst: „Samtök verslunar og
þjónustu áttu frumkvæðið að því að Rannsókn-
arsetur verslunarinnar á Bifröst myndi hefja
undirbúning að þessu námi. Stofnaður var fag-
hópur m.a. skipaður fulltrúum Bifrastar, SVÞ,
og Fræðslumiðstöðvar atvinnulífsins, og hefur
hann unnið að greiningu þarfa fyrir nám af
þessum toga, m.a. með því að ræða við fjöl-
marga stjórnendur verslunarfyrirtækja,“ segir
Geirlaug. „Með hliðsjón af þeirri vinnu höfum
við sett saman námsskrá og hefst kennsla sam-
kvæmt henni nú í september.“
Við undirbúning námsins voru heimsóttir er-
lendir verslunarháskólar og leitað eftir fyr-
irmyndir að náminu og samstarfsaðilum til
þeirra. Munu kennarar frá sumum af þeim skól-
um sem heimsóttir voru annast kennslu náms-
greina sem lúta að sérsviði verslunar og þjón-
ustu: „Námið mun því að hluta til fara fram á
ensku, en að stærstum hluta byggist námið á
námsframboði viðskiptafræðideildar háskólans
og er miðað við að nemendur í fjarnámi ljúki
þremur áföngum á hverri önn og þar af einum
sem fjallar sérstaklega um verslun og þjón-
ustu.“
Þó að námið sé að mestu kennt með fjarnámi
fer hluti námsins fram á Bifröst: „Það er mik-
ilvægur þáttur í náminu að nemendur fái tæki-
færi til að hittast, kynnast og mynda tengsl sín á
milli. Á hverri önn eru haldnar þrjár vinnuhelg-
ar þar sem farið er yfir námsefnið og verkefni
með kennurum,“ segir Geirlaug.
„Nám af þessu tagi hefur ekki verið í boði á
Íslandi hingað til en löngu orðið tímabært í ljósi
þeirra vaxandi krafa sem gerðar eru til starfs-
fólks í verslunargeiranum. Á síðustu árum hefur
framboð á námsmöguleikum fyrir starfsfólk
verslana aukist töluvert en það er ekki fyrr en
nú að í boði er háskólanám sérsniðið að starfs-
sviði þess,“ segir Geirlaug.
„Við væntum þess að stór hópur þeirra sem
starfa við verslun og þjónustu hafi áhuga á námi
af þessu tagi, þar sem þeir geta styrkt fagkunn-
áttu sína. Við vitum líka að vinnuálag er þónokk-
urt á fólki sem starfar á þessu sviði og bjóðum
við því upp á þann möguleika að fólk geti lokið
diplómanámi eftir tveggja ára fjarnám. Þá er til
dæmis hægt að gera hlé á námi, eða halda áfram
í tvö ár til að ljúka fullri háskólagráðu.“
Umsóknarfrestur fyrir BS-nám í Bifröst er til
15. ágúst. Geirlaug segir að við val á nemendum
sé sérstaklega litið til stjórnunarreynslu og
grunnmenntunar.
Nánari upplýsingar um viðskiptafræði með
áherslu á verslun og þjónustu og námið við Við-
skiptaháskólann á Bifröst má finna á slóðinni
www.Bifrost.is
Menntun | Ný viðskiptanámsbraut við Viðskiptaháskólann á Bifröst í boði næsta vetur
Sérhæfing í verslun og þjónustu

Geirlaug Jóhanns-
dóttir fæddist á Akra-
nesi 1976. Hún lauk
stúdentsprófi frá
Verslunarskóla Íslands
1996, prófi í við-
skiptafræðum frá
Samvinnuháskólanum
á Bifröst 1999 og
MBA-námi með
áherslu á mannauðs-
stjórnun frá HR 2006.
Geirlaug var fræðslustjóri Alcan á Íslandi
1999–2004 og hóf störf sem verkefnastjóri
símenntunar við Bifröst 2005. Geirlaug er
gift Stefáni Sveinbjörnssyni og eiga þau tvö
börn.
Til leigu // Tjarnargata,
101 Reykjavík
Glæsilegt hús á besta sta
í mi
bænum,
séríbú
í kjallara ásamt rúmgó
um bílskúr.
Fasteignafélagi
Kirkjuhvoll ehf.
Upplsingar gefur Karl í síma 8920160 //
karl@kirkjuhvoll.com
Árnaðheilla
ritstjorn@mbl.is
80 ÁRA afmæli. Í dag, 9. júlí, eráttræð Þorgerður Guðný Guð-
mundsdóttir, Víðihlíð, (áður Borg-
arholti) Grindavík. Af því tilefni bjóða
hún og eiginmaður hennar, Guð-
mundur Jón Helgason, ættingjum og
vinum að gleðjast með sér í dag frá kl.
15–18 í sal Verkalýðsfélags Grindavík-
ur á Víkurbraut 46. Þau vonast til að
sjá sem flesta.
Brúðkaup | Gefin voru saman í hjóna-
band í Hvítasunnukirkjunni Fíladelfíu
í Reykjavík 21. apríl sl. þau Emily
Compuesto Awin og Helgi V. Guð-
mundsson.
Brúðkaup | Gefin voru saman 3. júní
sl. þau Helene Brodu Ferraro og Leó
Már Jóhannsson. Séra Jakob Rolland
hjá kaþólska söfnuðinum gaf þau sam-
an. Athöfnin fór fram í Saint Pakelair-
kirkju í Suðvestur-Frakklandi. Heimili
þeirra er í Reykjavík.
Eðlið er sterkt.
Norður
♠D84
♥Á105
♦D87
♣ÁG93
Suður
♠ÁG1062
♥K843
♦102
♣KD
Suður spilar fjóra spaða. AV hafa
ekkert sagt.
Vestur kemur út með lítinn tígul,
austur fær á gosann, tekur ásinn og spil-
ar þriðja tíglinum, sem er trompaður.
Hvernig myndi lesandinn haga fram-
haldinu: (a) í tvímenningi, (b) í sveita-
keppni?
(a) Gráðugir tvímenningshaukar
leggja allt í sölurnar fyrir yfirslaginn.
Leiðin til þess er að spila hjarta á ás og
spaðadrottningu úr borði. Þá er vonin
sú að trompkóngurinn sé réttur, annar
eða þriðji, ásamt því að lauftían falli, því
það þarf að yfirdrepa háspil (eða þá
þvingun myndist í laufi og hjarta). Ekki
svo galið, nema fyrir það að spilið gæti
tapast í slæmri legu (misheppnuð svín-
ing og engin lauftía).
(b) Í sveitakeppni situr öryggið í fyr-
irrúmi og öruggasta áætlunin er ótví-
rætt sú að spila spaðagosa í fjórða slag.
Þannig má ráða við flestar stöður, jafn-
vel slæma tromplegu.
Norður
♠D84
♥Á105
♦D87
♣ÁG93
Vestur Austur
♠93 ♠K75
♥72 ♥DG96
♦K953 ♦ÁG64
♣76542 ♣108
Suður
♠ÁG1062
♥K843
♦102
♣KD
Bob Hamman var í sæti suðurs í par-
atvímenningnum í Veróna. Hamman er
nákvæmur og vandvirkur spilari, sem
lætur sér ekki detta í hug að hafna
nærri öruggri vinningsleið fyrir lang-
sóttan yfirslag. Hann spilaði því spaða-
gosa. Af því skýrist kannski sú stað-
reynd að Hamman er sjaldan meðal
efstu manna í tvímenningi.
En eðlið er sterkt.
BRIDS
Guðmundur Páll Arnarson | ritstjorn@mbl.is
Hvað er að deild 32C?
BRÁÐAMÓTTÖKUDEILD er al-
menn deild fyrir einstaklinga með
geðsjúkdóma. Meðferð deildarinnar
er einstaklingsmiðuð og er stýrt af
þverfaglegu teymi geðheilbrigð-
isstarfsmanna, segir m.a. á vefsíðu
Landspítala – háskólasjúkrahúss.
Bróðir minn reyndi að fremja
sjálfsvíg. Hann hefur verið mjög
þunglyndur í gegnum árin og hefur
verið á geðdeyfðarlyfjum talsvert
lengi. Hann hefur gengið í gegnum
erfið veikindi, skilnað og gjaldþrot
svo eitthvað sé nefnt.
Niðurbrotinn maður sem telur lífið
ekki þess virði að lifa því. Gefst hrein-
lega upp á öllu og ákveður að enda
þetta erfiða líf. Vera laus við erf-
iðleika lífs síns.
Ekki tókst ætlunarverk hans í
þetta skiptið og var hann færður inn á
bráðamóttöku geðdeildar Landspít-
ala – háskólasjúkrahúss, deild 32C.
Maður hefði haldið að hann fengi
þá aðstoð sem á þyrfti að halda hjá
þessu þverfaglega teymi geðheil-
brigðismanna, en nei, honum er hent
út daginn eftir að hafa reynt sjálfs-
morð, fyrir hádegi meira að segja.
Útskrifaður maður. Greinilega ekki
talinn svo veikur að þörf sé að hann
sé inni á deild 32C mikið lengur.
Hvað þarf til að maður teljist and-
lega veikur, ef ekki tilraun til sjálfs-
morðs? Hvað er að? Hvað þarf maður
að gera til að fá hjálp á Íslandi í dag?
Klára dæmið, svo ekki sé þörf á að-
stoð þverfaglega teymisins? Ódýr-
ara?
Fólk reynir ekki að enda eigið líf
nema að eitthvað verulega mikið ami
að. Þó svo að hann „bróðir minn“ í
þessu tilviki segi við þetta þverfag-
lega fagfólk inni á deild 32C að hann
lofi því að fara ekki heim að drepa sig,
á að taka mark á því? Er ekki verið að
gefa veiku fólki röng skilaboð?
„Farðu heim og skammastu þín eða
ljúktu verkinu.“
AMI.
Haus og lappir
HAFIÐ þið tekið eftir því að nú eru
flestir Íslendingar með haus og lappir
ef marka má málfar unga fólksins. Ég
er með höfuð og fætur og sætti mig
alls ekki við þessa breytingu. Athugið
að haus og lappir eru yfirleitt loðnari
eða slímugri einstaklingum en höfuð
og fætur á mönnum þó stundum séu
þessi orð notuð um menn í gríni eða í
niðrandi merkingu.
Lesandi.
Hundurinn okkar er horfinn
KONAN sem fann íslenskan hund
(karlkyns) með lamaða rófu, á Esju-
planinu eða þar í kring í Kollafirð-
inum í vor, er vinsamlegast beðin að
hafa samband í síma 863 6346. Hund-
urinn er gulur og hvítur og frekar loð-
inn. Þessi hundur heitir Sámur og er
mjög ljúfur og vinalegur. Sámur var
til heimilis í Kollafirðinum og hans er
sárt saknað.
Velvakandi
Svarað í síma 5691100 frá 10–12
og 13–15 | velvakandi@mbl.is
Í DAG er íslenski safnadagurinn og
verður listamannaspjall í Listasafni
ASÍ kl. 15.
Nú stendur yfir í safninu sýn-
ingin AKVARELL ASÍ REYKJA-
VIK sem er sýning á vatnlitamynd-
um fimm þjóðþekktra listamanna.
Þar leiða sama hesta sína þau Ei-
ríkur Smith, Daði Guðbjörnsson,
Hafsteinn Austmann, Kristín Þor-
kelsdóttir og Svavar Guðnason. Þau
fjögur fyrstnefndu sýna nýjar
vatnslitamyndir en auk þess eru
sýndar vatnslitamyndir í eigu Lista-
safns ASÍ eftir Svavar Guðnason.
Þau Eiríkur, Daði og Kristín
verða með listamannaspjall í safn-
inu kl. 15. Hér gefst ómetanlegt
tækifæri til að hitta þrjá af fremstu
vatnslitamálurum samtímans,
skoða verk þeirra og heyra þá fjalla
um list sína.
Léttar veitingar í boði safnsins.
Aðgangur ókeypis.
Morgunblaðið/Eggert
Daði Guðbjörnsson, Hafsteinn Austmann, Eiríkur Smith og Kristín Þorkelsdóttir
Íslenski safnadagurinn –
listamannaspjall