Morgunblaðið - 09.12.2006, Blaðsíða 41

MORGUNBLAÐIÐ LAUGARDAGUR 9. DESEMBER 2006 41
Nú geta allir haft aðgang að skrifstofuumhverfi á sanngjörnu verði. Með Open-
Hand nýtir þú núverandi netfang áfram en færð dagatal, tengiliði og önnur gögn
í farsímann og tölvuna líkt og þú værir hluti af stóru skrifstofuumhverfi.
OpenHand geymir öll gögnin þín á öruggum stað. Ef farsíminn eða tölvan glatast
er ávallt til öruggt afrit hjá okkur. Hver kannast ekki við að týna símanum og
öllum tengiliðum í leiðinni? Slík leiðindi eru úr sögunni með OpenHand.
Ef þú þarft aukið skipulag í þínum rekstri, aðgengi að gögnum á ferðinni og
öruggan stað til að geyma þín gögn þá er OpenHand lausnin fyrir þig.
Líttu við hjá Hátækni og leitaðu nánari upplýsinga.
SoHosted
Tilvalin lausn fyrir smærri fyrirtæki, einyrkja og verktaka
P
I P
A
R
•
S
ÍA
•
6
08
55
TÖLVUPÓSTUR
Í SÍMANN ÞINN
www.openhand.isÁrmúli 26 www.hataekni.is
DAPURLEG reynsla af skólakerf-
inu í Kópavogi, nánar tiltekið af einum
skóla, svo að allir skólar liggi ekki undir
ámæli eða rangri sök, er tilefni þess-
arar greinar. Forsagan er einföld og lít-
il harmasaga. Atburðarásinni verður
ekki lýst í smáatriðum hér en er örugg-
lega algengari en margur heldur. Ung-
ur ofvirkur drengur með athyglisbrest
er hrakinn úr eða gerður fráhverfur
skólanum sínum vegna fáfræði starfs-
fólks skólans. Ekki vegna mannvonsku
eða skipulagðra aðgerða heldur ein-
faldlega vegna fáfræði um veikindi
ungs drengs.
Nú er Kópavogur eitt af öflugustu
sveitarfélögum landsins. Stærir sig af
mikilli uppbyggingu, tekjuafgangi og
fjármálasnilli. Þegar byggja á íþrótta-
hallir, óperuhús eða keypt eru lönd
undir áhugamál eins og hestamennsku
eða byggja á stórskipahöfn eru allir
vasar opnir og upphæðirnar í íslensk-
um krónum eru af þeim stærðum sem
erfitt er að átta sig á eða skilja. Þegar
kemur að því að hlúa að okkar smæstu
einstaklingum sem hvorki geta borið
hönd fyrir höfuð sér né skilja hvað er
að gerast bregðast þeir sem ættu að
veita þeim skjól og vernd.
Forgangsröðun bæjarfélags eins og
Kópavogs er manni hulin ráðgáta þeg-
ar á reynir. Þeim einstaklingum sem
þurfa sérúrræði í skólakerfinu eins og
lýst er hér í upphafi er boðið upp á eina
úrlausn, hún er Ástún, þar er fámennt
en góðmennt teymi fagfólks sem kann
sitt verk en eru því miður takmörk sett
bæði hvað varðar stöðugildi og hús-
næði. Húsakosturinn í dag er gamalt
einbýlishús á þremur hæðum sem
stendur til að setja undir kúluna. Menn
geta velt því fyrir sér í þessu ljósi
hversu gott húsnæðið er. Eins geta
menn velt því fyrir sér hversu starf-
semin er hátt skrifuð hjá bæjaryf-
irvöldum í húsnæði sem þessu. Nú þeg-
ar hefur verið ákveðið að byggja
fjölbýlishús á þessari ágætu lóð í Ást-
úninu en starfseminni í húsinu er ekki
enn fundin staður. Þessi viðkvæma en
mikilvæga starfsemi er sett út á gadd-
inn eða í uppnám fyrir nútíma hag-
kvæmni sem felst í framkvæmdagleði
og fjármálasnilli. Bæjarfélagið sér
meiri hag í því að afhenda verktökum
lóðina sem fyrst og hagkvæman bygg-
ingarstað en börnin eru ekki áhyggju-
efni í slíku reiknisdæmi.
Ef einhver manndómur er í kjörnum
fulltrúum Kópavogsbæjar sem bera al-
vöru ábyrgð í starfi sínu og skyldum
sínum við samfélagið ætti röð atvika að
vera önnur. Eðlilegast væri að Kópa-
vogur stæði undir nafni og gengi fram
með nýja sýn og nýtt viðhorf í mál-
efnum barna sem þurfa sérúrræði í
skólakerfinu vegna hegðunarröskunar.
Mjög eðlilegt væri að byggja sérhæft
húsnæði undir starfsemi sem þessa.
Einnig þarf að manna slíka starfsemi
þannig að hún hafi kraft til þess að
starfa eðlilega og virki eins og net fyrir
skólana. Þannig væri hægt að bregðast
við vanda og jafnvel harmleik mun fyrr
heldur en gert er í dag. Skólarnir og
starfsemi þeirri nytu góðs af aðgerðum
sem þessum. Börnin sem mestu máli
skipta í þessari umræðu fengju með-
höndlun sem þau eiga skilið. Það er því
miður ótrúleg staðreynd að eyru þeirra
sem fara með valdið og fjármagnið
heyra illa ef vandinn sem við blasir er
ekki í þeirra nánasta umhverfi. Bæj-
arfulltrúar Kópavogsbæjar eru beðnir
um að staldra við og hugsa þessi mál
upp á nýtt. Kópavogsbær þolir það vel
að vera orðaður við framsækni og for-
ystu í þjónustu við veik börn.
Forgangsröðun hjá
Kópavogsbæ?
Arnþór Sigurðsson fjallar
um forgangsröðun hjá
Kópavogsbæ
Arnþór Sigurðsson
» Bæjarfulltrúar Kópavogsbæjar eru
beðnir um að staldra við
og hugsa þessi mál á ný.
Faðir ofvirks drengs í Kópavoginum.
Fáðu úrslitin
send í símann þinn