Morgunblaðið - 12.08.2006, Blaðsíða 23

MORGUNBLAÐIÐ LAUGARDAGUR 12. ÁGÚST 2006 23
MINNSTAÐUR
Nánari upplýsingar á siminn.is eða á næsta sölustað Símans.
* Eingöngu innan kerfis Símans
SUMARTILBOÐ
Á SAMSUNG SÍMUM
5KR.
SMS&MMS
ALLARHELGAR Í SUMAR
*
Nánari upplýsingar á siminn.is eða á næsta sölustað Símans.
Gullfallegur samlokusími,
sem býður upp á alla helstu
möguleikana. Meðal búnaðar
má nefna VGA myndavél og
hægt að taka upp hreyfimyndir,
FM-útvarp, 3MB minni, 6 klukku-
stunda taltíma á rafhlöðu og
margt fleira.
14.980kr.
SAMSUNG X650
Glæsileg hönnun. Örþunnur,
með stórum TFT hágæða
litaskjá og 1,3 MP myndavél
sem hægt er að snúa 180
gráður. Hægt er að tengjast
tölvu, handfrjálsum búnaði
og blátannarsímum í
gegnum blátannarbúnað.
37.980kr.
SAMSUNG D820
* Eingöngu innan kerfis Símans
ÁRBORGARSVÆÐIÐ
ÍBÚAR í Laugardælahverfi, sem
eru um 30 talsins, hafa sótt um að
jörðin Laugardælir verði sameinuð
sveitarfélaginu Árborg. Laugar-
dælir eru austan Ölfusár og liggja
að sveitarfélagamörkum Árborgar
þar sem mjólkurbú MS og ýmis
önnur fyrirtæki eru. Jörðin til-
heyrir nú sveitarfélaginu Flóa-
hreppi og var áður í Hraungerð-
ishreppi. Flóahreppur varð til á
liðnu vori við sameiningu Gaul-
verjabæjarhrepps, Hraungerð-
ishrepps og Villingaholtshrepps.
Íbúar hreppanna þriggja voru
samtals 526 hinn 1. desember síð-
astliðinn.
Eðlileg þróun
Haraldur Þórarinsson, tals-
maður íbúa Laugardæla, sagði að-
alástæðuna fyrir því að Laug-
ardælir vildu færa sig milli
sveitarfélaga vera að þeir sæktu
nú mestalla sína þjónustu til Ár-
borgar en mun minna til Flóa-
hrepps, enda byggju þeir innan við
einn kílómetra frá Árborg. Börn
frá bænum sækja ýmist skóla í
Flóahreppi eða í Árborg. „Okkur
finnst þetta eðlileg þróun,“ sagði
Haraldur.
Byggðin á Selfossi (Árborg) er
komin að landamerkjum jarð-
arinnar. Haraldur sagði að byggð-
in mundi óhjákvæmilega þróast í
austurátt, inn á land Laugardæla,
hvort sem bærinn flyttist milli
sveitarfélaga eða ekki.
„Byggðin mun eftir sem áður
koma hingað en það sem skiptir
máli er að skipulagsmálin verði á
einni hendi. Að það verði ekki farið
að reisa hér tvö samfélög og ekki
verði árekstrar í skipulagsmálum.
Það er stefna Sambands íslenskra
sveitarfélaga og íslenska ríkisins
að mynda heildstæða byggða- og
þjónustukjarna og þetta fellur
undir það.“
Viðræður ekki hafnar
Erindi Laugardæla var lagt
fram í sveitarstjórn Flóahrepps 5.
júlí síðastliðinn. Í framhaldinu var
skipuð þriggja manna nefnd,
tveggja sveitarstjórnarmanna og
sveitarstjóra, til að ræða við
íbúana.
Aðalsteinn Sveinsson, oddviti
Flóahrepps, sagði í samtali við
Morgunblaðið í gær að viðræður
væru ekki hafnar. Væntanlega
fundaði nefndin með íbúum Laug-
ardæla þegar sumarfríum lyki í
september. Hún mundi m.a. ræða
hvað lægi að baki erindinu.
„Það kemur ekkert fram í er-
indinu hvað liggur að baki, af
hverju þeir fara fram á þetta,“
sagði Aðalsteinn.
En er ekki erfitt að standa gegn
eindregnum vilja íbúa Laugardæla,
þótt Flóahreppur muni augljóslega
missa spón úr aski sínum við að
jörðin og íbúarnir færist í annað
sveitarfélag?
„Við hljótum að verða að hafa
heildarhagsmuni sveitarfélagsins
fyrst og fremst að leiðarljósi, en
auðvitað hlustum við á alla íbúa og
reynum að koma til móts við
þeirra óskir,“ sagði Aðalsteinn.
Hann sagði enn fremur að þessu
máli þyrfti að gefa þann tíma sem
það þyrfti, enda enginn asi á
mönnum í því.
Árborg myndi fagna
auknu landi
Stefanía K. Karlsdóttir, bæj-
arstjóri Árborgar, sagði að málið
kæmi ekki til kasta bæjarstjórnar
Árborgar nema sveitarstjórn Flóa-
hrepps samþykkti að verða við ósk
landeigenda Laugardæla. Sam-
þykki stjórna beggja sveitarfélag-
anna þyrfti til að breyta mörkum
þeirra. Hún sagði hins vegar að
sveitarstjórnarmenn í Árborg
hefðu sýnt því mikinn áhuga að
Laugardælir sameinuðust Árborg.
Það væri því engin hindrun Ár-
borgarmegin fyrir sameiningu.
„Ég held að fyrir þeim í Laug-
ardælum vaki mikil uppbygging á
landi sínu, bæði íbúðabyggð og lóð-
ir fyrir atvinnustarfsemi. Landið
liggur að Árborg og byggðin er
komin að landamerkjunum,“ sagði
Stefanía. Hún sagði einnig að Ár-
borg myndi fagna því að fá aukið
landrými á þessu svæði til skipu-
lagningar í austurátt í framhaldi af
núverandi landnotkun Árborgar.
„Við eigum enn talsvert af landi
fyrir íbúðarhúsalóðir en hefðum
viljað hafa fleiri valkosti í lóðum
fyrir atvinnurekstur. Það er mikil
eftirspurn eftir atvinnulóðum og
við vildum gjarnan eiga úr meira
landrými að spila fyrir atvinnu-
starfsemi,“ sagði Stefanía. Bæði
hafa ný fyrirtæki, sem ekki eru nú
með starfsemi í Árborg, óskað eft-
ir nýjum atvinnulóðum og eins
hafa fyrirtæki sem fyrir eru óskað
eftir auknu landrými fyrir starf-
semi sína. Áform eru uppi um
byggingu stórra verslanamiðstöðva
og eins hafa stórverslanir á borð
við Rúmfatalagerinn óskað eftir
lóðum.
„Fyrirtæki virðast sjá hag sinn í
að koma hingað,“ sagði Stefanía.
„Hér er hagkvæmt að vera að
mörgu leyti. Við höfum hingað til
getað annað eftirspurn eftir at-
vinnulóðum og land Laugardæla
yrði spennandi viðbót við núver-
andi lóðaframboð Árborgar.“
Stefanía sagði að uppbygging
íbúðarhverfa væri kostnaðarsöm.
Auk þess að leggja götur og veitu-
kerfi þyrfti að byggja skóla, bæði
grunn- og leikskóla, svo nokkuð
væri nefnt.
Miklar framkvæmdir hafa verið
á Selfossi og á næsta ári verður
lokið við byggingu Sunnulækjar-
skóla í suðurbyggð Selfoss. Í haust
verður opnaður nýr leikskóli og
annar er kominn á teikniborðið.
Íbúum hefur fjölgað langt umfram
öll meðaltöl undanfarin tvö ár og
því fylgir ör uppbygging þjónustu.
Ný Ölfusárbrú fyrirhuguð
í landi Laugardæla
Fyrirhuguð er bygging nýrrar
brúar yfir Ölfusá rétt austan við
núverandi mörk Árborgar og Flóa-
hrepps. Stefanía sagði að því lægi í
hlutarins eðli að byggðin og ekki
síst atvinnustarfsemin þróaðist í
austurátt frá Selfossi meðfram
þjóðveginum. Brúin er ekki komin
á vegaáætlun, en Stefanía sagði
liggja í augum uppi að nýrrar brú-
ar yfir Ölfusá væri þörf.
„Allir sem eiga leið hér um
þekkja umferðaröngþveitið sem oft
skapast við gömlu Ölfusárbrúna og
vegina að henni. Það er verið að
skoða alla möguleika sem eru til
að flýta framkvæmdum við nýja
brú, hvort sem hún verður byggð í
einkaframkvæmd eða á vegaáætl-
un.“
Ný brú mun ekki leysa gömlu
brúna við Selfoss af hólmi, en létta
mjög á umferð yfir hana. „Þessi
gamla brú, sem orðin er meira en
100 ára gömul, ber ekki þennan
fjölda bíla. Afkastageta hennar og
gatnakerfisins að brúnni er ekki
næg. Hér eru reglulega miklir um-
ferðarhnútar,“ sagði Stefanía.
Íbúar Laugardæla
vilja sameinast Árborg





     
 



1#

 
5  +-   '>Q

R
)&
&
S
R
(  B 5
A
K8 G7 E8C
65087
 $
„HANN er rétt tæpir fjórir metr-
ar,“ segir Þórarinn Sigvaldason, en
hann og félagar hans smíðuðu risa-
gítar, nákvæma eftirlíkingu af
Fender Telecaster og er hann nú til
sýnis á Handverkshátíðinni sem
stendur yfir á Hrafnagili.
Félagar Þórarins eru þeir Jón
Adolf Steinólfsson, Sigurþór Stef-
ánsson, Stefán Ívar Ívarsson og
Örvar Franz Ægisson. Einstakir er
nafnið sem þeir gáfu félagssskap
sínum, „þetta er hópur útskurð-
armanna, flestir eru í Kópavogi, en
við erum allir af suðvesturhorn-
inu,“ segir Þórarinn.
Félagarnir voru um þrjá mánuði
að smíða gítarinn, hittust einu sinni
til þrisvar í viku og unnu að verk-
efninu. „Þetta var mikil vinna, en
skemmtileg, við höfðum held ég all-
ir gaman af því að fást við þetta
verkefni.“
Gítarinn hefur vakið mikla at-
hygli sýningargesta, „það stoppa
allir við básinn okkar og skoða
gripinn, hann vekur feikna at-
hygli,“ segir Þórarinn hinn ánægð-
asti með árangurinn.
Félagarnir, Einstöku fengu til sín
þekktan ítalskan útskurðarmeist-
ara sem sagði þeim til „og hann
kemur aftur til okkar, hann er
svakalega klár, við höfum lært mik-
ið af honum,“ segir Þórarinn.
Gítarinn var sérstaklega smíð-
aður fyrir handsverkshátíðina,
enda er þema hennar að þessu sinni
tónlist. En hvað á að gera við gít-
arinn þegar sýningin verður tekin
niður annað kvöld, sunnudags-
kvöld? „Ég bara veit það ekki, hef
ekki hugmynd, við vorum svona
hálfpartinn að gæla við að einhver
myndi kaupa hann,“ svarar Þór-
arinn, sem kvaðst þó ekki hafa
glóru um hvernig verðleggja ætti
gripinn, „efnið í hann kostaði um 80
þúsund,“ segir hann.
Fjögurra metra
Fender-gítar á
handverkshátíð
Morgunblaðið/Margrét Þóra
Risagítar Þeir eru sex saman í félagi sem kallast Einstakir, sem smíðuðu
þennan Fender-gítar, sem verður til sýnis á handverkshátíðinni á Hrafna-
gili um helgina. Andri, sem var einn sýningargesta, stendur hjá en til
hliðar er gítar af venjulegri stærð.
Eftir Margréti Þóru Þórsdóttur
maggath@mbl.is