Morgunblaðið - 13.06.2007, Blaðsíða 19

MORGUNBLAÐIÐ MIÐVIKUDAGUR 13. JÚNÍ 2007 19
AUSTURLAND
Vopnafjörður | Hreppsnefnd Vopna-
fjarðarhrepps hefur verulegar
áhyggjur af þróun sjávarútvegs og
atvinnu í sjávarþorpum á lands-
byggðinni. Ljóst er að margar slíkar
byggðir eiga í vök að verjast sökum
þess hve mikil samþjöppun á sér stað
í eignarhaldi á kvóta sjávarfangs.
Á fundi Hreppsnefndar Vopna-
fjarðarhrepps 7. júní sl. var fjallað
um bréf sjávarútvegsráðuneytisins
frá 21. maí sl. varðandi úthlutun á
byggðakvóta, þar sem tilkynnt er að
sveitarfélagið fái 42 þorskígildistonn
í sinn hlut.
Svofelld ályktun var samþykkt
samhljóða á fundinum: „Hrepps-
nefnd Vopnafjarðarhrepps vill með
ályktun þessari benda á að byggða-
kvóti er hugsaður til þess að styðja
við þær sjávarbyggðir á landsbyggð-
inni sem eiga í vök að verjast við at-
vinnuuppbyggingu á grundvelli fisk-
vinnslu og fiskveiða. Til þess að
aðgerð þessi hafi veruleg áhrif í
þessa átt þarf heildarmagn þess
kvóta sem til úthlutunar er að vera
mun meira en raunin er. Að öðrum
kosti nær aðgerðin ekki tilætluðum
árangri.
Úthlutað til lengri tíma
Stjórnvöld eru hvött til þess að
breyting verði á þessu og ennfremur
að við skiptingu byggðakvóta verði
jafnvel úthlutað til lengri tíma, þann-
ig að mögulegt sé að byggja upp
örugga atvinnu á grundvelli þessar-
ar aðgerðar. Úthlutun á 42 þorsk-
ígildistonnum til sveitarfélags eins
og Vopnafjarðar, sem nánast hefur
lagt allt undir til þess að halda fisk-
vinnslu á staðnum, hefur sáralítil
sem engin áhrif fyrir atvinnuupp-
byggingu í sveitarfélaginu. Fyrir
sveitarfélag, þar sem íbúarnir eiga
langstærstan hluta afkomu sinnar
undir sjávarútvegi, er mikilvægt að
stjórnvöld sjái til þess að sú stefna
sem rekin er í sjávarútvegi landsins
skapi grunn að því að vinna við fisk-
veiðar og vinnslu geti þróast með
eðlilegum hætti. Verði ekki gripið til
sértækra aðgerða í þessu sambandi
er hætt við að mörgum sjávarbyggð-
um muni blæða á komandi árum.
Vopnafjarðarhreppur vill hvetja
stjórnvöld til góðra hluta í þessum
málum svo sjávarbyggðir landsins
megi dafna sem best til framtíðar.“
Byggðakvótinn hefur
lítil sem engin áhrif
Vopnfirðingar fá ígildi 42 tonna af þorski úthlutað
Egilsstaðir | Mæðginin Helga
Hrönn Melsteð og Eyþór Ingólfsson
Melsteð lögðu af stað hjólandi frá
Breiðdalsvík til Reykjavíkur fyrr í
vikunni.
Þau gera ráð fyrir að vera átta
daga á leiðinni miðað við eðlilegar að-
stæður, en sá tími gæti styst ef að-
stæður til hjólreiða verða hagstæðar.
Helga og Eyþór hafa með sér tjald
og viðlegubúnað í ferðinni og reikna
með því að láta þar nótt sem nemur.
Eyþór þurfti lítið að æfa sig fyrir
ferðina. ,,Hann sefur nánast með
hjólið milli fótanna,“ segir Helga
móðir hans sem segist vera í nokkuð
góðri æfingu.
,,Okkur datt þetta eiginlega í hug í
fyrrasumar þegar við hjóluðum upp
á Egilsstaði, rúmlega 80 kílómetra
leið sem við fórum á sex tímum.
Fyrsti áfanginn verður til Djúpa-
vogs, milli 60 og 70 kílómetrar, það
er þægileg fyrsta dagleið en alls eru
rúmlega 600 kílómetrar frá Breið-
dalsvík til Reykjavíkur,“ sagði Helga
Hrönn Melsteð á Breiðdalsvík þegar
hún lagði upp í ferðina.
Hjólað frá Breiðdalsvík
til Reykjavíkur
Hjólreiðar Eyþór Ingólfsson Melsteð og móðir hans Helga Hrönn Melsteð í
útjaðri þorpsins á Breiðdalsvík þegar þau hófu ferðina til Reykjavíkur.
Egilsstaðir | Sjúkraþjálfunardeild-
in á HSA á Egilsstöðum fékk að
gjöf nýjan meðferðarbekk frá So-
roptimistaklúbbi Austurlands. Um
er að ræða breiðan meðferðar- og
æfingabekk sem er mjög þarfur
fyrir deildina. Hann er með raf-
drifinni hæðarstillingu og hefur þá
kosti að geta bæði farið mjög lágt
og nokkuð hátt líka. Svona bekkur
nýtist fólki sem á erfitt með að
fara niður á dýnu á gólfi til að
gera æfingar liggjandi, til dæmis
þeim sem nota hjólastól og þeim
sem eru að koma úr liðskiptum og
öðrum aðgerðum. Bekkurinn er
það breiður að flestir geta t.d. á
öruggan hátt velt sér yfir á mag-
ann, sem er erfitt á hefðbundnum
nuddbekkjum. Deildin hefur haft
einn svona bekk, sem er engan
veginn nóg. Þegar sjúkraþjálf-
unardeildin stækkaði skapaðist
pláss fyrir annan svona bekk sem
nú er kominn í hús og þakka
sjúkraþjálfarar og stjórn HSA á
Egilsstöðum innilega fyrir þessa
höfðinglegu gjöf frá Soroptim-
istaklúbbi Austurlands.
Gáfu meðferðarbekk
Hrafnseyri | Helgina 16.-17. júní
standa Háskólasetur Vestfjarða og
Safn Jóns Sigurðssonar á Hrafns-
eyri fyrir þjóðhátíðarþingi á
Hrafnseyri. Þingið er skipulagt í
samvinnu við Evrópufræðastofnun
Háskólans á Bifröst, Alþjóðamála-
stofnun Háskóla Íslands og hugvís-
indadeild Háskóla Íslands. Hátíð-
arþingið ber yfirskriftina Þjóð og
hnattvæðing og eru nokkrir af virt-
ustu fræðimönnum heims á þessu
sviði væntanlegir til Hrafnseyrar til
að fjalla um þetta áhugaverða mál-
efni.
Íslensku fyrirlesararnir verða
þeir Auðunn Arnórsson blaðamað-
ur, Birgir Hermannsson stjórn-
málafræðingur, Eiríkur Bergmann
Einarsson, stjórnmálafræðingur og
forstöðumaður Evrópufræðaseturs
Háskólans á Bifröst, Guðmundur
Hálfdanarson, prófessor í sagn-
fræði við Háskóla Íslands, og Valdi-
mar Halldórsson, staðarhaldari á
Hrafnseyri. Erlendu fyrirlesararn-
ir eru Lene Hansen, Liah Green-
feld og Ole Wæver. Lene Hansen er
dósent í alþjóðasamskiptum við
stjórnmálafræðideild Háskólans í
Kaupmannahöfn. Liah Greenfeld er
prófessor í stjórnmálafræði við
Boston University en hún hefur
stundað fræðistörf og kennt við
marga virtustu háskóla heims, m.a.
Harvard-háskóla. Ole Wæver er
prófessor við stjórnmálafræðideild
Háskólans í Kaupmannahöfn.
Þingið hefst kl. 9 laugardags-
morguninn 16. júní og stendur
frameftir degi. Dagskráin hefst síð-
an aftur kl. 10 þann 17. júní og
stendur til hádegis. Eftir hádegi
tekur svo við hátíðardagskrá í til-
efni af þjóðhátíðardegi Íslendinga
þar sem Þorsteinn Pálsson, ritstjóri
Fréttablaðsins, flytur hátíðarræðu
dagsins.
Þjóð og hnattvæð-
ing á þjóðhátíðar-
þingi á Hrafnseyri
Bolungarvík | Undirritaður hefur
verið samningur um nýtt Rannsókna-
og fræðasetur Háskóla Íslands á
Vestfjörðum sem mun taka til starfa í
Bolungarvík innan tíðar. Háskóli Ís-
lands, Náttúrustofa Vestfjarða og
Bolungarvíkurkaupstaður eru sam-
starfsaðilar og skipa stjórn setursins
ásamt fulltrúa frá Fjórðungssam-
bandi Vestfjarða. Rannsókna- og
fræðasetrið er faglega sjálfstæð ein-
ing sem heyrir undir Stofnun fræða-
setra Háskóla Íslands.
Setrinu er ætlað að vera vettvang-
ur fyrir samstarf Háskólans við sveit-
arfélög á Vestfjörðum, stofnanir, fyr-
irtæki, félagasamtök og einstaklinga.
Meginhlutverk þess er að efla rann-
sókna- og fræðastarf Háskóla Íslands
á Vestfjörðum, í samvinnu við rann-
sóknastofnanir og háskóla, einkum
rannsóknir á náttúru, atvinnu- og
menningarsögu Vestfjarða með
áherslu á ferðamál. Þá er setrinu ætl-
að að stuðla að margvíslegri háskóla-
kennslu eftir því sem kostur er og
stuðla að því að haldin verði norræn
og/eða alþjóðleg námskeið.
Fyrsta verkefni nýrrar stjórnar
setursins er að ráða forstöðumann
sem væntanlega tekur til starfa fyrir
sumarlok – og hefur starfið nú þegar
verið auglýst.
Forstöðumaður skal hafa meistara-
eða doktorspróf. Verkefni hans verð-
ur að annast daglegan rekstur seturs-
ins og hafa umsjón með fjármálum og
skipulagningu rannsókna og sam-
starfsverkefna. Annað starfslið Rann-
sókna- og fræðaseturs Háskóla Ís-
lands á Vestfjörðum verða þeir
háskólakennarar, nemendur og
fræðimenn sem aðstöðu hafa í setrinu
hverju sinni.
Menning Frá undirritun samnings um rekstur Rannsókna- og fræðaseturs
Háskóla Íslands á Vestfjörðum, Bolungarvík.
Nýtt rannsókna- og
fræðasetur á Vestfjörðum
LANDIÐ