Morgunblaðið - 15.11.2007, Blaðsíða 46

46 FIMMTUDAGUR 15. NÓVEMBER 2007 MORGUNBLAÐIÐ
HIN árlega Lotto Open-dans-
keppni var haldin í Íþróttahúsinu
við Strandgötu í Hafnarfirði laug-
ardaginn 3. nóvember síðastliðinn.
Dansíþróttafélag Hafnarfjarðar
stóð að keppninni með mynd-
arbrag, en þetta er í 16. skiptið
sem keppnin er haldin undir stjórn
Auðar Haraldsdóttur danskennara.
Umgjörð keppninnar var mjög
glæsileg og greinilega mikið í lagt.
Lýsingin var einstaklega skemmti-
leg með kösturum sem lýstu upp
dansgólfið og gerðu umhverfið hlý-
legt.
Sú breyting hefur orðið á Lotto-
mótinu á síðastliðnum árum að
keppnin hefur verið opnuð fyrir
erlend danspör, en þau voru held-
ur færri í ár en í fyrra. Það voru
sjö alþjóðlegir dómarar sem skiptu
með sér dómgæslunni; Ave Vardja
frá Eistlandi, Carola Tuokko frá
Finnlandi, Vitors Abamovs frá
Lettlandi, Julie Tomkins frá Eng-
landi og svo þrír dómarar frá Ís-
landi; Kara Arngrímsdóttir, Heið-
ar Ástvaldsson og Árni Þór
Eyþórsson.Það var bæjarstjóri
Hafnarfjarðar, Lúðvík Geirsson,
sem setti mótið. Keppt var í öllum
aldursflokkum, en danskeppnum
er almennt skipt í flokka eftir
aldri og getu. Styrkleikaflokkarnir
eru þrír, B fyrir byrjendur, K fyr-
ir keppnisflokk og F fyrir frjálsa
aðferð.
Gott starf í dansskólunum
Keppnin byrjaði á yngstu flokk-
unum sem kepptu með grunn-
aðferð, byrjendur fengu einnig að
stíga sín fyrstu skref með þátttöku
í sýningu sem fram fór eftir setn-
ingarathöfn og gekk mjög vel. Það
er greinilega gott starf sem fram
fer í dansfélögum og dansskólum
landsins og gaman var að sjá
yngstu börnin svífa um gólfið í
sínu fínasta pússi. Eftir setning-
arathöfn og sýningar tók við
keppni fyrir þá sem lengra eru
komnir eða í flokkum K og F. Ég
mun stikla á stóru með úrslit
keppninnar og fara aðeins yfir úr-
slit í flokkum með frjálsri aðferð.
Öll önnur úrslit er að finna á
heimsíðu Dansíþróttafélags Hafn-
arfjarðar á www.dih.is.
Í flokki unglinga I F (12-13 ára)
í standarddönsum urðu í 1. sæti
þau Andri Fannar Pétursson og
Helga Kristín Ingólfsdóttir frá
Dansíþróttafélagi Hafnarfjarðar.
Þau dönsuðu af miklu öryggi, með
gott danshald, mættu passa aðeins
upp á mýktina í hægu dönsunum.
Í 2. sæti voru Valentín Loftsson
og Tinna Björk Gunnarsdóttir frá
Dansíþróttafélagi Hafnarfjarðar.
Þau voru að gera mjög góða hluti,
mættu auka skrefastærðina í slow-
dönsunum. Í 3. sæti voru Þorkell
Jónsson og Malín Agla Kristjáns-
dóttir frá Dansfélagi Reykjavíkur.
Þau komu mér á óvart, hefur farið
mikið fram. Voru með fallegt flæði
yfir gólfið en þurfa að passa dans-
stöðuna.
Í suðuramerísku dönsunum urðu
Andri Fannar og Helga aftur í 1.
sæti. Þau dönsuðu af mikilli
snerpu og öryggi. Andri mætti
gefa aðeins meira af sér á gólfinu
til áhorfenda og Helga mætti
styrkja á sér fæturna, voru svolítið
bognir. Í 2. sæti voru Valentín og
Tinna Björk eins og í stand-
arddönsunum. Voru með góðan
rytma, Tinna Björk var klárlega
með sterkustu fæturna af döm-
unum í úrslitunum, fallegt par. Í 3.
sæti voru Pétur Geir Magnússon
og Helga Sigrún Hermannsdóttir
frá Dansíþróttafélagi Hafn-
arfjarðar. Þetta er þeirra fyrsta
keppni saman, þau eru bæði mjög
efnileg en vantaði samhæfingu
sem kemur eflaust með meiri æf-
ingu.
Í flokki unglinga II F (14–15)
standarddönsum urðu í fyrsta sæti
Sigurður Már Atlason og Sara Rós
Jakobsdóttir frá Dansíþróttafélagi
Hafnarfjarðar. Þau eru mjög
keppnisreynt par, hafa dansað
saman lengi og sigruðu örugglega.
Þau ferðuðust vel á gólfinu og
skila alltaf sínu. Í 2. sæti voru
Björn Halldór Ýmisson og Jóna
Kristín Benediktsdóttir frá Dans-
íþróttafélagi Hafnarfjarðar. Þau
eru nýtt danspar og miklir hæfi-
leikar á ferðinni. Voru aðeins óör-
ugg, en eru bæði tæknilega góð og
eiga framtíðina fyrir sér. Í 3. sæti
voru Hilmar Steinn Gunnarsson og
Elísabet Halldórsdóttir. Þau voru
glæsileg á gólfinu með flotta dans-
stöðu. Í suðuramerísku dönsunum
voru Sigurður Már og Sara Rós
aftur í 1. sæti. Þau voru klárlega
sigurvegararnir á gólfinu. Mjög
örugg og skiluðu sínu vel. Sara
mætti brosa aðeins meira. Hilmar
Steinn og Elísabet skutust upp
fyrir Björn og Jónu í suðuramer-
ísku dönsunum og urðu í 2. sæti.
Þeim hefur farið mjög mikið fram
og fannst mér þau með sér-
staklega flott útlit á gólfinu. Í 3.
sæti urðu því Björn Halldór og
Jóna Kristín. Þau eru sem áður
sagði nýtt par og eiga framtíðina
fyrir sér, þurfa aðeins meiri æf-
ingu til að fá meira öryggi.
Í flokki ungmenna (16-18) stand-
arddönsum urðu í 1. sæti Björn
Ingi Pálsson og Denise Margrét
Yaghi frá Dansíþróttafélagi Hafn-
arfjarðar. Þau eru nýtt danspar en
bæði reyndir dansarar. Denise er
alltaf jafn falleg á gólfi, en mér
fannst þau virka óörugg á köflum.
Í 2. sæti urðu Andrius Jarackas og
Agne Satkauskaite frá Litháen.
Þau voru með fallegt flæði yfir
gólfið, fannst tangó þeirra slakasti
dans, vantaði upp á snerpu og út-
hald. Í 3. sæti voru Alexander Ma-
teev og Lilja Harðardóttir frá
Hvönn. Þeim hefur farið mikið
fram frá því í vor og skiluðu sínu.
Blésu ekki úr nös í úrslitunum.
Í 1. sæti í suðuramerísku döns-
unum voru Aðalsteinn Kjartansson
og Rakel Guðmundsdóttir frá
Dansíþróttafélagi Hafnarfjarðar.
Þau sérhæfa sig í suðuramerískum
dönsum og voru í góðu formi, með
snerpu og liðleika. Rakel var með
flottustu fæturna á gólfinu. Í 2.
sæti voru Björn Ingi Pálsson og
Denise Margrét Yaghi frá Dans-
íþróttafélagi Hafnarfjarðar. Þau
voru ekki alveg komin í réttan gír,
en eru góðir dansarar og hafa allt
til að bera. Í 3. sæti voru Sigurður
Þór Sigurðsson og Ásta Björg
Magnúsdóttir frá Dansíþrótta-
félagi Hafnarfjarðar. Þau dönsuðu
mjög vel, en Ásta mætti gefa
meira af sér, brosa meira.
Elsti flokkurinn
Elsti flokkurinn sem keppti á
þessu móti var flokkur fullorðinna.
Þar mega keppa dansarar sem eru
16 ára og eldri. Þ.a.l. gátu þau pör
sem kepptu í flokki ungmenna
einnig keppt þar. Í standarddöns-
unum voru það sömu pörin sem
fengu efstu þrjú sætin. Andrius og
Agne frá Litháen náðu að hreppa
1. sætið af Birni Inga og Denise
Margréti sem lentu í 2. sæti. Lítið
virtist vera eftir af þoli hjá Birni
og Denise eftir að hafa dansað
bæði í flokki ungmenna og fullorð-
inna. Alexander og Lilja héldu 3.
sætinu og voru vel að því komin. Í
suðuramerísku dönsunum mættu
ný pör til leiks, sem voru þá 18
ára og eldri. Þessi flokkur var há-
punktur kvöldsins og frábær sýn-
ing. Í 1. sæti urðu Przemek Lo-
wicki og Ásta Sigvaldadóttir frá
Dansíþróttafélagi Hafnarfjarðar.
Þau eru hálf-íslenskt par sem
stundar sína keppnisþjálfun er-
lendis. Ásta mætti til leiks með
nýjan dansfélaga frá því í fyrra, en
þá keppti hún fyrir England. Ásta
og Przemek voru í sérflokki á gólf-
inu. Sjálfsörugg, góður fótaburður
og mikil útgeislun sem skilaði sér
til áhorfenda. Rúmba og pasó voru
þeirra bestu dansar. Í 2. sæti voru
Aðalsteinn Kjartansson og Rakel
Guðmundsdóttir frá Dansíþrótta-
félagi Hafnarfjarðar. Þau dönsuðu
mjög vel og voru örugg með 2.
sætið. Í þriðja sæti voru Björn
Ingi Pálsson og Denise Margrét
Yagli frá Dansíþróttafélagi Hafn-
arfjarðar. Þau eru eins og áður
kom fram nýtt danspar, náðu sér
ekki alveg á strik en eru bæði tvö
góðir dansarar.
Á Lotto Open eru árlega valin
Lottódanspör ársins. Þá er valið
eitt danspar sem keppir í dansi
með grunnaðferð og annað sem
keppir með frjálsri aðferð.
Lottópar ársins
Á danskeppnum fer dómgæsla
þannig fram að þangað til í úrslit-
um er þetta eins konar útslátt-
arkeppni. Dómarar velja fyrirfram
ákveðinn fjölda para áfram í
næstu umferð. Þegar kemur að úr-
slitum raða dómarar pörunum nið-
ur í sæti og er hver dans dæmdur
sér. Það par sem vinnur flesta
dansa er sigurvegari. Þau pör sem
fá oftast dæmt fyrsta sæti hjá
dómurunum fá þennan titil, Lot-
tópar árins. Að þessu sinni voru
það þau Birkir Örn Karlsson og
Rakel Ýr Högnadóttir frá Dans-
íþróttafélagi Kópavogs sem hlutu
titilinn fyrir dans með grunnaðferð
og þau Sigurður Már Atlason og
Sara Rós Jakobsdóttir, Dans-
íþróttafélagi Hafnarfjarðar, fyrir
dans með frjálsri aðferð.
Þetta var mjög ánægjulegur
laugardagur á skemmtilegri dans-
keppni. Rennslið gekk allt mjög
vel fyrir sig og tónlistin var ágæt.
Íþróttahúsið við Strandgötu hent-
ar vel til dansiðkunar vegna
stærðar, það myndast skemmtilegt
andrúmsloft og húsið heldur vel
utan um keppendur og áhorf-
endur.
Fyrirkomulagið á verðlaunaaf-
hendingunum fannst mér sér-
staklega gott, öll pörin sem döns-
uðu í úrslitum hverju sinni voru
fengin út á gólfið til að bíða eftir
niðurstöðum, þetta flýtti fyrir og
sparaði mikinn tíma. Deginum var
skipt upp með skemmtiatriðum
sem var góð tilbreyting. Kara Arn-
grímsdóttir danskennari var feng-
in út á gólf til að kenna áhorf-
endum dans ársins sem valinn var
í Smáralind fyrir nokkru. Það var
fullt gólfið og fólkið virtist
skemmta sér vel. Keppni um dans
ársins var haldin opinberlega nú í
ár í fyrsta skipti, að henni stóðu;
FM 95,7, Egils Kristall og Dans-
ráð Íslands.
Áður var keppnin einungis inn-
an Dansráðs Íslands og er þetta
skemmtileg nýjung sem vonandi
verður aftur að ári. Til gamans má
geta að það voru tæplega 100
dansar sendir í keppnina. Ég
minni á að öll úrslit í Lottókeppn-
inni, bæði með grunn- og frjálsri
aðferð, er að finna á heimasíðu
Dansíþróttafélags Hafnarfjarðar,
www.dih.is.
Jólasýning á Hótel Íslandi
Næsta keppnistímabil hjá döns-
urum landsins hefst eftir áramót,
ég vil minna á árlega jólasýningu
Dansráðs Íslands sem haldin verð-
ur á Hótel Íslandi sunnudaginn 25.
nóvember. Samhliða þeirri sýningu
er danskeppni fyrir þá sem keppa
með frjálsri aðferð. Fengnir eru
þjóðþekktir einstaklingar til að
dæma á mótinu, það skapast því
annað andrúmsloft en á venjulegri
keppni og er meira eins og sýning
á bestu danspörum Íslands.
Að lokum vil ég óska öllum sig-
urvegurum keppninnar til ham-
ingju, og jafnframt hvetja þá sem
ekki hrepptu verðlaun að þessu
sinni til að vera duglegir að æfa
sig fyrir næstu keppni. Ég óska
Dansíþróttafélagi Hafnarfjarðar
og Auði Haraldsdóttur danskenn-
ara til hamingju með vel heppnað
mót.
Vel heppnað dansmót í Firðinum
DANS
Íþróttahúsinu við Strandgötu í
Hafnafirði
3. nóvember 2007
OPIÐ ALÞJÓÐLEGT DANSMÓT Á ÍSLANDI
Morgunblaðið/Jón Svavarsson
Andri Fannar Pétursson og Helga Kristín Ingólfs-
dóttir, tvöflaldir sigurvegrar í flokki unglinga I F
Aðalsteinn Kjartansson og Rakel Guðmundsdóttir, sig-
urvegarar í flokki ungmenna F suðuramerískir dansar.
Przemek Lowicki og Ásta Sigvaldadóttir, sigurvegarar í
flokki Fullorðinna F suðuramerískir dansar.
Sigurður Már Atlason og Sara Rós Jakobsdóttir. Tvöfald-
ir sigurvegarar í flokki Unglinga II F og Lottódanspar
2007 með frjálsri aðferð.
danshusid@islandia.is
Hildur Ýr Arnarsdóttir, danskennari