Morgunblaðið - 09.09.2006, Side 11
MORGUNBLAÐIÐ LAUGARDAGUR 9. SEPTEMBER 2006 11
FRÉTTIR
Kringlunni - sími 568 1822 – www.polarnopyret.se
Úlpur
og
útigallar
í miklu úrvali
ENGAR upplýsingar liggja enn fyrir
um hvort ratsjárstöðvum Íslenska
loftvarnakerfisins (IADS) verður
haldið gangandi eftir brottför
varnarliðsins. Fram kom í gær að í
reynd hefur ekkert eftirlit verið haft
með ómerktum flugvélum í lofthelgi
landsins frá í lok maí þegar varn-
arliðið hætti að fylgjast með merkj-
um frá Ratsjárstofnun, sem annast
rekstur ratsjárstöðvanna.
Ratsjárgögn kerfisins hafa einnig
nýst við almenna flugumferðarstjórn
og skv. upplýsingum sem fengust hjá
Flugmálastjórn í gær fær flugum-
ferðarstjórnin áfram upplýsingar frá
ratsjárstöðvunum og er ekki talið að
breytingar verði þar á.
Mannvirki og tæki í eigu NATO
Loftvarnakerfið er einnig hluti af
heildarloftvarnakerfi Atlantshafs-
bandalagsins (NATO) en kerfið hef-
ur sent upplýsingar um flugumferð
til sambærilegra kerfa í
Bandaríkjunum, Kanada, Noregi og
Bretlandi. Bandaríski flugherinn
greiðir allan rekstrarkostnað loft-
varnakerfisins, sem áætlað er að
verði rúmlega 1,2 milljarðar kr. á yf-
irstandandi ári. Rúmlega 60 manns
starfa hjá Ratsjárstofnun.
„Grundvöllurinn að ákvörðun
Bandaríkjanna er sá að hér er ekki
sú hernaðarlega ógn sem þetta kerfi
er byggt upp til að mæta,“ segir
Friðþór Eydal, upplýsingafulltrúi
varnarliðsins. „Bandaríkjastjórn til-
kynnti íslenskum stjórnvöldum í vor
að hún myndi hætta þessari starf-
semi. Síðan þá hafa menn þingað um
hvað tæki við og jafnframt fékk her-
inn þau fyrirmæli að flytja á brott
það lið sem væri hérna fyrir lok sept-
ember,“ segir Friðþór. „Framtíðin er
hins vegar alfarið í höndum íslenskra
og bandarískra stjórnvalda.“
Mannvirkjasjóður NATO greiddi
allan byggingakostnað við mannvirki
og búnað íslenska loftvarnakerfisins.
Því á NATO tækin og mannvirkin
sem þessu tilheyra en bandalagið
leggur þau notendalandinu til, sem í
þessum skilningi eru Bandaríkin skv.
samkomulagi á milli Íslands og
Bandaríkjanna, að sögn Friðþórs.
Ólafur Örn Haraldsson, forstjóri
Ratsjárstofnunar, vill lítið tjá sig um
framtíð stofnunarinnar á meðan við-
ræður standa yfir og vísaði á utanrík-
isráðuneytið. Allt fram á þetta ár hef-
ur verið unnið að endurnýjun og við-
bótum á tækjabúnaði Ratsjár-
stofnunar.
„Þetta er mjög fullkominn bún-
aður sem er alveg í fremstu röð í sínu
fagi. Stofnunin er með fulla virkni og
þjónustu,“ segir Ólafur Örn. Í fyrra
var tekið í notkun þráðlaust
samskiptakerfi, Link 16, og var
kostnaður við verkefnið á þriðja
milljarð króna.
1,2 milljarðar í reksturinn á ári
Óvissa er ríkjandi
um framtíð rat-
sjárstöðvanna
Loftferðaeftirlit Ratsjárstofnun rekur fjórar ratsjárstöðvar sem eru á
Miðnesheiði, Bolafjalli, Stokksnesi og Gunnólfsvíkurfjalli.
var nokkur rígur á milli félaganna
fyrstu árin. „Við vorum allir í þriðja
flokki, vorum það ungir, og unnum
fyrsta kappleikinn sem við tókum
þátt í.“
Helgi man einnig sögur frá fyrstu
árunum, t.a.m. þegar hann varð
YNGRI flokkar knattspyrnudeildar
Hauka fögnuðu góðum árangri
sumarsins sl. helgi með uppskeru-
hátíð að Ásvöllum. Á hátíðinni var
Helgi Vilhjálmsson heiðursgestur,
ásamt konu sinni Valgerði Jóhann-
esdóttur, en hann er einn af þrettán
mönnum sem stofnuðu Knatt-
spyrnufélagið Hauka 12. apríl 1931,
og einn þriggja eftirlifandi stofn-
félaga.
Helgi, sem er kominn hátt á ní-
ræðisaldur, gladdist með krökk-
unum á uppskeruhátíðinni auk þess
sem hann var heiðraður sér-
staklega. Hann man enn vel eftir
stofnun félagsins og fyrsta kapp-
leiknum. „Við vorum allir KFUM
drengir og uppaldir í kristilegu
samfélagi. Við höfðum mikið álit á
sr. Friðrik og hann hafði stofnað
Val og var farinn að ýja að því að
við stofnuðum knattspyrnufélag, en
við vorum alltaf að spila á göt-
unum,“ segir Helgi og minnist þess
að annað félag hafi þá verið til í
Hafnarfirði. Nefndist það Þjálfi og
varaformaður Hauka árið 1933. Þá
höfðu þeir rutt knattpyrnuvöll á
góðum fleti þar sem þeir léku sín á
milli. Faðir eins félagans, Karls
Auðunssonar, setti þá niður kart-
öflur á vellinum og sinnaðist þá á
milli Karls, sem þá var varafor-
maður, og hinna félagana. „Hann
sagði af sér varaformennskunni en
Bjarni Sveinsson, sem var formað-
ur, átti þá að tilefna annan í hans
stað og var ég þá kjörinn varafor-
maður. Ég sinnti því hlutverki í eitt
eða tvö ár.“
Ljósmynd/Hanz
Stofnfélagi
Hauka
heiðraður
ÁTJÁN fyrirlesarar, þar af sjö ís-
lenskir, flytja erindi á tveggja daga
ráðstefnu um loftslagsbreytingar,
hafstrauma og vistkerfi í N-Atlants-
hafi á Hótel Nordica 11. og 12. sept-
ember nk. Ríkisstjórn Íslands
stendur fyrir ráðstefnunni sem
styrkt er af Norræna ráðherraráð-
inu. Kynnt verður nýjasta þekking
um möguleg áhrif loftslagsbreyt-
inga á straumakerfi N-Atlantshafs-
ins og lífríki þess. Að sögn Jóns
Ólafssonar, haffræðings hjá Haf-
rannsóknastofnun, er ráðstefnunni
m.a. ætlað að varpa ljósi á hvað sé
að gerast nyrst í Atlantshafinu og
hver sé staða rannsókna.
„Nú er að ljúka fimm ára vestnor-
rænu verkefni milli Íslands, Græn-
lands, Færeyja og Noregs þar sem
fjallað er nákvæmlega um þessi at-
riði,“ segir hann. „Verkefnið gengur
að talsverðu leyti út á að gera líkön
af samspili lofts, veðurs og hafs auk
ástands í sjó. Miklar framfarir hafa
orðið á því sviði á undanförnum ár-
um og ég býst við að það komi fram
gott yfirlit um stöðu þeirra mála á
þessari ráðstefnu.“
„Þá höfum við líka fengið sérfræð-
ing sem kynnir rannsóknir sem gerð-
ar hafa verið á Golfstraumnum sjálf-
um. Einnig verður litið á stöðuna hér
á landi og fjallað um setlög sjávarins
auk þess sem fjallað verður um hvað
hefur verið að gerast undanfarna ára-
tugi í tengslum við veður, sjó og hafís
hér við land,“ segir Jón.
Eftir erindi verða umræður, m.a.
um stöðu þekkingar á loftslagi og haf-
straumum. Þar að baki býr stærri
spurning, hvort hætta sé á mikilli
röskun á hafstraumum í N-Atlants-
hafi vegna loftslagsbreytinga, sem
gæti haft áhrif á lífríki og samfélög.
Alþjóðleg ráðstefna um loftslagsbreytingar og hafstrauma
Hvað er að gerast
nyrst í Atlantshafinu?
Eftir Örlyg Stein Sigurjónsson
orsi@mbl.is
Eftir Örlyg Stein Sigurjónsson
orsi@mbl.is
ENGIN innri rannsókn mun fara
fram á verklagi og framferði lög-
reglunnar í Skeifu-átökunum á laug-
ardag að sögn
Ingimundar Ein-
arssonar vara-
lögreglustjóra.
Kvartað hefur
verið undan lög-
reglu vegna
tveggja unglinga
sem töldu lög-
reglu hafa gengið
of langt gagnvart
sér þá um nótt-
ina.
Einn starfsmaður Lögreglustjór-
ans í Reykjavík sinnir innra eftirliti
hjá embættinu og getur hann tekið
upp mál að eigin frumkvæði eða að
fyrirmælum lögreglustjóra. Ekki
hefur náðst tal af starfsmanninum
vegna fjarveru hans í orlofi, en Ingi-
mundur Einarssonar vara-
lögreglustjóri hefur nú ákveðið að
ekki muni fara fram innri rannsókn
á málinu. Spurður um hvers vegna
ekki fari fram nein innri rannsókn á
málinu segist Ingimundur hafa skoð-
að skýrslu lögreglumanns um at-
burði næturinnar.
„Þar koma fram allar staðreyndir
málsins og ég get ekki séð neina
ástæðu fyrir sjálfstæðri athugun á
málinu,“ segir hann.
– Ræður þú því hvort þetta verði
rannsakað af hálfu innra eftirlits?
„Já, ég ræð því.“
Um kvartanir foreldra segist Ingi-
mundur ekki hafa heyrt af fleiri
kvörtunum en þeim tveim sem fram
hafa komið vegna meints harðræðis.
Engin innri rann-
sókn hjá lögreglu
Ingimundur
Einarsson
ÖKUMAÐUR og farþegi jeppa-
bifreiðar með tóma hestakerru í
eftirdragi sluppu ómeiddir eftir að
bifreiðin fauk út af veginum er hún
ók austur Borgarfjarðarbraut und-
ir Hafnarfjalli um hádegisbil í gær.
Að sögn lögreglu snerist bifreiðin á
veginum þannig að hún fór heilan
hring. Hún endaði svo á hliðinni úti
í vegarkanti.
Kæruleysi
LÖGREGLAN í Reykjavík kvartar
undan kæruleysi ökumanna. Hún
segir að þetta sjáist glögglega þeg-
ar skoðuð séu umferðarlagabrot
sem lögreglan í Reykjavík tekur á
daglega. Á fimmtudag þurfti að
hafa afskipti af mörgum ökumönn-
um fyrir ýmsar sakir, t.a.m. hvað
varðar bílbeltanotkun og notkun
farsíma undir stýri án handfrjáls
búnaðar. Þá segir lögreglan marga
ökumenn eiga erfitt með að virða
stöðvunarskyldu.
Fauk út af með
hestakerru
»Ratsjárstofnun hóf starf-semi í maí árið 1987 eftir að
íslensk og bandarísk stjórnvöld
höfðu gert samkomulag um yf-
irtöku Íslendinga á rekstri rat-
sjárstöðva varnarliðsins.
»Eftirlits- og stjórnstöð Ís-lenska loftvarnakerfisins er
á Keflavíkurflugvelli og var
hún mönnuð af bandaríska
flughernum.
»Rekstur ratsjárstöðvannahefur allur verið greiddur
af bandarískum stjórnvöldum.
»Mannvirkjasjóður Atlants-hafsbandalagsins greiddi
allan byggingarkostnað við
mannvirki og búnað íslenska
loftvarnakerfisins.
Í HNOTSKURN