Morgunblaðið - 07.11.2006, Blaðsíða 16

16 ÞRIÐJUDAGUR 7. NÓVEMBER 2006 MORGUNBLAÐIÐ
ERLENT
Ankara. AFP. | Bulent
Ecevit, fyrrverandi for-
sætisráðherra Tyrk-
lands, lést á sjúkrahúsi í
fyrrakvöld, 81 árs að
aldri, eftir að hafa verið í
svefndái í rúma fimm
mánuði vegna heilablæð-
ingar.
Ecevit var minnst sem
mikils þjóðernissinna og
tákns heiðarleika í tyrkneskum stjórnmál-
um. Hann hafði getið sér gott orð sem skáld
og þýtt verk T.S. Elliots og Rabindranaths
Tagore áður en hann haslaði sér völl í
stjórnmálunum og varð leiðtogi Lýðræðis-
lega vinstriflokksins.
Ecevit var mjög heilsuveill þegar hann
dró sig í hlé eftir að hann lét af embætti for-
sætisráðherra og flokkur hans tapaði öllum
þingsætum sínum í kosningum árið 2002.
Ecevit var einn af áhrifamestu stjórn-
málamönnum Tyrklands í nær fjóra áratugi
og varð forsætisráðherra alls fimm sinnum.
Hann fyrirskipaði innrás tyrkneska hersins
í Kýpur árið 1974 eftir að grísk herforingja-
stjórn stóð fyrir valdaráni á eyjunni í því
skyni að sameina hana Grikklandi.
Ecevit
látinn
Bulent Ecevit
Var einn af áhrifamestu
stjórnmálamönnum
Tyrkja í nær 40 ár
Naíróbí. AFP. | Loftslagsbreytingar eru
dragbítur á framfarir í Austur-Afríku, þar
sem mörg af fátækustu ríkjum heims glíma
nú við mikla þurrka, að því er kom fram í yf-
irlýsingu alþjóðlegu náttúruverndarsam-
takanna WWF í gær. Þessa dagana fer nú
fram ráðstefna á vegum Sameinuðu þjóð-
anna í Naíróbí um loftslagsmál, þar sem
áherslan er á aðstoð við fátæk ríki og aðlög-
un þeirra að breyttu og hlýrra loftslagi.
Að sögn talsmanna WWF ógna loftslags-
breytingar milljörðum manna á jörðu og
eru íbúar vanþróuðustu álfunnar, Afríku,
sagðir í mestu hættu, en þurrkar og flóð
hafa valdið miklu tjóni í ríkjum hennar að
undanförnu. Hitastig í álfunni er jafnframt
sagt hafa hækkað um 0,7 gráður á síðustu
öld og er búist við því að það muni hækka
um 0,2 til 0,5 gráður á næstu 100 árum.
Breytingarnar er sagðar munu setja land-
búnað úr skorðum og leiða til vatnsskorts.
Þá sagði Alþjóðlega veðurfræðistofnunin
(WMO) í nýrri skýrslu, að sjávarmál myndi
hækka og þannig ógna borgum á borð við
Lagos, stærstu borg Nígeríu.
Breytt loftslag
ógnar Afríku
♦♦♦
KONA dansar á báti á lokadegi þriggja daga
vatnshátíðar á Tonle Sap-á við konungshöllina
í Phnom Penh í Kambódíu. Talið er að um
milljón manna hafi komið til borgarinnar
vegna hátíðarinnar sem er helguð fornum
stríðsmönnum í sjóher konungdæmisins, en
þeir eru taldir sjá Kambódíumönnum fyrir
mikilvægum náttúruauðlindum, meðal annars
fiski.
AP
Vatnshátíð til heiðurs fornum stríðsmönnum
Eftir Steinþór Guðbjartsson
steinthor@mbl.is
DANIEL Ortega, leiðtogi Sandín-
istaflokksins, verður líklega næsti
forseti Níkaragva. Kosningarnar
fóru fram á sunnudag og þegar um
40% atkvæða höfðu verið talin í
gærkvöldi hafði Ortega fengið um
40% atkvæða og um 7% fleiri at-
kvæði en næsti maður. Til að ná
kjöri í fyrstu umferð þarf fram-
bjóðandi að fá að minnsta kosti
35% atkvæða og 5% fleiri atkvæði
en frambjóðandi í öðru sæti.
Enrique Bolanos hefur verið for-
seti í eitt kjörtímabil eða fimm ár
og má ekki sitja lengur en kosið
var á milli fimm manna um eftir-
mann hans. Skoðanakannanir
bentu til þess að Ortega yrði næsti
forseti landsins og útgönguspár
gerðu ráð fyrir sömu niðurstöðu en
talning atkvæða gekk mjög hægt
fyrir sig. Bandaríkjastjórn hafði
lýst yfir stuðningi við Eduardo
Montealegre, en hann hafði fengið
tæplega 33% atkvæða þegar 40%
atkvæða höfðu verið talin. Jose
Rizo var í þriðja sæti með um 20%
atkvæða.
Lofar breytingum
Ortega er fyrrverandi byltingar-
leiðtogi marxista, fæddur 11. nóv-
ember 1945. Hann á níu börn og
þar af sjö með eiginkonu sinni og
kosningastjóra, Rosario Murillo.
Hann tók við forsetaembættinu í
ársbyrjun 1985 en tapaði því í
kosningum fimm árum síðar. Hann
bauð sig fram aftur 1996 og 2001 en
tapaði í bæði skiptin. Hann segist
ekki lengur vera sami byltingar-
sinninn og áður og hefur lofað
frjálsum viðskiptum og bættu heil-
brigðis- og menntamálakerfi. Mon-
tealegre segir að nýr Ortega sé
farsi, en Jaime Morales, varafor-
setaefni hans, er sannfærður um
ágæti hans. „Ég trúi á hann vegna
þess að hann hefur þroskast á liðn-
um árum.“
Montealegre sagði að of snemmt
væri að tala um úrslit því talningu
væri ekki lokið og hann myndi
mæta Ortega í annarri umferð.
Hann gagnrýndi líka framkvæmd
kosninganna og sagði að hún væri
óásættanleg. Um 17.000 eftirlits-
menn fylgdust með kosningunum
og þar á meðal var Jimmy Carter,
fyrrverandi forseti Bandaríkjanna.
Roberto Rivas, kosningastjóri,
sagði ekkert athugavert við fram-
kvæmdina. Þjóðinni hefði verið lof-
að gagnsærri framkvæmd og við
það hefði verið staðið.
Sandínistinn Daniel Ortega
líklegur forseti Níkaragva
Sigurvegari Daniel Ortega gekk vel í
forsetakosningunum í Níkaragva.
Hafði fengið um 40% atkvæða þegar talningu um 40% atkvæða var lokið
Reuters
Róm. AFP. | Romano Prodi, forsætis-
ráðherra Ítalíu, sagði í gær að stjórn
landsins væri andvíg því að Saddam
Hussein yrði tekinn af lífi.
Áður hafði Massimo D’Alema, ut-
anríkisráðherra Ítalíu, sagt að
dauðadómurinn yfir Saddam væri
„óviðunandi glappaskot“ sem gæti
leitt til allsherjarborgarastríðs í
Írak.
Tony Blair, forsætisráðherra
Bretlands, kvaðst í gær vera andvíg-
ur dauðarefsingum „hvort sem
Saddam á í hlut eða einhver annar“.
Hann neitaði þó að láta álit sitt á
dauðadómnum yfir Saddam í ljós á
blaðamannafundi í London.
Fjölmiðlar heimsins voru í gær
klofnir í afstöðunni til dauðadómsins
yfir Saddam Hussein. Nokkrir
þeirra fögnuðu dómnum en aðrir
vöruðu við því að hann myndi aðeins
auka sundrunguna í Írak og stuðla
að frekari blóðsúthellingum.
Bandaríska dagblaðið The New
York Times, sem er andvígt dauða-
refsingum almennt, hvatti til þess að
aftökunni yrði frestað og sagði að
réttarhöldin í máli Saddams hefðu
ekki staðist kröfur um sanngjarna
málsmeðferð.
Saddam Hussein var dæmdur til
dauða á sunnudag fyrir að fyrirskipa
morð á 148 sjítum árið 1982.
„Leystu engan vanda“
Fjandmenn Saddams Husseins í
Kúveit og Íran fögnuðu dauðadómn-
um en fjölmiðlar í mörgum grann-
ríkja þeirra í Mið-Austurlöndum
drógu í efa að hann hefði fengið
sanngjarna málsmeðferð.
Dauðadómurinn var einkum gagn-
rýndur í fjölmiðlum Palestínumanna
sem eru Saddam enn þakklátir fyrir
stuðning við málstað þeirra. „Þeir
sem fagna dauðadómnum yfir Sadd-
am eru fáránlegir vegna þess að þeir
eru sjálfir morðingjar sem hafa
framið morð án nokkurs lagalegs
grundvallar,“ skrifaði Al-Hayat Al-
Jadida, málgagn palestínsku heima-
stjórnarinnar.
Viðbrögð evrópskra fjölmiðla end-
urspegluðu yfirleitt afstöðu þeirra til
innrásarinnar í Írak árið 2003. Blöð,
sem studdu innrásina, fögnuðu
dauðadómnum en önnur blöð gagn-
rýndu hann.
„Réttarhöldin leystu engan vanda,
bundu ekki enda á neitt, græddu
engin sár,“ sagði breska dagblaðið
The Independent. Þýska blaðið
Berliner Zeitung sagði að við rétt-
arhöldin hefði gefist „sögulegt tæki-
færi“ til að upplýsa grimmilega
glæpi stjórnar Saddams Husseins
og græða sár írösku þjóðarinnar en
því tækifæri hefði verið glutrað.
„Þess í stað hafa löndin sem her-
námu Írak ráðskast með rétt-
arhöldin.“
Mörgum fjölmiðlum í Mið-
Austurlöndum þótti það grun-
samlegt að dauðadómurinn skyldi
hafa verið kveðinn upp aðeins tveim-
ur dögum fyrir kosningar í Banda-
ríkjunum.
Ítalir á móti aftöku Saddams
Blair andvígur dauðarefsingum „hvort sem Saddam á í hlut eða einhver annar“
Í HNOTSKURN
» Saddam Hussein geturáfrýjað dauðadómnum og
áfrýjunardómstóllinn á að
taka málið fyrir eftir mánuð.
» Staðfesti dómstóllinndóminn þarf aftakan að
fara fram 30 dögum eftir loka-
úrskurðinn.
» Verjendur Saddams segj-ast vissir um að dómurinn
verði staðfestur því dómstóll-
inn sé „rammpólitískur“.
Nýju-Delhí. AFP. | Um 17.000 verð-
andi lögregluþjónar héldu upp á
próflokin í lögregluskólanum með
heldur óvenjulegum hætti á sunnu-
dag er þeir gengu berserksgang í
úthverfum Nýju-Delhí, höf-
uðborgar Indlands, þar sem þeir
brutu bílrúður, ollu eignatjóni og
stálu mat frá götusölum.
Lögregluefnin ollu skelfingu á
götum borgarinnar, þvinguðu bíl-
stjóra til að yfirgefa bifreiðar sínar,
ásamt því sem þeir mölvuðu rúður
verslana mélinu smærra. Þau hafa
greinilega lært eitthvað á löggu-
námskeiðinu því ólætin voru verst
nærri höfuðstöðvum lögreglunnar.
Alls voru 28 verðandi laganna
verðir handteknir en lögreglan
þurfti að beita kylfum til að koma
böndum á hin sérkennilegu fagn-
aðarlæti ungmennanna.
„Þessir menn eiga eftir að verða
glæpamenn ef þeir verða ekki lög-
reglumenn,“ hafði dagblaðið Times
of India eftir einu fórnarlamba
skrílslátanna um helgina.
Ruplandi
löggunemar