Morgunblaðið - 19.01.2008, Blaðsíða 16

16 LAUGARDAGUR 19. JANÚAR 2008 MORGUNBLAÐIÐ
ERLENT
Ægir Breiðfjörð, lögg. fasteignasali.
Netfang: borgir@borgir.is • www.borgir.is
Ármúla 1, sími 588 2030 – fax 588 2033
KLEIFARVEGUR - REYKJAVÍK
GLÆSILEGT EINBÝLISHÚS 434 FM MEÐ 135
fm AUKAÍBÚÐ Á EINSTÖKUM ÚTSÝNISSTAÐ
OFARLEGA Í LAUGARÁSNUM.
Húsið er teiknað af Sigvalda Thordarsyni og er allt
hið vandaðasta. Eignin hefur ávallt fengið gott
viðhald og er því í mjög góðu ásigkomulagi.
Húsið er allt mjög rúmgott þ.e. stórar stofur og stór
herbergi. Útsýni yfir borgina og í vestur.
Staðsetning er innarlega í botnlangagötu í mjög
rólegu umhverfi.
m
bl
9
61
37
4
BRESKIR vísinda-
menn hafa hafið
smíði öflugs jóna-
hreyfils til að knýja
BepiColumbo-
könnunarhnettina,
sem ráðgert er að
muni halda á leið til
Merkúr, innstu
reikistjörnunnar í
sólkerfinu, árið 2013. Þangað eiga þeir að koma árið 2019.
Hreyflarnir sem um ræðir eru sagðir komast 6,3 milljónir km á lítranum
af eldsneyti, ef svo má að orði komast. Verkefnið kostar hálfan milljarð
punda, um 63,9 milljarða íslenskra króna, og er samvinnuverkefni Evr-
ópsku geimferðastofnunarinnar, ESA, og Astrium, stærsta geimferðafyrir-
tækis Evrópu.
BepiColumbo samanstendur af tveimur könnunarhnöttum sem aðskiljast
þegar nær dregur Merkúr og eru þeir sem fyrr segir knúnir jónahreyflum.
Felur sú tækni í sér stöðugan straum rafhlaðinna agna sem þeyta þeim
áfram um geiminn, en eins og áhugamenn um Star Trek-geimdramað vita
er sú tækni einmitt notuð til að knýja Star Trek Enterprise-geimskipið.
Vél könnunarhnatta minnir
á jónahreyflana í Star Trek
Geimur BepiColumbo (t.v.) og Star Trek Enterprise.
FLUGSTJÓRI BA-farþegaþotunnar, sem brotlenti á eða
við Heathrow-flugvöll í London í fyrradag, var í gær
kallaður hetja og honum þakkað hve giftusamlega tókst
til þrátt fyrir óhappið.
Enginn farþeganna 136 eða flugliðanna 16 á Boeing
777-þotunni, sem var að koma frá Peking í Kína, slas-
aðist en vélin náði ekki inn á flugbrautina eftir að hafa
misst afl. „Sæmið hann orðu á stærð við steikarpönnu“
var fyrirsögnin í Daily Mirror um flugstjórann Peter
Burkill og Gordon Brown, forsætisráðherra Bretlands,
hrósaði flugmönnum og öðru starfsfólki BA fyrir yfir-
vegun og fagmennsku.
Búist er við, að fyrstu niðurstöður rannsóknar á atburðinum verði birtar
í dag en getgátur eru um, að fugl hafi lent í hreyfli eða jafnvel, að flugvélin
hafi verið orðin eldsneytislaus. Haft var eftir einum farþeganna, að það
hefði ekki tekið nema tvær eða þrjár mínútur að koma þeim öllum frá
borði. „Þetta var mikill hamingjudagur,“ sagði hann.
Flugstjórinn kallaður hetja
eftir brotlendingu á Heathrow
Björgunarmenn
við BA-þotuna.
CIA, bandaríska leyniþjónustan,
hefur tekið undir þá fullyrðingu
pakistanskra stjórnvalda, að pak-
istanski stríðsherrann Baitullah
Mehsud og al-Qaeda-hryðjuverka-
samtökin hafi staðið fyrir morðinu
á Benazir Bhutto.
Kom þetta fram hjá Michael
Hayden, yfirmanni CIA, í viðtali við
Washington Post en hann greindi
ekki frá því hvaða heimildir hann
hefði fyrir þessu áliti.
Mehsud sjálfur neitar allri sök en
pakistanska leyniþjónustan segist
hafa hlerað síma hans og komist að
aðild hans svo óyggjandi sé. Sagði
Hayden, að tilgangur hryðjuverka-
manna væri að valda sem mestum
glundroða í Pakistan.
Reuters
Fallin Benazir Bhutto, leiðtogi
stjórnarandstöðunnar í Pakistan.
Nefna morð-
ingja Bhutto
OMAR Osama bin Laden, sonur leiðtoga al-Qaeda-
hryðjuverkasamtakanna, segist vonast til, að hann geti
orðið nokkurs konar friðflytjandi og sáttasemjari milli
múslíma og vestrænna ríkja. Hefur Omar, sem er 26 ára,
óskað eftir að fá að setjast að í Bretlandi en á síðasta ári
kvæntist hann breskri konu, Jane Felix-Brown, sem er
helmingi eldri en hann, 52 ára.
Omar er eitt af 19 börnum föður síns og hann segist
vilja vinna gegn þeirri skoðun margra, að arabar, svo
ekki sé talað um bin Laden-slektið, séu hryðjuverka-
menn upp til hópa. Segist hann hafa verið í þjálf-
unarbúðum al-Qaeda í Súdan á sínum tíma en sagt skilið við föður sinn
vegna þess, að hann hefði verið andvígur því, sem hann þóttist berjast fyr-
ir. Nú vildi hann gerast sendiherra friðar og sátta.
Friðflytjandinn bin Laden
Omar bin Laden
BÚIST er við, að kínverskir bílar
hefji fyrir alvöru innreið sína í
Evrópu á þessu ári. Hafa aðrir bíla-
framleiðendur miklar áhyggjur af
því. Þykja bílarnir ekki vandaðir en
verðið er hins vegar miklu lægra.
Óttast Kínabíla
SAGT er, að minnst 36 hafi legið í
valnum eftir að til vopnaviðskipta
kom með lögreglumönnum og fé-
lögum í íröskum dómsdagssöfnuði í
borginni Basra í Suður-Írak.
Mikið mannfall
MIKIL flóð voru 20% fleiri á síðasta
ári en verið hefur til jafnaðar síð-
astliðin sjö ár. Dauðsföll af völdum
náttúruhamfara voru samt færri á
síðasta ári en á tímabilinu 2000 til
2006 segir í skýrslu frá SÞ.
2007 mikið flóðaár
ÁSTRALIR sóttu í gær tvo menn
frá samtökunum Sea Shepherd í
japanskt hvalveiðiskip. Þar hafði
þeim verið haldið eftir að hafa
ruðst óboðnir um borð til að mót-
mæla hvalveiðum.
„Gestirnir“ sóttir
STUTT
Eftir Baldur Arnarson
baldura@mbl.is
STERK staða Rússa á evrópska
orkumarkaðnum efldist enn frekar í
gær eftir samninga um sölu á gasi til
Búlgaríu að verðmæti hundruð millj-
arða íslenskra króna.
Vladímír Pútín Rússlandsforseti
undirritaði samningana í tveggja
daga opinberri heimsókn sinni til
Búlgaríu, ásamt Georgy Parvanov,
forseta landsins, og fól sá stærsti í
sér lagningu 900 km gasleiðslu sem
mun liggja yfir Svartahafið og síðan
skiptast í tvennt: Annar hlutinn mun
liggja til Austurríkis en hinn til
Grikklands og þaðan vestur til Ítalíu
og er verðmæti samningsins áætlað
um 950 milljarðar
króna.
Evrópusam-
bandið undirbýr
lagningu leiðsl-
unnar Nabucco,
sem á að liggja
frá Mið-Asíu til
Evrópu og ætlað
er að draga úr
þörfinni fyrir inn-
flutt gas frá
Rússlandi, og þykja samningarnir
nú vega á móti þeirri orkustefnu.
Miklar hækkanir í Evrópu
Miklar verðhækkanir á gasi í
Bretlandi héldu áfram í gær þegar
British Gas varð þriðja orkufyrir-
tækið í landinu til að hækka gasverð
á árinu. Hækkunin nemur 15% og
nær til yfir 13 milljóna viðskiptavina.
Fyrirtækið lækkaði verð á gasi til
heimila um 20% í mars í fyrra, skref
sem hefur nú verið tekið til baka.
Þá hefur franska orkufyrirtækið
EDF hækkað verðið á gasi um 12,9%
til 5,5 milljóna viðskiptavina í suður-
hluta Bretlands, þ.m.t. í Lundúnum.
Er áætlað að meðalorkureikning-
ur viðskiptavina EDF muni fara yfir
128 þús. kr. á ári eftir hækkunina og
er óttast að hinir tekjuminni muni
freistast til að draga úr hitun.
Búast sérfræðingar við að orku-
fyrirtækin E.On, Scottish & South-
ern Energy og Scottish Power muni
öll hækka verðskrár sínar.
Rússar styrkja takið
 Sölusamningur við Búlgaríu um kaup á gasi eflir markaðs-
stöðuna í Evrópu  Miklar verðhækkanir á gasi í Bretlandi
Vladímír
Pútín
KÍNVERSKUR verkamaður horfir á útskorna ólympíu-
hringi sem eru til sýnis á 22. Yanqing-snjóhátíðinni í
Peking. Þema hátíðarinnar í ár er Sumarólympíuleik-
arnir í borginni í ágústmánuði í ár, en stjórnvöld gera
þá kröfu til gesta á opnunarhátíðinni að þeir framvísi
mynd og persónuupplýsingum fyrirfram.
AP
Ólympíuhringirnir höggnir í ís