Morgunblaðið - 12.08.2006, Blaðsíða 37

og rúgbrauði með smjöri. Svo á eftir
settist hún niður með mig og teiknaði
fyrir mig mynd af konu í rosaflottum
kjól, ég man eftir honum sérstaklega
ásamt hárinu og augunum. Kjóllinn
var síður og þröngur um mjaðmirnar
en útvíður niður á við. Hárið var eins
og hárið á gamalli kvikmyndastjörnu.
Frekar stutt og með rúllu-krullum í
endana (eins og ég man eftir að amma
var alltaf með í hárinu, og hún fór
aldrei út án slæðu yfir krullurnar).
Toppurinn kom í stóran sveip yfir
annað augað en rétt svo til að konan
„sæi“ eitthvað. Augun voru stór með
löng augnhár og hún var með þannig
svip í augunum og munninum að hún
minnti óendanlega mikið á Marilyn
Monroe. Þetta er það sem er minn-
isstæðast í mínum huga. Ég man ekki
mikið meira eftir henni þegar ég var
yngri nema þegar við mamma fórum
til Reykjavíkur og gistum í litlu íbúð-
inni hennar og ég sat í sófanum og
skoðaði allar myndirnar hennar af
frænkum og frændum mínum. En
þegar amma varð eldri og ég fór að
heimsækja hana á Skjól þá mundi
hún alltaf að ég var að æfa fimleika og
spurði mig hvort ég væri ekki dugleg
að hoppa. Þannig man ég eftir henni
og blessuð sé minning ömmu minnar.
Elísabet Erlendsdóttir.
Í dag er til moldar borin Ásthildur
Teitsdóttir frá Eyvindartungu í
Laugardal, fyrrum húsfreyja á
Hjarðarfelli i Miklaholtshreppi. Ást-
hildur ólst upp í Laugardalnum, gekk
í Héraðsskólann á Laugarvatni þar
sem hún kynntist manni sínum,
Gunnari Guðbjartssyni frá Hjarðar-
felli. Þau gengu í hjónaband árið 1942
og hófu búrekstur á föðurleifð Gunn-
ars, Hjarðarfelli í Miklaholtshreppi,
sama ár, fyrst með foreldrum Gunn-
ars og systkinum en síðar með börn-
um sínum. Mikið orð fór af búskap
þeirra hjóna fyrir framfarahug og var
búið á Hjarðarfelli talið í fremstu röð
fjárræktarbúa og er svo raunar enn í
höndum sona þeirra, Guðbjarts og
Högna.
Snemma hlóðust trúnaðarstörf á
Gunnar fyrir sveit sína og stétt og ár-
ið 1963 var hann kjörinn formaður
Stéttarsambands bænda og gegndi
hann því starfi í 18 ár. Formennska í
Stéttarsambandinu var á þessum
tíma af mörgum talin ígildi ráðherra-
dóms og tvímælalaust er Gunnar einn
mikilhæfasti leiðtogi bændastéttar-
innar á síðari hluta 20. aldar. Það
liggur í augum uppi að félagsmála-
störf Gunnars kölluðu á mikla fjar-
veru frá búi og heimili. Það kom því í
hlut Ástu að sjá um heimili og bú með
börnum sínum, einkum sonunum
Guðbjarti og Högna, og var hvergi
slegið af í faglegum metnaði og
myndarskap.
Þegar ég kom til starfa hjá Stétt-
arsambandi bænda árið 1977 var eitt
mitt fyrsta verk að aðstoða Ástu við
kaup á húsgögnum og öðru innbúi í
íbúð sem Stéttarsambandið hafði þá
fest kaup á til afnota fyrir formann
sinn. Þessi samskipti eru mér afar
minnisstæð því að fáum hefi ég
kynnst jafn elskulegum og hógvær-
um í öllu viðmóti og með jafn fágaðan
smekk og Ásta, án þess nokkurn tíma
að missa sjónar á því sem hóflegt var.
Íbúðin á Kaplaskjólsveginum var síð-
an annað heimili þeirra hjóna á með-
an Gunnar gegndi formennsku í
Stéttarsambandinu og síðar er hann
réðst sem framkvæmdastjóri Fram-
leiðsluráðs landbúnaðarins.
Það liggur í augum uppi að í lífi jafn
stórbrotins manns og Gunnars á
Hjarðarfelli voru ekki allar stundir
sigurstundir. Bakvið einbeitnina bjó
viðkvæmni. Á slíkum stundum var
Ásta honum ómetanleg stoð sem og í
öllu hans starfi og ánægjulegt er að
minnast þess hversu samrýnd þau
voru og glöð í góðra vina hópi og þeg-
ar tóm gafst til ferðalaga.
Ég vil fyrir hönd okkar, sem störf-
uðum með þeim hjónum í Bændahöll-
inni á Stéttarsambandsárunum og
síðar eftir að Gunnar tók við Fram-
leiðsluráðinu, færa Ástu þakkir. Sam-
skiptin við hana eru okkur afar minn-
isstæð fyrir þá hógværu hlýju og
velvilja sem einkenndi alla hennar
framkomu.
Fjölskyldunni votta ég samúð
mína.
Hákon Sigurgrímsson.
MORGUNBLAÐIÐ LAUGARDAGUR 12. ÁGÚST 2006 37
MINNINGAR
Innilegar þakkir sendum við öllum þeim, sem
sýndu okkur samúð og hlýhug við andlát og útför
móður okkar, tengdamóður, ömmu og lang-
ömmu,
ELÍNAR GUÐRÚNAR GÍSLADÓTTUR,
Sóltúni 2,
áður til heimilis á Sundlaugavegi 28,
Reykjavík.
Vilborg Þórðardóttir, Sigurjón Torfason,
Kári Þórðarson, Rósa V. Guðmundsdóttir,
Gísli Þórmar Þórðarson, Ulla Juul Jörgensen,
Elmar Þórðarson, Ólafía Sigurðardóttir,
barnabörn og barnabarnabörn.
Elskulegur eiginmaður minn, faðir, tengdafaðir,
afi og langafi,
SVEINBJÖRN STEFÁN SVEINBJÖRNSSON,
Vitastíg 14,
Bolungarvík,
lést á heimili sínu miðvikudaginn 9. ágúst.
Jarðarförin fer fram í Hólskirkju, Bolungarvík,
laugardaginn 19. ágúst kl. 14.00.
Blóm og kransar eru vinsamlegast afþakkaðir, en þeim, sem vilja minnast
hans, er bent á Krabbameinsfélag Íslands eða Slysavarnafélag Bolungar-
víkur.
Stella Finnbogadóttir,
Sesselja Sveinbjörnsdóttir, Joao Pombeiro,
Hálfdán Sveinbjörnsson,
Kristín Sveinbjörnsdóttir, Carlos Torcato,
Ragnheiður Ásta Sveinbjörnsdóttir,
Finnbogi Sveinbjörnsson, Linda Jónsdóttir,
Linda Sveinbjörnsdóttir, Einar Bjarnason,
barnabörn og barnabarnabörn.
Móðir okkar, tengdamóðir, amma og langamma,
SIGRÚN KRISTJÓNSDÓTTIR,
sem lést á Vífilsstöðum mánudaginn 7. ágúst
verður jarðsungin frá Áskirkju þriðjudaginn
15. ágúst klukkan 15.
Blóm og kransar vinsamlega afþakkaðir.
Gerður Björnsdóttir,
Guðrún Björnsdóttir, Jón G. Zoëga,
Björn Zoëga, Harpa Árnadóttir,
Birna Hallsdóttir,
Sveinn Zoëga, Hildur Björk Hilmarsdóttir,
Gunnar Zoëga, Valdís Guðlaugsdóttir
og langömmubörn.
Elskulegur faðir minn, tengdafaðir og afi,
BJÖRN GUÐMUNDUR BERGSSON,
Austurhlíð 17,
Akureyri,
lést á dvalarheimilinu Hlíð sunnudaginn 30. júlí
síðastliðinn.
Útförin hefur farið fram í kyrrþey að ósk hins
látna. Þeim, sem vilja minnast hans, er bent á
dvalarheimilið Hlíð.
Jóhanna Guðmundsdóttir, Örn Viðar Birgisson,
Guðmundur Arnarson,
Hákon Arnarson,
Torfi Arnarson,
Anna Kristín Arnardóttir,
Tómas Örn Arnarson.
Eiginmaður minn og faðir okkar,
EINAR ELÍASSON,
andaðist mánudaginn 7. ágúst.
Að ósk hins látna hefur hinsta kveðja farið fram
í kyrrþey.
Þórdís Árnadóttir,
Gylfi, Aldís Bára, Sigrún, Jóna Kristjana
og fjölskyldur.
Elskuleg eiginkona mín,
MARGRÉT JÓNA SIGURÐARDÓTTIR,
Suðurgötu 26,
Akranesi,
lést á Landspítalanum við Hringbraut fimmtudag-
inn 10. ágúst.
F.h. fjölskyldunnar,
Hallgrímur G. Kvaran.
Elskulegur eiginmaður minn, faðir okkar, tengda-
faðir, afi og langafi,
JÓSEP BIRGIR KRISTINSSON,
Daggarvöllum 4A,
Hafnarfirði,
áður til heimilis á Hagamel 6
í Skilmannahreppi,
lést á St. Jósefsspítala í Hafnarfirði fimmtudaginn
10. ágúst.
Útförin verður auglýst síðar.
Margrét Kristín Þórhallsdóttir,
Þórhallur B. Jósepsson, Herdís Ólafsdóttir,
Karólína K. Jósepsdóttir, Gunnar Jónsson,
Skarphéðinn Jósepsson, Stefanía Björnsdóttir,
Ævar Örn Jósepsson, Sigrún Guðmundsdóttir,
barnabörn og barnabarnabörn.
Ástkær eiginmaður minn, faðir okkar, tengda-
faðir, afi og langafi,
JÓN GUNNAR ÍVARSSON
fyrrverandi verslunarstjóri og
fulltrúi skattstjóra,
Skarphéðinsgötu 4,
Reykjavík,
lést á gjörgæsludeild Landspítalans aðfaranótt
fimmtudagsins 10. ágúst.
Guðrún Guðlaug Sigurgeirsdóttir,
Sigurgeir A. Jónsson, Þóra Hafsteinsdóttir,
Sonja B. Jónsdóttir, Guðmundur Kristjánsson,
Ívar Jónsson, Lilja Mósesdóttir,
Fannar Jónsson, Elísabet S. Auðunsdóttir,
Jón Þór Sigurgeirsson,
Guðrún Iðunn Sigurgeirsdóttir, Einar Bjarni Sigurðsson,
Birkir Kristján Guðmundsson, Jón Reginbaldur Ívarsson,
Hrafnhildur Fannarsdóttir,
Fannar Gunnsteinsson
og Óskar Þór Einarsson.
Ástkær eiginmaður minn, faðir okkar, tengda-
faðir, afi og langafi,
BRAGI SALÓMONSSON
verkstjóri,
Reynihvammi 35,
Kópavogi,
lést á líknardeild Landspítalans aðfaranótt föstu-
dagsins 11. ágúst.
Útförin fer fram frá Digraneskirkju miðvikudaginn 16. ágúst kl. 11.00.
Pálína Pálsdóttir,
Sólrún Bragadóttir, Sigurður Friðriksson,
Árni Bragason, Anna V. Einarsdóttir,
Guðbjörg Bragadóttir, Kristján Guðmundsson,
Þorvaldur Bragason, Narelle J. Bragason,
barnabörn og barnabarnabörn.
Ástkær móðir okkar, tengdamóðir, amma, systir
og mágkona,
GUÐRÚN SIGURÐARDÓTTIR
menntaskólakennari,
andaðist á kvennadeild Landspítalans föstudag-
inn 11. ágúst.
Jarðarför verður auglýst síðar.
Bryndís Björnsdóttir,
Jónas Páll Björnsson, Soumia Islami,
Sofia Sóley Jónasdóttir,
Elías Andri Jónasson,
Sigrún Erla Sigurðardóttir, Páll Ásmundsson,
Svanhildur Ása Sigurðardóttir, Björn Björnsson.