Morgunblaðið - 05.11.2007, Blaðsíða 11

MORGUNBLAÐIÐ MÁNUDAGUR 5. NÓVEMBER 2007 11
FRÉTTIR
kl.
08
:00
ÁFÖSTUDAGINN
BJÖRGUNARSVEITIN Þorbjörn í
Grindavík hélt upp á 60 ára afmæli
sitt um nýliðna helgi og stóð meðal
annars fyrir menningar- og sögu-
tengdri göngu um Þórkötlu-
staðanes og hafði opið hús fyrir al-
menning. Einnig voru eldri félagar
sveitarinnar heiðraðir í afmælishófi
sveitarinnar. Bárust henni margar
góðar gjafir á tímamótunum og var
m.a. skrifað undir samning við
Grindavíkurbæ um áframhaldandi
stuðning við sveitina.
Björgunarsveitin Þorbjörn er ein
af best útbúnu sjóbjörgunarsveitum
landsins og hefur hún kappkostað
að þjálfa upp menn og koma sér
upp tækjum. Árangur hennar er í
samræmi við það en hún hefur frá
stofnun bjargað 232 mannslífum úr
sjávarháska. Sveitin er einnig öflug
á öðrum sviðum björgunarstarfs.
Síðastliðin ár hefur sveitin verið
kölluð út að meðaltali 38 sinnum á
ári.
Björgunarsveitin Þorbjörn
hefur bjargað 232 manns
Ólafur Örn Ólafsson bæjarstjóri og
Bogi Adolfsson, form. Þorbjarnar
NEFND sem forsætisráðherra skipaði 17. júní sl. til að
undirbúa hvernig minnast eigi þess að 17. júní 2011
verða liðin 200 ár frá fæðingu Jóns Sigurðssonar forseta
hefur tekið til starfa. Nefndin er skipuð fulltrúum þeirra
stjórnmálaflokka sem sæti eiga á Alþingi. Að auki sitja í
nefndinni fulltrúar Alþingis og Hrafnseyrarnefndar.
Formaður nefndarinnar er Sólveig Pétursdóttir fv. for-
seti Alþingis.
Nefndinni er ætlað að gera fyrstu tillögur til forsætis-
ráðherra eigi síðar en í árslok 2008 en vinna síðan að
undirbúningi hátíðarhalda á árinu 2011.
Nefndin mun enn fremur leita eftir tillögum frá stofn-
unum og samtökum sem tengjast minningu Jóns Sigurðssonar forseta. Í til-
kynningu frá forsætisráðuneytinu er þeim sem hafa áhuga á að leggja
nefndinni til hugmyndir um hvernig minnast megi tímamótanna bent á að
senda þær til ráðuneytisins í Stjórnarráðshúsinu, merkt Afmælisnefnd
Jóns Sigurðssonar, eða á netfangið postur@for.stjr.is.
Nefnd um minningu Jóns
Sigurðssonar tekin til starfa
Sólveig
Pétursdóttir
SÉRSTAKIR heilsudagar með kyrrð
og íhugun verða haldnir í Skálholti
um næstu helgi. Hefjast þeir á föstu-
dag kl. 18 og standa fram yfir há-
degi á sunnudag. Í fréttatilkynningu
kemur fram að boðið verður upp á
fjölbreytta dagskrá sem er í höndum
hjartalæknis, hjúkrunarfræðings,
sjúkraþjálfara, kennara og guðfræð-
ings. Meðal annars verður fjallað um
kyrrð og heilsu, jafnvægi, sátt og
lífsgæði. Þá verður flutt erindi um
Jobsbók og þær mannlegu spurn-
ingar sem þar birtast. Þátttakendum
gefst kostur á að mæta á fimmtu-
dagskvöldi og nota föstudaginn til
undirbúnings og slökunar. Skráning
og nánari upplýsingar í síma 486
8870 eða með netfanginu rekt-
or@skalholt.is.
Morgunblaðið/Brynjar Gauti
Ró Heilsudagar verða í Skálholti
Kyrrð og íhug-
un í Skálholti
MARTIN Haworth, yfirmaður stefnumótunar ensku bændasamtakanna
National Farmer’s Union, mun ræða um þróun landbúnaðar og bú-
vöruverðs í heiminum og framtíðarhorfur í þeim efnum á morgunfundi
Bændasamtaka Íslands sem fram fer í Sunnusal Hótels Sögu í fyrramálið.
Haworth var ráðinn til starfa hjá ensku bændasamtökunum árið 1980 og
hefur hann gegnt fjölmörgum ábyrgðarstöðum innan þeirra. Hann annast
nú stefnumótun samtakanna.
Morgunfundurinn er haldinn undir yfirskriftinni „Hvað kostar maturinn
minn á morgun?“ og mun m.a. verða til umræðu aukin ásókn Asíubúa í
landbúnaðarvörur og vaxandi umhverfisvitund neytenda gagnvart fram-
leiðslu landbúnaðarafurða í Norðvestur-Evrópu.
Að loknu erindi Haworths fara fram pallborðsumræður en við borðið
munu ásamt Haworth sitja Salvör Jónsdóttir, Sigurður Jónsson og Daði
Már Kristófersson.
Hvað kostar maturinn
STJÓRN Félags íslenskra hjúkr-
unarfræðinga sendi nýlega for-
manni Blaðamannafélags Íslands
bréf þar sem farið var þess á
leit að hann beindi þeim til-
mælum til félagsmanna í BÍ að
þeir notuðu rétt starfsheiti
hjúkrunarfræðinga í skrifum
sínum um þá og kvengerðu það
ekki.
Í bréfinu segir að það komi
enn fyrir í fyrirsögnum, frétt-
um, greinum og þýðingum að
talað sé um „hjúkrunarkonur“
eða „hjúkkur“ og ósjaldan vísað
til hjúkrunarfræðinga sem
„þær“. Þetta sé mjög villandi.
Konur séu vissulega í meirihluta
í stéttinni en körlunum fjölgi þó
ár frá ári. Minnt er á að hugtak-
anotkun í fjölmiðlum hafi áhrif á
viðhorf almennings og því skipti
miklu að hún sé rétt.
Vara við rangri
hugtakanotkun
FRIÐGEIR Björnsson fyrrverandi
dómsstjóri hefur verið skipaður
formaður úrskurðarnefndar um
upplýsingamál í stað Páls Hreins-
sonar sem sagði sig úr nefndinni
þegar hann var skipaður hæstarétt-
ardómari í september sl. Trausti
Fannar Valsson lögfræðingur tekur
sæti Friðgeirs sem varaformaður,
að því er fram kemur í frétt frá for-
sætisráðuneytinu.
Nýr formaður upp-
lýsinganefndar