Morgunblaðið - 07.10.2006, Blaðsíða 53

Fáðu fréttirnar sendar í símann þinn
MORGUNBLAÐIÐ LAUGARDAGUR 7. OKTÓBER 2006 53
FRÉTT sem birtist í Blaðinu í vikunni
um Norræna músíkdaga var neyð-
arlegt klúður, en þar kom fram að
Edda I eftir Jón Leifs yrði frumflutt á
tónleikum í Háskólabíói á fimmtu-
dagskvöldið. Þetta var tóm vitleysa,
Edda verður ekki flutt fyrr en 14.
október og allt annað á dagskránni á
tónleikunum á fimmtudaginn var. Ég
hefði þó frekar óskað eftir Eddu eftir
Jón en sumu af því sem Sinfón-
íuhljómsveit Íslands lék þarna um
kvöldið, en það var á mörkum þess að
vera boðlegt.
Byrjum á því versta. Það var án efa
Fascia eftir Kent Olafsson, sem var
eins konar gítarkonsert. Stefan Öst-
arstjö lék þar einleik á rafgítar og
charango, en það er suður-amerískur
gítar. Gítarleikurinn hljómaði eins og
köttur sem lék lausum hala inni í flygli
og voru þessi undarlegu áhrifshljóð
undirstrikuð með endalausu plokki og
strengjaklóri hljómsveitarmeðlima.
Eins og nærri má geta var útkoman
skelfilega leiðinleg. Nú má listsköpun
auðvitað samanstanda af hverju sem
er og tónlist þarf ekki alltaf að vera
falleg, en ef tónskáldið hefur ekkert
að segja með óhljóðunum, er betur
heima setið en af stað farið.
Öllu skárra var Isafold’s Eye eftir
Tommi Kärkkäinen, því þótt verkið,
sem var fyrir kammersveit, hafi að
mestu byggst á kraftmiklum bar-
smíðum og því dálítið þreytandi
áheyrnar, samsvaraði það sér a.m.k.
betur en plokkfiskurinn í klóróform-
inu eftir Olafsson. Formið var á köfl-
um sannfærandi og markvissar and-
stæður sköpuðu spennu á tímabili;
synd hve slagverkið var ofnotað.
Miklu betri voru hinar tónsmíð-
arnar á efnisskránni, sem voru eftir
Bent Sörensen og Þuríði Jónsdóttur.
Eftir hinn fyrrnefnda voru flutt tvö
millispil úr óperunni Undir himninum,
en þau einkenndust af allskonar
skemmtilegum hugmyndum sem
sköpuðu sérkennileg blæbrigði er
komu stöðugt á óvart. Þær Guðrún
Jóhanna Ólafsdóttir og Loré Lix-
enberg sungu einsöng og skiluðu
krefjandi hlutverkum sínum með
miklum sóma. Gaman væri að sjá óp-
eruna eftir Sörensen í heild sinni!
Verk Þuríðar, Flow and fusion, var
líka einstaklega hrífandi. Það sam-
anstóð af margbrotnum ómi sem í
fyrstu lét lítið yfir sér. En svo var eins
og maður væri tekinn undir yfirborð
sjávarins, og þá blasti við heill heimur
af töfrum. Þetta er frábær tónlist sem
ætti skilið að vera flutt aftur og aftur.
Tónsmíðarnar fjórar á tónleikunum
voru ekki fluttar í þeirri röð sem til-
greind var í tónleikaskránni. Þetta
gerðist nokkuð oft á síðustu Myrkum
músíkdögum, og þar sem sömu aðilar
virðast standa að skipulagi Norrænna
músíkdaga á Íslandi, er kannski kom-
inn tími til að benda mönnum á að
þarna sé atriði sem hugsanlega þarfn-
ist úrbóta.
Klóruköttur
og neðansjáv-
arævintýri
TÓNLIST
Háskólabíó
Tónlist eftir Þuríði Jónsdóttur, Bent
Sörensen, Kent Olafsson og Tommi Kärk-
käinen. Sinfóníuhljómsveit Íslands lék
undir stjórn Franck Ollu. Einleikari: Stef-
an Östarstjö. Einsöngvarar: Guðrún Jó-
hanna Ólafsdóttir og Loré Lixenberg.
Fimmtudagur 5. október.
Sinfóníutónleikar
Jónas Sen
ÞÚ SÉRÐ ÞAÐ Á MORGUN
Vildarklúbbur