Morgunblaðið - 13.06.2007, Page 43
MORGUNBLAÐIÐ MIÐVIKUDAGUR 13. JÚNÍ 2007 43
SPEGILL ÞJÓÐAR
Ljósmyndasýning
Morgunblaðsins á Dalvík
Í Ráðhúsinu á Dalvík stendur yfir sýning á verðlauna-
myndum úr ljósmyndasamkeppni sem Okkar menn,
félag fréttaritara Morgunblaðsins á landsbyggðinni, og
Morgunblaðið efndu til í vetur. Sýningin er sett upp af
Sparisjóði Svarfdæla sem starfar í Ráðhúsinu.
Á myndunum má sjá fjölbreytt viðfangsefni fréttaritara
Morgunblaðsins sem starfa um allt land.
Þær eru einskonar spegill þjóðar.
Myndin sem birtist hér með nefnist Hvað ungur nemur ...
og hana tók Örn Þórarinsson, fréttaritari Morgunblaðsins í
Fljótum, á Fiskideginum mikla á Dalvík.
Sýningin stendur út mánuðinn.
Myndirnar eru til sölu í Myndasafni Morgunblaðsins,
www.mbl.is/myndasafn
Vandað 240 fm parhús, tvær hæðir og kjallari auk 25 fm sérstæðs
bílskúrs á þessum eftirsótta stað. 2ja herb. aukaíbúð með sérinn-
gangi er í kjallara. Eignin skiptist m.a. í þrjár stórar samliggjandi
stofur með útgangi á suðursvalir, rúmgott eldhús með góðri borð-
aðstöðu, fjögur rúmgóð herbergi auk fataherbergis. Í kjallara eru
auk sér íbúðar þvottaherbergi og tvær geymslur. Aukin lofthæð er á
aðalhæð hússins. Útgangur á suðursvalir úr stofu og til vesturs út
af einu herbergi á efri hæð. Verð 64,9 millj.
Eignin verður til sýnis í dag, miðvikudag, frá kl. 17-19
Verið velkomin.
Vatnsholt 2
Parhús með 2ja herb. aukaíbúð
Opið hús í dag frá kl. 17-19
ÓÐINSGÖTU 4, SÍMI 570 4500, FAX 570 4505. OPIÐ VIRKA DAGA KL. 9–17.
Netfang: fastmark@fastmark.is - Heimasíða: http://www.fastmark.is/.
Jón Guðmundsson, sölustjóri og lögg. fasteignasali.
Guðmundur Th. Jónsson, lögg. fasteignasali
FASTEIGNA-
MARKAÐURINN
Ásgeir H Ingólfsson
asgeirhi@mbl.is
„HVAÐA erindi á ég inn í blogg-
heiminn? Ekki hið minnsta. Þess
vegna ætla ég ekki að blogga, heldur
teikna myndir. Hef aldrei getað
haldið uppi samræðum við viti borið
fólk, og Pétur sagði við mig að ég
teiknaði bara til að losna við að tala.“
Þannig hófst fyrsta færslan á
teiknibloggi Tómasar Ponzi. En nú
var hann tilbúinn að tala. Um teikni-
bloggið sem hann hefur haldið úti í
bráðum hálft ár, myndirnar og
brauðstritið. Og auðvitað Mokka, þar
sem við hittumst. Á borðinu hans sé
ég örlitla kaffilögg í smáskál, vaxliti
og vatnslitabox. „Ég fæ bara fyrstu
dropana af kaffinu, rótsterkt, í skál-
ina. Svo læt ég leka aðeins meira
hérna í, rétt botnfylli og fæ flóaða
mjólk út í. Ég fæ kaffi fyrir aumingja
því ég drekk ekki kaffi. En ég nota
kaffi í nánast hverja einustu mynd.“
Hann sýnir mér mynd sem er gerð
eingöngu úr kaffi og segir kaffið gefa
hlýju sem er kjarninn í hverri mynd.
Teikniblokkirnar eru ferkantaðar og
fullar af myndum og skissum.
„Mín leið til að vera mennskur“
„Ég byrja á nýrri bók á tveggja
mánaða fresti. Bækurnar eru líka
notaðar fyrir hugmyndavinnu fyrir
tölvugræjur sem ég er að smíða. Ég
er með lítið fyrirtæki sem smíðar alls
kyns græjur sem ekki er hægt að
kaupa tilbúnar. Það er nóg að gera
og mörg spennandi verkefni.“ Allt
tengist þetta í hausnum á Tómasi.
„Það er lífsnauðsynlegt að geta hætt
að vera lógískur og vísindalegur og
leyfa innblæstrinum að flæða. Ann-
ars festist maður í rökhugsuninni,
sem ég held að sé stórhættulegt.
Maður fer að heimfæra hugsun úr
tölvuforritum upp á veruleikann.
Þannig er þetta mín leið til þess að
vera mennskur. Í gegnum teikning-
arnar kem ég sjálfum mér á óvart,
það er einhver spennandi uppgötvun
í hverri mynd,“ segir Tómas.
Uppgötvanirnar flakka líka á milli
listarinnar og vísindanna. „Mér
finnst mjög mikilvægt að heimsækja
kaffihús til að upplifa eitthvað annað
og leysa á meðan þessi lógísku verk-
efni sem eru að þvælast fyrir manni.
Þegar ég búinn með eina mynd þá er
ég oft um leið búinn að leysa flækj-
urnar sem ég hef verið að vinna í um
daginn.“
Tómas er farinn að læra ágætlega
inn á hversu lengi fólk situr við og
hversu fljótur hann þurfi að vera.
„Það er algengt að þegar ég er búinn
að leggja frá mér bókina eða ákveða
að ég sé búinn með myndina þá tek-
ur manneskjan saman og fer.“
En vinna myndirnar stundum fyr-
ir brauði? „Fólk er stundum að falast
eftir myndum. Ég kann samt ekki að
prísa mig. Enda er þetta ekki gert til
þess að öðlast peninga eða frama,
þetta er bara mín sáluhjálp. Mér
finnst mjög gaman ef fólk getur not-
ið þess með mér. Þess vegna valdi ég
að setja þetta á Netið því mér fannst
mig vanta einhvern miðil til að koma
þessu frá mér. Ekkert of opinbert en
fyrir þá sem vilja sjá.“
Viðfangsefnin eru mismunandi en
skemmtilegast er að teikna fallegar
konur og svipsterka karaktera. „Til
að teikna fallega konu þarftu að vera
hárnákvæmur til þess að ná þessum
elegans. En þegar þú færð svip-
sterka karaktera þá geturðu ýkt og
leikið þér meira.“
En Tómas teiknar ekki bara annað
fólk. „Ég hef lengi gert sjálfsmyndir
á hverju ári. Það er ákveðið ritúal á
gamlárskvöld; þegar allir aðrir fara
að sprengja fer ég og næ í spegil, fer
úr og mála eina sjálfsmynd. Þetta
hef ég gert í fjöldamörg ár – ég horf-
ist í augu við sjálfan mig um áramót-
in svo ég geti haldið áfram.“
Úr teikniblokk á teikniblogg
Tímamót Áramótasjálfsmyndir Tómasar eru orðnar hefð. „Ég horfist í augu við sjálfan mig um áramótin svo ég geti haldið áfram.“
Morgunblaðið/ÞÖK
Teiknað Tómas Ponzi teiknar á kaffihúsum og bloggar myndunum.Mokka Ketill Larsen dottar á meðan Tómas teiknar.
www.tap.blogspot.com