Morgunblaðið - 07.02.2008, Blaðsíða 11

MORGUNBLAÐIÐ FIMMTUDAGUR 7. FEBRÚAR 2008 11
FRÉTTIR
Eftir Örlyg Stein Sigurjónsson
orsi@mbl.is
ÞAÐ er brýnt að vekja atvinnubíl-
stjóra til umhugsunar um ábyrgð
þeirra á frágangi á farmi til að fyr-
irbyggja slys að mati Signýjar Sig-
urðardóttur, forstöðumanns flutn-
ingasviðs SVÞ, Samtaka verslunar
og þjónustu, sem nú vinnur að gerð
leiðbeinandi handbókar fyrir bíl-
stjóra. Bókin er væntanleg í apríl
eða maí.
Segja má að hvert óhappið hafi
rekið annað á liðnum misserum þar
sem legið hefur við alvarlegum slys-
um þegar hlöss detta af vörubíls-
pöllum og hefur umferðardeild lög-
reglunnar á höfuðborgarsvæðinu
reglulega látið til sín taka til að
stemma stigu við ástandinu. Síðast í
fyrradag féllu mörg 800 kg þung
stálrör af bíl á fjölförnum gatnamót-
um í Hafnarfirði.
Að sögn Signýjar hafa öryggis-
stjórar flutningafyrirtækjanna Sam-
skipa og Eimskipafélagsins staðið
fyrir fjölmörgum úrbótum í öryggis-
átt innan sinna fyrirtækja.
Fyrir um ári hófst flutningasvið
SVÞ handa við undirbúning öryggis-
átaksins með útgáfu handbók-
arinnar. Markmiðið er að setja sam-
an skýrar og leiðbeinandi reglur til
hagnýtra nota fyrir atvinnubílstjóra
og gera stórátak í að innleiða vönduð
og fagleg vinnubrögð varðandi frá-
gang á farmi á meðal atvinnubíl-
stjóra í landinu.
Bregðast við harðri gagnrýni
Aðdragandi verkefnisins var hörð
gagnrýni og ítrekaðar ábendingar í
blöðum um slælegan frágang á bíl-
förmum og í drögum að handbókinni
segir, að atvinnugreinin sé að sýna
ábyrgð með því að taka málið til al-
varlegrar athugunar og gera eitt-
hvað í því sjálf í stað þess að bíða eft-
ir regluverki að ofan.
„Markmiðið er að hafa bókina not-
endavæna og hún verður byggð upp
með ljósmyndum af raunverulegum
dæmum til að efnið geti nýst bíl-
stjórum,“ segir Signý. „Texta verður
haldið í lágmarki en lögð áhersla á
einfaldar og skýrar leiðbeiningar.“
Í tengslum við útgáfuna var stofn-
aður öryggishópur með fulltrúum
víða að og hefur hann skoðað reglu-
gerðarumhverfið og ýmis tilvik.
Brýnasta viðfangsefni hópsins hefur
verið að takast á við reglugerð-
arumhverfið en tillaga um breytingu
á reglugerð um frágang á farmi hef-
ur verið lögð fyrir stjórnvöld.
Hvert hlassið á fætur öðru hefur fallið af vörubílspöllum á undanförnum misserum
Stórátak gegn
lélegum frá-
gangi á farmi
Í hringtorgi Farmur þessarar vöruflutningabifreiðar losnaði þegar ekið
var um hringtorg á Suðurlandsvegi við Breiðholtsbraut.
Árvakur/Júlíus
Steypumót Mildi þótti, að ekki skyldi verða stórslys við gatnamót Miklu-
brautar og Grensásvegar sl. haust þegar þessi farmur féll í götuna.
VERG landsframleiðsla á Íslandi er
30% yfir meðaltali Evrópusambands-
ríkjanna 27. Þetta kemur fram í ár-
legum verðsamanburði fyrir árið 2005
ásamt bráðabirgðaniðurstöðum árið
2006. Samanburðurinn nær til Ís-
lands og 36 annarra Evrópuríkja.
Hlutfallslegt verðlag er einnig
hæst á Íslandi, 42% yfir meðaltalinu
fyrir landsframleiðsluna í heild og
64% yfir því fyrir mat og drykkjar-
vörur. Niðurstöður eru afar mismun-
andi milli ríkja. Landsframleiðslan er
minnst í Albaníu, 21% af meðaltali
ESB. Mest er landsframleiðsla á
mann í Lúxemborg, 180% yfir með-
altalinu og minnst í Albaníu, eða 21%
af meðaltali ESB.
Séu einstakar neysluvörur skoðað-
ar fyrir árið 2006 kemur í ljós að
áfengi hér á landi er 126% dýrara en
meðalverð í ESB-ríkjunum. Mjólk,
ostar og egg eru 50% dýrari hér og
ávextir, grænmeti og kartöflur 53%
dýrari. Föt og skór eru líka dýrari á
Íslandi en meðaltalið innan ESB og
munar þar 50%.
Gengið skiptir máli
í samanburðinum
Niðurstöður samanburðarins eru
gefnar út í Hagtíðindum Hagstofu Ís-
lands.
Guðrún R. Jónsdóttir, deildarstjóri
vísitöludeildar Hagstofunnar, segir
að upplýsingar á borð við þessar séu
teknar saman einu sinni á ári. Hún
segir niðurstöðurnar sýna að Ísland
sé sem fyrr í hópi þeirra ríkja þar sem
landsframleiðslan er mest. „Verið er
að skoða hvað karfa af vörum og þjón-
ustu sem kostar að meðaltali 100 evr-
ur í ESB-löndunum, kostar í hverju
landi fyrir sig,“ segir hún. Gengi ís-
lensku krónunnar skipti máli í þessu
samhengi og því sé erfitt að gera sam-
anburð á verðlaginu milli ára. Hún
nefnir sem dæmi árið 2005 en það ár
var gengi íslensku krónunnar mjög
hátt. „Þá var Ísland 73% yfir Evrópu-
meðaltali þegar kom að mat og drykk
en er núna 64% yfir þessu meðaltali,“
segir hún. Vegna gengisbreytinga sé
ekki hægt að útskýra þennan mun
með því að verðlag á Íslandi hafi
lækkað á tímabilinu.
Guðrún bendir á að verðlag á Ís-
landi sé ekki aðeins hátt hvað varðar
mat og drykk. Þegar kemur að heild-
areinkaneyslu er Ísland hæst ásamt
Noregi og Danmörku, eða 42% yfir
Evrópusambandsmeðaltalinu. Þá eru
skoðaðar allar þær vörur og öll sú
þjónusta sem heimilin kaupa. Al-
mennt sé verðlag hærra í gömlu Evr-
ópusambandsríkjunum, EFTA-ríkj-
unum og ríkjunum í Norður-Evrópu.
Matur og
drykkur 64%
dýrari en í ESB
Föt og skór 50% dýrari en meðaltal ESB
JAFNVÆGISVERÐ á kvótamark-
aði í Danmörku er á bilinu 1,99-2,04
danskar krónur á kíló mjólkur, með
4,36% fitu. Verðlækkun um 80 danska
aura hefur því orðið síðan í nóvember,
eða um 28%. Þetta kemur fram á vef-
síðu Landssambands kúabænda.
Sex mánuðir eru síðan kvótaverð í
Danmörku var í sögulegu hámarki,
4,63 danskar krónur. Kvótaverðið er
því núna um 67% af afurðaverði.
Þá segir á vef Landssamtaka kúa-
bænda að væntingar hafi verið uppi
um að verðið myndi lækka á mark-
aðnum í febrúar, þar sem umræða um
niðurlagningu kvótakerfisins í fyr-
irsjáanlegri framtíð sé hávær. Einnig
verði landskvóti hvers af aðildarlönd-
um ESB aukinn frá og með 1. apríl
næstkomandi. Magnið sem komið
verður í verð í febrúarmánuði sé að-
eins rúmlega helmingur af því sem
skipti um eigendur á febrúarmarkaði
fyrir ári, 67.000 tonn á móti 127.000
tonnum fyrir ári. Á sama tíma hafi
verðið lækkað um nálega 50%.
Kvótaverð
hríðfellur í
Danmörku
28% lækkun síðan
í nóvember sl.
STYRKJUM var úthlutað úr Styrkt-
arsjóði Baugs Group í gær. 348 um-
sóknir bárust sjóðnum.
Fjörutíu og sex einstaklingar og
félög hlutu styrki úr sjóðnum að
þessu sinni, samtals um 35,5 millj-
ónir króna.
Velferðarmál og kvikmyndir
Styrk upp á eina milljón króna
hlutu eftirtaldir: Íslandsdeild Nor-
disk Forening mod börnemishand-
ling og omsorgssvikt, til að halda
ráðstefnu á Íslandi um Börn og van-
rækslu. Sigríður Ólafsdóttir og Anna
G. Júlíusdóttir til að framleiða náms-
efni í íslensku sem öðru tungumáli
fyrir grunnskólabörn. Áfangaheimil-
ið Dyngjan, til að reka áfangaheimili
fyrir konur á öllum aldri sem eru að
koma úr áfengis- eða vímuefnameð-
ferð. Safnasafnið – Alþýðulistasafn
Íslands hlaut styrk til kaupa á lyftu
fyrir fatlaða og hreyfihamlaða. Þá
hlaut Steinunn Birna Ragnarsdóttir
sömu upphæð fyrir Reykholtshátíð
2008, alþjóðlega tónlistarhátíð í
Reykholti. Karlakórinn Heimir í
Skagafirði, til að setja saman dag-
skrá um Stefán Íslandi. Tóney, fyrir
tónlistarþjálfun fyrir blinda og sjón-
skerta, svo og þjálfun fyrir ung-
menni sem lent hafa í ógöngum á lífs-
leiðinni. Askur og Embla ehf., til
gerðar heimildarmyndar um fólk
sem vill þekkja uppruna sinn. Pas-
sport Kvikmyndir, til gerðar heim-
ildarmyndar um mannlíf á norðan-
verðum Vestfjörðum fyrir og eftir
mannskæðustu snjóflóð í sögu lands-
ins. Krumma Film, fyrir heimildar-
mynd um réttindabaráttu homma og
lesbía.
Tónlist, þýðingar og tækjakaup
800.000 krónur hlaut Elíza M.
Geirsdóttir Newman, til að kynna
nýja sólóplötu og tónleikaferð um
Bretland.
Hálfrar milljónar króna styrk
hlutu eftirtaldir: Söngskóli Sigurðar
Demetz til kaupa á flygli í skólann.
Foreldrafélag Drengjakórs Reykja-
víkur, til útgáfu á hljómdiski með
Drengjakór Reykjavíkur og kórferð-
ar til Barcelóna. Táknmál ehf., til að
gera fyrstu teiknimynd í heimi þar
sem persónurnar tala táknmál. Ljós-
op ehf., til gerðar heimildarmyndar
um líf í sjávarþorpi á Vestfjörðum.
Öldrunarheimili Akureyrar, til nám-
skeiðshalds á Akureyri í Eden Al-
ternative hugmyndafræði, nýrri sýn
á þjónustu á öldrunarheimilum.
Gunnar Kvaran sellóleikari hlaut
sömu styrkupphæð til tónleikaraðar
sinnar, „Töframáttur tónlistar“ sem
veitir þeim sem minna mega sín
tækifæri til að hlusta á tónlist í
fyrsta flokks flutningi endurgjalds-
laust. 300.000 krónur hlaut Sigurður
Flosason, til tónleikaferðar til New
York. Jóhanna Mjöll Þórmarsdóttir
fékk 200.000 krónur til að þýða bók-
ina Gut and Psychology Syndrome
eftir dr. Natasha Campell McBride.
Bókin fjallar um náttúrulega með-
ferð gegn einhverfu og ofvirkni.
Björgunarsveitin Kjölur á Kjalar-
nesi fékk 143.400 krónur til kaupa á
skyndihjálparbúnaði.
Árvakur/Golli
Fengu styrk Fjörutíu og sex einstaklingar og félög hlutu styrki úr sjóðnum að þessu sinni. 348 umsóknir bárust.
35,5 milljónum úthlutað
úr styrktarsjóði Baugs
RAFMAGN fór af vesturhluta
Kópavogs klukkan 17.40 í gær. Skv.
upplýsingum frá OR varð bilun í há-
spennustreng en rafmagni var
komið á eftir öðrum leiðum klukk-
an 19.12 í gærkvöldi. Bilunin varð á
háannatíma, sem tafði viðgerð.
Rafmagnslaust
í Kópavogi
♦♦♦