Morgunblaðið - 30.06.2007, Blaðsíða 8
8 LAUGARDAGUR 30. JÚNÍ 2007 MORGUNBLAÐIÐ
FRÉTTIR
HÖGNI Eggertsson er starfsmaður hjá sigl-
ingaklúbbnum Siglunesi sem ÍTR starfrækir.
Þar eru leikjanámskeið í gangi í allt sumar
fyrir krakka á aldrinum 9-12 ára. Högni fer
með þá í leiki og kennir þeim, ásamt öðru
starfsfólki, grundvallaratriði siglinga og sjó-
mennsku. Krakkarnir fá að sigla á litlum
seglskútum, róa kajökum, malibúum og ára-
bátum en malibú er tveggja manna kajak.
Að sögn Högna datt hann fyrir tilviljun inn
í þetta starf og voru siglingar ekki áhugamál
hjá honum en það hefur breyst.
Á veturna er Högni í tónsmíðanámi í
Listaháskóla Íslands. Aðspurður segist hann
ekki hafa framtíðarplönin á hreinu en stefn-
an er sett á að klára námið og sjá hvað setur.
Hann er einnig í hljómsveitinni Hjaltalín sem
er að taka upp plötu. Þetta er fyrsta sumarið
hans í Nauthólsvík og segist hann vel geta
hugsað sér að vinna þarna aftur næsta ár.
Leikjanámskeiðið sem Högni hefur umsjón
með er eins og áður segir fyrir 9-12 ára en
einnig geta krakkar á aldrinum 12-15 ára,
sem skráðir eru í siglingaklúbb Sigluness,
mætt á daginn, tekið lausa báta og farið út á
sjó. Að sögn Högna líkar krökkum almennt
mjög vel á námskeiðinu. „Upplifunin við að
vera í vatninu, adrenalínið sem fer um mann
þegar maður lendir í sjónum er spennandi og
drífandi fyrir þau.“
Það er ýmislegt fleira gert í siglinga-
klúbbnum en að sigla og nokkrum sinnum yf-
ir sumarið er haldið svokallað klúbbafjör. Um
daginn fór hópurinn í Kópavogshöfn og stökk
fram af bryggjunni þar sem er í u.þ.b. þriggja
metra hæð. Svo var eitt sinn farið með flot-
bryggju langt út á sjó og haldið grillpartí.
Á fyrsta degi nýs leikjanámskeiðs eru
krökkunum sýndir bátarnir og farið með þá í
siglingu á bátnum Jónasi feita. Á öðrum degi
er stokkið í kaldan sjóinn til að láta krakkana
venjast sjónum og kuldanum því hjá því verð-
ur ekki komist að falla útbyrðis einhvern tím-
ann á námskeiðinu. Högni segir stundum far-
ið með marga kajaka út á sjó og þeim raðað í
hring. Krakkarnir hlaupi á milli kajaka en
það veki alltaf mikla kátínu þegar starfs-
fólkið hlaupi á milli því það er svo þungt og
dettur því oft ofan í. Yfirleitt endi þetta þó
þannig að allir falli í sjóinn.
Spurður hvort eitthvað hafi komið honum
á óvart við starfið segist Högni ekki hafa bú-
ist við að krakkarnir væru svona djarfir.
„Maður er oft smeykari við hluti heldur en
krakkarnir. Sumir eru alltaf til í að verða ís-
kalt og lenda í sjónum þótt aðrir séu auðvitað
smeykir. Það kom á óvart hvað sumir eru
fullir dirfsku.“
Stokkið fram af bryggju í Kópavogshöfn og grillað á flotbryggju lengst úti á sjó
Adrenalín
streymir
fram í
köldum sjó
Morgunblaðið/G.Rúnar
Í Siglunesi Högni Egilsson vinnur á leikjanámskeiði í Nauthólsvík og kennir krökkum grund-
vallaratriði siglinga og sjómennsku.
Morgunblaðið/G.Rúnar
Á æfingu Í Siglunesi fá 9-12 ára krakkar tækifæri til að spreyta sig á seglskútum, kajökum, malibúum og árabátum.
Á heitum og fallegum sum-
ardegi kíkti Ylfa Kristín K.
Árnadóttir í Nauthólsvíkina
og spjallaði við Högna Eg-
ilsson um malibú, Jónas feita
og fleira tengt siglingum.
Eftir Steinþór Guðbjartsson
steinthor@mbl.is
„VIÐ erum aftur komnir á beinu
brautina,“ segir Sigurður Oddsson,
fulltrúi verkkaupa við gerð Héðins-
fjarðarganga, en samanlögð lengd
ganga er nú 3.191 m eða 30,2% af
heildarlengd.
Göngin frá Siglufirði hafa lengst
um 52 metra það sem af er vikunnar
og í gær, föstudag, voru þau orðin
1.922 metrar þeim megin frá. Göngin
Ólafsfjarðarmegin voru orðin 1.269
m í gær og höfðu lengst um 36 m í
vikunni.
Héðinsfjarðargöng verða um 3,7
km á milli Siglufjarðar og Héðins-
fjarðar og um 6,9 km á milli Héðins-
fjarðar og Ólafsfjarðar. Sigurður
segir að gert sé ráð fyrir að búið
verði að sprengja göngin frá Siglu-
firði í Héðinsfjörð snemma á næsta
ári og þá verði haldið áfram úr Héð-
insfirði í Ólafsfjörð, en samkvæmt
útboðsgögnum eigi verkinu að vera
lokið 10. desember 2009.
Gröftur frá Ólafsfirði til Héðins-
fjarðar hefur gengið hægar vegna
vinnu við bergþéttingu. Sigurður
segir að ekkert sé óeðlilegt við bleyt-
una og til dæmis hafi verið miklu
meiri bleyta þegar Múlagöng voru
gerð á sínum tíma, en ákveðið magn
bleytu kalli á þéttingu.
Göngin
lengjast
hratt