Morgunblaðið - 28.08.2007, Blaðsíða 8
8 ÞRIÐJUDAGUR 28. ÁGÚST 2007 MORGUNBLAÐIÐ
FRÉTTIR
Í NÝJASTA tölublaði Fram-
kvæmdafrétta Vegagerðarinnar er
auglýst útboð á lagfæringu á hring-
veginum um Þvottár- og Hvalnes-
skriður. Þessi vegakafli, sem liggur
milli Lónsfjarðar og Álftafjarðar á
Suðausturlandi, er almennt talinn
einn sá varasamasti á hringveg-
inum.
Um er að ræða alls 4,2 kílómetra
kafla sem lagfærður verður. Veg-
urinn verður lagður bundnu slitlagi
og vegrið sett meðfram veginum
sjávarmegin, samtals 2.860 metrar.
Einnig verða settir grjótkassar
fjallsmegin til að varna grjóthruni
inn á veginn. Vegalínan mun hald-
ast að mestu leyti óbreytt frá því
sem nú er. Segir í Framkvæmda-
fréttum, að um sé að ræða aðgerðir
til að auka öryggi vegfarenda, uns
jarðgöng verða gerð undir Lóns-
heiði.
Skriðurnar hafa verið óstöðugar
og grjóthrun og skriðuföll nokkuð
algeng, sérstaklega í Hvalnes-
skriðum. Hrun hefur ágerst und-
anfarin ár sökum tíðra skipta milli
frosts og þíðu. Umferð á þessum
kafla var 220 bílar að meðaltali á
dag árið 2005. Yfir sumartímann
aka þarna um 400 bílar á dag og
100 bílar að vetrarlagi, en það er
hættulegasti tíminn.
Ljósmynd/Vegagerðin
Hættuvegur Oft er hætta á ferðum þegar ekið er um Hvalnesskriður.
Endurbætur á varasömum vegi
ÁHÖFNIN á bor 2, sem er að grafa
aðrennslisgöng Jökulsárveitu, bor-
aði 115,6 metra síðastliðin fimmtu-
dag.
Fram kemur á Kárahnjúkasíðu
Landsvirkjunar, að þetta sé nýtt
heimsmet í gangaborun. Bor 2
hafði áður sett heimsmet í afköst-
um á einum sólarhring með því að
bora 106,1 metra hinn 23. júní 2007
í Jökulsárveitu en bætti nú eigið
met um 9,5 metra.
Bor 2 setti einnig nýtt afkasta-
met í virkjunarframkvæmdunum
hér á landi þegar hann skilaði
nærri 364 metrum á einni viku fyrr
í þessum mánuði.
Gildandi heimsmet hliðstæðs
bors er frá Chicago í Bandaríkj-
unum.
Morgunblaðið/Steinunn
Kraftur Borinn að störfum.
Heimsmet í
gangaborun
JÓN Snorri Snorrason hefur hafið störf sem for-
stöðumaður MBA-náms við Háskóla Íslands.
Jón Snorri er menntaður viðskiptafræðingur og er
með meistaragráðu frá Essex-háskóla. Á árunum 1983-
1995 starfaði hann á fjármálamarkaði m.a. sem for-
stöðumaður á fyrirtækjasviði Landsbankans, sem fram-
kvæmdastjóri verðbréfasviðs Kaupþings og aðstoð-
arframkvæmdastjóri Lýsingar.
Á árunum 1995-2007 starfaði hann sem fram-
kvæmdastjóri Ölgerðarinnar, B&L bílaumboðs og Ör-
yggismiðstöðvarinnar.
Hann hefur setið í stjórnum fyrirtækja eins og Aco
Tæknivali, Eðalfiski, Bílabúð Benna, Sigurplasti og Íslenska Lífeyr-
issjóðnum, Lyfju og Vátryggingafélags Íslands (VÍS). Jón Snorri hefur 25
ára reynslu af háskólakennslu við viðskipta- og hagfræðideild HÍ og auk
þess kennt við Háskólann á Bifröst og í Háskólanum í Reykjavík.
Veitir MBA-námi HÍ forstöðu
Jón Snorri
Snorrason
FISKIDAGSNEFNDIN ákvað að
gefa Götusmiðjunni fiskinn sem
Dalvíkingar og gestir þeirra náðu
ekki að sporðrenna á Fiskideginum
mikla. Alls voru þetta fjögur bretti
af fiski eða 12 þúsund skammtar af
þorski og bleikju og eitthvað af
fiskborgurum.
Blaðið Norðurslóð skýrir frá
þessu og segir forsvarsmenn Götu-
smiðjunnar hafa fagnað gjöfinni
ákaft, „sem höfðu á orði að nú
hefðu þau mat út árið.“
Gáfu fiskinn
REYNIR
Traustason hef-
ur verið ráðinn
ritstjóri DV við
hlið Sigurjóns M.
Egilssonar.
Reynir mun hefja
störf hinn 1.
september og
lætur þá af störf-
um sem ritstjóri
Mannlífs.
Reynir hóf blaðamennsku á DV
árið 1994 en hafði áður verið frétta-
ritari blaðsins á Vestfjörðum um 10
ára skeið. Hann starfaði á DV sem
blaðamaður og fréttastjóri til árs-
ins 2002 þegar hann réð sig til
starfa á Fréttablaðið sem ritstjórn-
arfulltrúi.
Nýr ritstjóri DV
Reynir Traustason
UM 1.100 manns stunda nám í Há-
skólanum á Bifröst og hafa aldrei
verið jafn margir. Í haust sóttu 900
um skólavist og hafa umsóknir
aldrei verið fleiri. 600 nemendur
voru teknir inn en 300 manns þurfti
að hafna, samkvæmt upplýsingum
frá skólanum.
Metaðsókn
SÍÐASTLIÐINN laugardagur
verður sennilega lengi í minnum
hafður í röðum Valsmanna, en þá
vígðu þeir fjölda nýrra og glæsilegra
mannvirkja. Valsmenn hafa nú tekið
í notkun nýja íþróttahöll, keppnis-
leikvang, yfirbyggða stúku og fé-
lags- og skrifstofuaðstöðu. „Þetta er
gjörbylting hvað aðstöðu varðar og
þessi mannvirki skapa grunn til
framtíðar fyrir öfluga starfsemi Vals
á Hlíðarenda,“ segir Grímur Sæ-
mundsen, formaður Vals. „Það var
kominn tími til að endurnýja, stækka
og bæta aðstöðu til þess að vera sem
best í stakk búnir til að takast á við
það þjónustuhlutverk sem að félög af
þessu tagi hafa í nútímasamfélagi.“
Að sögn Gríms tóku nokkur þús-
und Valsarar þátt í hátíðarhöldum.
Unga kynslóðin gekk í skrúðgöngu
frá skólunum í hverfinu niður að
Hlíðarenda þar sem efnt var til mik-
illar fjölskylduhátíðar. Eftir að Vil-
hjálmur Þ. Vilhjálmsson, borgar-
stjóri, hafði farið fögrum orðum um
félagið og séra Vigfús Þór Árnason
flutt blessunarorð voru mannvirkin
formlega vígð.
„Þessi vígsla er einn af stærstu
dögum í sögu félagsins og það má
segja að grunnurinn að þessari upp-
byggingu hafi verið lagður með
framsýni forystumanna Vals sem
keyptu 10 hektara land á þessum
einstaka stað árið 1939,“ segir Grím-
ur að lokum.
„Mannvirkin skapa
grunn til framtíðar“
Valsarar Grímur Sæmundsen, formaður Knattspyrnufélagsins Vals, Hörður Gunnarsson varaformaður og Reynir
Vignir, fyrrverandi formaður. Í baksýn er stúka knattspyrnuvallarins en hún var nýverið tekin í notkun.
Í HNOTSKURN
»1911 stofnuðu sex piltar Fótboltafélag KFUM, en nafni félagsins varbreytt í Val sama ár.
»1939 eignaðist Valur eigið land í alfaraleið með kaupum á jörðinniHlíðarenda við Öskjuhlíð.
»Malarvöllur á svæðinu var vígður 1949 og grasvöllur tekinn í notk-un 1953.
»Gamla íþróttahúsið var tekið í gagnið árið 1958 og markaði þaðstraumhvörf í starfi félagsins.
»Annað íþróttahús, vallarhús og félagsheimili voru tekin í notkun ár-ið 1987, en íþróttahúsið þurfti að víkja fyrir hinu nýja mannvirki.
Eftir Ástu Sóley Sigurðardóttur
astasoley@mbl.is
„VERKEFNI morgundagsins er að
koma Inndjúpinu í tengsl við lands-
kerfið,“ sagði Össur Skarphéðinsson
iðnaðarráðherra, í ræðu sinni á 30
ára afmæli Orkubús Vestfjarða á
sunnudag. Hann taldi verkið geta
hafist næsta sumar.
Össur sagði Inndjúpið á Vest-
fjörðum vera síðasta hluta fasta-
landsins sem ekki væri tengdur
landsnetinu og að raforkulög legðu
ríkinu beinlínis þá skyldu á herðar
að tengja Djúpið við landsnetið.
Hann sagði þannig öryggi við af-
hendingu orku á Vestfjörðum verða
bætt, en því væri ábótavant enda
stæði fjöldi ótryggra smávirkjana að
orkubúskapnum vestra að mestu
leyti. Orkubú Vestfjarða mun
standa að tengingunni.
„Þessi nýja
tenging mun í
senn treysta
orkuöryggi svæð-
isins, skapa at-
vinnu og spara fé
til langs tíma.
Orkubúið selur í
dag raforku á
sama verði í
Djúpinu og ann-
ars staðar, og
tapar á þeim þætti orkusölu um 15
milljónir á ári. Þessi aðgerð mun því
borga sig upp á ágætum tíma, en
kostnaðurinn við hana er áætlaður
að verði ríflega 150 milljónir króna.
Með tengingunni opnast líka nýir
möguleikar, m.a. til þess að reisa
smávirkjanir sem geta selt orku inn
á landsnetið. Þessi framkvæmd mun
því að öllum líkindum leiða til meiri
orkuframleiðslu á Vestfjörðum inn á
landsnetið, og verða þannig öllu
landinu til farsældar,“ sagði Össur í
ræðu sinni.
Jarðvarmaveita á Ísafirði
Össur sagði einnig í ræðunni að til
stæði að koma upp jarðvarmaveitu á
Ísafirði. Hann sagði Orkustofnun og
Íslenskar orkurannsóknir telja
miklar líkur á að heitt vatn væri að
finna á Ísafirði. Það væri þó flókið
og áhættusamt verkefni því fara
þyrfti í gegnum erfið jarðlög á 600
til 800 metra dýpi. Hann sagði að
það verkefni yrði sameiginlegt við-
fangsefni iðnaðarráðuneytisins og
Orkubús Vestfjarða.
Össur sagði mikilvægt að störfum
á svæðinu væri fjölgað og benti á að
ríkisstjórnin hefði ákveðið að fjölga
opinberum störfum á Vestfjörðum
og nýlega hefði Orkubú Vestfjarða
auglýst þrjú ný sérfræðistörf.
Inndjúpið mun loks
tengjast landsnetinu
Iðnaðarráðherra sagði að Djúpið skyldi tengt og að einnig
yrði borað eftir heitu vatni á Vestfjörðum
Össur
Skarphéðinsson