Morgunblaðið - 26.02.2007, Side 10

FERSKVATN á að vera
sameign allra landsmanna og
binda þarf slík ákvæði í
stjórnarskrá. Þetta kemur
fram í drögum að nýju riti
Vinstri grænna um sjálfbæra
þróun sem samþykkt voru á
landsfundinum. Í drögunum
eru sett fram langtíma- og
skammtímamarkmið í um-
hverfisverndarmálum sem
og leiðir að markmiðunum.
Eitt af langtímamarkmiðun-
um er að draga úr losun
gróðurhúsalofttegunda um
a.m.k. 50% miðað við grunnárið 1990
fyrir miðja 21. öld og útfæra reglur
um losunarheimildir. „Beina þarf
þróun atvinnulífs inn á umhverfis-
vænar brautir og sporna gegn frek-
ari uppbyggingu orkufreks, meng-
andi iðnaðar,“ segir í ritinu.
Jafnframt er lögð áhersla á um-
hverfismennt til að fólk sé meðvitað
um sína eigin ábyrgð í umhverfis-
málum, m.a. með því að þjálfa kenn-
ara í að tengja hugmyndir umhverf-
isverndar við kennslu allra
námsgreina.
Ferskvatn í
stjórnarskrá
Morgunblaðið/RAX
10 MÁNUDAGUR 26. FEBRÚAR 2007 MORGUNBLAÐIÐ
FRÉTTIR
Katrín Jakobsdóttir
„Verkalýðsbaráttan er al-
þjóðleg og þá skiptir auð-
vitað höfuðmáli að inn-
flytjendur búi við sömu
kjör og aðrir landsmenn.
[…] Í okkar stefnu er líka
lögð mikil áhersla á að
taka vel á móti þeim sem
hingað koma til að búa.“
Ögmundur Jónasson
„Samfélagið er að verða
blint á þann smán-
arblett sem er á okkar
þjóðfélagi sem er fá-
tækt á Íslandi. Við setj-
um það í forgang að út-
rýma fátæktinni. Og við
erum með tillögur þar
að lútandi.“
Kolbrún Halldórsdóttir
„Við brosum auðvitað
framan í grænan fálka
Sjálfstæðisflokksins
[…] og fögnum því að
hinir flokkarnir eru
búnir að átta sig á að
það dugar ekki að skila
auðu í umhverf-
ismálum.“
Guðfríður Lilja
„Það er svo sannarlega
kominn tími til að rugga
bátum, fleiri en einum,
hvort heldur sem er í
kvenfrelsismálum eða
velferðarmálum, í frið-
ar- og stríðsmálum eða
[...] í umhverfis- og nátt-
úruverndarmálum.“
Jón Bjarnason
„Fyrir fjórum árum var
samþykkt nokkuð metn-
aðarfull samgönguáætl-
un. En hvað var gert?
Það fyrsta sem var gert
var að hún var skorin
niður. Hún hefur verið
skorin niður á hverju
ári síðan.
Álfheiður Ingadóttir
„Við getum sett okkur
það mark að ná 40
stunda vinnuviku sem
raunveruleika en ekki
bara pappírsgagni,
sem mun vera til mjög
mikilla hagsbóta fyrir
fjölskyldurnar í land-
inu.“
Þuríður Backman
„Heilbrigðismál verða
mál málanna m.a. næsta
kjörtímabil og lengra
fram í tímann. Þetta
tekur meira en eitt kjör-
tímabil, að byggja upp
það sem hefur verið
brotið niður undir þess-
ari ríkisstjórn.“
FRELSUM ástina – höfnum klámi,
var yfirskrift ályktunar landsfundar
Vinstrihreyfingarinnar – græns
framboðs sem samþykkt var sl.
laugardag. Hreyfingin fagnaði þeirri
einörðu samstöðu sem kom í ljós
þegar klámframleiðendur hugðust
standa fyrir ráðstefnu hér á landi
um aðra helgi. „Samstöðu sem hafin
var yfir pólitíska flokkadrætti,
bandalög, vinahópa og hug-
myndafræðileg átök. Samstöðu sam-
félags sem tók undir með kvenna-
hreyfingu undanfarinna alda, reis
upp og mótmælti klámvæðingu af
krafti. Samstöðu sem leiddi til þess
að þinginu var aflýst,“ segir í álykt-
uninni.
Þar kemur jafnframt fram að
órjúfanlegt samhengi sé milli kláms,
vændis og annars kynferðisofbeldis.
„Klámvæðingin hefur auk þess ótví-
ræð neikvæð áhrif á samfélagið og
hegðan einstaklinga innan þess.
Rannsóknir kynjafræðinga hafa
sýnt fram á sterkt samband milli
neyslu kláms og ofbeldis gagnvart
konum og börnum. Í kjölfar klám-
væðingarinnar eru nauðganir orðnar
grófari og hópnauðganir alvarlegri, í
fullu samræmi við þróun klámvæð-
ingarinnar,“ segir í ályktun lands-
fundarins og því bætt við að VG ætli
að halda vegferðinni áfram í baráttu
gegn klámi, vændi og kynferðislegu
ofbeldi. Pólitískur vilji sé forsenda
breytinga. „Sterk sjálfsmynd ein-
staklinga sem bera virðingu hver
fyrir öðrum og njóta kynlífs á eigin
forsendum er forsenda samfélags án
ofbeldis. Til þess er mikilvægt að
bæta velferðarsamfélagið í heild
sinni og brjóta upp kynjakerfið. Það
ætla Vinstri græn að gera.“
Frelsum ástina –
höfnum klámi
STEINGRÍMUR
J. Sigfússon og
Katrín Jak-
obsdóttir verða
áfram formaður
og varaformaður
Vinstri grænna
en þau voru
sjálfkjörin til
embættanna á
landsfundi
flokksins á laug-
ardag. Sóley Tómasdóttir er nýr
ritari flokksins og Guðrún Ágústa
Guðmundsdóttir gegnir embætti
gjaldkera. Í stjórn flokksins voru
jafnframt kjörin: Svandís Svav-
arsdóttir, Hlynur Hallsson, Lilja
Rafney Magnúsdóttir, Bjarkey
Gunnarsdóttir, Árni Þór Sigurðs-
son, Ólafur Þór Gunnarsson og
Gestur Svavarsson.
Steingrím-
ur áfram
formaður
Steingrímur J.
Sigfússon
Eftir Höllu Gunnarsdóttur
halla@mbl.is
„ÞETTA er einhver magnaðasta
samkoma sem ég hef verið á,“ segir
Steingrímur J. Sigfússon, formað-
ur Vinstrihreyfingarinnar – græns
framboðs (VG), um nýafstaðinn
landsfund hreyfingarinnar. Stein-
grímur segir fundinn þann fjöl-
mennasta frá stofnun flokksins og
breiddina hafa aukist mikið. „Á
fundinum voru allar kynslóðir að
tala saman, fólk frá öllu landinu og
úr öllum geirum samfélagsins,“
segir Steingrímur og bætir við að
mikill hugur sé til að ná árangri í
kosningunum í vor.
Landsfundurinn samþykkti
stjórnmálaályktun í átta liðum en
þeir eru: Velferðarmál, umhverfis-
mál, kvenfrelsi, menntun, atvinnu-
líf og byggðaþróun, efnahagsmál,
lýðræði og utanríkismál. VG
hyggst beita sér fyrir samábyrgu
norrænu velferðarsamfélagi þar
sem öll grunnþjónusta er gjald-
frjáls. Kallað er eftir „stóriðju-
stoppi“ þannig að náttúrunni verði
gefin grið og efnahags- og atvinnu-
lífinu veitt svigrúm til að jafna sig
eftir þenslu. Landsfundurinn vill að
byggðar verði upp hátækni og
þekkingargreinar með því að
styrkja rannsóknar og nám á há-
skólastigi og efla samkeppnissjóði.
„Stórbættar samgöngur að með-
töldum strandsiglingum, nútíma-
fjarskipti og jöfnunaraðgerðir í
byggðamálum munu leggja grunn
að nýjum tímum í atvinnu- og
byggðaþróun á landsbyggðinni,“
segir í ályktuninni þar sem einnig
er kallað eftir ábyrgð í stað óráðsíu
og stöðugleika í stað stóriðju-
þenslu. „Slá þarf á þensluna með
því að stöðva frekari stóriðjufram-
kvæmdir og erlenda skuldasöfnun,
ná niður vöxtum og verðbólgu.“
Þá segir í ályktuninni að skapa
þurfi samfélag þar sem lýðræði og
þátttaka er í öndvegi og mögu-
leikar barna, kvenna, karla, inn-
flytjenda, aldraðra og fatlaðra til að
hafa áhrif og láta til sín taka eru í
brennidepli.
„Aldrei aftur Írak“
Í utanríkismálum er lögð áhersla
á friðsamlega utanríkisstefnu undir
yfirskriftinni „Aldrei aftur Írak“.
„Vinstri græn hafna áframhaldandi
þjónkun við hernaðarhyggju eins
og þeirri sem birtist í stuðningi
stjórnarflokkanna við stríðið í
Írak,“ segir í ályktuninni.
Steingrímur J. Sigfússon segir
málefnaniðurstöðu landsfundarins
ábyrga, raunsæja og framkvæman-
lega. „Við erum ekki að fara hér út í
stórfelld loforð, hvorki um útgjöld
né skattalækkanir eða annað því
um líkt,“ segir Steingrímur en
áréttar að þótt stefnumálin séu
skýr hafi reynslan kennt honum að
setja enga úrslitakosti áður en
gengið er til samninga við aðra
flokka að loknum kosningum. „En
það eru auðvitað mál sem við leggj-
um gríðarlega áherslu á og munum
selja okkur mjög dýrt gagnvart,“
segir Steingrímur og nefnir sér-
staklega „stóriðjustoppið“ og um-
bætur í velferðarmálum.
Steingrímur segir fylgi flokksins
mælast mjög stöðugt í skoðana-
könnunum eða í kringum 20% og að
það sé gott veganesti. „En ég hef
oft sagt það að flokkar verða ekki
stórir af fylginu einu saman. Flokk-
ar verða ekki sterkir og áhrifamikl-
ir nema þeir hafi málstað, standi við
hann og berjist fyrir honum. Þeir
geta haft áhrif langt út fyrir stærð
sína ef því er að skipta,“ segir
Steingrímur og bætir við að VG
hafi nú þegar haft gríðarleg áhrif.
„Ekkert sáluhjálparatriði“
Steingrímur hefur mikla trú á
stjórnarandstöðunni og segist
sannfærður um mikilvægi þess fyr-
ir íslenskt stjórnmál að henni takist
að mynda trúverðugan valkost.
Spurður um innflytjendaáherslur
Frjálslynda flokksins segir Stein-
grímur að meðan stefnuskrá
flokksins sé óbreytt sé ekkert sem
útiloki samstarf. VG dragi engu að
síður ákveðna línu og verði farið yf-
ir hana horfi málið öðruvísi við. En
hversu mikilvægt er fyrir flokkinn
að komast í ríkisstjórn?
„Öfugt við suma aðra kannski þá
er það ekkert sáluhjálparatriði
okkar vegna sem flokks. Við getum
alveg notað tímann áfram til að
byggja okkur upp og efla, eins og
allir sjá að við höfum verið að gera.
Það er miklu frekar vegna málstað-
arins og vegna þess hversu mikil
þörf er á stefnubreytingu að við
þurfum að komast inn í ríkis-
stjórn,“ segir Steingrímur og bætir
við að flokkurinn sé sannarlega
tilbúinn og jafnvel hungraður til
stjórnarsetu enda sé það eina leiðin
til að tryggja áherslur VG. „Kraft-
urinn á landsfundinum er til marks
um að nú vill fólk fara að láta hlut-
ina gerast.“
Morgunblaðið/Ómar
Til í slaginn Efstu frambjóðendur á listum allra kjördæma kynntu kosningaáherslur VG í komandi kosningum á landsfundinum í gær.
Fjölmennasti landsfundur Vinstrihreyfingarinnar – græns framboðs fram til þessa fór fram um helgina
„Magnaðasta samkoma
sem ég hef verið á“
Landsfundur VG samþykkti stjórnmálaályktun í átta liðum sem tekur m.a. á
velferðarmálum, utanríkismálum, kvenfrelsi, menntun og umhverfismálum
Í HNOTSKURN
» VG vill horfa til hinnaNorðurlandanna í upp-
byggingu velferðarkerfis.
» Flokkurinn vill stór-iðjustopp og virka um-
hverfisstefnu.
» Í ályktun um menntamáler lagt til að samræmd
próf í grunnskóla verði lögð
af í núverandi mynd vegna
neikvæðra stýrandi áhrifa
þeirra á skólastarfið.
» VG kallar jafnframt eft-ir friðsamlegri utanrík-
isstefnu, ábyrgri efnahags-
stjórn og kvenfrelsi.