Morgunblaðið - 01.07.2007, Blaðsíða 6

6 SUNNUDAGUR 1. JÚLÍ 2007 MORGUNBLAÐIÐ
FRÉTTIR
Þ
að kann að vera auðveld-
ara fyrir Íslendinga að
hasla sér völl í indversku
viðskiptalífi en að læra
nafn fjármálaráðherr-
ans, Palaniappan Chidambaram, sem
raunar er skrifað P. Chidambaram.
En þeir ættu hinsvegar að leggja
nafnið á minnið, því fjármálaráðherr-
ann, sem er með MBA frá Harvard,
er einn ötulasti talsmaður markaðs-
frelsis í indverskum stjórnmálum og
ferðast nú um heiminn til að ýta undir
erlendar fjárfestingar.
Þetta föstudagssíðdegi situr hann
innan um andlit Kjarvals á Holtinu,
mun fíngerðari en hraunvaxnar fígúr-
ur listmálarans, og veltir gleraugna-
hulstrinu í höndum sér á meðan hann
talar. Og tekur raunar nokkra snún-
inga á upptökutæki blaðamanns.
Ekki er skrýtið að hann verði að hafa
eitthvað fyrir stafni, maður sem er
yfir hagkerfi sem óx um 9,4% í fyrra.
„Grunnurinn að þessum vexti eru
þjónustugreinar og iðnaður,“ segir
hann. „Báðir geirarnir vaxa í tveggja
stafa tölum og ef þeir ganga vel er
meðbyr í efnahagslífinu, því saman-
lagt nema þeir um 80% af þjóðar-
framleiðslunni.“
Úr viðjum hafta
Hann segir rekja megi uppganginn
í indversku efnahagslífi til þess að
viðskiptalífið var leyst úr viðjum
hafta á tíunda áratugnum og stigin
skref í frjálsræðisátt, m.a. í innlend-
um og erlendum fjárfestingum. Þá
var ráðist í umbætur í skattamálum,
þannig að skattaprósentan var lækk-
uð og gerð stöðugri.
„Við hófum umbætur í fjármála-
geiranum um aldamótin 2000, þ.e. á
bönkum, tryggingastarfsemi og líf-
eyrissjóðum. Og þróttur færðist í
hlutabréfa- og skuldabréfamarkaðinn
árið 2004, sem þýddi að aðgangur
varð betri að fjármagni. Ef farið er
yfir öll þessi skref, þá virkuðu þau
hvetjandi á fjárfesta bæði heima fyrir
og erlendis. Fjárfestingar þeirra eru
nú að skila sér inn í hagkerfið, sem
þýðir að meira er framleitt og af því
stafar þessi vöxtur.“
Indverjar eiga enn langa leið fyrir
höndum, að sögn Chidambaram, og
umbóta þörf á flestum sviðum þjóð-
félagsins. „Við ætlum að opna fyrir
samkeppni í sumum geirum, t.d.
námagreftri og kolaframleiðslu, og
við þurfum að fjárfesta meira í inn-
viðum samfélagsins, s.s. höfnum,
flugvöllum, vegakerfi og járnbraut-
um. Það þarf gríðarlegt átak í orku-
málum, því þar er þörfin mikil.
Þannig er Indland; þetta er stór
land með stór vandamál og þar af
leiðandi stórar áætlanir,“ segir hann
og hlær.
Ráðherra fjárfestinga
Annað sem fjárfestar hafa sett fyr-
ir sig í gegnum tíðina er óstöðugt
stjórnmálaástand og mikið skrifræði,
en Chidambaram gerir lítið úr því.
„Þetta er örlítið ýkt,“ segir hann
ákveðinn í bragði.
„Við glímdum við mikið skrifræði,
en það heyrir að miklu leyti sögunni
til. Viðskiptalífið þarf ekki lengur að
leita til Nýju-Delí eftir leyfisveiting-
um. Stjórnsýslan hefur lagað sig að
breyttum tímum og er orðin vinveitt-
ari viðskiptalífinu. Mín stefna hefur
frá upphafi verið sú að við eigum að
ýta undir fjárfestingar. Ég lít á mig
sem ráðherra fjárfestinga fremur en
fjármála. Mitt hlutverk er að tryggja
fjárfestingar á Indlandi. Ef það tekst,
þá fylgir hitt á eftir.“
Hlutabréf í indversku kauphöllinni
hafa hækkað um 45% á hverju ári
undanfarin þrjú ár og hófst það ferli
raunar daginn sem Chidambaram
tók við sem fjármálaráðherra. Hann
hefur ekki áhyggjur af því að óhóf-
legrar bjartsýni gæti á markaðnum,
enda búi hann við öflugt regluverk og
eftirlit sem aftur stuðli að upplýstum
ákvörðunum markaðsaðila. „Við er-
um enn á þægilegum slóðum,“ segir
hann. „V/H-hlutfallið er um 19 í hag-
kerfi sem vex um 9% og það er vel
ásættanlegt.“
Ójöfn lífskjör
Lífskjör eru afar misjöfn á Ind-
landi, þar sem 70% þjóðarinnar búa í
þorpssamfélögum og tugir milljóna
lifa á innan við tveim dollurum á dag.
Chidambaram tekur undir að það sé
tröllvaxið verkefni að tryggja að vöxt-
ur hagkerfisins skili ábata til ríkra og
fátækra. „Það er hárrétt. Á slíku
vaxtarskeiði bera sumir mikið úr být-
um strax en aðrir þurfa að bíða leng-
ur. Núna hafa þeir forskot sem eru í
iðnaðar- og þjónustustörfum. Þeir
hafa hærri tekjur og njóta meiri lífs-
gæða. Landbúnaðurinn vex ekki eins
hratt heldur, um rétt rúmlega 2% á
ári. Næstum því 600 milljónir vinna
við landbúnað og njóta ekki sama
ávinnings af vaxtarskeiðinu. Eina
svarið við því er að ýta undir vöxt í
landbúnaði og við erum að því. Það
má ekki gleyma því að það hagnast
allir, en ekki jafn mikið eða á sama
tíma. Á endanum, þegar ávinningur
umbótanna hefur borist víðar um
samfélagið, þá munu allir uppskera.“
Á Indlandi eru 23 opinber tungu-
mál og sex trúarbrögð sem náð hafa
mikilli útbreiðslu. En Chidambaram
talar með áherslu þegar hann er
spurður hvort það sé ein þjóðarvit-
und á Indlandi þrátt fyrir það. „Auð-
vitað! Allur þessi fjöldi trúarbragða
og tungumála kom ekki til sögunnar
eftir að Indland varð sjálfstætt ríki.
Við erum ekki samtíningur af fólki
sem kom saman árið 1947 heldur höf-
um við verið þjóð í 2.000 ár. Við erum
ekki Evrópusambandið heldur sam-
band Indverja og höfum gengið með
þá hugmynd í 2.000 ár. Við byggjum á
fornri siðmenningu og uppgötvuðum
ekki þjóðarvitundina með stjórn-
arskránni. Það má rekja hana 2.000
ár aftur í skráðum heimildum og ef
leitað er lengra eru það kannski 3.500
ár. Þá var Netið ekki komið til sög-
unnar, farsímar eða flugvélar.“
Hann lítur íhugull á blaðamann.
„Íslenska þjóðin er sjálf þannig!
Þið fenguð sjálfstæði árið 1944, en
þjóðarvitundin nær samt yfir þúsund
ár aftur í tímann.“
Óbugandi hugrekki
Chidambaram fæddist árið 1945 og
gekk snemma til liðs við Congress-
flokkinn. Þar vann hann með Indiru
Gandhi, sem var forsætisráðherra
Indlands frá 1966 til 1977 og aftur frá
1980 til 1984. Hann tók síðan sæti í
ríkisstjórn sonar hennar, Rajivs
Gandhi, sem var forsætisráðherra frá
1984 til 1989.
„Indira Gandhi dró fram styrkleika
Indlands og einingu. Hún var leiðtogi
sem höfðaði til allra þjóðarbrota Ind-
lands og óbugandi hugrekki hennar
var meginstoð Indlands á miklum ör-
lagatímum. Rajiv sonur hennar varð
aðalritari árið 1984, bað mig sama ár
um að fara í framboð og skipaði mig
ráðherra árið 1985. Við unnum saman
þar til árið 1991 þegar hann var ráð-
inn af dögum.
Rajiv Gandhi var maður mikillar
framsýni. Við göngum að því sem
gefnu í dag á Indlandi sem hann orð-
aði fyrst og var hæddur fyrir. Hann
sá kosti viðskiptafrelsis, áttaði sig á
tölvuöldinni sem var að ganga í garð,
vildi að Indverjar könnuðu geiminn
og kæmu sér upp kjarnorku. Og hann
áttaði sig á mikilvægi fjarskipta-
tækninnar. Hann var fyrstur til að
greina hvaða krafta mætti leysa úr
læðingi á Indlandi með opnara þjóð-
félagi. Hann var hreinskiptinn og
hlýr og var heilli kynslóð ungra Ind-
verja mikill innblástur.“
Þegar Indland ber á góma er ann-
að Asíuríki, Kína, oft nefnt í sömu
andrá, enda er mikill uppgangur í
efnahagslífi þessara tveggja fjöl-
mennustu ríkja í heimi. En sam-
anburður Indlands og Kína angrar
ekki Chidambaram. „Nei, við erum
ánægð með það. Í Kína stendur sið-
menningin á fornum meiði og einnig á
Indlandi. Við erum hvorki andstæð-
ingar né keppinautar. Það er nóg rúm
í heiminum fyrir bæði Kína og Ind-
land. Bæði ríki munu setja mark sitt
á 21. öldina og það verður öldin þar
sem 2,5 milljarðar ná sömu velmegun
og Evrópa nýtur í dag.“
Því hefur verið haldið fram að Ind-
land sé óvenjulegur nýmarkaður þar
sem efnahagsstyrkurinn byggist á
hátækniiðnaði, en aðrir nýmarkaðir
byggist á mikilli framleiðslu með
vinnuafli sem kosti lítið. Til marks um
það hefur verið nefnt að 170 þúsund
tölvufræðingar séu útskrifaðir á ári
hverju á Indlandi.
„Þetta stenst ekki alveg,“ segir
Chidambaram. „Kínverskir háskólar
eru einnig öflugir, en það sem skerðir
samkeppnisstöðu þeirra er fyrst og
fremst vankunnátta í enskri tungu.
Enskan gefur indverska verkfræð-
ingnum, lækninum og tölvufræð-
ingnum forskot. En Kínverjar eru
einnig að tileinka sér ensku núna.
Þeir eru að útskrifa mikið af verk-
fræðingum, læknum og tölvufræð-
ingum og hafa hingað til útskrifað þá
á kínversku, en þegar þeir ná tökum
á enskunni, þá verða þeir samkeppn-
ishæfir við Indverja. Þess vegna
verðum við að standa vaktina og bæta
stöðugt samkeppnishæfni okkar.“
Það hefur sætt gagnrýni að íslensk
fyrirtæki geti ekki sótt sérhæft
starfsfólk út fyrir EES-svæðið og er
þá m.a. litið til Indlands. Í viðtali í
Morgunblaðinu í dag segist viðskipta-
ráðherra vilja opna fyrir slíkar ráðn-
ingar. Chidambaram segir það ekki
koma sér á óvart.
„Ég held að hann eigi að gera það.
Við lifum á tímum hnattvæðingar. Ef
vinnuafl er til staðar þarf auðvitað
ekki að leita annað, en ef skortur er á
vinnuafli, þá verður að sækja starfs-
krafta til að halda uppi efnahagslíf-
inu. Ungt fólk á Íslandi fæst ekki til
að vinna sum störf og þá er fengið til
þess fólk frá öðrum löndum Evrópu.
Það sama gildir um þekkingariðnað-
inn. Ef það vantar sérhæfða starfs-
menn, þá verður að leyfa þeim að
koma til landsins. Hvernig á að
stöðva það? Þá væru menn að grafa
undan sjálfum sér.“
Chidambaram hefur ekki alltaf
verið fylgjandi frjálsum markaði, því
hann var sósíalisti í upphafi ferilsins.
„Er ekki sagt að hægri sinnaður
ungur maður sé hjartalaus? Og svo
haldið áfram og sagt að ef maður sé
vinstri sinnaður á efri árum sé maður
heilalaus?“
– Það sagði í það minnsta Úlfar
stærðfræðikennarinn minn.
„Nú,“ segir Chidambaram undr-
andi, en lætur ekki slá sig út af lag-
inu. „Já, ég var til vinstri, ég neita því
ekki. Það var á dögum sósíalismans
og ég held því raunar fram að ekkert
sé athugavert við sósíalisma. Þau
markmið sem sósíalistar setja sér eru
rétt, en leiðin röng sem þeir velja sér.
Ég held að betri leið að markmiðum
sósíalismans sé í gegnum markaðs-
hagkerfi með skýrum og traustum
lagaramma. Það er besta tryggingin
fyrir uppgangi og meiri lífsgæðum.“
Chidambaram hefur ánægju af öll-
um íþróttum, einkum tennis og bad-
minton. Blaðamaður reynir að vera
gáfulegur, finna dýpri merkingu í því,
og spyr að síðustu hvort það hjálpi
honum að einbeita sér að stjórnmál-
um að vera í góðu líkamlegu formi.
„Nei, mér finnst þetta bara
skemmtilegra en að horfa á sápu-
óperur í sjónvarpinu,“ svarar hann.
Þá munu allir uppskera
Morgunblaðið/ÞÖK
Val P. Chidambaram, fjármálaráðherra Indlands, segir markmið sósíalista rétt en leiðina ranga sem þeir velji sér.
Ekkert er smátt við Ind-
land, hvorki tækifærin né
vandamálin. Pétur Blön-
dal talaði við P. Chid-
ambaram, fjármálaráð-
herra Indlands, um tilurð
indverska efnahagsund-
ursins, breikkandi gjá
milli ríkra og fátækra,
kynni af Indiru og Rajiv
Gandhi og margt fleira.
Í HNOTSKURN
»P. Chidambaram gerir ráðfyrir að indverska hag-
kerfið fari úr þúsund millj-
örðum dollara í 20 þúsund
milljarða á næstu 30 árum.
»Þar með yrði það fjórðastærsta hagkerfi í heim-
inum. Og tíu árum síðar verð-
ur það þriðja eða annað stærst.
»Hann fullvissar blaðamannþó um að Indverjar verði
ekki jafn ríkir og Íslendingar
miðað við höfðatölu.
Hringdu í 530 2400 og kynntu þér málið!
www.oryggi.is
Prófaðu Heimaöryggi
í tvo mánuði í sumar
– ókeypis!
H
im
in
n
o
g
h
a
f
/
S
ÍA
Engin krafa er gerð um framhaldsviðskipti, gríptu því tækifærið núna.
Tilboðið gildir til 15. júlí og er í boði á þeim þéttbýlisstöðum landsins
þar sem Öryggismiðstöðin hefur þjónustuaðila og sinnir útkallsþjónustu.