Morgunblaðið - 28.08.2007, Blaðsíða 17

MORGUNBLAÐIÐ ÞRIÐJUDAGUR 28. ÁGÚST 2007 17
LANDIÐ
Lögg. fasteignasali: Bergur Guðnason hdl.
Nánari upplýsingar veittar á skrifstofunni,
ekki í síma eða á netinu.
Skráin á netinu: www.fyrirtaeki.is
Elsta fyrirtækjasalan á landinu.
Frábær fyrirtæki
1. Einstaklingsfyrirtæki sem framleiðir dýnur í hjólhýsi, báta, sumarbústaði,
barnaheimili og fl., allt úr svampi.
2. Ferðaskrifstofa sem sérhæfir sig í sérstökum hópferðum. Mikil velta,
góður hagnaður og allar ferðir fullbókaðar til áramóta. Þekkt og traust
fyrirtæki.
3. Einstakt tækifæri. Húsgagnaverslun sem þarf að flytja úr húsnæði sínu til
sölu. Ótrúlega gott verð kr. 4 millj.+ lager. Eingöngu eiginn innflutning-
ur. Næstum því gefins.
4. Aðstaða í Kaupmannahöfn. Skrifstofa með öll leyfi fyrir Evrópu, banka-
fyrirgreiðslu, endurskoðanda, yfirdráttarheimild, lögmann, sérfræðing í
Evrópumálum aðgang að vörugeymslu og vörudreifingu o.m.a. Allt til
staðar. Flott íbúð fylgir með. Einstakt tækifæri. Hægt að yfirtaka lán.
5. Einn stærsti og þekktasti söluturn og matsölustaður borgarinnar. Gott
rími á bak við jafnvel til veisluþjónustu. Ný ísvél. Mikil uppbygging í
kringum staðinn. Smurherbergi á bak við. Skemmtilegt veltumikið verk-
efni.
6. Nú skalt þú vera fljótur. Bílaþjónustufyrirtæki til sölu með 4 vinnubíla.
Mikil og föst verkefni. Hægt að stórauka umfang. Skilar ótrúlega mikil-
um tekjum. Lítil fyrirhöfn miðað við tekjur. Fast verð.
7. Matvælaiðnaður. Einstakt fyrirtæki sem er með matvælaiðnað og hefur
útflutningsleyfi. Ótrúlega góð arðsemi. Stórmiklir möguleikar aðallega
varðandi eðalfisk. Góð aðstaða, mjög sanngjörn leiga.
8. Heilverslun sem selur til helstu og stærstu smásöluaðila landsins, einnig
stóru lyfjaverslanna. Aðallega vörur tengdar íþróttum og gjafavörur.
Góðir viðskiptavinir. Mikill hagnaður.
9. Eldvarnafyrirtæki sem selur ný tæki, endurnýjar eldri tæki og er með
áfyllingar í slökkvitæki. Mjög margir fastir viðskiptavinir. Góð erlend
viðskiptasambönd sem rota öll önnur viðskiptasambönd á markaðnum í
verði.
10. Útgáfufyrirtæki sem sérhæfir sig við bílana. Auglýsingablað. Út hafa
komið núna 3 blöð.
11. Borfyrirtæki sem flytur inn sína bora sjálft og demandskrónur. Borar,
niðurbrot og lagfæringar, sjálfstæður atvinnurekstur. Næg vinna. Tilsögn
fylgir. Tæki og lager fylgja með í verðinu fyrir um 6,5 millj. Heildarverð
aðeins kr. 8,5 millj.
Höfum traustan löggil. kaupanda af fasteignasölu.
Sterkur fjárfestir er að koma til landsins og vill kaupa hlut í stóru fyrirtæki
eða allt hlutaféð. Mjög fjársterkur. Fullur trúnaður. Það gæti borgað sig að
hafa samband.
Eftir Örn Þórarinsson
Skagafjörður | Misjafnt er
hvernig fólki gengur að láta
drauma sína rætast. Sumum
tekst að hrinda hugmyndum sín-
um í framkvæmd en öðrum ekki.
Það fyrrnefnda á við ung hjón,
Steinunni Þórisdóttur og Valdi-
mar Jónsson, sem nýverið hófu
kúabúskap í Skagafirði. Þar með
hrintu þau í framkvæmd hug-
mynd sem þau höfðu gengið með
nokkur ár. En hvað varð til þess
að þau réðust í að taka jörð á
leigu og kaupa áhöfn og vélar?
Fréttaritari hélt á þeirra fund og
lagði þessa spurningu fyrir þau.
„Ég er fæddur og uppalinn í
sveit, á bænum Litlu-Hámund-
arstöðum á Árskógsströnd í
Eyjafirði,“ segir Valdimar. „Eftir
grunnskólanám stundaði ég ýmsa
vinnu, m.a. sjómennsku. Ég fór
svo í bændadeildina á Hvanneyri
og lauk prófi þaðan 1998. Var í
rauninni alltaf staðráðinn í að
verða bóndi. Eftir námið á
Hvanneyri starfaði ég mest við
akstur í Reykjavík en greip í ým-
islegt með,“ sagði Valdimar.
Steinunn er hins vegar borg-
arbarn, ólst upp í Hafnarfirði og
hefur auk þess búið í Garðabæ og
Mosfellsbæ. „Ég fékk hinsvegar
fljótt áhuga fyrir sveitinni og var
dugleg að koma mér í vinnu á
sveitabæjum og hef alltaf kunnað
vel við það. Ég á tvær stelpur af
fyrra hjónabandi, átti þær jafn-
hliða kennaranámi. En við Valdi-
mar bjuggum síðast á Hvanneyri
þar sem ég stundaði BS-nám við
Landbúnaðarháskólann.“
„Við byrjuðum að leita að jörð
fyrir um einu og hálfu ári,“ held-
ur Steinunn áfram. „Þá auglýst-
um við eftir jörð með kúabúskap
eða blönduðu búi. Svo vorum við
líka búin að skoða heilmikið á
fasteignasölunum án þess að
finna það sem við vildum eða urð-
um of sein til að festa það. Svo
settum við auglýsingu í Bænda-
blaðið í maí þar sem við aug-
lýstum eftir jörð og það svöruðu
okkur þónokkrir. Það var ým-
islegt í boðið og sumt á mjög
sanngjörnu verði. Við skoðuðum
þessa jörð, Reykjarhól í Austur-
Fljótum, í byrjun maí. Hún var
ekki til sölu en bústofn og vélar,
hluti af mjólkurkvóta og þær
framkvæmdir sem bóndinn hafði
gert á jörðinni þau tvö ár sem
hann hafði búið. Þetta fór svo í
umhugsun í nokkurn tíma en
þegar ljóst var að við gætum
gengið inn í samning bóndans við
jarðeiganda fórum við að hugsa
þetta af meiri alvöru. Það varð
svo niðurstaðan að láta slag
standa og stökkva á þetta. Okkur
fannst þetta spennandi dæmi
með ýmsa möguleika þótt þetta
kosti mikla vinnu, við gerum okk-
ur fulla grein fyrir því.“
– Og hvernig hafa þessar
fyrstu vikur sem bændur verið?
„Við tókum formlega við 1. júlí.
Ég var að sjálfsögðu þaulvanur
mjöltum og öllu slíku því ég er
uppalinn í sveit og var búinn að
sjá um fjós fyrir vin minn í fyrra-
vetur,“ sagði Valdimar. „Þetta er
hefðbundið básafjós en búið að
setja í það mjaltabás og flór-
sköfur. Við erum bara að kynnast
þessum gripum sem við keyptum.
Kýrnar eru 24 og svo bera lík-
lega 10 kvígur í haust. Fjósið
tekur 32 kýr og svo stendur til að
byggja geldneytaaðstöðu. Svo
kaupum við eitthvað af sauðfé í
haust. Við byrjuðum að sjálf-
sögðu heyskap fljótlega eftir að
við tókum við. Hann gekk í raun
mjög vel, nema hvað það spratt
freka illa vegna þeirra miklu
þurrka sem verið hafa nánast um
allt land í sumar. Systir Stein-
unnar var hér í mestallt sumar
og hjálpaði okkur mikið. Svo hafa
ættingjar og vinir verið að heim-
sækja okkur eftir að við fluttum
og hjálpað okkur mikið. Við erum
ekki búin að taka alla búslóðina
upp úr kössunum ennþá,“ sagði
Valdimar.
Öðruvísi en ég hef kynnst
„Mér hefur líkað mjög vel,
bæði vinnan við kýrnar og líka að
vera á vélunum um heyskapinn.
Við keyptum raunar nýja John
Deer-dráttarvél eftir að við tók-
um við. Þetta hafa verið anna-
samar vikur, eiginlega ævintýri
líkastar og öðruvísi en ég hef
kynnst áður. En þetta hefur bara
verið þrælskemmtilegt, ennþá,“
sagði Steinunn Þórisdóttir.
Ung hjón létu drauminn rætast og hófu búskap á Reykjarhóli í Fljótum
Hefur verið þrælskemmtilegt
Morgunblaðið/Örn Þórarinsson
Tækjakosturinn bættur Steinunn Þórisdóttir og Valdimar Jónsson,
bændur á Reykjarhóli, við dráttarvélina sem þau keyptu á dögunum.
Reykjanesbær | Sam-
keppniseftirlitið hefur
ákveðið að sekta Bruna-
varnir Suðurnesja um
600 þúsund krónur
vegna brota á skilyrðum
sem samkeppnisráð
hafði sett um fjárhags-
legan aðskilnað í rekstri
útkallsþjónustu. Slökkvi-
liðsstjórinn segir að sektin komi á óvart
því rekstrinum hafi verið breytt og Bruna-
varnir séu ekki lengur í samkeppn-
isrekstri.
Brunavarnir Suðurnesja ráku á sínum
tíma öryggiskerfi fyrir fyrirtæki og stofn-
anir á Suðurnesjum og sinntu frá vaktstöð
sinni. Sigmundur Eyþórsson slökkviliðs-
stjóri segir að þetta verkefni hafi lent á
slökkviliðinu vegna þess hvað fá kerfi voru
á svæðinu og öryggisfyrirtæki því ekki
sóst eftir þessum viðskiptum.
Árið 1994 tók samkeppnisráð ákvörðun
um fjárhagslegan aðskilnað í rekstri
Brunavarna Suðurnesja milli þess hluta
rekstrarins sem naut einkaleyfis eða
verndar, svo sem rekstur slökkviliðs og
sjúkraflutninga, og samkeppnisreksturs
sem rekstur öryggiskerfanna flokkaðist
undir. Á árinu 2004 breyttu Brunavarnir
rekstri sínum, hættu sjálfstæðum rekstri
öryggiskerfa, en sömdu við Öryggis-
miðstöð Íslands og Securitas um að sinna
fyrir þau útkallsþjónustu. Um leið var fjár-
hagslegur aðskilnaður afnuminn. Sam-
keppniseftirlitið hefur nú sektað fyr-
irtækið fyrir þetta. Segir að BS hafi brotið
gegn úrskurðinum frá 1994 og það hafi
einnig leitt til röskunar á samkeppni á
markaði fyrir útkalls- og vaktþjónustu.
Sigmundur segir að við breytingarnar
hafi Brunavarnir hætt samkeppnisrekstri
en vinni nú sem verktakar fyrir öryggis-
fyrirtækin. Telur hann það ástæðuna fyrir
því að fjárhagslegum aðskilnaði var hætt.
Hann segir að framhaldið sé í skoðun.
Sekta brunavarnir
fyrir brot á skil-
yrðum úrskurðar
AUSTURLAND
Eftir Gunnar Gunnarsson
Fljótsdalshérað | Bæjarlistamað-
ur Fljótsdalshéraðs var útnefndur
í fyrsta skipti síðasta laugardag,
þegar fagnað var sextíu ára afmæli
þéttbýlis á Egilsstöðum. Heiðurinn
hlotnaðist Charles Ross sem hefur
kennt, spilað og samið tónlist á
Austurlandi í tuttugu ár.
Héraðshátíðinni Ormsteiti var
slitið á sunnudag á Skriðuklaustri,
en Fljótsdalsdagur var tíundi og
seinasti dagur hátíðarinnar. Í
Klaustur mættu svo margir gestir
á tónleika Ljótu hálfvitanna að
flytja þurfti þá frá skemmunni og
niður að Gunnarshúsi, en spilað
var á stéttinni fyrir utan húsið.
Víkingar sýndu listir sínar og
Ungmennafélagið Þristur stóð fyr-
ir óhefðbundinni íþróttakeppni.
Litrík Sumarhátíð
Um tvö hundruð keppendur
tóku þátt í Sumarhátíð UÍA sem
fram fór á Fljótsdalshéraði um
helgina. Hátíðin teygði sig yfir
þrjá daga, þann fyrsta var keppt í
golfi og sundi, þann næsta í frjáls-
um og knattspyrnu en frjáls-
íþróttakeppnin tók tvo daga.
Keppendur hrepptu almennt gott
veður, utan stöku gróðrarskúra.
Helstu úrslit urðu þau að í liða-
keppni í sundi fór Austri með sig-
ur af hólmi. Fjarðabyggð sigraði
bæði A- og B-flokk í knattspyrnu
stráka í 6. flokki en í stelpnaflokki
var það USÚ sem sigraði. Í liða-
keppni í frjálsum sigraði Höttur í
yngri flokki en Þristur í eldri
flokki.
Charles
Ross
heiðraður
Morgunblaðið/Gunnar Gunnarsson
Bæjarlistamaður og bæjarstjóri Charles Ross og Eiríkur Björgvinsson
glaðir eftir útnefningu fyrsta bæjarlistamanns Fljótsdalshéraðs.
Stolt Yngstu keppendurnir fengu allir verðlaunapeninga.