Morgunblaðið - 13.06.2007, Blaðsíða 20

|miðvikudagur|13. 6. 2007| mbl.is
daglegtlíf
Hreyfing er hjartans mál er yf-
irskrift kvennahlaups ÍSÍ í ár
sem fram fer erlendis sem hér-
lendis 16. júní. » 24
heilsa
Ljósmyndarar Morgunblaðsins
brugðu undir sig betri fætinum
og mynduðu lífsglatt fólk í góða
veðrinu sem ríkti í gær. » 22
Í sól og sumaryl
B
réfdúfur eru mjög
skemmtilegir fuglar
þegar maður fer að um-
gangast þær á hverjum
degi og kynnist þeim
vel,“ segir Högni Ólafsson sem
stundar bréfdúfnarækt af miklum
móð úti í hrauni í Hafnarfirði. Högni
á um sextíu fugla og kann vel við sig
innan um kurrandi dúfur og er
óþreytandi við flugþjálfunina. Hann
vill efla ræktunina og fá fleiri til að
taka þátt í flugkeppnum. „Það er
mjög spennandi að fylgjast með því
hvaða fugl kemur fyrstur í mark.
Við ætlum að vera með fyrstu
keppni þessa árs í ágúst, þá förum
við með fugla að Krossi í Landeyjum
og þeir fljúga hingað heim til Hafn-
arfjarðar. Þetta verður um hundrað
kílómetra flug. Síðan verður næsta
keppni austar og ef allt gengur vel
þá endum við á því að láta fuglana
fljúga frá Höfn í Hornafirði.“
Högni segir að Íslandsmetið í
flughraða bréfdúfna sé 117 kíló-
metrar á klukkustund, við allra
bestu aðstæður. „Við erum með af-
reksfugla hérna, til dæmis einn sem
er þrettán ára og hefur staðið sig
mjög vel í keppnum, enda er hann
orðinn slitinn. Hann er einn af fáum
fuglum sem komu heim úr Gríms-
staðakeppninni. Hann hefur lent í
ýmsum hremmingum en alltaf skilað
sér heim að lokum, jafnvel þó það sé
nokkrum vikum eftir keppni. Það er
ótrúleg seigla í honum. Hér er líka
fugl sem vann flugkeppni frá Höfn í
Hornafirði með miklum glæsibrag,
hann lenti í húsdýragarðinum í
Reykjavík heilum klukkutíma á und-
an næsta fugli. En hann var al-
gjörlega úrvinda.“
Bréfdúfur eru flokkaðar í stutt-
flugsfugla, milliflugsfugla og lang-
flugsfugla. Nokkrir þættir ráða því
hversu mikill flugfugl hver bréfdúfa
er. „Vængir, vöðvabygging og þol
skipta auðvitað máli en skapgerð
skiptir líka miklu máli. Þeir fuglar
sem maður lætur keppa í langflugi
þurfa að vera mjög rólegir persónu-
leikar. Stuttflugsfuglarnir eru sí-
kvikir og alltaf að gera eitthvað.
Þeir setja allt í botn og hafa mikla
snerpu, fljúga kannski 100-300 kíló-
metra og eru á fullu allan tímann,
taka enga hvíld. Langflugsfuglarnir
taka þetta í rólegheitum, setjast yfir
nóttina og hvíla sig, en þá erum við
líka að tala um meiri vegalengdir,
kannski 1300 kílómetra.“
Týnast yfir Hveragerði
En hvernig rata dúfurnar heim?
„Þær fljúga eftir segulsviði jarðar
og sólinni. Þess vegna skiptir máli
að veðrið sé bjart þegar þeim er
sleppt. Ef aðstæður eru ekki góðar
þá fara þær hægt yfir og eiga erf-
iðara með að rata og skila sér jafn-
vel alls ekki.“
Ýmislegt getur orðið til þess að
bréfdúfa skili sér ekki. „Til dæmis
eru ákveðnir punktar eða svæði sem
virðast trufla flug þeirra. Yfir
Hveragerði týnast margar dúfur og
talið er að eitthvað sé að í segulsvið-
inu þar sem ruglar þær. Eins geta
þær lent í klónum á ránfuglum, til
dæmis þegar við höfum sleppt fugl-
um á Grímsstöðum á Fjöllum, þá
fljúga þeir í gegnum Dimmuborgir
og þá er ekki ólíklegt að fálki
hremmi þá, því þeir eru margir á því
svæði. Ef fálkinn drepur dúfurnar
ekki þá villast þær yfirleitt af leið
því þær fljúga í blindni á flóttanum.
Sjómenn hafa fundið þessar dúfur
þar sem þær setjast á skipin lengst
úti á sjó. Þá eru þær komnar of
langt af leið til að geta snúið við.“
Morgunblaðið/Eyþór
Fögur á flugi Bréfdúfan flýgur
frjáls um loftin blá og lætur seg-
ulsvið jarðar og sólina vísa sér
veginn þegar hún ferðast langar
vegalengdir.
Sendiboðar Dúfur eru tákn friðar og hreinleika og áður fyrr voru bréfdúfur notaðar í stríði til að bera skilaboð.
Natinn Högni gaumgæfir hvern fugl vel og vandlega í ræktuninni, byggingu hans og persónu.
Þó þær virðist við
fyrstu sýn allar vera
eins þá eru persónu-
leikarnir ólíkir sem og
vængir og vöðvabygg-
ing. Kristín Heiða
Kristinsdóttir heim-
sótti nokkrar bréfdúfur
sem fara létt með að
fljúga mörg hundruð
kílómetra á ótrúlega
skömmum tíma.
www.brefdufur.is
Bréfdúfur
fljúga lands-
horna á milli