Morgunblaðið - 01.07.2007, Blaðsíða 26

stjórnmál
26 SUNNUDAGUR 1. JÚLÍ 2007 MORGUNBLAÐIÐ
E
falaust hefur það mótað
nýjan viðskiptaráð-
herra, Björgvin G. Sig-
urðsson, að hann ólst
upp í Búrfellsvirkjun,
sem þá var mesta fram-
kvæmd á Íslandi. Þar
mættust nýi og gamli
tíminn því skammt frá virkjuninni er Þjóðveld-
isbærinn í Þjórsárdal, sem Björgvin rak um
tíma. Þó að mannvirkin séu ólík að gerð, þá er
stórhugurinn sá sami. Og ekki hefur sljákkað í
Íslendingum síðan ef marka má atganginn í
viðskiptalífinu.
Björgvin er menntaður í sögu og heimspeki
og býr á Skarði í Gnúpverjahreppi. Þaðan fylg-
ist hann ekki aðeins með íslensku viðskiptalífi
heldur er hann áhugamaður um bresk stjórn-
mál og nýkominn úr ferð á leiðtogaþing Verka-
mannaflokksins, þar sem Gordon Brown tók
við formennsku af Tony Blair.
„Blair var ekki hefðbundinn leiðtogi Verka-
mannaflokksins,“ segir Björgvin. „Hann fór
inn á miðjuna og rak nokkuð óhefðbundna póli-
tík fyrir klassískan Verkamannaflokk, sem
hafði verið býsna sósíalískur í gamla daga. Fyr-
ir vikið náðu vinsældir hans langt út fyrir hefð-
bundnar raðir flokksins. Það verður engin
grundvallar stefnubreyting með Brown heldur
rekur hann áfram frjálslynda jafnaðarstefnu.
Ég held að grunnurinn að velgengni flokks-
ins, sem eigi eftir að tryggja þeim sigur í næstu
kosningum, fjórða kjörtímabilið í röð, liggi í
traustri efnahagsstefnu og miklum fé-
lagslegum fjárfestingum. Ef almenningur
treystir Verkamannaflokknum á því sviði og
flokknum tekst að reka heiðarlega pólitík, forð-
ast spillingu, þá treystir fólk flokknum líka fyr-
ir velferðarmálunum. Margrét Thatcher náði
merkilegum árangri á sumum sviðum, s.s. með
tímabærri einkavæðingu stofnana og lækkun
skatta á fyrirtæki. Hún hleypti lífi í atvinnulífið
og stuðlaði að stöðugleika og uppgangi. Blair
og Brown höfðu vit á því að hrófla ekki við því
þegar þeir komust til valda heldur byggja ofan
á, – blanda saman því besta úr stefnu Verka-
mannaflokksins og Íhaldsflokksins.“
Gott að vita hvar menn standa
– Hvernig finnst þér ríkisstjórnarsamstarfið
fara af stað við „frjálshyggjuúlfinn í velferð-
argærunni“, eins og þú nefnir Sjálfstæðisflokk-
inn? Þú hefur lýst því sem „vopnuðum frið stór-
veldanna“.
„Þarna taka saman höndum stóru flokkarnir
í íslenskum stjórnmálum og það hefur komið í
ljós á þessum fyrstu vikum að samstarfið geng-
ur vel og er á jafnræðisgrunni. Maður finnur
við ríkisstjórnarborðið að menn bera virðingu
fyrir sjónarmiðum hvors annar og báðir geta
unað sáttir við stjórnarsáttmálann. Þar er mik-
ið af okkar stefnumálum og eins Sjálfstæðis-
flokksins, lögð áhersla á velferðarmál, en einn-
ig efnahagsmál og frjálslynd og róttæk mál.
Mér finnst t.d. vera ríkari áhersla á umhverf-
ismál í Samfylkingunni. En þetta kemur ekki
þannig út að aflsmunur sé á flokkunum heldur
eru þetta ólíkir jafningjar, sem hafa náð sáttum
tímabundið, samkomulagi um að vinna saman.
– Það gekk á ýmsu í aðdragandanum?
„Ég held að aðdragandinn hafi verið heppi-
legur fyrir báða flokkana. Þetta samstarf var í
raun skrifað í skýin þegar búið var að telja og
eftir fyrstu umræður foringja allra flokkanna.
Ríkisstjórnin var í raun fallin, ég held að það
viti allir, og mynduð var ný stjórn með stærsta
þingmeirihluta í okkar sögu. Steingrímur J.
Sigfússon útilokaði strax á fyrstu augnablik-
unum þriggja flokka stjórn til vinstri undir for-
ystu okkar með framgöngu sinni gagnvart
Framsókn og ég held að hann hafi aldrei viljað
þá stjórn. Þegar búið var að ryðja þeim mögu-
leika af borðinu, þá er það að mörgu leyti já-
Viðskiptafrelsi er
Það er í mörg horn að líta
hjá nýjum viðskiptaráðherra.
Pétur Blöndal talaði við
Björgvin G. Sigurðsson um
samkeppni, eftirlit, neytenda-
mál og frjálshyggjuúlfinn
í velferðargærunni.
Morgunblaðið/G.Rúnar
Viðskiptaráðherrann Björgvin G. Sigurðsson telur að íbúakosningar í sveitarfélögum eigi að vera undanfari ákvarðana um virkjanir og álver.