Morgunblaðið - 09.12.2006, Blaðsíða 37
Fé merktu tóbaksvörnum hefur í
gegnum tíðina verið vel varið til að
draga úr notkun tóbaks meðal
landsmanna og hafa þær aðferðir
fjarri því falist eingöngu í áróð-
ursherferðum með ljótum myndum.
Verkefnin sem snúa
að skólunum hafa ver-
ið heildstæð og tekið á
viðfangsefnum ung-
menna, með það að
markmiði að auka
sjálfstraust þeirra og
bæta sjálfsmynd til að
verða hæfari í að
hafna tóbaki. Einnig
hefur fjármunum ver-
ið varið í kynning-
arefni fyrir heilbrigð-
isstarfsfólk, kennara
og aðra sem vinna að
tóbaksvörnum.
Það er algjörlega
ótímabært að hætta
að eyrnamerkja fé í
ákveðin verkefni svo
viðkvæmt sem ástand-
ið er enn í starfsemi
Lýðheilsustöðvar.
Þegar Lýð-
heilsustöð var sett á
laggirnar var mjög lít-
ið fé lagt til með starf-
seminni, og enn þann
dag í dag varir það
ástand. Svo undarlegt
sem það nú er, þá
kemur meira en helm-
ingur alls fjár til
rekstrar stofnunar-
innar inn með tveimur
málaflokkum. Hver
hefði starfsemin orðið
ef þessir tveir málaflokkar hefðu
verið áfram utan Lýðheilsustöðvar?
Ég kalla stjórnvöld til ábyrgðar.
Ég hef setið í tóbaksvarnaráði
undanfarin misseri. Hefur sá tími
einkennst á köflum af álagi sem
stafar af starfsumhverfi sem lýsir
sér öðru fremur í ríg og stífni ef
umræðan snýst um mikilvæg mál-
efni Tóbaksvarnaráðs og Lýð-
heilsustöðvar eins og skiptingu
fjármagns sem úthlutað er til tób-
aksvarna. Minni mál ganga vel.
Ég hef af því áhyggjur hvort
starfsfólk Lýðheilsustöðvar, sem
sinnir tóbaksvörnum, hafi þann
styrk sem þarf til að bjóða birginn
hugmyndum er lúta að því að setja
fé merkt tóbaksvörnum yfir í ann-
an frekari málaflokk ef svo ber
undir.
Í MORGUNBLAÐINU hinn
28. nóvember birtist viðtal við
Önnu Elísabetu Ólafs-
dóttur, forstjóra Lýð-
heilsustöðvar. Þar
fjallar Anna Elísabet
um þann vanda sem
Lýðheilsustöð glímir
við í formi eyrna-
merktra fjármuna.
Mér þótti mjög leitt
að lesa þetta viðtal við
forstjóra jafn mik-
ilvægrar stofnunar
sem Lýðheilsustöð á
að vera í forvarna-
starfi þjóðarinnar. Í
stað þess að byggja
viðtalið á því sem væri
forvörnum til fram-
dráttar fór það að
mestu í að rífa niður
starf áfengis-, vímu-
efna- og tóbaksvarna,
sérstaklega tóbaks-
varna. Eru það afar
sérstök vinnubrögð
yfirmanns þeirra
málaflokka.
Ef tóbaksvarnir eru
skoðaðar sérstaklega
kemur í ljós að eyrna-
merkt fé þeirra kemur
eingöngu af sölu tób-
aks þannig að ekki er
verið að taka fé frá
öðrum. Við eigum enn
langt í land með að ná
markmiðum heilbrigð-
isáætlunar til 2010 og því ljóst að
þá fjármuni sem ætlaðir eru til
tóbaks-, áfengis- og vímuvarna
þarf að nota í þá málaflokka.
Þrátt fyrir að hlutfall Íslend-
inga, er reykja daglega, hafi
lækkað er ljóst að annar vágestur
innan tóbaksfjölskyldunnar er á
góðu skriði. Þar á ég við mikla
notkun munntóbaks sem ekki er
bara skaðleg heilsu ungmenna og
fullorðinna, heldur einnig ólögleg
á Íslandi. Þarna er líka mikilvægt
verk sem þarf að sinna af miklum
krafti.
Ef einhver málaflokkur innan
Lýðheilsustöðvar líður fyrir lítið
fjármagn verður að fá viðbótarfé
utan frá í stað þess að rýra hlut
annarra málaflokka sem svo
sannarlega eiga nóg með sitt.
Stjórnvöld þurfa að sjá sóma sinn
í því.
»Ef einhvermálaflokkur
innan Lýð-
heilsustöðvar
líður fyrir lítið
fjármagn verð-
ur að fá viðbót-
arfé utan frá í
stað þess að
rýra hlut ann-
arra málaflokka
sem svo sann-
anlega eiga nóg
með sitt.
Eyrnamerkt
fé til forvarna
Rósa Jónsdóttir gerir at-
hugasemd við viðtal við Önnu
Elísabetu Ólafsdóttur
Rósa Jónsdóttir
Höfundur er hjúkrunarfræðingur.
MORGUNBLAÐIÐ LAUGARDAGUR 9. DESEMBER 2006 37
SMÁRALIND SÍMI 545 1550 GLÆSIBÆ SÍMI 545 1500 KRINGLUNNI SÍMI 545 1580
Meindl
Colorado GTX
Jólatilboð
17.900 kr.
verð áður 19.900 kr.
ÍS
L
E
N
S
K
A
/S
IA
.I
S
/U
T
I
35
20
0
11
/0
6
Gætið þess að kerti séu vel
stöðug og föst í kertastjakanum
Munið að slökkva
á kertunum
i l
Slökkvilið
Höfuðborgarsvæðisins
HB FASTEIGNIR
Sími 534 4400 • Hús verslunarinnar, Kringlunni 7, 103 Reykjavík
Hrafnhildur Bridde, löggiltur fasteignasali
OPIÐ HÚS UM HELGINA
RJÚPNASALIR 12, 201 KÓPAVOGUR - LAUS STRAX
11. HÆÐ - GLÆSILEG EIGN
109,2 fm, 2 herbergi. Hægt að breyta í 3 herbergi. 2 stórar stofur.
Vandaðar innréttingar. Flísalagðar svalir. Mikil lofthæð.
Tvær lyftur. Stórglæsilegt útsýni. Bílastæði í kjallara.
Áhvílandi lán 18 millj. með 4,15% vöxtum getur fylgt.
Laus við kaupsamning
Gunnar Valdimarsson, s. 895 7838
Viðskiptafræðingur og lögg. fasteignasali
BÓKIÐ SKOÐUN
Fáðu fréttirnar
sendar í símann þinn