Morgunblaðið - 07.02.2008, Blaðsíða 16
16 FIMMTUDAGUR 7. FEBRÚAR 2008 MORGUNBLAÐIÐ
AKUREYRI
Kárahnjúkavirkjun | Hert verður á
því að menn fylgi öryggisreglum í
vinnubúðum Landsvirkjunar við
Hraunaveitu, í kjölfar þess að maður
var þar hætt kominn eftir að hann
villtist frá vinnubúðum um sl. helgi.
Sigurður Arnalds hjá Lands-
virkjun segir þetta stórhættulegt og
manninn hæglega hafa getað orðið
úti. „Þetta verður til þess að menn
fara mjög í saumana á að herða á
öllu liðinu að fylgja ströngum
reglum um að hreyfa sig ekki þegar
svona viðrar, án þess að aðrir viti, og
að hafa möguleika á fjarskiptum.“
Betur fór
en á horfðist
Maðurinn, sem villtist frá vinnubúð-
unum, starfar á svæðinu og var hann
að fara í tíu-kaffi frá verkstæði yfir í
mötuneyti sl. laugardag, nokkur
hundruð metra leið eftir vegi. Hon-
um láðist, að sögn Sigurðar, að láta
vita að hann væri að fara og tók ekki
með sér síma, eins og öryggisreglur
kveða á um. Maðurinn villtist nokk-
uð af leið til austurs í stífum skaf-
renningi og um 8 stiga frosti og lét
fyrir berast þar sem hann var niður
kominn. Um hádegi söknuðu vinnu-
félagar hans og fóru þá út að leita og
fundu hann fljótt. Maðurinn var þá
orðinn mjög kaldur og var drifinn til
hjúkrunarfræðings á staðnum sem
hlúði að honum. Hann hresstist
nokkuð fljótt og dvaldi í búðunum
þann daginn og nóttina vegna veð-
urs, en var svo ekið á sjúkrahúsið á
Egilsstöðum næsta morgun þar sem
búið var um kalsár á höndum.
Vinnufélagi ók honum svo á sjúkra-
húsið á Akureyri þar sem gengið var
betur frá umbúðum og hann svo út-
skrifaður sl. mánudag. Ekki hefur
reynst unnt að fá viðtal við manninn.
Hert verður á því
að menn fari að
öryggisreglum
LANDIÐ
Egilsstaðir | Á Bókasafni Hér-
aðsbúa hófst í síðustu viku dagskrá
sem sérstaklega er ætluð útlend-
ingum á svæðinu. Þrjú félagasam-
tök á Fljótsdalshéraði hafa tekið sig
saman um verkefnið og munu sjálf-
boðaliðar frá þeim mæta í bóka-
safnið á hverjum fimmtudegi milli
kl. 17 og 19 fram til vors. Þetta eru
Héraðsdeild Rauða krossins, Nor-
ræna félagið og Soroptim-
istaklúbbur Austurlands.
Soroptimistar afhentu bókasafn-
inu pólskar bækur að gjöf sl.
fimmtudag og verða þær til útláns.
Þá gefa Soroptimistar einnig pólsk-
ar bækur til Bókasafnsins á Seyð-
isfirði. Með þessu stuðla samtökin
að því að bókasöfnin standi sem
flestum opin.
Austfirsku bókasöfnin hafa
markað sér þá stefnu að hafa pólsk-
ar bækur fyrir börn og unglinga til
útláns, þar sem fjöldi Pólverja í
fjórðungnum er orðinn nokkur og
þ. á m. börn, sem skortir lesefni á
sínu móðurmáli. Að auki ætla bóka-
söfnin hvert um sig að leggja
áherslu á annað erlent tungumál í
bókakosti sínum og ætlar Bókasafn
Héraðsbúa t.d. að sérhæfa sig í
þýskum bókum.
Kynna þjóðfélag og menningu
Sem dæmi um fimmtudags-
dagskrárliði ætlaða erlendum íbú-
um svæðisins næstu vikurnar má
nefna kynningu á árstíðunum og ís-
lenska veðrinu, íslenskum dag-
blöðum, umfjöllun um réttindi og
skyldur, heilbrigðiskerfið, ferða-
leiðir á Austurlandi og bæjarhá-
tíðir, íslenskar barnabækur, banka-
kerfið, íslenskar hannyrðir og
eldamennsku.
Síðasti fimmtudagurinn með
þessu sniði í bókasafninu verður í
lok júní.
Árvakur/Steinunn Ásmundsdóttir
Bókheimar Alla jafna er líflegt á Bókasafni Héraðsbúa enda góðan bóka-
kost þar að finna. Hér afgreiðir Guðrún Gunnarsdóttir viðskiptavini.
Bókasöfnin laða
til sín erlenda íbúa
Fáskrúðsfjörður | „Það er býsna
streituvaldandi að vinna við snjó-
mokstur í blindhríð og menn orðnir
uppstífir af því að vera í svona
færð,“ segir Orri Harðarson, sem
vinnur á snjóruðningstækjum hjá
Vöggi ehf. á Fáskrúðsfirði. Sl.
mánudag lenti hann í stóru snjó-
flóði í Mjósundum milli Fáskrúðs-
og Stöðvarfjarða. Munaði ekki
miklu að flóðið hrifi 20 tonna þung-
an snjóruðningsvörubíl Orra tugi
metra niður í stórgrýtta fjöru. Ekki
segist hann hafa lent í viðlíka áður
en sé furðu lítið brugðið.
„Við erum með snjóhreinsun frá
Breiðdalsvík, norður á Norðfjörð,
yfir Fagradal upp í Egilsstaði og
yfir Breiðdalsheiði. Það er meiri
snjór í vetur en hefur verið und-
anfarið, en maður hefur séð miklu
meiri snjó en þetta.“ Orri segir
Fagradalinn, Oddsskarðið og Breið-
dalsheiðina langþyngstu kaflana á
þeim leggjum sem Vöggur er með.
„Snjóruðningstækin geta haldið
endalaust áfram þótt maður sjái
nánast ekki milli stika. En þegar
orðnir eru tugir bílar fastir eins og
var á Fagradal á mánudag veist þú
ekki neitt hvenær þú ert að ryðja
snjó og hvenær bíl. Það er ógnvekj-
andi að menn fara þessar leiðir þótt
standi stórum stöfum á skiltunum
að það sé lokað. Við snjóruðnings-
menn skiljum það ekki orðið. Fólk
lokar augunum fyrir íslenskri veðr-
áttu.“
Að ryðja snjó en
ekki bílum í óveðri
Árvakur/Steinunn Ásmundsdóttir
Lokað Snjóruðningstækin geta rutt
út í eitt ef bílar þvælast ekki fyrir.
Reyðarfjörður | Framtíð Austur-
lands, menntun, orka og tækifæri,
var yfirskrift málþings sem haldið
var í gær á Reyðarfirði. Var það að
undirlagi Háskólans á Bifröst og
Þekkingarnets Austurlands.
Á þinginu ræddi Friðrik Sophus-
son, forstjóri Landsvirkjunar hvern-
ig nýting orkulinda skapaði ný tæki-
færi í menntun og atvinnu. Grétar Þ.
Eyþórsson, prófessor á Bifröst velti
upp tækifærum Austfirðinga og
Stefanía G. Kristinsdóttir, frkvstj.
Þekkingarnetsins, ræddi þjónustu
við þekkingarsamfélagið. Þá fjallaði
Einar R. Haraldsson, forstjóri Heil-
brigðisstofnunar Austurlands, um
möguleika fólks til fjarnáms og
Helga Jónsdóttir, bæjarstjóri
Fjarðabyggðar tók saman erindi og
umræður. Fundarstjóri var Ágúst
Einarsson, rektor á Bifröst.
Þingað um hlutverk
menntunar í framtíðinni
MIKIÐ var um að vera í verslunum
og öðrum fyrirtækjum á Akureyri í
gær eins og venjulega á öskudaginn.
Kötturinn var sleginn úr tunnunni á
Ráðhústorgi og sáu starfsmenn
Norðurorku um að undirbúa það.
Árni Páll Árnason varð tunnukóng-
ur og Reynir Birgisson katt-
arkóngur. Ungur drengur sem
blaðamaður ræddi við á Ráðhústorgi
var sannfærður um að köttur væri í
tunnunni „og það kemur popp úr
kettinum,“ sagði stráksi. Líf og fjör
var í fyrirtækinu Blikkrás við Óseyri
að vanda, en þar hafa Oddur Helgi
Halldórsson og hans fólk staðið fyrir
söngkeppni á þessum degi í mörg ár.
Þá má geta þess að krakkar sem
komu við hjá bæjarsjónvarpinu N4
sungu öll í beinni útsendingu.
Smá hjálp Starfsmenn Norðurorku aðstoðuðu suma á Ráðhústorginu.
„Það kem-
ur popp úr
kettinum“
Glaðar í bragði Þessi fríði flokkur var fyrir utan VÍS við Glerárgötu.
Árvakur/Skapti HallgrímssonReitt til höggs Hann tók vel á því, þessi drengur, þegar hann freistaði þess að næla sér í katt rkóngstitilinn.
ÁKVEÐIÐ
hefur verið að
sýning Leik-
félags Akur-
eyrar á leikrit-
inu Ökutímum
verði á fjölun-
um í Reykja-
vík næsta
haust en ekki
er ljóst hvar
það verður. Sýningum lauk á Ak-
ureyri í vikunni fyrir troðfullu húsi
en að sögn Magnúsar Geirs Þórð-
arsonar leikhússtjóra þurfti að
hætta til þess að rýma fyrir næstu
frumsýningu, Dubbeldusch eftir
Björn Hlyn Haraldsson. „Við
fylgjum þannig stefnu okkar um
þéttar sýningar í takmarkaðan
tíma,“ segir Magnús. „Við höfum
fengið fjölda áskorana um að koma
með Ökutíma suður og munum
bregðast við því í þetta skiptið.“
Sýningum á Óvitum eftir Guð-
rúnu Helgadóttur var líka hætt
fyrir fullu húsi í desember og
strax þá var ákveðið að þeir mættu
aftur til leiks í Samkomuhúsinu í
haust.
Ökutímar
sýndir í
Reykjavík
NOKKRIR vistmenn og starfsmenn
á Dvalarheimilinu Hlíð, heimili eldri
borgara, hafa veikst vegna nóró-
veirusýkingar sem greindist á tveim-
ur deildum á dögunum. Umrædd
veira er ein algengasta orsök fjölda-
sýkinga á sjúkrahúsum, hún er bráð-
smitandi en reyndar hættulaus full-
frísku fólki.
Nóróveiru-
sýking á Hlíð
♦♦♦