Morgunblaðið - 19.10.2007, Blaðsíða 31

MORGUNBLAÐIÐ FÖSTUDAGUR 19. OKTÓBER 2007 31
vín
leitt í eins konar nýbylgjustíl. Fersk-
leiki nýja heimsins og fágun Frakk-
lands í einni flösku. Ekki slæmt.
Skörp og seiðandi angan af sítrus –
þá aðallega sætum og þroskuðum
greipávexti – ferskjum og rifs- og
týtuberjum. Ferskt og sýruríkt í
munni með góðum, allþykkum og að-
laðandi ávexti. Eitt og sér, með
humri, hörpuskel eða öðrum skel-
fiski, eða krydduðum réttum með
austurlensku ívafi. Vín sem er eig-
inlega algjört æði og frábær kaup.
1.299 krónur. 91/100
Frá Sauvignon-þrúgunni í Loire
yfir til Chardonnay í Búrgund.
Domaine de la Mandeliere Cha-
blis 2004 er klassískur og þokka-
fullur Chablis, steinefnakenndur
sítrus og smjör í nefi ásamt ferskum
kryddjurtum, þykkt, feitt, ferskt
með reykjarkeim í munni. Með
þorski, humri og öðru góðu sjáv-
arfangi. 1.579 krónur. 88/100
Þá þrjú rauðvín frá Bordeaux sem
öll koma frá hitabylgjusumrinu
mikla 2003. Vínin þetta sumar voru
oft óvenjuleg og það á við um Bor-
deaux sem önnur evrópsk víngerð-
arsvæði. Þetta eru ekki vín sem alla-
jafna henta til langtímageymslu líkt
og klassísk Bordeaux-vín, hins vegar
geta þau verið einstaklega aðlaðandi
og aðgengileg nú þegar.
Chateau Fongaban Cotes de Ca-
stillon 2003 er rauðvín í „St-Emilion-
stíl“ með ríkjandi Merlot. Plómur,
kaffi og heitur þroskaður ávöxtur.
Fágað, með mjúkum, þroskuðum
tannínum, góðum ballans og dýpt.
Vín sem algjör óþarfi er að bíða eftir
heldur best að njóta núna. Mun þó
eflaust halda sér vel í 3-5 ár. 1.499
krónur. 89/100
Chateau Poitevin 2003 er Cru Bo-
urgoeis frá Médoc. Uppruninn leynir
sér ekki. Sólber og plómur, vanilla og
vindlakassi. Ávöxturinn kryddaður,
þroskaður og mjúkur og tannín
sömuleiðis. Mjög góð kaup. 1.699
krónur. 90/100
Í Chateau de l’Hospital frá Graves
kemur hinn heiti ávöxtur 2003
greinilega fram, hefur sum einkenni
vína frá suðrænni slóðum í stílnum
með áberandi Merlot. Þroskaðar
plómur og svört ber, kremað með af-
ar mjúkum tannínum. Góð lengd og
ágætt jafnvægi. 2.199 krónur. 89/
100
Eftir Steingrím Sigurgeirsson
sts@mbl.is
Úrval vandaðra vína í fríhöfn-inni á Keflavíkurflugvellier orðið ansi athyglisvert
og þar má fá mörg spennandi vín
sem ekki eru fáanleg í hinum hefð-
bundnu vínbúðum. Þarna eru til
dæmis fáanleg mörg afskaplega
frambærileg frönsk gæðavín,
rauð, hvít og freyðandi. Ekki
spillir verðið og þarna er því
með sanni hægt að gera frá-
bær kaup í vínum, oft tölu-
vert betri en jafnvel í frí-
höfnum erlendra flugvalla.
Kíkjum fyrst á þrjú hvít-
vín frá Loire, öll að sjálf-
sögðu úr þrúgunni Sauvig-
non Blanc, sem er
meginþrúga þessa víngerð-
arhéraðs. Fyrst tvö frá ná-
grannaþorpunum Sancerre
og Pouilly sem hvort um sig
eru rómuð fyrir hvítvín sín
en Sauvignon-þrúgan nær
þar hvað hæstum hæðum í
heiminum þótt stíll þorp-
anna sé vissulega æði ólíkur
og ekki sé langt á milli
þeirra.
Daniel Reverdy & Fils San-
cerre 2006 skarpur, grænn og hvít-
ur ávöxtur, ástaraldin og ber, nokk-
uð grösugt. Daniel Reverdy er lítið
en hátt skrifað fjölskyldufyrirtæki.
Vínið mjög þurrt, sýrumikið og
ferskt. 1.799 krónur. 90/100
Domaine de Bel Air Pouilly-Fumé
2006 er vín frá öðru litlu fjölskyldu-
fyrirtæki, Mauroy Gauliez, sem einn-
ig er talið með þeim betri í sinni
sveit. Þurrt í nefi sem munni, með
steinefnum, brennisteini og byssu-
púðri ásamt kívíávexti og nýslegnu
grasi. Mætti reyna með reyktum
laxi, humri eða jafnvel hvítu kjöti.
Vín sem gæti verið spennandi að
geyma í 2-3 ár. 1.799 krónur. 91/100
Les Carisannes Sauvignon Blanc
2006 er flokkað sem „vin de pays“ en
angar og bragðast líkt og dýrindis
Sancerre og þó ekki alveg, þarna er
líka að finna kraft og þroska sem
maður finnur yfirleitt frekar á suð-
rænni slóðum, s.s. Nýja-Sjálandi.
Þegar betur er að gáð ætti það ekki
að koma á óvart að Sancerre komi
upp í hugann því framleiðandinn Hu-
bert Brochard hefur einmitt aðsetur
í Chavignol í grennd við Sancerre.
Þetta eru því þrúgur á jaðri San-
cerre-svæðisins sem ná ekki að
flokkast sem slíkar – og vínið fram-
Frönsk í fríhöfninni
SMÁVEGIS skammtur af óhreinindum gæti verið
besta lyfið gegn ofnæmi í börnum því rannsóknir
benda til að fjölgun ofnæmistilfella meðal barna megi
rekja til dauðhreinsaðs umhverfis allt í kringum okk-
ur.
„Við höfum þróað með okkur „of hreinan“ lífsstíl,
sem leitt hefur til þess að í stað þess að ónæm-
iskerfið þurfi að berjast við sýkingar hefur ofnæm-
istilfellum fjölgað mikið,“ sagði Marc McMorris
barnaofnæmislæknir við Michigan-háskóla í samtali
við vefmiðil NBC nýlega.
Ríflega 50% Bandaríkjamanna á aldrinum 6 til 59
ára eru sagðir bera ofnæmisvalda, samkvæmt könnun
sem gerð var á árunum 1988 til 1994. Það er allt að
fimm sinnum hærri tala en fram kom í sams konar
könnun, sem framkvæmd var á árunum 1976 til 1980.
Vísbendingar eru nú um að svokölluð hreinlæt-
istilgáta valdi sívaxandi ofnæmistilfellum meðal
barna, en ofnæmi er viðbragð ónæmiskerfisins við
venjulega framandi, en yfirleitt meinlausum efnum.
Algengir ofnæmisvaldar eru frjó, mold, dýr, ryk og
ákveðnar matartegundir. Rannsókn, sem birt var árið
2002, leiddi í ljós að börn þar sem voru heim-
ilishundar eða -kettir á fyrstu árum ævinnar voru
ekki eins líkleg og önnur börn, sem ekki höfðu gælu-
dýr á heimilinu til að þróa með sér ofnæmi. Sérfræð-
ingar eru þó á því að frekari rannsókna sé þörf á
þeirri staðreynd að ofnæmissjúkdómum fer sífellt
fjölgandi í öllu hreinlætinu sem vestrænar þjóðir búa
nú að öllu jöfnu við.
Á misjöfnu þríf-
ast börnin best
Morgunblaðið/Jim Smart
Að leik Það getur verið gaman að sulla, enda getur smá
skammtur af óhreinindum bara reynst hið besta mál.
Áleitið verk um ástina.
Nýr sýningatími 31. okt og
1. nóv kl. 14.
Þjóðleikhúsið
Á öllum sviðum lífsins
Afgreiðsla miðasölu á Hverfisgötu er opin frá kl. 12.30–18.00
mán. og þri. Aðra daga frá kl. 12.30–20.00.
Símapantanir frá kl. 10.00 virka daga.
Miðasala í síma 551 1200 og á www.leikhusid.is
Hamskiptin
eftir Franz Kafka
„Nýstárleg og skemmtileg
leiksýning“. Elísabet Brekkan, Fréttablaðið
Síðasta sýning 1. desember.
Gott kvöld
eftir Áslaugu Jónsdóttur
„Gott kvöld er eins konar
lofgjörð til ímyndunaraflsins,
lýsing á lækningarmætti þess
og krafti.“ Jón Viðar Jónsson, DV
Örfá sæti laus um helgina.
Hjónabands-
glæpir
eftir Eric-Emmanuel Schmitt
söngleikur eftir Hugleik Dagsson og Flís
LEG
Aðrar sýningar um helgina:
KAFKA OG SONUR, magnaður einleikur um samband
Franz Kafka við föður sinn.
ÓHAPP! eftir Bjarna Jónsson. Krassandi verk úr íslenskum
veruleika.
Yfir 9.000 áhorfendur!
12 Grímutilnefningar.
Frábær skemmtun fyrir
ungmenni á öllum aldri!