Morgunblaðið - 09.12.2006, Blaðsíða 4
4 LAUGARDAGUR 9. DESEMBER 2006 MORGUNBLAÐIÐ
FRÉTTIR
Borðaði ég kvöldmat í gær?
Frásagnargáfa og húmor
eins og Íslendingar vilja
hafa hann
„Þetta er þaulhugsaður
texti, hverfist um skýra
fléttu hverrar sögu án
útúrdúra. Og um allt
leikur elskuleg hæðni
sem veldur hlátri hjá
grandalausum lesanda
sem veit varla hvers er
von.“
Páll Baldvin Baldvinsson,
Fréttablaðinu 13. nóvember
Nýtt íslenskt skáld
Óskar Magnússon
Bróðir fær að bera vitni
Hæstiréttur staðfestir niðurstöðu héraðsdóms um að leyfa bróður Lúðvíks
Gizurarsonar að bera vitni vegna kröfu um DNA-rannsókn í faðernismáli
HÆSTIRÉTTUR staðfesti í gær að Lúðvík Giz-
urarsyni væri heimilt að leiða bróður sinn fyrir
dóm til að gefa vitnaskýrslu í tengslum við kröfu
Lúðvíks um að gerð verði mannerfðafræðileg rann-
sókn til að skera úr um hvort hann sé sonur Her-
manns Jónassonar, fyrrverandi forsætisráðherra.
Jafnframt felldi Hæstiréttur úr gildi réttar-
farssekt sem lögmaður Lúðvíks, Dögg Pálsdóttir
hrl., var dæmd til að greiða fyrir að ræða um málið í
DV og í Kastljósinu og greina frá nöfnum þeirra
sem þar koma við sögu.
Systkini Lúðvíks, þau Sigurður og Sigríður, en
hún lést nýlega, undirrituðu í ágúst yfirlýsingu sem
lögð var fyrir Héraðsdóm Reykjavíkur í haust. Þar
segir m.a. að þau hafi snemma í bernsku orðið þess
áskynja að Lúðvík væri ekki talinn sonur föður
þeirra, Gizurar Bergsteinssonar og að þau hafi oft
heyrt það á mæli móður þeirra að hann væri sonur
Hermanns Jónassonar.
Kröfu tvívegis hafnað
Hæstiréttur hefur tvívegis hafnað kröfu Lúðvíks
um að mannerfðafræðileg rannsókn (DNA-rann-
sókn) fari fram á lífsýnum úr Dagmar og Her-
manni. Með því að leiða systkini sín fyrir dóm vildi
Lúðvík enn freista þess að leiða líkum að því að
móðir hans og Hermann Jónasson hafi átt í nánu
sambandi sem leiddi til getnaðar hans.
Héraðsdómur Reykjavíkur féllst á þessa kröfu
með úrskurði 1. nóvember og sagði ekki hægt að
útiloka að systkini Lúðvíks gætu haft einhverja þá
vitneskju sem myndi nægja til að krefjast lífsýna-
rannsóknar. Börn Hermanns kærðu úrskurðinn til
Hæstaréttar en þar var hann staðfestur, eins og
fyrr segir. Jafnframt voru þau dæmd til að greiða
150.000 krónur í málskostnað.
Í dómi Hæstaréttar um ummæli Daggar Páls-
dóttur hrl. segir að ekki sé heimild til þess að dóm-
ari í einkamáli ákveði sekt vegna brota af þessu
tagi heldur sæti meint brot rannsókn og ákæru
samkvæmt almennum reglum laga um meðferð op-
inberra mála.
SKOTVEIÐIFÉLAG Íslands telur
að milli 30 og 37 þúsund rjúpur hafi
verið veiddar á nýloknu rjúpnaveiði-
tímabili. Byggir félagið veiðitölur
sínar á skoðanakönnun meðal
félagsmanna sinna og er þetta annað
árið í röð sem slík könnun er fram-
kvæmd. Athygli vekur að 40% að-
spurðra gengu ekki til rjúpna í ár og
23% þeirra sem fóru til veiða komu
tómhentir heim. Úrtakið var hundr-
að félagsmenn.
Töluverðar breytingar voru gerð-
ar á tímabilinu frá fyrra ári og má
t.a.m. nefna að veiðidögum var
fækkað og voru nú 26 en í fyrra 45
dagar. Hins vegar telur skotveiði-
félagið að aðeins hafi verið hægt að
stunda rjúpnaveiðar í 16 daga sök-
um veðurs þannig að ef áætlaður
fjöldi rjúpna er borinn saman við
veiðidaga má gera ráð fyrir að á milli
1.800 og 2.300 rjúpur hafi verið
skotnar á hverjum veiðidegi.
Með 30 rjúpur í frysti
Veiðimenn voru hvattir til að gæta
hófs í veiðum sínum í ár eins og í
fyrra og virðist hvatningin, ásamt
óhagstæðu veðri, litlum stofni og
fáum veiðidögum hafa orðið til þess
að verulega dró úr veiðum í ár. Á síð-
asta ári voru t.a.m. um 76 þúsund
rjúpur veiddar.
Í könnunni kom fram að óvenju-
margir áttu rjúpur í frysti frá fyrra
ári og átti einn 39 fugla. Er talið að
veiðimenn hafi lagt áherslu á að eiga
varabirgðir af ótta við að rjúpnaveið-
ar yrðu ekki heimilaðar aftur.
Talið að veiddar hafi verið
30–37 þúsund rjúpur á tímabilinu
Morgunblaðið/Ómar
Lítill stofn Veiði var heldur dræm í ár sem m.a. má rekja til óhagstæðs veðurfars, færri veiðidaga og lítils stofns.
NÁTTÚRUFRÆÐISTOFNUN hvetur rjúpnaskyttur til
að klippa annan vænginn af rjúpum sem þeir veiða og
senda stofnuninni. Á lit flugfjaðra rjúpunnar má greina
á milli tveggja aldurshópa, fugla á fyrsta ári og eldri
fugla, en upplýsingarnar eru m.a. notaðar til að reikna
út heildarstofnstærð rjúpunnar. Nú þegar hafa 480
fuglar verið aldursgreindir, þ.e. 93 fullorðnar rjúpur
og 387 ungar, og er hlutfall ungfugla því 81%. Það þyk-
ir mjög hátt hlutfall og ólíkt því sem var á sl. ári. Skytt-
um er bent á að fuglum af sama veiðisvæði eða úr sömu
sveit þarf að halda saman í poka þannig að hægt sé að
sundurgreina sýnin eftir landshlutum.
Skyttur hvattar til að senda inn vængi
NÍTJÁN starfsmenn frá Rann-
sóknastofnun fiskiðnaðarins, Mat-
vælarannsóknum Keldnaholti og
Rannsóknastofu Umhverfisstofnun-
ar þekktust ekki boð um nýtt starf
hjá opinbera hlutafélaginu Matís
sem mun sameina starfsemi stofn-
ananna frá og með nk. áramótun.
Óvíst er í hversu mörg stöðugildi
verður fyllt að nýju.
Formleg uppsögn starfsmanna
stofnananna tók gildi í byrjun októ-
ber sl. en samkvæmt lögum um
stofnun hlutafélagsins bar því skylda
til endurráðningar starfsmanna.
Töluverð óvissa ríkti um réttindamál
og lutu þau einkum að þremur atrið-
um, s.s. biðlaunarétti, lífeyrissjóðs-
greiðslum og orlofsrétti. Sjöfn
Sigurgísladóttir, verðandi forstjóri
Matís, segir launakjör starfsfólks
ekki breytast við sameininguna. Hún
telur ekki gott að missa svo marga
en flestir hafi nýtt sér biðlaunarétt
sem er sex til tólf
mánuðir eftir
starfsaldri.
Miklar breyt-
ingar verða á
starfseminni sem
fer nú fram á fjór-
um stöðum.
Stefnt er að því
að flytja starf-
semina á tvo staði
eftir áramót og
vonast er til að öll starfsemi í
Reykjavík geti síðar komist undir
eitt þak. Við breytingarnar mun
hluti af starfseminni færast norður
til Akureyrar þar sem einnig hefur
verið rekin starfsemi. Ákveðið hefur
verið að efla hana.
Ljóst er að þörf er á frekari mann-
skap hjá Matís, bæði í Reykjavík og
á Akureyri, en Sjöfn segir enn óljóst
hversu mörg stöðugildi verða laus og
verður það metið eftir áramót.
Nítján láta af
störfum hjá Matís
Sjöfn
Sigurgísladóttir
„MÉR finnst sið-
ferðisstig í við-
skiptum á Ís-
landi vera hátt
og hef ekki orð-
ið var við breyt-
ingu til verri
vegar,“ segir
Erlendur Hjalta-
son, formaður
viðskiptaráðs,
inntur álits á
niðurstöðum árlegrar skýrslu
Transparency International um
viðhorf almennings til spillingar í
157 löndum.
Erlendur bendir á að Ísland
komi mjög vel út í könnunum frá
ári til árs. Á vettvangi viðskipta-
ráðsins hafi menn ekki orðið þess
varir að sú góða staða sé neitt að
breytast. ,,Það er kappsmál ís-
lensks viðskiptalífs að halda því
með þeim hætti.“
Hátt siðferðis-
stig í viðskipt-
um á Íslandi
Erlendur
Hjaltason
VERJENDUR sakborninga tengdra
Baugi Group í rannsókn á meintum
skattalagabrotum hafa ákveðið að
falla frá kæru til Hæstaréttar
vegna úrskurðar héraðsdóms um
að hvorki ríkislögreglustjóri né
yfirmaður efnahagsbrotadeildar
ríkislögreglustjóra þurfi að bera
vitni fyrir dómi.
Verjendurnir fóru fram á að þeir
myndu bera vitni vegna kröfu sak-
borninga um að yfirmenn hjá ríkis-
lögreglustjóra yrðu lýstir vanhæfir
til að stjórna rannsókninni. Þegar
úrskurður héraðsdóms lá fyrir
lýstu verjendur því þegar yfir að
þeir myndu kæra til Hæstaréttar.
Ástæðan fyrir því að þeir falla frá
kærunni er sú að þeir vilja flýta fyr-
ir að niðurstaða fáist í efnisatriðum
málsins, að sögn Kristínar Edwald
hrl., sem er verjandi Kristínar
Jóhannesdóttur. Málið verður flutt
á mánudag.
Verjendur
falla frá kæru
Á LOKADEGI
heimsóknar ut-
anríkisráðherra,
Valgerðar Sverr-
isdóttur, til Jap-
ans kynnti ráð-
herrann sér
starfsemi Mazda-
bifreiðaverk-
smiðjanna í Híró-
síma, einkum
rannsóknar- og
þróunarverkefni í gerð vetnisbif-
reiða, og gerði jafnframt grein fyr-
ir vetnisvæðingaráformum ís-
lenskra stjórnvalda. Munu mögu-
leikar á samstarfi við bílaframleið-
andann verða kannaðir frekar af
hálfu beggja aðila á næstu mánuð-
um.
Kanna sam-
starf um vetni
Valgerður
Sverrisdóttir
FJÁRMÁLAEFTIRLITIÐ hefur
samþykkt samruna Sparisjóðs vél-
stjóra, SPV, og Sparisjóðs Hafnar-
fjarðar, SPH.
Eins og fram hefur komið í Morg-
unblaðinu höfðu stofnfjáreigendur
sjóðanna samþykkt samrunann. Í
tilkynningu frá sameinuðum sjóði
segja sparisjóðsstjórarnir Ragnar
Z. Guðjónsson og Magnús Ægir
Magnússon að til verði mjög öflugt
fjármálafyrirtæki. Heildareign
sameinaðs sparisjóðs sé um 100
milljarðar króna og eigið fé verður
um 11 milljarðar. Viðskiptavinir
sjóðsins eru um 50 þúsund talsins
og fyrirtæki vel á þriðja þúsund.
Sameinaður sparisjóður starfrækir
sjö útibú.
Samruni
samþykktur